日喜樓

今日放工 屋企人話想食上海菜， 去咗銅鑼灣登龍街嗰邊啲 V Point, 好大雨我哋唔可以周圍去， 就揀咗地庫嗰间《日喜樓》， 食上海，川菜。去到差不多六點半，時間尚早， 餐廳樓底好高， 空間感十足。 一般食川菜嘅地方大圆枱比較少， 這裏竟然有4，5張大圓枱， 啱曬公司一大班人或 親友聚會。餐牌選擇甚多， 上海菜，四川菜，廣東小菜小炒都有。沖咗壺菊花 （茶介每位12）， 夜晚飲啱啱好唔會瞓唔著。蔥油拌海蜇$78海蜇夠爽脆， 加入蔥油又有唔同食法， 成個感覺唔係用醋為主要調味， 而係變咗較重味嘅蔥油， 提供芥辣， 相當嶄新嘅調味料。不過 個人覺得作為前菜冷盤， 都係偏酸嘅或者帶醋味 會比較開胃。日喜灌湯小籠包$74果然係招牌推介菜式， 皮超薄， 筷子夾起嘅時候 裏面嘅湯重到往下墜。 咬開爆湯嘅小籠包， 餡料亦相當美味，肉質肥瘦適中， 調味亦恰到好處 ，混和肉汁湯汁同吃， 啖啖滋味。銀芽炒鱔糊$128放棄韭黃炒鱔糊因為韭黃如果唔夠嫩或者炒耐咗會好韌。 這份 鱔糊個汁夠濃夠惹味， 唯獨鱔肉質地唔夠 結實彈牙而且仲有少少腥， 亦唔夠蒜頭爆香嘅味道。砂鍋雲吞雞半隻 $98這是推廣價相當抵食， 雲吞雞湯非常清甜， 可以分到六碗湯，👍， 雲吞大大粒餡料切到好幼细， 半隻雞雞肉相對偏鞋。羊肉搶湯麵$58個湯好濃郁但係飲落清甜， 似有好多蔬菜餚製出嚟嘅味道， 亦冇羊肉嘅羶味。 麵質过腍， 似用作做酸辣麵嘅麵底。餐廳另一招牌係50小碟，100小碟， 淨係睇餐牌 非常吸引， 希望下次有機會可以一試。…查看更多

前陣子網上看到日喜樓的50小碟被吸引到，雖然發現是6-8位用，但餐牌上的其他菜式都蠻吸引的，便跟男友少有的來吃中菜。週日還好訂了位，全場都坐滿了人，有一家人的，也有一大群朋友的。剛好在其中一桌客人來臨之前拍到大桌子，椅子桌子都不同顏色配搭，很是好看。很久沒吃北京填鴨，要了半份，還有其他各種小菜。涼拌貓耳朵 $68涼拌貓耳朵蒜香味十足，貓耳朵爽脆，讓我一口接一口很快就吃完了。茶樹菇金菇高湯翡翠苗 $88翡翠苗不是到處都有賣，這個還要配上茶樹菇和金菇，鮮甜好吃。咕嚕蝦球（四件） $128男友點的咕嚕蝦球，咕嚕醬汁酸酸甜甜很是開胃。蝦球不是一般的大，肉質厚實鮮味，一件已經很飽肚。日喜灌湯小籠包 $63小籠包有四件，這個相對的比較普通一點，沒什麼特別。北京填鴨（半隻） $159北京填鴨半隻已經份量十足，兩個人分享真的吃得有點吃力。半隻北京填鴨餐牌上寫的是$228，不過原來正在進行優惠，很划算呢！近年越來越多比較新型的中餐館，餐牌裝潢比較現代化又好看，餐牌食物都蠻有特色的，有機會也想試一下50小碟。…查看更多

呢間餐廳既一個主要賣點係有百碟宴食，好似好正咁😍如果揾到咁多人一齊去我都想試下😛餐廳係銅鑼灣登龍街，地點方便不在話下，裏面環境寬敞光猛，裝修都幾high class，座位闊落，感覺都好舒服😊最初以為用ipad點菜，原來ipad只係用黎睇餐牌🤣茶芥$12位，我地揀左普洱，比普通酒樓飲到既好飲👍🏻.🐥杞子花彫醉雞 醉雞既份量唔少，肉質都幾滑，食落有淡淡既花彫酒味，加埋幾粒杞子，甜甜地，味道唔錯！.🦐乾燒蝦球配鍋巴底 (四件)蝦球好大隻，肉質彈牙，加上沾滿甜甜地又辣辣地既醬，好惹味🥰而鍋巴底仲有驚喜🤩原來撈左鹹蛋黃炸架💕鹹香味十足而且非常香脆可口。呢個餸可謂色香味俱全，全晚最讚👍🏻.🦆北京填鴨(半隻)而家做緊優惠，半隻北京填鴨只係$159😉半隻份量都好多😆皮薄得黎好香脆，肉質幾嫩，有小小位置偏肥，但都唔算好油膩。平時食到最後一定會唔夠薄餅皮，但呢度有12塊咁多😂最後竟然係有皮淨🤣🤣但食到一半個皮凍左就開始硬😣由於個人唔食京蔥，所以我只配青瓜同烤鴨醬☝🏻.日喜灌湯小籠包 (四件)熱辣辣既小籠包食落鮮甜多汁，皮薄但完全冇穿，輕鬆將佢夾起😬值得一試👏🏻👏🏻👏🏻…查看更多

精緻中菜@銅鑼灣上海菜嘅涼菜眾多，我至愛係醉雞。呢個杞子花雕醉雞嘅花雕酒香四溢，滲透到每一件雞呀，雞肉都好滑嫩，水準好好 而且杞子鋪排到花形，令賣相更精緻！芙蓉三鮮個名充滿詩意，其實係包含海鮮嘅炒蛋白嚟。三鮮就係蝦仁、帶子同鮑片，份量豐富，蛋白既嫩又吸收咗三鮮嘅鮮味～京燒羊係傳統京菜，而家以新派嘅樣子呈上，唯一不變嘅就係外脆肉軟嗰股經典味道。鍾意羊肉嘅人必試！黃金蝦球包咗層鹹蛋，所以先金黃色嘅外表，鹹蛋固然惹味鹹香，但值得一讚係蝦球無被蓋過，仍然鮮甜爽滑彈牙小籠包係必食 item，呢個日喜灌湯小籠包真係好多湯，成隻好飽滿咁半隻香酥鴨價錢唔貴，鴨肉入味，配咗幾個荷葉夾（就係蒸籠裏嗰幾個似包嘅東西）可以將鴨肉包起食。甜品係可愛嘅南瓜造型，不過內裏犯紫薯餡，所以甜品名稱就叫「吾是南瓜」，哈哈～ 紫薯甜而不膩，都唔錯。…查看更多

銅鑼灣V Point前身為另一座大廈，在一年多前經過翻新工程後，才成了現今的V Point，而同一座大廈裡林立數間的餐廳，有的是日式，有的是中式。而有個共通點就是，在遊客區的餐廳其實也不會便宜到哪兒去，都是一些高級的餐廳，這次選擇了一間中菜聽，名為「日喜樓」。裡面的環境也不算太豪華，以大的桌子為主，還好牆身旁有些金黃色的裝飾，增加了豪華感。在別的中菜廳吃過同一道菜式，已經對它念念不忘，在這裡當然也忍不住點啦。碟子並不是很大隻，蝦的數量算適中，黑松露覆蓋全部蝦仁，很是香口，蝦仁爽口彈牙，整體來說質素很高。之後點了一碗陽春麵，是傳統的上海菜式，麵上有一些薺菜，不知道是否大部分人都能接受薺菜，我自己就覺得可以。陽春麵每一條都很幼小，吃進口只需花小量的咀嚼時間，絕對較粗的好吃。小籠包也是我每次吃上海菜必點的菜式，小籠包裡的湯味道濃郁，每次一咬開小籠湯包的皮，便有大量的湯流出來，好有滿足感。但豬肉不夠結實，這方面可以做得再好一點。上海炒年糕上佈滿海鮮醬，令原本味道單調的年糕變得濃郁，而且年糕質感十分煙韌，令我想起了現今年輕人也很愛吃的韓式年糕😋還有一些白菜仔和雞絲。吃過某間連鎖生煎包店的生煎包，覺得不錯，突然又想在這裡試試傳統的上海生煎包。生煎包竟是是用煲子盛載，很是特別🤣咬開後是滿滿的湯汁，但跟小籠包有個共通的缺點，就是裡面的豬肉不夠結實。北京埴鴨是日喜樓的招牌菜式，原價二百多元，現在正做優惠，比原價便宜得多了。埴鴨的擺設並不是放得太整齊，味道倒是令我大開眼界。埴鴨每一件都沒有太多的肥肉，連皮也不會太油膩！吃北京埴鴨就當然還有青瓜和配埴鴨的醬汁，很有風味…查看更多

一入“日喜樓”就發現佢哋嘅地方非常寬敞舒適，有高高嘅樓底，再配長長嘅沙化位，中間位置更有數張大圓枱，真係非常適合一家大細又或者三五好友相聚嘅好地方喔⋯⋯👍🏼👍🏼👍🏼《四喜烤麩、雞絲粉皮》烤麩吸收了傳統上海式甜甜嘅醬汁，配上筍片、木耳、毛豆，好醒胃呀！😋滑滑嘅粉皮、嫩嫩雞絲同脆脆青瓜絲，加埋濃香嘅芝蔴醬，又一醒胃之選！😋《日喜灌湯小籠包》小籠包皮薄肉汁極豐富又鮮味，無得頂呀！👍🏼《羅春閣爆汁生煎包》生煎包肉汁都係咁豐富同鮮味，要讚讚包底煎得非常香脆，食時真係要小心燙到嘴仔呀！👍🏼👍🏼《高湯鮮菌豆腐煲》高湯馥郁濃厚嘅鮮味完全浸入豆腐同鮮菌中，令人不禁一口又一口咁食唔停～👍🏼《黃金姜米鱈魚粒炒飯》炒飯粒粒分明又唔油膩，鱈魚粒切得幼細，每啖充滿魚香、米香，值得推介喔！👍🏼👍🏼《薺菜雞絲炒年糕》年糕味道雖是清淡，碎末嘅薺菜葉黐係每件年糕上，散發住淡淡清香，一口軟糯一口清香，白綠相間，暖心又暖胃，真是難得的美味呀⋯⋯👍🏼👍🏼…查看更多

知道新開的日喜樓做緊北京填鴨推廣有七折優惠，今日就同朋友試下，入到去見到環境都幾開揚，2人枱都好大，坐得好寬敞，服務超好，希望之後都可以保持住呢種態度。北京填鴨半隻 $228，推廣期間七折優惠，都有好多人食啊，好快就上菜，預先切好，有好多鴨肉，用黎包住填鴨塊皮有火蒸住，等佢唔會凍晒變硬，好貼心呢！日喜灌湯小籠包 $63/4隻，先吃小籠包，皮薄餡靚，沾上醋會更好味。之後食羅春閣爆汁生煎包 $68/4件，估唔到生煎包仲好味，裡面超多湯汁，唔洗沾醬已經夠晒味。食完正餐，點左2 個甜品，高力豆沙香蕉球 $38/3件，剛出爐，圓碌碌脹卜卜，口感好鬆軟，裡面有粒少香蕉同豆沙，不會過甜。另外個個係香糯擂沙湯丸 $48/3件，個樣都好吸引，外面有黃豆粉，芝麻餡湯丸，不馬虎。…查看更多

2019年3月10日。雨。銅鑼灣。呢日有小小雨，凍凍哋，所以放棄食最愛嘅日本嘢，嚟食呢間新開無耐嘅日喜樓～餐廳新開張期間有85折！抵食！位置喺登龍街，正正就喺鵝頸橋對面落一層就到餐廳啦～座位非常闊落～中間有幾張圓枱，側邊嘅就係梳化位咁啱見到其中一枱圓枱客食排場十足嘅百碟宴效果真係幾震撼～坐得好舒服～落單前先用iPad睇餐牌，環保得嚟又唔怕舊～感覺仲會高級啲添～菊花茶，$12每人茶位費$12，咁選揀當然唔止菊花茶啦～仲有各類常見嘅普洱、鐵觀音嗰啲揀嘅～茶壺上面都印咗餐廳logo滲入咗傳統天圓地方嘅哲學～酸辣海參羮，$58酸辣程度唔算高，用料都幾足～會見到一嚿嚿嘅海參，仲有雞絲、木耳絲同筍絲咁～酸酸咁，幾開胃～薺菜雞絲炒年糕，$98年糕有埋咁上下厚度，但口感超級軟糯～鍾意食煙韌嘢嘅朋友一定要試下年糕～因為配料只有薺菜同雞絲，味道較清淡而且店員主動送上桂林辣椒醬，嗜辣嘅朋友撈埋落去個年糕度食，即刻增添惹味～酸菜斑片，$178呢個餸帶少少辣，而且其中一款青色嘅辣椒同酸菜顏色好似，食嘅時候要小心留意下～斑片嫩滑可口～無骨啖啖肉～啱晒唔識吮骨嘅我～呵呵～除咗斑片，不得不讚下啲配料！酸菜故之然好味啦～仲有入面放唔同種類嘅菇，都入晒味，好滋味～入面仲擺咗啲紅薯粉，所以嗌咗呢個菜基本上可以唔嗌飯或者其他主食都OK日喜灌湯小籠包，$63上枱嘅時候小籠包仲冒緊煙～店員提我哋要趁熱食趁熱得嚟要小心奕奕咁食～皮雖然薄，但唔會一夾就穿，順利將小籠包轉移到自己隻碗度一咬開肉汁四溢～鮮甜好味～雞絲粉皮，$58醬汁花生醬味非常濃郁～邪惡指數高～正！羅春閣爆汁生煎包，$68除咗小籠包之外，生煎包係另一樣上海菜必食之選～上枱之後，店員多次提醒生煎包好熱，要先唞佢一陣再食畀佢唞咗一陣就忍唔住，食個先～～包底煎得香脆，內層肉汁勁多～好好味～～～下次要再嚟食生煎包～～～…查看更多