新麻蒲 BBQ

澳門與香港只是一條大河之隔，只需一小時左右便能直達；適逢九月生辰之月，一行四人再次踏進澳門之地。可能有好多人認為去得澳門，倒不如去台灣但有時候近近地都有一份驚喜。 澳門大多數的地方，小妹也留了不少汗毛。不過沙梨頭船澳街，確實第一次踏足。有別於澳門的舊街，多了新屋苑的建築物。我想此處定必是新開社區建設，周邊都有各色各樣的食肆的林立；有一種時代變遷的感覺。 尋尋覓覓又是選擇晚飯的時刻，我是一個韓迷確實對韓食情有獨鍾；周邊穿插終於找到「韓式料理」。新麻浦在香港吃過，不知道兩者有如分別! 入內有兩層之分，我們一行四人被安排卡位位置。有OPPA駐場的確額外不同，從擺設前菜非常講究。前菜：泡菜、沙律、醬料等，特別此店的沙律令我無限Encore。沙律配上柚子醬大為開胃，令人食指大動。 韓國鐵板燒的器皿比較厚身，形狀亦有點像鑽石戒指似的。OPPA將蛋漿鋪在鐵板上，慢慢等待半熟進食。 餐牌上列明有牛、豬、羊等三款選擇，以及湯飯、麵等食品。竟然來到定必吃牛，我們單點Beef Combo! Beef combo $888香滑薄牛腩 薄切的牛腩貌以肥牛一様，輕輕在爐身一煎；肉汁流出入口即溶，分外惹味。 牛護心肉 護心肉是牛最嫩滑的部分，油脂度平均燒烤過後；紋理相當分明，而且沒有加以蘸製過都美味無比! 特上無骨牛小排 原條牛小排肉質嫩滑，燒至七成熟後牛味出眾；最重要能夠在鐵網下隔開油份，令整個肉質不太油膩。 無骨牛小排壽司 以為是普通壽司而已，其實別有洞天。首先OPPA將牛小排利用火槍燒至火炙顏色，細小件的壽司飯與小排融為一體；入口即溶一小件大滿足。 什錦燒烤(大蝦、蘑菇、菠蘿) 韓燒又點少得什錦燒烤，厚身的大蝦燒至橙黃色並帶有鮮味；蝦頭上的蝦膏慢慢滲出令人津津有味。蘑菇燒烤得微乾配上蘸製醬汁，味道立即突出起來。燒烤又點少得燒菠蘿，菠蘿汁經過烤過後微甜帶爽口愈食愈滋味。 牛胸肉大醬湯 熱辣辣上枱的大醬湯，香噴噴並跟隨著白飯。湯底不算太辣而且味道濃郁，內含：豆腐、京蔥、牛胸肉等。牛胸肉的肉質鮮嫩與滑溜的豆腐匹配。 牛肋骨湯 $118 牛肋骨是我到韓國餐廳必食之選，牛肋骨大有牛香不會太過韌；而且牛的精華滿載湯底內大為美味。 韓式海鮮煎餅 $88 大愛這個韓式海鮮煎餅，有別於平常的煎餅；粉漿不會太厚並煎得脆口而美味。滿滿海鮮的配料有魷魚及鮮蝦加上韮菜在內，令人津津有味。 火山爆發蛋炒飯 $88 由OPPA親手製作的炒飯，不確為火山爆發；首先將泡菜、紫菜、飯撈伴後，慢慢將蛋漿溶入旁邊成溶岩形。每一口飯都充斥著蛋香及泡菜·紫菜的味道，令人一試難忘。 九月的驚喜莫過於此，不需要遠道巴黎亦能親眼目睹「巴黎鐵塔」七彩繽紛，確實令人陶醉。如果不需要入埸費，會更加錦上添花。 …查看更多

最近知道澳門開左巴黎人，之前去過法國巴黎既鐵塔，所以都想睇下澳門版係點既模樣。難得搵到時間去，的確整得似模似樣，不過如果你去過法國，正版巴黎鐵塔應該無可取代。參觀完巴黎人又去下澳門新開發既社區搵食。同之前嚟既印象好唔同筷子基已經起晒新樓，好有規模既一個社區。咁多人住當然唔少得食肆，見到好多唔同種類既食肆，云云之中揀左新麻蒲。朋友話新麻蒲係香港都有分店，可惜仲未食過，所以借此行試下。韓式燒肉店既一貫裝修同我之前去韓國旅行見到既差唔多，每枱中間都有可伸縮抽氣既裝置，但我覺得個燒爐幾特別。同平時見到既唔同，燒爐除左中間燒肉位，旁邊既蛋邊位，另外仲有一個網格位，好奇問下原來係隔油用，讓燒肉燒完之後可以稍作隔油，而且呢個構思係韓國店已經採用。餐牌中燒肉類真係多不勝數，相信食一次無可能食得晒咁多種肉。點完食物，店員會先放下好多碟：前菜碟，醬汁碟，配料碟，總之好多隻碟。加蛋漿之後開始燒。Beef combo $888牛護心肉+香滑薄牛腩+特上無骨牛小排+什錦燒烤(大蝦、蘑菇、菠蘿)+無骨牛小排壽司+牛胸肉大醬湯 好適合一班朋友開心share，咁多種肉逐碟叫又無咩可能食到咁多。無骨牛小排壽司店員會即場以火槍火炙無骨牛小排壽司，立即已經聞到牛肉經火炙過既香味。食既時候牛小排入口即溶，醬汁帶有甜香。Beef combo分左三層，原來有分次序由上面開始食，不過店員都會過嚟幫手燒。薄牛腩係爐上稍燒，已經可以食得。雖然係"薄"，但係夾雜脂肪同牛肉之下入口仍有口感。特上無骨牛小排較厚身，有雪花紋，脂肪位唔多，入口牛肉感更強。牛護心肉顧名思義係心臟周圍既肉，所以一隻牛得出既護心肉唔多，而護心肉既口感討好，有彈牙既感覺又唔會好油。牛胸肉大醬湯味道香濃，不同材料佈滿湯中，每一啖都唔會淨係得湯水，少少既辣味令到湯飲上嚟更加惹味。火山爆發蛋炒飯 $88店員會即場製作炒飯。煮好炒飯醬汁之後加上飯去炒，令飯充分融合泡菜味醬汁，再加入紫菜炒，最後用蛋漿包圍炒飯，絕對係手工之作。食既時候由外到內將蛋同炒飯同時入口，滑蛋既中間會食到泡菜既辣味，十分刺激。估唔到今次巴黎人之行搵到間韓國餐廳，相信下次去澳門除左賭，還要記得新麻蒲。…查看更多