在家居酒屋 (已結業)

✨ 在家居酒屋依間日式居酒屋喺顯徑中心、顯徑邨附近，「在家居酒屋」店內嘅裝修簡潔，以水泥牆配搭木系餐檯餐椅為主🪵午市套餐款式都唔少，超過二十款定食套餐，包括串燒🍡、燒物🍢、剌身🦪、壽司🍣同丼飯🍱等等。✨ 午市定食套餐午市定食，$78起就有齊主食、前菜、餐湯。✨ 旋風滑蛋鰻魚丼 $83旋風滑蛋超級吸睛😍「旋風蛋」鋪咗喺飯面，「旋風蛋」上仲有少少蔥花同埋半個青檸😋切開後就見到鰻魚，鰻魚搽滿醬汁🫧未食已經好吸引。滑蛋食落嫩滑，鰻魚甜甜地而且厚肉，送飯一流👍🏻✨ 日式豬軟骨烏冬 $88湯底不錯，咸度適中；流心蛋口感非常濕潤🥚食落有香濃嘅蛋香味👍🏻豬軟骨肉厚但十分軟腍；烏冬嘅口感不錯，食落滑溜彈牙，而且可以配烏冬十分幸福🤤因為好多日式麵店只配粗幼拉麵🤫.⭐整體︰7.0/10⭐食物︰7.5/10⭐環境︰7.0/10⭐價錢︰8.0/10…Read More

🚝屯馬開通之後，去大圍周邊食飯就更方便。位於顯徑站附近嘅在家居酒屋走型格水泥風裝潢嘅日式居酒屋，食物款式種類多，除咗提供串燒、鍋物、燒物之外，重有多款剌身、壽司同丼飯選擇🍡🍣🍱🍙。🔅旋風滑蛋鰻魚丼 $108旋風滑蛋整得好靚，蛋滑亦帶少少流心。甜甜地嘅鰻魚，加上滑蛋，好適合拌飯🔅清酒煮蜆 $68蜆肉脹卜卜，又唔會只有外殼唔見肉，如果酒味略為加重就會好🔅吞拿魚腩蓉魚子壽司 $32魚腩蓉軟綿，粒粒魚子係口入面爆開，口感豐富🔅三文魚腩壽司 $46魚腩厚切，好肥美🔅西京燒銀鱈魚 $88白雪雪嘅魚肉非常嫩滑🔅自家製月見免治雞肉棒 (配流心蛋) $58雞肉棒入面有雞軟骨，增加咬口，點上流心蛋汁，一流🔅明太子玉子燒 $22玉子燒鬆軟多汁，配上鹹鹹地嘅明太子，令味道無咁單一🔅五花腩荔枝串 $32必叫串燒，清新帶甜嘅荔枝最啱解下五花腩嘅油脂感…Read More

周圍去唔同區分打波有個好處就係順便可以去唔好地方探索美食今次嚟到大圍嚟之前想問定熟大圍嘅朋友有咩推介朋友推介第一間在家居酒屋。旋風滑蛋鰻魚丼賣相來講確實係唔錯滑蛋的確好滑鰻魚都厚肉 並唔係薄薄的一塊整體唔錯可惜飯量較為多但料較少當食到後半部 食晒滑蛋同埋鰻魚就淨係可以食飯 平衡上差少少炸墨魚咀呢個幾出色香脆得來有水份Juicy 又有口感!感到油膩的時候用沙律醬食又可以繼續！在家七色卷賣相顏色都好好非常適合打卡件件都唔同同市區相比嘅壽司店都唔輸蝕可以再食既！海膽冷麵 就絕對唔建議啦海膽冇味道麵底好淋一Pat 漿咁冷麵冇冷麵汁 冇味不建議食…Read More

猶豫了很久應否介紹這隱世美食🍣最後還是覺得要開心share💛 因為實在太漂亮又太好吃了非常用心的居酒屋, 由最有名的🍚丼飯.壽司.至煮物.炸物🍤.串燒都一應俱全, 而且每款都做得很出色卷物和沙律都是七彩繽紛🌈完全想像不到原來豆腐沙律可以這麼好吃, 質感豐富🥰 魚生新鮮🐟 火炙後焦香十足滑蛋丼試了數次都是一貫嫩滑🍳絕無失手!鰻魚、豬軟骨和炭燒雞扒口味都試過, 全部都很足料, 個人覺得炭燒雞扒最有驚喜, 炭香味真的很出眾而且午餐來還會便宜一點, 十分有營養的鯖魚定食是午市限定, 但份量仍然很足!炸物串燒新鮮熱辣, 不會過分油膩🍢明太子薯條雖然用幼薯條, 不過明太子醬超多超多, 每條薯條都可以蘸滿醬難得的是外賣送貨也能夠保持水準, CP值很高, 我連續吃了三天也不覺厭呢🤣午市外賣是餐牌價錢, 很花算!連啤酒個杯都會先雪凍, 餐廳係細節都超用心另外無論是點外賣還是堂食數次, 店員的服務態度都很不錯. 尤其第一次來時我們打卡打了很久, 店員都很親切, 也會溫馨提示有些食物要趁熱吃才好吃, 甚至主動offer幫我們影合照, 真心令我們有家的感覺-在家七色卷🌈($88) - 大推!冷胡麻牛油果豆腐沙律🥗($68)旋風滑蛋🥚鰻魚丼 ($98)醬燒明太子🐟比目魚邊丼 ($108)自家製月見免治雞肉棒🍗(配流心蛋🥚) ($38)清酒煮蜆🍶($58)炸墨魚咀 ($68)-在家居酒屋大圍下徑口村154號舖地下 (顯徑生昌打冷旁)1130-1500, 1800-2200設 @openrice_hk /網上/電話訂座外賣送貨至沙田大圍及九龍, 滿指定金額免運費…Read More

吳師奶真係好少去入新界，今次入到大圍，人生路不熟，估唔到誤打誤撞搵到間正嘢！做完嘢經過呢間居酒屋，所以就諗住入去食埋個lunch先返公司！食物種類既選擇都好多，仲有我最愛嘅明太子呀！我又點會放過 ！最後我地叫兩個兩款丼飯、一款小食同埋刺身！丼飯係跟餐，所以會有埋沙律同湯，不過呢啲都唔係重點！先嚟嘅係「明太子豬軟骨丼」，我的最愛明太子醬餸飯真係一流，帶少少辣辣地，夠惹味！而豬軟骨煮得夠晒軟腍，仲唔會太大舊，啱晒咀型！配明太子醬原來都幾夾，好有驚喜！而同事叫果碗「旋風滑蛋鰻魚丼」超吸睛！個旋風蛋整得好靚，望埋去仲好嫩滑，就連吳師奶都想學下！而旋風蛋底下就藏咗肥美嘅鰻魚！搞到成碗飯都勁香鰻魚味！鰻魚同滑蛋再加埋一齊食，真係絕配！之後小食我哋就叫咗「炸墨魚咀」，炸粉唔算厚，仲炸到粒粒都係金黃色咁，靚到呢！食落外脆內軟，口感軟韌！而且份量仲好多，抵食又好食！因為跟餐有優惠價可以食埋刺身！我梗係唔蝕底啦！加$38就有兩片三文魚、二件帶子同埋一隻大甜蝦！呢個份量一個人食啱啱好！最估唔到係佢刺身都有水準，三文魚同帶子好新鮮，隻蝦爽口鮮甜！呢餐真係有少少意想不到，住新界嘅朋友未試過嘅話，快啲去試下！真心推薦！…Read More

從來未黎過徑口村呢邊，今次朋友帶路，話呢到開左間新餐廳，一於過黎試下過到黎完全見唔到招牌同鋪頭名稱😂都係靠佢門口位置放出餐牌先見到，門面都幾隱藏下😜隔離牆壁有幅畫又幾靚，啱晒打卡😎坐低睇完份MENU見選擇都唔少，好多野都想食下，今次叫左醬油溫泉蛋($15)、鹽燒牛舌心串($48)、明太子玉子燒($22)、旋風滑蛋鰻魚丼($98)、日式味噌牛腸鍋($88)。後尾先發覺原來鋪頭裡面幅牆仲有寫上是日午餐MENU，更加抵食👍🏻先送上免費餐湯，味道幾香濃，飲完暖一暖身😃免費前菜：胡麻豆腐沙律，豆腐好滑，唔會一夾就散。麻醬夠香，而且唔會加得太多醬，導致味道過鹹😄醬油溫泉蛋：最中意溫泉蛋呢種半生熟嘅質感，上面加左D木魚片同埋有醬油作調味，蛋味香濃幾滋味😋鹽燒牛舌心串：燒得夠香，而且唔會乾晒身咬落好硬，唧D檸檬汁落去提味，食落香口而且幾有咬口😋明太子玉子燒：表層燒得少許焦香，但內裡玉子依然軟滑，喺串玉子燒上面加上木魚片同明太子醬，食落有玉子嘅香甜味之外，木魚片同明太子醬令玉子燒味道更加豐富😍旋風滑蛋鰻魚丼：隻旋風滑蛋加左蔥花、芝麻、青檸點綴一下，賣相吸引，隻蛋睇同埋食落去都夠嫩滑😁不過味道鹹左DD，配合埋D飯黎食就啱啱好😄翻開面頭嘅滑蛋就會見到鰻魚藏左喺入面，冇乜碎骨，啖啖鰻魚肉😋日式味噌牛腸鍋：上菜時見到真係有驚喜，冇諗過會有咁大鍋🤩裡面除左主角牛腸之外，仲有娃娃菜、京蔥、金菇、冬菇、紅蘿蔔、粗粉絲等，非常足料，味噌湯底味道濃郁，所有食材都已經入晒味，勁正🤤冬天食完鍋物真係暖笠笠🥰作為居酒屋，日本酒當然唔少得😍呢到LUNCH免加一，埋單$271，味道唔錯份量都多，而且呢間小店真係有在家溫馨嘅感覺，難怪黎到都見幾多人幫襯👍🏻補MENU…Read More

今日揸車經過顯徑街-下徑口村對開，有間新開既日式居酒屋幾多人幫襯，裝修又靚靚仔仔咁，泊低架車係街邊就入黎試下。.餐廳裝潢以型格水泥風配木色，感覺好酷得黎好乾淨嘅感覺。餐牌選擇種類多，串燒同丼飯類好似幾抵食。午市Set lunch由$58-$78不等..叫完野食之後每人會附送味增湯同胡麻豆腐沙律😋.▪️綜合天婦羅烏冬定食$78 （午市定食）咁岩呢個時間係lunch time , 我地叫左個炸天婦羅烏冬Set，天婦羅有南瓜、大蝦、茄子、冬菇。炸粉夠薄身，咬落唔會成堆粉，新鮮熱辣炸出黎好好食，重點個烏冬一d都唔hea，正宗日本烏冬加上鰹魚汁，夠晒煙韌👍🏻跟餐仲可以加$28有刺身，哇！哇！哇！個刺身堅抵食，呢個價錢有2件三文魚、2件帶子、1件吞拿魚、1件油甘魚同埋牡丹蝦😍😍刺身好鮮甜，真心抵🤣.▪️旋風滑蛋鰻魚丼$98 旋風滑蛋，顧名思義應該就係蛋包飯不過整到似旋風咁😙 個名聽落夠吸引又特別，真實上碟又真係幾靚仔，滑蛋鋪上丼飯上面，蛋夠滑身得黎又蛋味好濃👍🏻 另外鰻魚係加左沙律醬一齊煎，所以個飯都充滿鰻魚既香味🤗.▪️串燒：蘆筍豚肉串$25/燒味噌牛腸串$38 串燒類我地order左燒味噌牛腸串，鍾意食牛既朋友一定會好鍾意😍口感似大腸得黎但牛味重好多，一咬落口仲爆晒汁，牛味超重😍另外蘆筍豚肉串既露筍夠粗身得黎無渣，包著既豚肉係日本豚肉，五層肉好juicy😋.本身餐廳係會免費提供熱茶，但見到呢度有「信州白提梳打$25」，就即刻叫左！！呢支果汁好香提子味，飲落唔會得死甜，之前係日本飲都要200幾yen, 呢度幾抵飲😋…Read More

每年冬天時間都會去日本居酒屋品嚐和詳談一番..可惜疫情關係唯有係香港的日本居酒屋憶念一下🍴剛好途經經過呢間位於大埔的居酒屋新開張...當然支持支持一下🙈一入去餐廳裝修簡潔俐落的設計..柔和的燈光帶比人温暖的感覺..再加上音樂令人坐得十分寫意..完全適合平時傾偈嘅氣氛...店員悉心介紹店舖的主打菜式..避免了我的多重選擇困難症🙈店員推介：1）在家特選壽司盛8件$218店員話呢一個係每日選出最新鮮的刺身作為壽司🍣內裏包含：三文魚刺身，金目鯛刺身，甜蝦刺身，珍寶赤蝦刺身，海膽刺身，帆立貝刺身，深海池魚刺身...刺身壽司真係值得一讚👍🏻件件都真係鮮味滿載🤤最令我回味是：-青檸配合帆立貝刺身..青檸完全可以突出帆立貝的質嫩爽口得黎又鲜美多汁🤤-金目鯛刺身..上面有紫蘇花食落清新嘅味道，食完成口都充滿紫蘇花的味道真係口齒留香...2）旋風滑蛋鰻魚丼$98👍🏻👍🏻前菜：麻醬沙律餐湯：鮮蝦豆腐麵豉湯-蝦味完全融入麵豉湯裏面，鮮甜又唔會太鹹..主食：旋風滑蛋鰻魚丼-半熟滑蛋完美呈現旋風型態，滑蛋內中心滿佈厚切鰻魚..口感結實..配合滑蛋加燒汁真係一啖一啖食晒落肚...呢個係我最滿意嘅一道主食👍🏻👍🏻3）明太子玉子燒$22呢個係我其次最鍾意食嘅嘢..濃郁明太子醬加上層次分明玉子燒回味無窮..如果再滑多小小咁就好🤤4）自家製月見免治雞肉棒（配留流心蛋）別具風味的一道菜...色澤焦黄油亮食落香脆..雖然係炸的..但完全油而不膩..不過可惜嘅係肉質太過結實有少少似60歲嘅阿婆咁5）螢光魷魚芝士$48魷魚一定要配合芝士一齊食..唔會流...可惜爭支酒🙈…Read More