聽過大名多次，今晚才首次品嚐，據說以服務周到為賣點，果然名不虛傳！我們由一位兼職研究生貼心招待，雖然忙碌，她經常在左近，察看我們的需要，倒湯加水，清理嘌呤，細心解說點菜的問題，送上自助區的免費小吃，態度殷勤是重點，抱歉的說，在香港非常難得！海底鍋集團訓練有素，題外話，怪不得股票也受歡迎！到埗後，服務員領位到獨立間隔卡位，所有客人皆有私隱，送上平板電腦點菜。首先，點選火鍋湯底，然後可以慢慢揀其他食物。免費小吃在自助調味料區有四款小食，魚皮、螺片、西瓜及棗，不過無需動手，服務員替我們各取一些，自動送上。除此以外，還有糖水一碗，估計是杞子桃膠，微甜，清涼可口。調味料豐富多元，各種調味料齊備，每人收費$18，但亦可以選擇唔需要，費用可免。這方面我覺得很窩心，因為一般我都唔需要，只要食物新鮮，我更喜歡清淡原味，而且湯底已經有香濃的味道。胡椒豬肚雞湯及菌湯火鍋 $158說時遲那時快，還在點菜期間已經送上火鍋湯底，我們選了雙拼，因為價錢更實惠，應該因為單拼湯底材料更有份量的原因。胡椒豬肚雞湯，奶黃色澤，濃郁味香，個人口味如果胡椒重些更好，豬肚及雞件份量不少，細細粒的雞件，方便進食。服務員送上一碗碎牛肉，然後替我們倒下胡椒雞湯，先來一碗濃郁牛肉湯，打開味蕾。菌湯清香，內有不少菇菌，記得先吃。內蒙草原羔羊肉 $148懂得吃羊肉的人會知道，內蒙及新疆的吃草的羊，羊肉其實是沒有羶味的，肥瘦適中，切得薄，份量十足。小青龍 $298店名海底撈，新鮮海鮮同樣是賣點，小青龍送上來鬚腳還在動！已經預先設成五件，肉厚結實，二人分享正好淺嚐，我覺得配豬肚濃湯合拍。要求之下服務員替我們把龍蝦頭再剪細。撈派黑豆花 $48黑豆花更健康，而且比較少吃，最開心配一碗辣醬，味道相當好，更加令我覺得不點調味料的決定正確。如一般豆腐的質感，蘸些辣醬非常合拍。蓮藕 $36菠菜 $36蔬菜方面就點了蓮藕及菠菜，清洗乾淨，非常新鮮。尚有一招牌，手工拉麵是在面前表演的，幸運地，旁桌客人點選了，我們可以欣賞，今晚吃飽了，下次來絕不放過。最後還有雪糕糯米糍及薄荷糖。整體滿意，價錢公道，值得重訪。 #海底撈火鍋宴聚 #尖沙咀 #川菜 #四川 #火鍋…查看更多
今次有唔少湯底可以揀，仲可以鴛鴦鍋，同單鍋一樣價，三鮮湯用豬骨熬至奶白色，相當有火候
大胃作為菇控，菌湯就啱晒，湯底真係有好多菇
打邊爐牛肉係唔可以從缺嘅，呢碟手切牛肉，好似獎盤咁款上檯，氣勢當場出晒嚟，撩啲牛肉烚吓，8-10秒就食得，牛味出眾，吞落肚個鼻仲留有肉香
海鮮都係打邊爐嘅主調，蝦丸聽落好平凡，但望落晶瑩透亮，烚熟之後變橙，但仍然通透，咬落鮮嫩爽彈，配特調豉油更香口
生蠔同樣一登場氣勢磅礴，一座冰山咁躉喺檯，上面六嚿生蠔都好巨，質感好creamy，滾熟佢嚟食，又綿又爽嘅肉質，簡直不能自拔
油麥菜周不時會食，不過菜苗就比較少聽，睇落都好翠綠，食起嚟都好爽口
出面調味區有好多配料配醬，仲有建議配搭做參考，更有魚皮、菇類、白粥同生果任拎
餐廳提供嘅水果拼盤都好有心思，雕到好有排場，而且幾爽甜
怕熱氣就嗌成渣竹蔗茅根，幾十蚊就有壺，飲極都飲唔晒咁
打完邊爐仲有甜品送，係一啲糖同雪米糍，滾完咁耐正好冷靜吓
