林記點心

難得大埔墟街市入面有一間平民得來又傳統嘅手工點心店，梗係要去得閒同屋企人飲個茶食點心☺️雖然去到都坐滿曬，但係只要姐姐總會搵到位比你😆，好快就有位👏🏻.🍚豉汁排骨飯($18) 鳳爪(+$1)呢個係必叫‼️排骨唔似出面食嘅，食落似係新鮮排骨，肥瘦適中唔會話淨係一味肥膏😝啲飯係蒸個時吸收晒排骨嘅精華，食完仲encore多碗😋不過覺得加鳳爪得一隻有啲sad，想食可以另外叫一籠會開心啲😂🐓四寶雞扎（$14）抵食之選，一碟有兩舊雞扎，有芋頭、雞髀肉、蟹柳。雞髀肉好入味，又唔會好鞋。芋頭都蒸得啱啱好😋🦐蝦餃（$14）相對其他呢個就有啲失色，雖然餡料有好多同埋味道都好鮮甜，不過個皮就厚左啲，整體冇咁好食😗.🥢燒賣（$14）呢個價錢仲要比四粒手工燒賣，味道雖然冇特別出色，但係食得出係手工製，覺得值得大家都可以嗌嚟試下😚順帶一提，啲茶都好有驚喜，以性價比嚟講，真係滾水茶靚🫖.評分:⭐️⭐️⭐️⭐️/5人均:$40-60.📍 林記點心 (大埔)大埔鄉事會街8號大埔墟街市及熟食中心2樓CFS08-09號舖…查看更多

過住都是外買，這次是我第一次坐下來。 .店員會給客人一個放了 滾水的大碗，跟著自己在枱上取 匙羹和筷子。 還可以選擇茶葉品種。 .叫了排骨飯 才留意到還有 肉餅飯等其他款式，下次一定要試。 我喜歡他們做的飯，略偏硬一點，但十分迎合我的口味，排骨就一般，我完全不介意是因為 飯 才是主角。 再叫了蝦餃，大大粒，皮稍厚 但內裏的蝦膠味道不錯。 如果兩款食物都 熱多些就會更好。.留意到大部分都是熟客，看見他們的互動，有一份人情味。 .只是33元有這質素和份量的食物，請不要有太高要求。 好好享受街坊的情懷。…查看更多

幼年時爸媽已帶我幫襯林記了，印象中由 $8 蚊碗飯食到依家 $14 蚊，由大埔臨時街市轉到依家新街市。依家仲係 $14 蚊碗，真係好平好抵！全港 no.1 既林記排骨飯去了那裡呀？新明發升到 Top 1 ！最初走到新明發，但東主有喜休息七天，唯有走黎林記食啦！過份的增磅日，紅洋蔥小籠包晚餐、after 5 生蠔加三多炸雞髀宵夜，臨瞓前還要整碗林記排骨飯，要操多幾日消脂先得喇！每朝街市熟食檔都人山人海，等位是必然的。林記又平又抵又唔太差既經濟點心同蒸飯，當然坐無虛席啦。剛才食個撈麵仔點夠我食喎，走黎排隊加多個排骨飯就差唔多！飲酒到清晨五點多暈住飄到林記嘆早飯呢！琴日朝先飲通宵再黎宵夜，今日又黎清晨五點幾醉昏昏食排骨飯，想肥死人咩！咸水角，外脆內嚥韌，香口就香口，但一咬噴由，少許肉碎作餡，味道還算可口。鮮竹卷，唔似蠔汁又唔似上湯，界乎兩者之間。腐皮夠軟棉嚥韌，吸得芡汁透徹，整條塞入口不讓半滴精華流失！肉鬆菜蔬融會，卷內蘊藏大量可口汁液，一咬爆汁，有如洪水般滋養味蕾，滋味無窮。山竹牛肉，結實牛肉球混上時蔬、香蔥，但青味使我吃不消，因我什麼都要走蔥的呢！淋下大量喼汁，不停打滾讓肉球均勻地沾滿再豪邁地整粒塞入口，塞得嘴仔滿滿，感覺良好！大部份蔥味已被濃濃喼汁味道所掩蓋，強烈酸咪咪甚是開胃醒神，啖啖肉不錯的選擇。鵪鶉蛋燒賣，馳名招牌菜，肥豬肉混在瘦肉之中，比例恰到好處，豬油豬膏甘甜但不油膩，強力的催化劑使到味道更香濃出眾。不知道何解肥豬肉跟鵪鶉蛋十分相襯，古人的智慧結晶嗎？蛋黃香、蛋白滑彈、肉球多汁嚥韌有彈性，滿分無法挑剔，一口品嚐多種味道與質感，無比幸福。豉汁蒸鳳爪，沒有油淋淋，亦沒有厚厚而杰撻撻的醬汁包實，清淡蠔油豉汁來得更清爽舒服。炸爪皮爽肉彈，損損腳指瘦瘦臉頰，有得食又有得運動消脂，一舉兩得。四寶雞紮，芋頭不合我胃口，用蟹柳或火腿更好啦。點解無魚肚既？路上跌左嗎？大陸大紅色塑膠蟹柳，最討厭的強國出產，甜味重到濁，質地膠而鬆散。我要日本北海道牌架！連百佳、惠康都賣大陸翻版北海道蟹柳，包裝一模一樣仲印埋日文，勁難食呀！要去街市、大昌先買到正版啊！雞柳結實醃味濃，啖啖肉濕潤多汁。掉丟芋頭，大大啖狠狠地一口咬下三種食材連嚥韌微爽腐皮，百花齊放，多種味道互相輝映，這樣才是食雞紮的真髓，拆開續款食又點會係紮呢？炸春卷，好粗啊！切開原來得少少雞絲餡啫，春卷皮就大量。雖然有點燶，都炸得乾身不油膩，掉落喼汁打滾一翻，酸酸甜甜脆卜卜都使人滿意。鵪鶉蛋燒賣，馳名招牌菜，肥豬肉混在瘦肉之中，比例恰到好處，豬油豬膏甘甜但不油膩，強力的催化劑使到味道更香濃出眾。不知道何解肥豬肉跟鵪鶉蛋十分相襯，古人的智慧結晶嗎？蛋黃香、蛋白滑彈、肉球多汁嚥韌有彈性，滿分無法挑剔，一口品嚐多種味道與質感，無比幸福。豉汁蒸排骨，排骨飯只得四五點排骨點夠喉呀，叫多碟先得。質素跟排骨飯的排骨同出一轍，豬肉味濃而香甜，鬆軟滑溜氣味吸引，滲出清淡豉椒味道點綴一下更是美妙。乾蒸燒賣，豬肉達人！排骨係豬、鵪鶉蛋燒賣係豬、乾蒸燒賣都係豬，全屬招牌菜，頂級味道、頂級滋味！食肉獸星座的我對於啖啖肉既燒賣當然愛不釋手，連食一打都面不改容！原粒入口，彷似灌湯一樣爆開，微量肥豬肉增添口感，天然豬油贈送甘香味道，既清爽又不油膩，大愛。排骨飯，無論何時何地都要用油紙墊住食，古祖食法！先將飯倒在油紙上翻滾，再淋上自家調配甜豉油，不停攪拌直至均勻，每粒飯都要添上顏色方算大功告成。飯粒抱著排骨掉進口中，腍濕爛而且飯香欠奉！質數下滑，低於水平，失晒水準。排骨肉少骨多，幸好味道超卓，可口香甜，軟棉滑滑。上品排骨飯既飯粒要乾身嚥韌飽滿肥嘟嘟，飯香撲鼻，排骨肉多骨少，半肥瘦鬆軟香甜沒肥膏，肉連飯淋上清爽芬芳甜豉油同吃，天上的味道！依家有油紙供應既飯店少之又少，現今年輕人對油紙功能沒半點認識喇！可以吸收多餘油份、水份及蒸氣，使到飯粒保持乾爽，當然如果蒸到碗飯濕淋淋又腍劈劈的話，油紙都無用武之地喇。如果用油紙捲住排骨飯放涼，數小時後才拆開品嚐，味道更濃更香甜呢！…查看更多

日前往大埔墟街市熟食中心搵食，食完欽記的魚蛋粉後，意猶未盡，好自然走去這裏同樣在早上時段開檔的另一間好店，那就是「林記點心」了。佢地既排骨飯真係好掂。論環境這裏唔係比你好舒服吃東西的地方，有點擠迫，要乾淨的也勿來，但隔離左右有不少老人家，他們顯得悠然自得，可見這間價錢便宜的點心店，真是庶民吃早餐的天堂。講番食物，這裏最正斗的點心正是排骨飯。份量唔多，唔係用盅而係用碗裝住去蒸，難得的是蒸的時間掌握得好，飯粒粒分明唔會「削pat pat」，肥瘦適中的排骨肉味滲晒落飯，加一點帶甜的豉油，極品也。叫多個鵪鶉蛋燒賣，唔算話好出色，但勝在外間也不是有很多酒樓有此點心供應了，碰到的話自然要支持。…查看更多

星期天，難得約到個朋友肯早起身黎食早餐，但都已經成十一點幾喇 ~ 林記係大埔幾十年老店，老大埔唔會唔識 ~ 佢地既排骨飯我由幼稚園食到依家，超乎想像地好味 ﹗而點心質數雖平平，但價錢非常實惠。但服務就唔好要求太高喇，始終係大排檔麻，就算連食客都粗礦啲架 ﹗今次我朋友仔就比個粗礦既七八十歲阿婆嚇親，所以未能用心享受食物，急急食完就想逃離現場。話說食食吓野，唔聲唔聲有個阿婆突然坐落黎搭枱，口黑面黑粒聲唔出，大大力洗杯、酙茶，搞到氣氛異常，又騷擾到其他食客，食得唔舒服囉 ~蟹黃燒賣，懷舊點心，用料同賣相都保持幾十年前做法，撲實簡單不花考，所以價錢依然好抵食。豬肉實淨肉味濃，無加肥豬肉、蝦或係冬菇，單靠靚豬肉本身既甜味同香味已夠。感覺似豬肉球加左少量蟹黃作點綴咁，所以只係豬肉味道，但美味。四寶雞札，有蟹柳、雞柳、芋頭、火腿，質量依仍穩陣大路，一分錢一分貨，以咁平既價錢，已係物超所值。雞柳嫰滑又入味，火腿爽口帶咸香，只係每次腐竹都蒸得太乾，保持水份口感要滑會好食好多，而且無魚肚既四寶雞札始終有點怪怪的，我都明白受成本所規限。排骨飯，招牌菜排骨飯 ﹗到現時都全香港都無一間能跟佢匹敵 ﹗由飯、豉油、排骨，色、香、味都比間他食肆羸九條街。飯係由幾種米混合而煮成，每間老店既配方都唔一樣，口感、乾濕、軟硬、味道同飯香都絕對唔一樣，商業秘密。食依個飯有個重要技巧，就係要用吸油紙當碟墊住食，油紙可吸去多餘既水蒸氣、水份、豉油同油份，另到飯粒更乾爽，味道係濃郁。排骨半肥瘦又啖啖肉，肉味非常濃郁，仲帶有種特別既甜味，質感鬆軟棉棉。林記既排骨飯，排骨同飯係分開各自蒸的，當有 order 時，才將排骨舖上飯面，黎保持飯粒乾爽。見飯粒一粒粒分開而豐滿，口感嚥靭，飯香非常，加埋香甜既豉油，完全無位去扣分 ﹗…查看更多

由幼稚園食到依家，街市都搬左兩次喇，幾十年黎質數都會有上有落，時好時壞，但好采有 80 % 時間都係頂級排骨飯既，近日絕對係超水準表現。飯一定要用幾種米混合煮成，比例同埋用啲咩野米絕對係商業秘密。林記啲飯又香又嚥靭、乾爽又有趙口，排骨香甜嫰滑，且啖啖肉，甜豉油清香甜味，撈飯一流。加埋傳統既煮法，用薄薄瓦碗蒸飯，而且飯同排骨係分開各自蒸架 ﹗另外，用油紙做碟，吸去多餘水份及油份，更令味道同口感提升 ﹗依度既排骨飯係我心目中，係全港最好食，全港第一位 ﹗排骨飯，主角，必食。阿林排骨飯返左黎喇，之前層經好爛食，飯差、排骨差、豉油差，但依家終於回復當年頂級水準喇 ﹗排骨香甜鮮嫰多汁，豬肉味濃，醃得夠入味，口感鬆軟，啖啖肉，好好好正。飯香、乾爽且一粒粒分開，飯粒之間有空間，更能提升飯香及乾爽度，而且淋豉油時能完全滲透，唔會癡埋一舊，似啲就係精髓。豉油非常清香且甜甜地，恰到好處、非常配合 ﹗一流享受 ﹗春蛋燒賣，係林記招牌點心，豬肉香又彈牙，而且口感實淨，真材實料。佢真係可以蒸到每次都無水架喎，係一滴都無架喎，真不知為何，一定要試試。四寶雞札，削左啲，腐皮蒸到乾晒身，唔滑又乾爭爭。配搭清爽，雞柳、火腿、珍珠筍及芋頭，依家唔係食芋頭最好既季節呢，唔係當灶時候，雖然我一向都唔食芋頭。但用上珍珠筍，可以帶黎一啲清香感，減去一點點油膩或啖啖肉感覺，都幾好味。干蒸燒賣，樸實大膽，返樸歸真，豬肉就係豬肉，無肥膏無蝦仔，就係咁簡單，來一籠豬肉燒賣，再畫龍點睛加點蛋黃點綴，絕呀 ﹗唔洗驚，雖樸實，但都幾好食既。食完埋單，咁既陣容都只係 HKD50 蚊，抵到您唔信 ﹗講緊既係免茶錢，兩碗排骨飯再加三個點心呀 ~…查看更多

朋友介紹,所以試試:排骨飯,掂!叉燒飽,普通.蝦餃,普通.牛肉,ok.鴨腳扎,普通.腸粉,ok.好掛住的大飽…查看更多

某日去還書的時候,老豆就帶左我去林記點心一坐底就即刻走去嗌兩碗排骨飯(怕賣晒)&點心s排骨飯($12):排骨好淋,好好味,D飯仲正,好有嚼頭(比其他茶樓好勁多)。其他點心只係$=quality(一般),但係茶位只係$2咋:)…查看更多

一直想嚟參觀下呢個大樓,今日得賞所愿啦睇食評之後決定食 林記,因為好耐未同屋企人飲茶去到見到林記,以為面前既台都係佢地既,可以隨便坐, 點知見到個餐牌寫住另一名字,結果要搭台,不過冇所謂,飲茶係要咁先似樣;阿姐好快先問我地開唔開茶($2一位),後來才醒起有大眾茶.......唔洗錢叫左 魚翅餃: 唔得....竟然有芹菜,no!影響味覺,已經食唔到其他味啦鵪鶉蛋燒賣: 涷左?!豬肉有d軔,雞扎: ok啦, 雞都好味既.......不過唔推介,要$8排骨飯: 排骨好味,軟熟,幾嫩 ;飯就硬硬地,要加豉油;鳳爪: 好味~ d汁入味,幾嫩滑,值得一試總括一下,原來有骨既都比較好味 特別留意,侍應阿姐都穿豹紋圍裙, 哈哈仲有大部分點心都用豉油碟咁細既碟裝埋單$44兩位…查看更多