順豐排骨麵

今晚十點鐘，周圍都無乜嘢食，黎到呢間順豐排骨麵。排骨擔擔麵: 個擔擔麵底係彈牙的，麵底一流！擔擔麵個湯底都好多花生味。不過可惜嘅係，排骨太多油啦！排骨可以有味道啲會比較好，宜家只有油炸味。雲吞擔擔麵: 唔知點解個湯底無另外個擔擔麵咁濃，可能因為我無加辣。菜肉雲吞都好大隻，好多菜。…查看更多

喺銅鑼灣諗唔到食咩，就諗住散步過去天后搵食。行過見到間麵鋪既裝修似係歷史比較悠久嘅老店，所以就入去試喇。麵鋪面積唔係好大，大概有十張枱左右。 可能我哋去嘅時候比較夜，入面得返兩枱客人食緊。我哋叫咗佢嘅招牌排骨擔擔麵同埋五香牛肉擔擔麵。排骨擔擔麵我哋揀咗唔辣，個面同湯抵幾好味，加埋啲花生，幾香口。 炸排骨嘅厚度偏簿，少少甜甜地，味道可以。五香牛肉擔擔麵我哋加咗辣， 比起清湯仲惹味，但唔知關唔關加辣事，定係個牛肉嘅關係，湯面頭有層油， 食落去會覺得有啲膩。 個牛肉係牛展嚟嘅， 似係現成嘅牛展，買返嚟切片就上碟。 牛展唔太熱，比較韌。另外跟餐會送一杯豆漿。豆漿無乜甜味同豆味，比較稀，叫做有野濕下口。…查看更多

對上一次嚟已是幾年前，都吾記得好吾好食，但我鍾意食排骨麵，所以今日再來食…這裡地方不太，一入座就點咗排骨擔擔麵，我吾要辣，58元一碗送豆漿……豆漿先來，很淡的豆味，可以講似溝到好稀，吾甜好淡吾好飲，當有啖水飲吓……排骨及麵分開上，排骨吾似即整，冇香味，又冇乜鹹味，又吾熱，吾太好食，好差好失望……同行的拔兄叫咗炒鱔糊配飯，鱔糊就炒得夠熱，味道ok……小店服務都過得去，因為我遲到，拔兄等埋我先叫嘢都冇被人問，我一到，老闆娘就醒目地先行來問我哋食乜………查看更多

一心諗住由炮台山行去銅鑼灣食野，行到天后時已經肚餓，最後都係留番天后覓食。本來想食刺身和壽司，但一個人吃不到多少⋯最後都係去捃麵食算了⋯再來這家古舊的擔擔麵小店，印象吃過一次，好不好味已記不起⋯應該不會差！一眼睇晒有咩食，我個人好悶，食開果樣唔會太想轉，所以⋯今次諗都唔使諗，叫了排骨擔擔麵排骨擔擔麵還附送豆漿一杯（合共$57）個人較喜歡濃郁一點的花生麻香，所以另外要求加重一點，味道中規中矩，湯底好夠熱，麵條是幼身的，可惜麵條不算太掛汁排骨即是豬扒，即叫即炸熱辣辣，肉質鬆軟，份量都好足夠，吃時把肉浸一浸湯會更好吃！若然單點一個擔擔麵，價錢就係$38…查看更多

呢排晚晚都要OT, 幾乎將天后附近好食又唔貴既餐廳都食過一遍了，於是問下個客附近有冇推薦既餐廳。排骨麵係大街旁，但如果冇人介紹應該唔會留意到。呢度既招牌菜就係排骨擔擔麵，可以簡辣或唔辣，如果好似我咁唔食辣既人都可以試下唔辣既排骨擔擔麵。除左擔擔麵，仲有菜飯，所以如果唔鍾意擔擔麵既人可以試下個排骨菜飯。叫左野食首先會送上豆漿。之後就係我期待已久既排骨擔擔麵。炸排骨肉質鬆軟，唔會嚡，帶有少少甜味同淡淡的薑汁味，十分推薦。擔擔麵則是花生湯底。…查看更多

好耐冇食上海排骨係openrice見到有去試試,先講講排骨擔擔麵,排骨作為招牌菜肉質又鞋又硬又冇味又食到成口油失敗,好彩湯底夠濃好香花生味麵又唔會太林夠連湯食好味,但俾太小湯啦,酸辣湯雲吞等得比較耐,來到估唔到湯唔係熱辣辣係雲吞好熱,包得好好又平均好多菜新鮮皮又滑,冇煮定唔會糊口,酸辣湯較得甜酸度適中,唔多餡但我鐘意可以再去…查看更多

我記得大約兩年前來過，當時人山人海，印象中係好食嘅，但近幾次經過都幾乎只有一兩個客，究竟係熱潮已過還是食物退步了？今日叫咗碗排骨擔擔麵$50，送一杯豆漿。擔擔麵可選辣同唔辣，我選唔辣。 擔擔麵仍然keep到水準，麵質爽口，湯底花生味濃得黎唔會好“傑”，但中伏位係件排骨！唔熱、唔脆，最奇怪係唔知點解甜嘅，仲有好重薑味。反而老公個雲吞就幾好味，如果我下次再黎會叫雲吞擔擔麵囉。…查看更多