夏麵館 (荷里活廣場)

夏麵館下午茶嘅份量同平時單點嘅一模一樣，我地決定去食下午茶，當早啲食晚餐。我哋叫咗兩個下午茶餐加$14豉油菜心。雪菜肉絲麵$36- $36真係超級抵食，份量好大，雪菜肉絲味道夠香，唔會過鹹，豬肉絲好淋滑。排骨擔擔麵$53- 我叫咗小辣，不過對我來講都仲係好辣。排骨剛剛炸起，新鮮熱辣，調味恰當，非常香脆可口，炸粉唔會過厚，亦都唔過分油膩。兩碗麵整體煙韌爽口，下午茶餐真係可以當晚餐咁樣食，仲有飲品送，今次我哋揀飲熱豆漿，大大杯唔錯。…查看更多

一個人到鑽石山行街，突然想吃上海菜，就不如試下夏麵館啦！ 看見餐牌上都有很多不同種類 食午市套餐， 選擇困難症的我很難才選好，最後點了排骨擔擔麵+兩隻鮮肉鍋貼+凍豆漿 $68加一。 擔擔麵的湯底有濃濃的花生味，帶有少少辣，麵質煙韌，份量非常之多。 排骨醃得好入味，外層有少少脆，食落香口惹味！鮮肉鍋貼上枱的時候凍凍的，皮比較硬身，肉質亦冇juicy的感覺。豆漿不算太甜，味道適中。今次一個人到這裏吃午餐，不能夠試太多款式， 下次會再與朋友或家人到來，嘗嘗夏麵館其他的美食。…查看更多

夏麵館算係數一數二既地道上海菜，菜式簡單為主，冇太多花樣，味道較為清淡。岩哂一家大細。放工去到門口，原來有落場時間，要6點先開番。點知行完一個圈番黎，坐到滿哂咁濟！我地要坐近門口位TIM！ 我地本身話輕食，叫叫下都叫左好多野食。因為樣樣都好想食，哈哈！ 薰蛋(4/5)我人生食薰蛋有兩次，但依次出色好多。味道、熟度、賣相都好好。不過一人食一邊就夠，因為食多會好濟。 烤夫(3.5/5)有木耳、金針同埋青豆，味道偏咸，但唔會咸到苦，開胃小菜都幾好。 排骨擔擔麵(4.5/5)排骨好香好有肉汁，另外擔擔麵份量好多，湯頭有好重花生味。不過慢慢嘆既話，食到後尾Ｄ麵會索哂Ｄ湯，食到後段麻麻地。 小籠包(3.5/5)有湯汁，麵團頂較厚。 雪菜肉絲炒年糕(5/5)配料同年糕比例岩岩好，唔會食到尾得番年糕，可以再煮熱少少。好似有Ｄ攤凍左。 看著牆上既人生勉言，再呷一口清茶，格外有意思。雖然唔會話特別好食，但就係依種平平凡凡既感覺，讓你的晚餐結束辛勞的一天，帶給你一片寧靜。…查看更多

上海菜的狂熱粉絲又出洞啦連續比幾間所謂傳統既上海菜小店伏左既我，今次揀左間連鎖店。因為中左幾次伏，對香港仲有冇整得好食既上海菜心存質疑，所以都冇抱任何期望。點知，今次反而有驚喜喎12點左右啦，都幾多客，揀左兩個午市套餐等食啦。一個套餐係炸醬牛肉拌麵配涼拌粉皮加熱豆漿炸醬牛肉拌麵單睇賣相，見到面頭有唔少肉碎，麵既份量都幾多(係真係好多!）麵質落order果陣叫左煙韌，但因為佢麵條算係幼細，未做到好彈牙果種，但唔會煮得太耐過淋、似食緊麵糊，麵質黎講質素平平，不過接受范圍內。配料有大量肉碎同薯仔粒不得不提，薯仔切到好細粒、四方型，但食落係煮得啱啱好，就算勁算粒都食得出係薯仔既質感同味道值得一讚肉碎冇食過就唔知啦見到個底都有一層汁定唔知油既野，撈完食會惹味啲，同行朋友話食完係唔會覺得漏既。我試左一啖，唔會太重口味，都ok既。涼拌粉皮，粉皮仍然有少少凍，質感都彈牙既，但未係食過最爽口果種。因為都食過啲好漿既粉皮，所以哩個質素算中或中上；青瓜絲就普通野，無特別，解下漏咁；麻醬杰身，食得出甘味，唔錯。好彩落左唔多麻醬，如果唔係就會重口味好多整體表現唔差，但無驚喜，正常發揮。豆漿，㨂左熱既。飲落少少杰，唔太甜、有豆味，唔差另一個套餐叫左排骨擔擔麵配小籠包，飲品都係熱豆漿排骨擔擔麵有驚喜喎正確黎講，應該係話擔擔麵有驚喜擔擔麵份量依然好多，自問大食既我食完都覺得好飽><麵質都係叫左煙韌既，可以再做好啲。不過，麵底浸係湯入面都有一小段時間(for影相)本身驚佢會糊左，點知又冇喎，收貨既！麵條掛湯力唔錯，撈勻左啲配料之後，湯汁同配料都可以依附係麵條上面，食落更加好食湯底方面，雖然碗麵放落黎聞唔到來自湯底既花生醬香氣，但係佢好有內涵湯底中等稠身，可以更好咁附係麵條上面，令麵條更易入口。湯底唔會過油，浮住油果啲好可怕味道方面，放入口首先感受到湯底既花生醬味，隨之而黎既係辣，辣勁過一陣先係喉嚨攻上黎。可以放心，辣味唔會過辣，唔食得辣既我都接受到。因為擔擔麵既辣勁，令人忍唔住一啖接一啖咁食正呀配料方面，有蔥花、肉碎、花生碎、白芝麻不過，對我黎講，湯底先係最重要，佢足以令成個擔擔麵起死回生！哩個係本人食過數一數二既擔擔麵會想放慢速度去食、仔細品嚐，最尾果幾啖仲有啲唔捨得添整體黎講，湯底味道有層次，做得稠身、麵條掛湯力強，好食過老字號詠x園kikuxxxx既千層豬扒擔擔麵都好唔錯，但辣勁既惹味令夏麵館略勝一籌至於排骨，份量正常，冇咩肥膏，而且炸粉唔厚，炸得都唔算太油，肉質保持鮮嫩易咬，但見到排骨係粉紅色既，我估佢yip左都幾耐，因為食落排骨冇任何肉味可言，只係有一股死鹹，排骨處理手法唔差(師傳功力有返咁上下)，可惜味道強差人意、不值一試下次我會淨係叫上海擔擔麵，排骨就不了～上海菜館除左擔擔麵，小籠包又係一必試菜式。小籠包好大個、挺身，有啲似蒸肉包事實上，食落肉餡係超多，有成粒肉丸咁大，但肉味就唔係好出皮唔算薄，又唔會厚，成粒放入口會因為肉餡太多而忽略左個皮湯汁亦唔多，可以話係好少，不過湯汁唔油既(可能太少啦)，更無味道可言雖然係啱啱蒸好，但食落一啲都唔熱喎小籠包真係麻麻，可能會滿足食肉獸大口食肉既慾望，但味道只屬下品午市套餐真係好抵食，份量好大，食完會好飽！野食方面味道屬中或中上，首推擔擔麵擔擔麵既驚喜會令我想encore(可能之前比幾間小館傷左心，要求準則冇咁高？)不過真係可以一試既～唔會食到嬲囉…查看更多

自從多年前在上海嘗過第一口夏麵館蔥油拌麵後，便喜歡上這實而不華的小店，及後落戶香港，自不然成了此店的常客了。    香港的夏麵館，當然不是跟上海同樣的水準吧!卻總有六、七成的功力，而價錢方面也十分親民，特別是午市時段，五十多元便有麵食、小吃與飲品了。    這天跟友人在夏麵館午餐，選了排骨擔擔麵($68)。先上的是小食，四喜烤夫份量不少，是晚市的一半份量吧!烤夫有一定的綿密度，軟綿有濃濃豆香，醬汁甜惹，加上毛豆和金針，口感更豐富。友人的是夏味燻蛋，雖然不是太流心，但十分入味，是不錯的小食。      排骨擔擔麵以大碗子奉上，麵條份量十足，女生很難把它吃完。    上海排骨即是豬扒，另上以保持脆感。湯底有濃濃麻醬香，辣味來自麻辣醬，只是微辣，味道一般。上海白麵偏稔身，但亦因此更能吸湯，幼身的麵條口感不錯。排骨面層炸粉微甜帶點點五香粉香氣，上海白麵偏稔身，但亦因此更能吸湯。  隨餐附送大大杯凍豆漿，豆香算濃，不太甜，十分冰凍，這兒的夏伯伯酸梅湯甜度有點過了，不建議點選。感覺夏麵館稍微進步了，但論價格而言仍是抵食。那邊廂老公在上海公幹中，傳來夏麵館總店食照，實在讓人恨得牙癢癢的。------------------------------以下是上海夏麵館的近照，不是香港店，給夏麵館同好共賞。若到上海旅遊，推介給大家試試!…查看更多

可能 6:30 pm 未到晚餐黃金時段, 不用等位就可以直入  坐下無耐就見到外面有人要等位了。下次再食一定番點既涼拌茄子 平時好小點食既擔擔麵，因為見係推介既～所以點食，沒有後悔 皮薄，內裡多汁。 …查看更多

因為住附近，所以都食過好多次。之前係叫人落單，但今次去就有紙自己劃野食。次次黎都一定叫最愛O既黃魚煨麵。以前叫親都係嫩雞煨麵，但自從食過一次黃魚煨麵之後就移情別戀啦!!不過今次個麵就咸O左少少，多O左D胡椒味，冇之前食咁清甜~我同老公兩個人食，仲叫O左個小籠包，排骨擔擔麵同酒饟丸子。小籠包皮厚O左少少，肉汁唔夠多，但味道都可以。排骨炸得好靚，又唔會好多油，唔錯! 酒饟丸子第一次食，都幾清香，唔算太貴，一個$24~…查看更多

見到前幾篇食評都話抵食，於是乎就黎試下。但之前女朋友食過同一間集團的牛涮鍋，但感覺麻麻，所以一開頭都係抱住唔係太驚喜o既心情入去食，點知食完都有驚喜~6點半去到，唔駛等位，一坐低就見到套餐牌，跟住醒起之前有食評講過套餐唔抵食，反而散叫會更好，所以就向散叫進發。價錢唔係好貴，所以都同女朋友叫左5樣野。一碗仔，料都幾足，個人覺得可以再辣d~皮幾薄，餡料可以多番少少就好啦，美中不足就係個醋就麻麻了。呢個冇乜特別，但個煉奶反而唔係好甜!!湯正!!清清地，雞幾好肉，麵好彈牙!!值得一讚擔擔麵的湯底有微辣，呢個正，但個排骨就差d，林左少少最後埋單$179都幾好，至少咁樣叫仲平過二人套餐，而且都幾好食~會再次光顧的~ps. 佢會收茶錢的~每位$3....同埋佢d人手可能少左d...埋單找錢等左半個鐘....期待在這些地方會有改進。…查看更多

很久沒有和朋友相聚，所以難得約到友人，便選了一個地點方便大家放工去相聚，最後便選了這間食晚飯。很意外地沒想過今晚所點的菜式味道不差，讓整晚也食得開心，談得歡心。一來到便有位，然後便點好小菜，好快便有菜來了。雞絲粉皮HKD38，好好味。糖醋小排HKD38，其實是細份量的，不要以為好多，我覺得都好味。涼拌海蜇HKD48，貴了些，但好味喎。排骨擔擔麵HKD48，排骨是分開上的，炸得好入味，不錯。擔擔麵是不辣的，如果辣多一點點我覺得好味好多。菜心獅子球HKD65，是好普通的一個菜，我不知要多少功夫，但這個價是好貴，因為只係好普通。鮮肉小籠包HKD24，都係好一般的。內裏的汁不算好鮮甜肉味，看到只是肉沒有什麼其他材料，一粒又不是大，剛好一口一隻。炸銀絲卷HKD18，內裏的一層層不多，但外皮都脆，又沒有太油膩的感覺，幾好。飯後我們還坐了很久也談了很久，這裏環境可以讓我好好享受和爱詳談盡歡，食物味道又滿足，是一個不錯的選擇，只是價錢有點偏貴一點。…查看更多