樓下冰室

呢間茶記堅持製作不含味精，煮出食物最原始鮮味。特別以蕃茄湯底作主題，湯足料新鮮即製🍅另外自家炮製嘅瑞士雞脾同雞翼更係必吃之選👍🏼💗招牌瑞士雞髀($28)瑞士汁係師傅秘製，用上頭抽部分，醬香馥郁，香甜不膩👨🏻‍🍳雞髀大隻厚肉，上色度十足，內𥚃充分吸滿濃郁嘅醬汁。食落有雞味，最值得讚係冇雪味，肉質都算軟嫩唔乾身🍗💗西多士($25)外層炸至金黃熱辣辣，只係未夠脆，唔會油淋淋。內層厚身軟熟🍞中間夾住粗粒花生醬，所以特別香同有口感🥜最頂層有片好快溶嘅牛油，再淋上甜絲絲嘅糖漿真係絕配🧈💗炸韮菜餃子($35/8隻)將餃子炸到金黃脆口，餃皮厚薄適中，餡料脹卜卜🥟爽口嘅韮菜同豬肉碎既比例啱啱好，唔會淨係得肥肉。咬落菜汁特別鮮香，而且唔會太乾身🥬💗焗芝士西蘭花($38)預先汆熟西蘭花，莖部脆嫩唔會過硬，亦唔會有臭青味🥦淋滿濃稠嘅粟米忌廉汁，再放上惹味嘅芝士焗至微焦🧀如果芝士份量多d會更好，而且底部出水情況較嚴重，食食下個醬會變到好稀。💗香煎蓮藕餅雞扒飯($49)香草雞扒煎至雞皮香脆，皮下脂肪少，肉質嫩滑而且冇雪味🐥蓮藕餅炸得好香口，厚身結實嘅豬肉夾集住爽身粗粒嘅蓮藕，不過蓮藕份量太少，口感似食肉餅多d😂配料仲有惹味鹹香嘅蔥油同清新嘅椰菜。💗華田脆脆($22)阿華田味幾濃，面頭灑上一層可可脆脆有雙重口感，兩樣加埋唔會過甜，只係d冰溶咗有少少變淡🍫…查看更多

見到好多人推介依間餐廳嘅瑞士汁雞髀或者瑞士汁雞翼，今日去開荃灣，所以過嚟依度試一試。我哋到嘅時候大約六點，好驚訝仲見到會有下午茶餐！下午茶餐去到6:30。我哋叫咗兩份茶餐，加通粉及小食，作為今日嘅晚餐😊呢個阿華田爆脆係喺凍阿華田上邊加阿華田粉，飲落去嘅時候阿華田粉趣卜卜的。都幾得意，香濃好飲。熱飲奶茶個茶杯好靚😊餡料豐富！個包塗上牛油好香，仲脆脆地，豬扒都幾大塊，配合蛋、生菜絲及沙律醬一齊食好好味！湯底好濃郁！喜歡佢地仲有蕃茄粒粒！每當食茄湯粉我喜歡配通粉，通粉更吸湯汁，食落去更好味。啲瑞士汁好濃郁香甜！同其他茶餐廳嘅好唔同！甜得來有蜜汁味，小朋友及女孩子應該特別喜愛！雞髀比我想像中嘅大隻，一口咬落去雞皮連雞肉配合瑞士汁好好味！唔怪得知咁多人讚。下次嚟食要試埋佢嘅瑞士雞翼！香腸外皮煎得好香，腸有唔同口味，係一個好好味嘅小食！我鍾意配合埋番茄通粉食😊滿足的一餐😊…查看更多

雖然荃灣多好野食，但每次都必定會去樓下冰室打躉。一黎食物抵食又好味，二黎坐得舒服唔趕客唔趕收野，係真正嘅街坊茶記。近排keep梗fit，就決定試吓佢地嘅招牌蕃茄通粉，用鮮茄足料熬煮而成，睇樣都知濃厚稠密，充滿濃郁茄味芝士菠菜原來係加落炒蛋拌炒。炒蛋厚滑，菠菜爽嫩，加入芝士令質感更濕潤，雖然芝味唔太明顯，但口感更豐富又辟去菠菜原有嘅澀味真心推介，下次我會點兩份～雞髀有幾正我唔多講啦，基本上係每次必點豉油汁夠色夠味，雞髀滑嫩多汁帶油香。唔食飯就點返份沙律配雞髀，欣賞佢夠新鮮，唔係雪過夜出哂水果啲。見咁多人推介就嗌左個薯角，可能比較少食香口炸物，覺得有啲鹹、無乜芝士，但個肉醬有明顯牛肉香，幾惹味。話梅柑桔蜜飲落似酸梅湯，食完熱氣野再飲岩哂～酸甜比重七三，解膩又止渴，飽哂…查看更多

雞髀的分量幾大，色澤又黑又光亮，仲聞到好香濃的瑞士汁味道，真係好期待呀😙。食落都無令我地失望，瑞士汁的味道完全滲入曬雞髀入面，微咸帶點甜，味道好濃郁，配合埋滑溜的肉質，搞到我地都爭住食呀😝。抵食👍..既然來到蕃茄湯專門店，梗係要試下佢嘅特濃蕃茄湯通粉😋。茄通內有好多蕃茄切粒，配埋炒蛋同通粉一齊食，口感好豐富。湯底係自家制煲煮，味道幾濃亦好有新鮮蕃茄的味道👍。美中不足的係食完喉嚨有少少渴😣…查看更多

冰室既野飲真係好重要，今日熱飲凍飲特色飲品都叫左，睇下真功夫 😎檸檬菜蜜，檸檬幾新鮮，菜蜜唔會死甜味。新鮮菠蘿冰啲果肉都真係新鮮，唔會好似出面咁用罐頭。忌廉紅豆冰：重點普通一間冰室入面既一個幼腳bell shape透明杯竟然裝住杯驚世飲品 😱 由下而上描繪呢杯絕世懷舊多層次飲品就要由紅豆冰最重要既紅豆開始。大大粒每顆飽滿得黎又煲到起晒沙既紅豆佔左高身杯既四成，用飲筒插到落底細力吸一啖就會出現奶豆黃金比例。雪白色既奶底一半有冰，雖然唔係碎冰，反而令佢淡得冇咁快。重點係杯上既忌廉金字塔，凍、滑、香，將成杯紅豆冰昇華到另一個層次。潷一啖食，再飲啖黃金比例紅豆冰，同熱辣辣既美食就最夾喇 🤤美食方面都要講下招牌雞脾！色水夠靚，入味，同早幾個月食過都係咁高質。今次試新野：芝士蒜蓉多士，正喎！芝士味唔夠蒜味出，但都唔錯，好脆 蕃茄通粉又係必食既，一如以往咁正，湯都飲埋，大家要多多支持高質食品！ 👍🏻👍🏻…查看更多

近年懷舊風潮令冰室開得成行成市，幾乎在街上走幾步就會看見一間，這晚就來到樓下冰室吃晚餐。店內裝潢以懷舊茶餐廳作主題，充滿復古特色。餐牌亦有不少套餐款式，價錢大眾化。招牌瑞士雞髀 $28取名源於往日侍應誤將「Sweet」當成「Swiss」，自此成為香港本土豉油西餐中膾炙人口的經典，瑞士汁棕色帶紅有光澤，濃稠適中，甜中帶鹹。雞髀大隻啖啖肉，外皮上色均勻，內裡肉色雪白，肉質依然保持嫩滑多汁。焗芝士肉醬薯角 $36芝士與肉醬向來是天衣無縫的配搭，表面舖滿澎湃焦香芝士，芝味無窮。金黃薯角連着薯皮炸得外層鬆脆，肉心軟綿細密得似薯蓉。火腿奄列配牛油厚多士 $32一份奄列配上兩大片厚多士，相當具份量。火腿奄列蛋皮較薄，卻甚有蛋香，裡面裹滿火腿切片。牛油厚多士即點即焗，烘得外脆內軟，稍嫌牛油下得不夠多。焗芝士西蘭花 $36表面舖上厚厚的拉絲芝士，西蘭花切成一口大小，拌入芝士後芝味十足。公司三文治 $48餡料超豐富，應有盡有，層層疊起後確實是一口無法掌握。中間夾著兩層餡料，有炒蛋、生菜、火腿、芝士、蕃茄片等等，根本就是食材的大集薈。吉列豬扒配厚切牛乳炒蛋治及粟米什果沙律 $53價錢與正餐相約，份量極之飽肚。吉列豬扒是薄切的，欠了點肉汁，不過外層炸得乾爽酥脆。厚切牛乳炒蛋鬆軟綿密，又富有濃郁蛋香。吃完這麼多肉食，難免會覺得有點滯膩，吃點粟米什果沙律正好可以清一清味蕾。忌廉紅豆冰 $14紅豆冰向來是我的最愛，加上厚厚的忌廉份外奶滑柔嫩。紅豆大粒飽滿，熬得起沙，甘甜又香綿。華田脆脆 $22阿華田沖得夠濃醇，口感順滑，散發麥芽香氣。鋪滿脆口的華田脆脆，更添豐富口感。…查看更多

冰室愈開愈多，是香港人的恩物，全因用一個划算的價錢就能吃到大量的食物，真的很有滿足感。之前在荃灣逛街也發現了不少冰室，逛過路德圍，有不少美食在那兒，聽說一間叫「樓下冰室」的餐廳很有名，但這天不在那邊，而是近悅來坊的荃薈商場那邊，吃完晚飯後便和朋友在悅來坊逛逛。裡面的裝潢十分有懷舊風格，「士多」和「茶檔」等字眼都令人想起香港的經典。樓下冰室的蕃茄濃湯通粉十分有名，可選一餸、兩餸、三餸，也可選擇搭配各類特色小食。單點的小食種類也有不少，來到冰室當然要嚐很多款小食，有特色又便宜。不想吃小食的人也可選擇吃主食。不少冰室都會有一些特飲，這裡則有華田脆脆，其實即是阿華田表面有些阿華田粉，口感脆卜卜，阿華田則有很濃的朱古力味，不會只有死甜。除了經典的紅豆冰，這裡還有數款特飲，譬如是紅綠椰冰。紅綠椰冰即是紅豆加綠豆的椰汁冰，還真是第一次試這款飲品，紅豆加綠豆竟然真是不錯的配搭，紅豆有補血的作用，綠豆則有清熱的作用。這裏最有名的是蕃茄濃湯通粉配牛乳炒蛋，貌似沒什麼特別，其實蕃茄湯的蕃茄味十分濃郁！能感覺到不是罐頭湯，而是新鮮蕃茄弄出來的湯蕃茄湯也不會很酸。牛乳炒蛋滑溜溜的，新鮮熱辣。說是德國什腸，我當然不能確定它們是否真的全部都來自德國，姑勿論是否真的來自德國，味道倒是挺好的，有芝士腸、司華力腸和德國肉腸。麻辣脆雞粒真的非常好吃！本以為會沒什麼特別，事實卻不是如此。每一件都辣辣的，卻不會令人受不了啊，連我這個不太能吃辣的人也覺得辣得很滋味雞件非常脆，也不會讓炸粉覆蓋雞件太大部分的範圍。瑞士雞髀是這裏必吃的食物，瑞士汁非常多，甜甜的味道在口中徘徊，極度推薦雞肉也嫩滑的，將它切開，每一件都能沾上瑞士汁，又甜又好吃。西多士則比較遜色，表面有一層牛油，中間是花生醬，份量足夠，只是不夠脆，多士也沒有很熱，扣了一點分。…查看更多

豉油西餐是港式經典🙌🏻🇭🇰，也是香港飲食文化之一，作為一個地地道道的香港人，👧🏻草根妹妹會介紹遊客們不妨一試，其實冰室味道也不錯👍🏻。.餐廳內有為數不少的仿懷舊招牌、霓虹燈、路牌和標語，讓人感覺置身於八九十年代，也是一個不錯的打卡點。.🍴招牌瑞士雞髀（$28）Signature Swiss Chicken Leg果真是店內人氣食品「瑞士雞髀王」🍗，瑞士汁相當出色，甜而不膩，老少咸宜！.🍴潮州蠔仔肉碎泡飯（$48）Baby Oyster, Minced Pork in Soup Rice🌊蠔仔泡飯令人喜出望外，蠔肉新鮮飽滿🤩，帶有鮮味💧，沒有平日不夠新鮮的腥味👍🏻。湯底是泡飯的精華✨，調味剛好，味道突出🙌🏻，令人津津有味🤤。再者泡飯份量十足🍚，價錢亦相當親民😌。比在酒樓吃到的水準高得多！草根推介❤️！.🍴焗芝士肉醬薯角（$36）Baked Potato Wedges with Cheese & Minced Beef薯角香脆，🧀🍟芝士和肉醬令薯角更為惹味，由於用了烤焗的方式烹調，油膩感低🙌🏻，多吃幾件也不怕。.🍴炸韮菜餃子8隻（$32）Deep Fried Chives Dumplings 8 pcs韮菜餃子高溫炸過🥟，看起來特別飽滿🤤，新鮮熱辣炸出，沾上沙律醬，再加上韮菜獨特的香味🌿，十分好吃😋。.🍴雞湯浸什菇娃娃菜（$36）Chinese Baby Cabbage with Mixed Mushrooms in Chicken Soup濃郁的雞湯，浸著🌱娃娃菜，上面加上爽脆菇菌，健康又美味。.🍴華田脆脆（$22）Ovaltine Special 非常吸引！.餐牌如下…查看更多

自從食過呢度嘅瑞士雞髀之後一直念念不忘，呢日放假專程早起身出荃灣食佢即使平日既朝早餐廳都坐爆人，可見佢有幾好食上次黎到已經係午市，呢日預早左趕得切試下佢地既早餐一落單五分鐘已經有野食有野飲，出菜好有效率，難怪有唔少附近返工既客都黎幫襯，唔怕趕頭趕命遲大到賣相已經值滿分，炒蛋炒成半生熟，非常juicy本身仲怕唔夠飽，估唔到份量十足，有半塊多士咁厚。炒蛋加左芝士同鹹牛肉，有蛋香之餘仲帶鹹香，加左牛肉炒更加鮮味經典早餐同樣大大份，牛乳炒蛋比起出面多一倍，口感夠嫩滑。魚柳都有兩大塊，偏厚肉，唔會得炸粉，不過始終係炸野，食落略微油左少少。沙律聞名不如見面，如其他食評所講勁大份兩個人食岩岩好。有蘋果、粟米、椰果、哈蜜瓜、蘿蔔同菠蘿，水果新鮮多汁，食落酸酸甜甜好開胃，沙律醬份量斟酌得恰到好處，唔會蓋過鮮果本身既味一場黎到當然要食我一直朝思暮想既招牌雞髀啦咁耐無見仍然係咁肥美厚身肉質嫩滑之餘，個瑞士汁先係精萃，比起一般既鹹香仲多左陣香甜，食幾多隻都唔夠皮呀早餐午餐都試過哂，下次再黎試埋佢個晚市但不變既係一定要叫返隻雞髀加餸先夠滿足…查看更多

悅來坊一出見到呢間充滿港式塗鴉既冰室，未到11點半已經座無虛席忍唔住入去食個晏睇下係咪真係咁好食～食物方面幾多選擇，蕃茄濃湯加滑蛋好吸引，仲有好多特色小食，睇到眼都花埋。實物比細圖更出色，真係落原片厚切叉燒去炒，叉燒瘦得黎帶少少脂肪，食落好鬆化炒蛋夠滑，如果再生啲多啲蛋液會更好撈飯飯底加左瑞士汁，鹹中帶甜更加惹味。跟飯麵等主食可以半價加野飲，黎到冰室梗係要試特飲。椰汁冰好香甜，仲有好多紅綠豆蓉，好綿又唔係溝糖果隻死甜無諗過咖啡同紅豆又幾夾睇食評原來呢度既招牌係瑞士雞脾雞翼，個瑞士汁用頭抽煮成，夠色水又夠味雞脾啖啖肉，每一啖都係滿足推薦豬扒包麵包加左牛油烤得好香，口感似薯片咁酥脆，豬扒略油、嫩身唔乾，加埋煎蛋、沙律醬同雜菜，夠飽肚。西蘭花火侯控制得幾好，入口稔身易咬，唔會好硬，如果多啲芝士就更好冰室必點既邪惡西多～～～果然無揀錯，夠厚身，煎到金黃可口外脆內軟，蛋香十足，裡面仲夾左粒粒花生醬，好耐無食過咁正宗既港式西多肥兩磅都抵呀…查看更多

嚟到荃灣呢個平民美食天堂，本來諗住去啲網上討論度極高嘅地方食飯，結果誤打誤撞嚟咗呢間唔喺我樓下嘅樓下冰室食飯身為讀VA嘅我，入到去第一睇見到個裝修勁靚勁oldschool令到我呆咗咁企喺度望，最深刻係天花板下面吊住啲好懷舊嘅舖頭招牌，而且每個細節位都勁精緻，再加埋帶黃嘅燈光令我感覺好似翻翻以前嘅年代咁。招牌嘅蕃茄濃湯唔係嚟到唔試下嘛蕃茄濃湯公仔麵一放上枱已經聞到陣蕃茄香味，湯底鮮甜唔會過酸，蕃茄味特出且非常濃郁，絕對唔怕水撩撩炒蛋放喺面，的確食落好creamy好重牛乳味，而且唔係炒到乾晒家人唔太喜歡食通粉同螺絲粉，所以嗌咗公仔麵，結果如我地所料公仔麵相當掛湯，的確可以將成個麵再昇華到另一境界，而且加埋蛋令到整體口感更豐富同樣係招牌嘅瑞士雞髀，的確非常出色平時最怕係啲瑞士雞髀又嚡又甩皮甩骨，但係呢個真係出乎意料地驚喜！雞髀好入味，又香又甜，即使食到裏面都依然夠味，真係食過返尋味，令我想食晒我家人個餐雖然我係比佢嘅蕃茄湯吸引而入嚟嘅，但係作為一個叉燒滑蛋飯嘅發燒友當然二話不說立即嗌個自家製叉燒滑蛋飯(多蔥)試完個蕃茄濃湯公仔麵嘅炒蛋之後，自家製叉燒滑蛋飯嘅滑蛋較遜色雖然係比前者嘅炒蛋滑身少少，但係完全冇蛋味，成個飯淨係食到叉燒同甜豉油味，身為重要嘅角色但蛋味完全欠奉好彩叉燒彌補到我，數量絕對對得住價錢，而且肉質鬆軟，肥瘦均勻，幾好。總括而言，價錢中等但一個好食到上天堂，一個就有少少失望。…查看更多

樓下果然係瑞士雞同蕃茄湯專門店，真係好令人驚喜，仲要好抵食，冇叫飯，多叫小食同叫晒野飲，都係$80/人埋單。閒日夜晚唔算多人，都唔使等位就入到。店內裝修懷舊，店員姐姐又好好傾，好有70年代人情味！雞脾真係好好食，肉質嫩滑又有咬口，雞皮每一分都沾滿瑞士汁。我一睇其實有啲失望，見到係平時BBQ既丸咁樣，亦唔係我expect既炸豆腐，但食落都正，原來係豆腐丸😂 入面仲有芝士爆出黎，擺盤都幾靚，唔錯。粒粒綠豆半溶半粒，但係會食到冇啲飽左，如果要享受更多美食就留下肚喇 😎蕃茄通粉三併有超級墨魚丸（真係彈牙），芝士菠菜（連滑蛋一齊粉，食蛋都拉絲），同叉燒，三樣都好正。個湯更加冇得彈，冇味精味，食到既反而係鮮茄味，最後都飲晒啲湯！醬同肉碎夠多同香！但略嫌意粉唔夠硬身，如果硬少少就perfect！我下次會俾多次機會呢個意粉😂…查看更多

「真」冰室係香港買少見少 而家流行模仿八九十年代嘅冰室設計餐廳大玩懷舊風格 今日豬先生豬小姐尼到荃灣嘅「樓下冰室」 偽老餅一番餐廳環境好懷舊 充滿玩味嘅裝潢無論大招牌 裝飾 牆身 甚至出餐處嘅格局都好有懷舊香港感覺粟米雜果沙律係開胃嘅餐前小食 除咗罐頭水果之外 仲有新鮮水果 例如蘋果粒 番茄 沙律菜墊底 材料份量都算豐富:)焗芝士肉醬薯角焗至香口脆身 肉醬同芝士係完美組合 可惜份量唔夠多 唔足以鋪滿所有薯角 但熱辣辣嘅滋味焗薯 仍深得我心招牌瑞士雞髀係中size嘅雞髀 雞皮係瑞士到無得再瑞士嘅啡黑色 食落相當入味雞髀肉煮至軟腍 啖啖肉好易咬 瑞士汁咸度適中 帶微甜 相當金牌咖喱豬扒飯嘅秘製咖喱汁屬於BB辣 椰香會比辣油更香更岀 係好港式嘅咖喱薯仔有預先炒過 表層微焦 大大舊 相當可口豬扒就比較一般 肉質較硬 隔離枱食嘅咖喱牛腩飯好似吸引啲喎吸睛嘅自家製叉燒滑蛋飯 係滿滿嘅蛋同叉燒呀 賣相盤滿鉢滿大量半肥瘦嘅叉燒充滿肉感 但雞蛋過熟 失去左滑蛋應有嘅滑溜感同精華蛋汁重口味嘅你一定都覺得要加多啲豉油汁先可以爬多幾啖飯姐華田脆脆有著超級濃郁嘅華田味 滲出奶香 㗳面頭嘅脆脆過足口癮 係特濃版嘅華田菠蘿冰顏色sharp醒 透心涼除咗尼食晚飯食環境 仲加添埋人情味尼度嘅姐姐充滿笑容 招呼熱情 唔知尼啲係咪「樓下冰室」嘅其中一樣賣點呢？…查看更多