亞金南洋茶室 (元朗廣場) (已結業)

招牌亞金無骨海南雞配油飯，海南雞啖啖肉之餘加上雞肉嫩滑，另外仲附有三款醬料分別係甜豉汁，酸辣醬同薑蓉，油飯亦煮得好好，每一口都有雞味。香茅豬扒併椰漿飯，豬扒肉質唔”鞋”，香茅味適中，而椰漿飯味道唔太濃，濃D 會比較好。喇沙湯底濃厚帶椰味 ，而且材料豐富 ，有蝦、魚片頭、蟹棒、魷魚圈、豆卜等等 ，魚蛋又好彈牙 ，無挑剔啊！招牌叻沙滲滲係材料有蝦、魚片頭、蟹棒、魷魚圈同豆卜，而滲滲係米粉同油麵嘅組合，所以每一啖都會有兩種唔同嘅口感，湯底有濃厚嘅椰子味，而辣度唔算高，就算係唔食得辣嘅人都可以食。鮮牛油咖央多士香氣十足，中間夾住大大塊牛油，食完一定要去跑步跑多兩個圈先得！味道又咸又甜，唔錯

今日逛下元朗廣場行完打算食埋晚飯先返屋企，見到有間食馬來西亞菜就去試吓，我地差唔多六點入去好彩未夠六點仲可以叫到下午茶。點左兩個餐輕怡招牌亞金叻沙和招牌無骨海南雞飯。輕怡招牌亞金叻沙（滲滲），滲滲即是米粉和油麵，有蝦好爽彈，蟹棒鮮甜，魚片頭彈牙，仲有雞蛋魷魚圈又彈牙，湯底又唔辣又有淡淡椰香湯底又濃郁好好味。招牌無骨海南雞飯招牌無骨海南雞飯，雞皮又唔會好肥膩，雞肉嫩滑又香，油飯又好香濃。跟餐加$32玻璃魷魚通菜，水魷魚好爽口，通香又好味道。跟餐加$38炸蝦餅炸到金黃色，蝦餅又有蝦肉又彈牙好美味可口。星加坡摩摩喳喳有我最鍾意芋丸，芋丸好煙韌喳喳又夠淋又唔會太甜榴槤波波內里淡淡榴槤肉好香又好好味。跟餐加$16芒果沙冰冰打到好幼滑。

暫時未能夠出去馬來西亞玩。但又好掛住馬來西亞的美食。剛好香港係個美食天堂，搵到我想嘗試的馬拉菜式！仲係開左一間連鎖式的餐廳🍴叫亞金南洋茶室。白咖啡☕️奶茶☕️當然係馬拉特色飲品！但我今次擇左餐廳的特飲檸檬薏米水，仲放有冬瓜條，料好足。👍🏾仲可以加差價叫不同的小食：15元叫左份南洋魚丸湯，18元叫左份香茅雞翼。餐廳選用先進的科技掃二維碼電話點餐。真係主菜都未食，比小食都吸引食飽。招牌無骨海南雞飯，肉滑飯香。仲試左個亞叄叻沙（米線）配有菠蘿粒增加味蕾，令到個湯酸酸甜甜，胃口增加！環境服務都好好，值得推介👍🏾