炸嘜炸物專門店

宵夜最岩黎到紅磡覓食因為唔少開到夜既餐廳🌙 今日就試下呢間外賣店主打港式炸物🤪 雖然聽落好邪惡但係即叫即炸食落香口真係好滋味😋 弱弱講句：如果賣埋野飲就更加好😅 因為炸物送啤酒或者汽水都係好配搭🍻⭐️ 招牌炸三寶 🍢三寶有茄子青椒同雲吞🍆 釀上魚肉好爽口🐟 特別配上自家製菜甫辣椒醬🌶️ 辣度有層次⭐️ 蒜蓉布包豆腐 🧄面頭既蒜泥係亮點😋蒜味香但唔太過重口味 豆腐外脆夠曬滑溜🤍⭐️ 外脆內軟炸燒賣 🥠店主推薦一定要趁熱食🔥 係好經典嘅椒鹽港式口味🧂外脆內軟嘅口感真係好正🥴唔會好似一般炸燒賣咁成口粉⭐️ 椒鹽粟米 🌽呢個相對嚟講比較清淡🤣 椒鹽味唔會蓋過粟米嘅清甜💛 用嚟中場休息啱啱好⭐️ 越南粉絲皮春卷 🇻🇳皮較薄但內餡好豐富😚配上酸辣醬食好有熱帶風味⭐️ 香辣單骨雞翼 🍗呢個辣味比較濃❤️加上脆卜卜既外皮食得好過癮💥⭐️ 泰式炸蝦餅 🇹🇭蝦味濃而且好爽口🦐 好似喺泰國夜市食到咁樣🛵…查看更多

📌 炸嘜炸物專門店 - 紅磡明安街29號地下🗓(5/5) 星期五 ⏰ 晚上7點左右💈特式：今日經過寶石戲院見到附近原來新開左間叫「炸嘜」嘅炸物專門店，一向炸野/香口野都係十分吸引人，所以就比佢吸引左去幫襯下，佢主力係做炸物小食，同埋價錢都唔算貴，由最平$14去到最貴都只係$38，選擇亦都唔少。🥩🍔🌭🌮🥗🥯🥘🍲🍝🍣🥟🍤🍱食物：因為每種都唔貴，所以我就盡量叫多幾款食物去試下，等我可以同大家分享多d，而家等我同大家講下嘅味道先。招牌炸三寶(6件) $33 - 三寶有茄子/青椒/雲吞，將傳統煎釀三寶用上炸嘅方法去同大家重新演繹，但三寶上嘅鯪魚肉炸完之後都仲有彈牙嘅口感，真係非一般嘅食法，新穎嘅感覺，上面會再配埋餐廳嘅祕方菜脯辣椒醬，一絕。值得一提係佢個菜脯辣椒醬真係好正好惹味，入面有大量菜脯/蝦米/銀魚仔炒香，我諗買返去用嚟撈麵或者打邊爐時點野食都應該幾好效果。台灣花枝丸(5件) $24 - 本身諗住淨係叫花枝丸，但老細好好人問我想唔想兩溝，咁可以試多d口味就梗係更好啦。平時丸類多數都淥，再唔係就係燒，但係炸都好好食，粒粒都炸到脹卜卜，脆卜卜。泰國腐皮角$27 - 呢個係老細見我仲諗緊想食咩時介紹我的，都係招牌食物，不過佢都真係無介紹錯，佢其實就係炸魚腐，再配埋泰式酸辣醬食，真係相當惹味。招牌雞軟骨$29 - 話晒都係招牌，而且雞軟骨亦係香口/炸物小食中嘅表表者，當然要試下啦，呢個雞軟骨炸得好香口又夠入味，粒粒都咁好咬。檸檬汁黑椒脆骨腸$28 - 我好鐘意食脆骨腸，試過一次去打邊爐食過，真係一試難忘。但今次佢就係用輕輕炸下方法去處理，再配上檸檬汁，都另有一番風味，最緊要係脆骨腸入面仲係有粒粒脆骨咬，表面又炸脆埋，脆上加脆。香辣啤酒薯條$29 - 雖然啤酒味唔太重，但辣粉做到好均勻咁沾到薯條上，配埋店舖祕制沙律醬，好香口美味。天婦羅魷魚鬚$38 - 個魷魚鬚唔會炸得過火，只係炸脆左個外皮，但入面條魷魚又唔會乾，而且有好香魷魚味。🍽環境：餐廳環境就係一般小食店，舖仔細細主打做外賣，不過都有兩張吧枱位，可以堂食。🤵🏻🤵🏻‍♀️🤵🏻‍♂️服務：老細都幾健談，態度亦都好友善，加上間店始終係新開，老細都會介紹下店舖嘅招牌食物，同客人打好關係。💰💸價錢：總數叫左7樣野，埋單都只係$200左右，以小食店嚟講，價錢都算幾相宜抵食。🐲💬總結：我覺得佢d小食嘅質素都做得唔錯，加上我成日都會經過附近，所以應該都會keep住幫襯下，順道支持一下區內小店。推薦指數：❤️❤️❤️❤️🤍…查看更多

紅磡新開左間炸物專門店，宵夜或晚餐加餸都係一個好好嘅選擇😍✨招牌炸三寶 - 有釀青椒、釀茄子同炸雲吞各兩隻，同其他地方嘅唔同，呢度嘅魚肉好有厚度，食落好彈牙，而且即叫即炸，新鮮熱辣食冇得輸🤤✨自家配製足料粉仔 - 好少地方見到有粉仔賣，而且佢好足料，好多蝦米同菇，再加埋佢嘅秘製辣醬，可以話係十分之夾同惹味，連我唔太食辣嘅都覺得正！✨椒鹽四季豆 - 本身我自己幾鍾意食四季豆，仲要配埋椒鹽同蒜蓉，簡直係大愛😻會食唔停~✨外脆內軟炸燒賣 - 極度吸睛的大大粒炸燒賣，裡面有魚肉香，真係外脆內軟，而且一d都唔會太多粉👍 沾埋辣醬食咸香味又出又滋味😸✨椒鹽粟米 - 比想像中易咬，整得好入口，粟米亦夠清甜🌽✨蒜蓉布包豆腐 - 裡面超滑，蒜蓉好香口，送飯實好正！✨招牌雞軟骨 - 估唔到幾juicy! 鍾意雞軟骨同有咬口嘅人一定會好like😍…查看更多