海南少爺 (已結業)

同事成日都話好鍾意食佢哋嘅䜴油雞 諗住趁準時收工去試吓😎 7點幾去到發覺䜴油雞已經售罄 唯有試其他嘢食啦👉🏻👈🏻 不過今次好好彩 坐到海邊位 落地大玻璃清楚睇到維海景色🌅🔷馬來西亞肉骨茶 $178標榜係福建派 選用左16種藥材同食材烹調飲落藥材濃郁回甘 另外配有響鈴、豆卜、油條、炸魚皮、炸支竹可以吸哂啲湯汁！配料可以四選二 今次揀咗三吋排骨、豬肚 排骨厚肉但偏瘦 豬肚腍得嚟彈牙 份量十足 另外仲可以加$70無限添飲！🔹經典滷水拼盤 [肉骨茶+$50]雞腳質地似jelly 滿滿骨膠原；豆腐嫩滑豆味香濃嫩滑 但人特別鍾意滷水溏心蛋🤎同埋豬手 肉質軟腍入味 👍🏻🔷 招牌海南雞飯 $128海南雞份量十足 配有三色醬 (辣椒醬、醬油、薑蓉）另外亦可以加$8轉雞髀 個人幾鍾意佢哋雞油飯 粒粒分明 唔會過油膩🍚 🔷 椰香海鮮喇沙 $128湯底比較流質 椰汁味濃郁 食得出加入咗多種香料 食落都幾辣麵底係米線加米粉 米線好滑 但少許偏淋配料都唔少 三隻新鮮大蝦肉嫩爽口 ; 魷魚圈、魚片彈牙 有咬口…查看更多

下午由中海城行到去夜晚，去到海運大廈、海洋中心果邊，咁一堆戰利品，拎到好攰，又餓又重，咁見到有間海南餐廳好似門面幾好，就入去坐低，食下飯，休息下。人唔算蛋，等咗15分鐘就有得入座。店舖空間仲算寬鬆，我一個人坐咗係4人枱度。叫咗兩樣嘢食醫醫肚。招牌海南雞飯 $128雞肉尚算滑，但係無乜雞味，一般質素，油飯都算香，但好普通，其實同快餐店嘅海南雞飯差唔蛋。馬來西亞肉骨茶 $178上枱嘅時候俾佢嚇一嚇，一路煲一路好似食緊火鍋咁，落啲豆卜、油條、魚皮啲香口嘢。噱頭十足，但一啲藥材味都無，係甘甘甜甜咁，比起馬拉吉隆坡當地食嘅肉骨茶差天共地。總括來說，一般質素。不要求食物高質素可以去嘗試。坐得舒服嘅，但快餐店食物。…查看更多

-身邊都好多朋友中意食星馬菜呢間一直喺社交平台出現率好高嘅餐廳今日終於有機會去試仲有得坐窗邊海景位，太chill啦🥰/▫️招牌海南雞飯(+$8轉雞胸)$136▫️必試嘅一款主食💛雞肉冇骨啖啖肉😋轉左雞胸，雞肉都一樣咁嫩滑有齊三色醬料，夠晒正宗有齊飯、菜、湯，夠晒飽肚！/▫️椰香海鮮喇沙$128▫️私心推介嘅一款主食❤️喇沙湯底非常濃郁！配合椰汁更加充滿東南亞風味加上秘製辣醬，辣得來又唔會嗆鼻味道真係一試難忘🫶🏻麵底採用大馬正宗做法，米粉+油麵索晒啲湯汁好惹味🤤一啖食齊粗幼兩款麵，口感更加豐富/▫️檳城脆蝦角$96▫️其中一款香口小食之選😋新鮮炸起熱辣辣🔥外皮鬆脆，包住滿滿蝦肉配合泰式辣醬，酸酸甜甜夠晒開胃👍🏻/▫️香脆蜜糖單骨雞翼(6件)$82▫️身為雞翼控嘅你一定要試🐔開頭以為六隻會唔夠食，但原來一隻都幾大隻！外皮炸到脆卜卜，肉質夠嫩滑Juicy再配合泰式辣醬好惹味係另一款非常香口嘅小食🤤/▫️椰汁紅豆冰$28▫️椰汁夠晒香滑濃郁，配上大大粒紅豆🫘為食物解除油膩感之餘更加充滿東南亞風味🥰/▫️夠薑香茅梳打$28▫️一般餐廳比較少見嘅一款飲品杯內有三大片薑，薑味超香濃再加上香茅味，飲落夠fresh夠清新🌱…查看更多

如果想食馬來西亞或者新加坡菜🇸🇬🇲🇾🍽️，喺尖沙咀都有好多選擇，今次我就去到位於海港城嘅一間星馬菜餐廳 - 海南少爺到食好西😋😋❤️餐廳一直不斷鑽研同改良經典星嘅馬菜式，正宗地道嘅娘惹美食🍲🍜，用最新鮮嘅食材配合不同種類嘅香料及配料，融合傳統與現代嘅烹調方法去製作各個菜式😋餐廳嘅裝修都用咗庭院嘅設計，以海南少爺別院內大宴親朋好友嘅盛況為藍本👩‍🎨🧑‍🎨，牆身擺放左唔少擺設，俾人有一種博物館嘅感覺🏺🏺我哋三個人都叫咗唔少嘢食㗎😋😋⭐️椰香海鮮喇沙 $128喇沙湯底以自家製馬拉盞、芫荽籽、薑花等香料，經研磨再慢煮而成，🍜用咗米粉同米線做麵底，配上海鮮🦐、流心蛋、豆卜及芽菜等配菜，成碗喇沙米線都好豐富食落去都有香濃椰香湯底味道，辣辣地都幾惹味㗎❤️⭐️馬來西亞肉骨茶 $178冇得輸嘅肉骨茶，當初睇餐牌嘅時候寫住重藥材味，咁好擔心會好苦，但最後飲落去重中藥味但唔會好苦，好好飲❤️ 肉骨茶配合左16種上等藥材及食材製作而成，果然係養生湯🍲 而肉骨茶會配埋響鈴、豆卜、油條、炸魚皮、炸支竹、排骨、豬腩肉😋好豐富！！⭐️招牌海南雞飯 $128海南雞食落去肉質嫩滑❤️餐廳用左百日三黄雞，用雞湯低溫慢煮後再浸冰水🐓🐓都落左唔少功夫架！🍚雞油飯食落香口🥰每一粒飯都好入味，餐廳用左雞飯醬、雞湯、香矛及班蘭葉一齊煮😎好好食🤤⭐️炒貴刁 $118第一次見到炒貴刁會有油麵及河粉🍝炒貴刁用料都好豐富😋有蝦、魚蛋及臘腸等，再配埋黑醬油、馬拉盞及參巴醬一齊爆炒😍食落去甜甜地帶有淡淡臘腸香味😋👍🏻…查看更多

之前同朋友試過一次覺得質素唔錯又坐得幾舒服，今日喺海港城開餐決定二訪又可以再試下其他菜式。🫖茶位$8荔枝紅茶帶有淡淡荔枝香，清清地好解渴。🔸招牌海南雞飯 $128上次試咗喇沙今次一定要試返招牌海南雞飯，都係經典配搭跟個湯、油飯、三色醬汁。雞肉嫩滑，想要指定部位可以+$8轉雞髀或雞胸。油飯粒粒分明乾爽唔油膩，想無咁邪惡都可以選擇白飯。🔸檳城脆蝦角 $96似炸雲吞，好脆口，入口唔油，點埋甜辣醬一齊食好惹味。🔸菠蘿蜜山渣糖醋肉排 $158肉排口感軟腍，份量都幾多，酸酸甜甜送飯一流。🔸海南椰子雞湯 $128上次飲過印象深刻，係個人必點推介🫶🏻雖然配料不多主要只有椰子肉及雞肉，但份量很足，當小食也ok!! 雞湯味道濃郁帶淡淡椰子香，令人一啖接一啖飲唔停口🥣…查看更多

海港城咁多餐廳，原來有間專食海南雞。第一次望住維港景色食星馬菜，晚市去撞啱時間仲可以睇到幻彩詠香江😂講食物之前必需讚下啲茶好好飲，係荔枝茶，好香❗️A high quality Malaysian cuisine restaurant with a decent sea view and comfy decor found in Harbour City. Recommend Bak Kut Teh and Laksa. The Bak Kut Teh had rich herbal flavours, other dishes were pretty nice too.▫️🔸馬來西亞肉骨茶 配迷你滷水雞雜全盛 $228 🌟8/10𝗠𝗮𝗹𝗮𝘆𝘀𝗶𝗮𝗻 𝗕𝗮𝗸 𝗞𝘂𝘁 𝗧𝗲𝗵, 𝗠𝗶𝗻𝗶 𝗠𝗮𝗿𝗶𝗻𝗮𝘁𝗲𝗱 𝗖𝗵𝗶𝗰𝗸𝗲𝗻 𝗚𝗶𝗹𝗯𝗹𝗲𝘁 𝗣𝗹𝗮𝘁𝘁𝗲𝗿 以熱爐上肉骨茶，又有響鈴、豆卜、油炸鬼、炸魚皮同炸枝竹做配料，有少少似打邊爐🍲🤣食材可從排骨、豬手、豬腩肉、豬肚四選二，湯底頗重藥材味，夠晒補身👍🏻雞雜拼盤有雞肝、雞腸、雞腎同芽菜，份量唔錯。▫️🔹招牌海南雞飯 拼海鮮喇沙 $138 🌟7.5/10𝗛𝗮𝗶𝗻𝗮𝗻 𝗖𝗵𝗶𝗰𝗸𝗲𝗻 𝗥𝗶𝗰𝗲 𝘄𝗶𝘁𝗵 𝗦𝗲𝗮𝗳𝗼𝗼𝗱 𝗟𝗮𝗸𝘀𝗮 𝗟𝗲𝗺𝗮𝗸嚟到必食海南雞，但又想食喇沙，竟然有個選項可以一次過滿足晒兩個願望😙❗️海南雞無骨，肉質嫩滑；雞油飯唔油膩得嚟帶啲薑味👍🏻迷你喇沙湯底濃郁鮮甜少少辣，米線同米粉都好食，仲有好多配料：蝦、蛋、魷魚、魚片同豆卜，細細碗但仍然俾到完整嘅體驗，好有誠意‼️▫️🔸炒貴刁 𝗖𝗵𝗮𝗿 𝗞𝘂𝗮𝘆 𝗧𝗲𝗼𝘄 $118 🌟6.5/10河粉撈埋油麵一齊炒，幾特別，又係好多配料，口感豐富，味道甜鹹得嚟帶少少辣🤏🏻…查看更多

海港城雖然向來有各式各樣的餐廳但要選食有海景的星馬菜餐廳海南少爺必定是我的首選！ʕ •ᴥ•ʔ餐廳裝修環境好舒服如果坐近窗邊仲海景tim。一坐下來就有茶供應茶味醇厚而且帶有荔枝果香！🌟招牌海南雞飯零售價：$108皮爽肉滑海南雞亦不會覺得好油膩平時不喜歡雞皮的我都清了成碟更有伴三色醬有黑豉油、薑蓉及辣醬配上鮮香油飯及雞湯每一口都令人回味🌟星洲醬油參巴炒蘿蔔糕零售價：$106呢道菜式相當有驚喜！！！與平時茶樓的顯然不同口感比較實正煙韌再加上外層經過煎炒形成薄薄一層的香脆外殼外脆內軟口感相富特別再加上特別醬汁炒香絕對晏是完全不一樣的體驗🌟沙嗲拼盤零售價：$118 半打雞串燒外表散發焦香香味配上秘制沙嗲醬十分惹味沙嗲醬亦見到粒粒原粒花生有時少少的細節便看得出餐廳的用心！🌟美祿哥斯拉零售價：$35相信大家都聽過星馬名物飲品——美祿恐龍這裡的更升華叫呀美祿哥斯勁過恐龍呀！！！ 哥斯拉味道相當澎湃濃郁再配上脆口粒粒絕對係all time classic 飲品我同朋友都相當滿意呢一餐下次再行過海港城一會再光顧(╯3╰)味道：8/10環境：8/10性價比：8/10回頭度：7/10…查看更多

喺海港城行街成日經過呢間星馬菜門口，不過一直未有機會幫襯。有日放工嚟開呢邊買嘢順便食晚飯，諗起想食星馬菜就揀咗佢。餐廳大部分係梳化位，座位闊落坐得舒服。餐牌上選擇好多，海南雞、喇沙同肉骨茶都係招牌菜。招牌海南雞飯可以配迷你海鮮喇沙，一次過試晒兩款招牌菜！無骨海南雞嫩滑有雞味，中間有啫喱好正三色醬係新加坡正宗口味，尤其鍾意帶果酸味但唔太辣嘅辣椒醬雞油飯粒粒分明帶點薑味，唔會太油膩拼海南雞飯嘅迷你版海鮮喇沙雖然細細碗，但都有齊蝦、豆卜、魚片同鴨蛋。喇沙湯底充滿椰香，米粉同米線吸收晒惹味辣湯炒貴刁係河粉加油麵，好特別。配料好多非常足料，有蝦仁、臘腸、魚餅等等。味道鹹甜帶點辣，好有鑊氣好惹味沙嗲拼盤有豬肉同雞肉，每串份量唔細，燒得香口唔會過乾。沙嗲醬香濃惹味，花生味突出帶點甜味蔥油拍酥餅配咖喱汁，蔥油酥餅煎得乾身酥脆唔會太油膩，配埋偏甜嘅咖喱汁好好味總括嚟講食物質素高，招牌海南雞同喇沙果然係好好味，可以話係必食！餐廳環境幾好，座位闊落坐得舒服，其中幾張枱仲可以睇到海景，人均二百幾蚊價錢合理。…查看更多

趁有海港城coupon，嚟親尖沙咀都要試試入面啲餐廳☝🏻夜晚去紅館睇演唱，食飯時間唔係好多，所以揀咗依間星馬菜餐廳試試～首先講講食物，飲食記錄：涼件牛蒡木耳絲正正常常獅城脆蝦卷同menu張相好大出入，「卷」變「餅」，蝦肉餡好薄，唔知食緊啲咩，淨係覺得好熱氣🥵串燒拼盤（雞肉及豬肉各3串）啲肉質地好霉好難食怡保芽菜撈埋芽菜底醬汁食，意想不到地食到食口油，好難受真招牌海南雞飯拼馬來西亞肉骨茶雞肉都算實同滑嘅；雞油飯好味；肉骨茶好重味精味好難飲後記：見喺餐廳嗌咗罐啤酒，33蚊及唔凍嘅😀既然menu標明開瓶費50蚊per bottle咁抵，嗱嗱臨去watsons wine買咗枝紅酒🍷（好彩叫wastsons staff幫我開埋枝酒，唔係真係搞唔掂）拎到返餐廳問佢哋拎酒杯，佢話無酒杯😵咁我哋叫佢俾2個玻璃杯啦（款式見下圖）。個杯好多漬，但我估都乾淨嘅，諗住用紙巾抹2下就飲，但有1隻真係有啡啡哋嘅漬，所以我問餐廳職員可唔可以幫我換一隻杯，跟住佢聲大夾惡話「係得依隻咖啦，一係就依款（大大隻啤酒杯），我哋自己都唔夠杯用呀」聽到真係好hard feeling..跟住同佢講「我哋share1隻杯得啦」…查看更多

海港城向來都好多野食，喺戈度食過幾間餐廳，質素吾錯之餘仲多數望到靚景✨前幾日又去咗戈度hea吓行吓街～都有一段時間冇食星馬菜，海運大廈戈度見到有間星馬菜真系幾有興趣。首先食咗小食先，沙嗲拼盤，豬肉同雞肉各有3串，豬肉口感偏向結實，比較中意雞肉淋淋哋嘅口感。醬汁都幾辣，夠惹味🔥吾食得辣嘅人吾好點太多😉餐廳招牌菜——招牌海南雞飯，海南雞飯同一般海南雞飯一樣，配3種醬汁(黑醬油/ 薑蓉/ 辣醬)，雞肉好嫩滑，個人最中意沾黑醬油，甜甜嘅味道配雞肉好夾。雞湯清甜，可以揀白飯或者油飯，油飯都吾會好油膩。食星馬菜又點可以吾食喇沙？海鮮喇沙材料十分豐富，有雞蛋、豆卜、蝦、魷魚、魚片，可以揀要吾要參巴醬，揀咗要黎試試。豆卜好入味，各類海鮮都好新鮮，湯底稍微辣咗啲，椰香味濃郁。食完重口味嘅野，食個甜品滋潤番先☺️海燕窩燉椰皇，呢個真系好好味😍椰皇入味系有海量椰肉，仲有好多椰皇水。一黎到戈陣系液體狀態，擺咗一陣會變咗固體。…查看更多

有一個星期五晚七點來到這餐廳 打算拎位等位 點知已經全full! 等都不能等 😦 有沒有這樣誇張？真係好食到滿港人潮？不死心找了個平日夜晚和友人快食再一次七點到達 平日夜晚果然冇星期五晚的人龍 不用等太久就有位啦~ •第一次食不用多想先試招牌菜海南雞和豉油雞。想食蠔餅但售罄了🥲 下次再試。•🐔新加坡古法黑豉油雞飯$128 餐牌寫到黑豉油雞是新加坡的名菜，幾年前去新加坡顧著吃海南雞，沒留意原來黑豉油雞都值得一試。一吃舌頭尖首先噹到豉油的甜，原來豉油大有來頭。用上本地老字號，豉油香甜，好像第一次嚐得出原來出色的豉油對一碟菜式這麼重要。不是肥雞，雞皮香口，雞肉嫩滑，味道鮮中帶甜又帶咸香，一試難忘。油飯充斥著油香，香氣逼人，粒粒分明，推介。•🐔招牌海南雞飯 $128 雞肉嫩滑，食得出醬料是用心製作。好食但味道沒覺得有驚喜，個人覺得黑鼓油雞更勝一籌。•今次坐不了近窗的位置。但環境舒服，食物質素不錯，難怪這麼受歡迎。下次再encore~ •As usual, menu for ref :)…查看更多

海港城嘅海南少爺每次經過都好多人等位，去開尖沙咀影anson lo 就去左食。兩個人坐四人枱，座位闊落。🍲馬來西亞肉骨茶 $178肉骨茶有得揀新加坡或者馬來西亞，新加坡會比較重胡椒味，馬來嘅會重藥材味。我自己就比較鍾意藥材味。肉骨茶一飲就好暖身，恒氣活血，如果冬天飲真係好正🐷可以自選兩款配料：排骨、豬手、豬腩肉同豬肚，我覺得肉骨茶一定要有排骨，排骨每條都有3寸長，肉質唔鞋，輕鬆就肉骨分離。豬肚浸泡係肉骨茶中好夠味，豬肚唔會太肥。🥢另外仲有響鈴，豆卜、油條、炸魚皮同炸枝竹做配料。🦐椰香海鮮喇沙 $128超級濃香鮮甜嘅湯底，麵係米級加米粉，非常掛湯。配料都好多：海蝦、魷魚、魚片、豆卜同流心蛋。🐔招牌海南雞飯 $108呢個份量啱晒兩個人食，雞件無骨，肉質嫩滑，雞皮好滑嘟嘟不過就偏肥。🍚油飯香噴噴唔油膩，仲有三款醬油同湯🫖不得不提茶芥嘅茶好香，好鍾意佢嘅茶…查看更多

#📍 海南少爺尖沙咀廣東道3-27號海港城海運大廈地下G16號舖🔸招牌海南雞飯 $108 (+$8轉雞髀)🔸新加坡肉骨茶 $138🔸沙嗲拼盤 (6串) $98🔸菠蘿蜜山渣糖醋肉排 $128🍒點評時間又去左食海南雞啦🐔今次就試左海港城嘅海南少爺入座侍應就放低鹹蛋黃炸魚皮同埋茶(小食$12+茶水$8/人)提一提炸魚皮都好好食🤣🍚招牌海南雞飯 轉左雞髀就冇平時咁多骨👍🏻雞嘅份量都唔少架😆雞好嫩好滑仲好有雞味😍再配埋三色醬汁簡直係一流👍🏻🍲新加坡肉骨茶用火爐形式上肉骨茶幾特別👍🏻保留到熱辣辣嘅味道肉骨茶亦都唔會太重胡椒味 入面嘅白蘿蔔好淋又冇渣 嚟哂肉骨茶嘅味🤤排骨都煮到好淋好好食 但又唔會煮到煲湯肉咁柴🍢沙嗲拼盤有別於平時可以自選哂雞牛豬呢到只可揀兩樣 咁我就揀左牛同豬秘製沙嗲醬配埋串燒味道好夾👍🏻串燒啲肉都好大舊 差啲食唔哂😂🍖菠蘿蜜山渣糖醋肉排呢個看似廣東菜式但東南亞餐廳都煮得好好食🤤肉排肥瘦適重 但都係好大一舊🤣輕輕炸過後非常香口 再配埋酸酸甜甜好開胃👍🏻連三色椒都煮得恰到好處 唔會仲有生生地嘅味道好味指數😋：⭐️⭐️⭐️⭐⭐抵食指數😛：⭐️⭐️⭐️⭐服務指數⚜️：⭐️⭐️⭐️⭐環境指數🧽：⭐️⭐️⭐️⭐️⭐…查看更多

🍪【#尖沙咀】海南少爺 Hainan Shaoye💥靚海景星馬餐廳 必食嫩滑海南雞💥..🐥招牌海南雞飯 Hainan Chicken Rice Set🐥 $108 (4.5/5)😍必叫嘅幼滑海南雞❗雞香濃郁😋去骨去得好乾淨👍🏻！附送雞湯油飯，雞湯清甜，油飯粒粒分明且唔油膩🤭.🐷馬來西亞肉骨茶 Ultimate Malaysian Bak Kut Teh🐷 $148 (4/5)藥材味重，無限添飲😆🤩食物豐富足料，有響鈴、豆卜、油條、炸魚皮、炸支竹肉類可選兩款，揀咗三吋排骨同豬肚，好入味😄.🍢沙嗲拼盤 (6件) Satay Platter🍢 $98 (3.5/5)揀咗🐔雞🐮牛各三串，推介雞肉，🤗軟身又滋味，牛肉就偏結實🙈.🍽 馬拉盞炒通菜 Stir-fried Water Spinach with Belachan $88 (4.5/5)推介！☺️通菜莖幼葉細，綠葉鮮嫩。配搭馬拉盞同蒜茸極惹味🥰！份量非常足充👏🏻.*☕茶芥 Tea Charge $8/位 person *餐前小食 Snack Charge $12/碟 serving~~~~~~~~~~~~~🍪餐廳最入有三張海景枱，美麗晚霞一覽無遺🌇~~~~~~~~~~~~~味道 Taste：🍪🍪🍪🍪/5環境 Ambience：🍪🍪🍪🍪/5💸消費 Spending：$259 /人 Person🔥推介度 Recommendation：4/5.📍 海南少爺 Hainan Shaoye@hainanshaoye.…查看更多

尖沙咀海港城呢間「海南少爺」主打新加坡菜🇸🇬 假日總係好多人排隊 如果好彩仲可以坐海景位食 夠曬chill🌊 招牌海南雞飯 $108雞肉嫩滑 飯粒軟糯 油香滿滿 而跟配嘅清雞湯味道清甜而不膩 值得一讚 炒貴刁 $98朋友唔食得辣所以揀咗唔辣 蝦仁爽口彈牙🦐 河粉同油麵鑊氣十足 夾雜芽菜同韭菜 增加口感👍🏻滷水拼盤 $148呢個拼盤可以一次過試曬佢地嘅豬手、溏心蛋、豆腐同雞腳 全部都好入味但又唔會過鹹 最出色係溏心蛋同豬手 肉鬆煉奶夾酥餅 $68第一次食餡料以肉鬆同煉奶做嘅印度薄餅 好新奇 餅皮口感酥脆 咬開後係鹹香嘅肉鬆 夾雜由煉奶帶出嘅甜味😋…查看更多