勇記海南雞

勇記海南雞我細細個就聽過呢個名，由佢未出名果陣已經食過1次，記得果陣我係打算去食佢個沙嗲牛麵，因為識佢所以私人比左幾件雞我食，一隔就隔左幾年先再有機會食到😂油飯香，唔會無味雞又真係有雞味，重點係食落去唔會覺得油，雞皮重幾爽❤️配埋個醬食一流(用黎撈油飯都得😂)唯一美中不足，湯賣晒要飲既話要早啲去😂😂簡單講，唔駛諗太多快啲狗衝去食❤️❤️❤️❤️重有總店係紅磡🫰老闆娘重諗緊搬定開多間，可能驚再開分店keep唔到個質素😂…查看更多

這裡係紅磡總店嘅分支 當日去到見無人排隊 所以即入去試一試 但其實用餐體驗麻麻 最大問題係坐位問題 一進去職員就已經叫我哋兩個人坐同一邊 這個都唔係大問題 因為好多餐廳都會在繁忙時間要求 最大問題係佢哋坐位細 我哋兩個人就算唔計背囊 兩個人都唔夠坐 不過都算數 因為都只係想試一試海南雞 唔係食高級餐廳 都明白餐廳想賣枱 我哋最後發覺佢哋一個人都係比一人一邊位 所以問職員可否一人一邊 職員話可以 我哋就比較舒服 我哋點咗一碟招牌海南雞飯和泰式大拼盤 這杯花茶其實唔係我首選 我下次應該都唔會再點 我情願加錢要凍檸茶 根本無味道的 飲到最後都無味道 如果唔係無例湯 我想無人會點 不過例湯真係好受歡迎 有人因為知道無例湯 直程唔光顧 我睇返食評 原來真係一湯難求 主角出現了 賣相都算正常 件數唔算多 但一人份量就已經合格 那嗰汁有點辣 但都好討好和美味最值得讚賞嘅係雞皮 真係好驚喜 有點啫喱口感 我一直都唔太食雞皮 但今次都清晒碟 其實係因為我哋兩個人 本來想一人一碟 但怕掌握唔到份量 所以決定點左一點先 之後點咗一個泰式拼盤 這個拼盤真係好唔值 價錢都算合理 但味道真係好一般 嗰啲辣醬又鹹又辣 嗰啲蝦餅炸到冇晒味道 終於明白點解個個都只會叫海南雞飯 大部份人都只係一個人食 快食快走 下次都會再食 但只限自己一個時候 大家有心理準備 係一定要搭枱 只係希望佢哋唔好做到一張枱要搭四個 今次飲唔到佢哋嘅招牌例湯 有點心掛掛 希望佢哋可以出貨多啲 客飯和湯數平均點 那就人人可以試到了這裡不用加一 沒有下午茶餐 大部分食客都外賣多 歡迎自帶外賣盒…查看更多

勇記海南雞總店喺紅磡，一直人氣高企，論雞既質素，佢無疑穩佔全港top3。海南雞飯，睇落好似好簡單，但其實原來都大有學問。海南雞飯分有好多派別，主要有海南、泰式、新加坡、馬來西亞。由於地理環境，星、馬，即係新加坡同馬來西亞既版本，基本上冇乜太大分別，如出一轍。最特色的，在於正宗新加坡海南雞，會配以三色醬(黑豉油、辣醬、薑蔥);除左醬之外，油飯既處理，亦會特色地加入斑蘭葉，令正宗星馬版本既油飯，有一種獨特香氣。而海南島的海南雞版本，主要用文昌雞。文昌雞本來就係海南特產，主要用椰子渣、混合穀糠餵飼，養於籠內，由於雞隻沒有運動，所以肉質肥美而骨軟。另外由於中國人提倡"有骨落地"，所以正宗海南既海南雞，係唔去骨的，享受滑嫩雞肉之外，再嘆吮骨之美味。而勇記海南雞呢度賣既，佢都寫左，係屬於泰式的。泰式既特色呢，就係d雞係去骨的，而且醬汁方面，只有一款。勇記既雞，由前君悅酒店廚師主理。眾所周知，君悅既海南雞飯出晒名!超好食!!...但亦好貴...差唔多300蚊。但勇記只係4分一價錢，而且味道一樣咁好!!點能夠唔追住勇記黎食呢!勇記用既係三黃雞，一望落去，d雞皮顏色鮮黃，望落已經好正!三黃雞又滑又香，佢每盒飯都好好，會有少少胸位同脾位，夠晒公平。油飯食落好香，除咗雞油香味，好似仲有少少椰子香氣，上面配左少少乾葱蒜，提升口感香味。飯餐會送野飲，但椰子雞湯好快送晒!今次無緣試!所以要飲埋湯記得要早d去呀!!…查看更多