Samsen 泰麵

每次中午經過這裏 都有一條長龍在排隊今天終於的起心肝 決定不論排多久都要吃到最後排了超過35分鐘🫣🛎️招牌泰式和牛濃湯河 一試難忘 沒有辜負米芝蓮的名銜湯真的很濃味 完全吸收了牛肉的精華材料有和牛片 牛丸 牛腩 炸豬皮和牛片和牛味濃郁 肉實軟熟牛腩入味且軟腍 牛丸彈牙河粉q彈同時吸收了和牛湯的味道🛎️泰式奶茶正宗泰式奶茶茶味濃郁 但偏甜冰塊溶化後味道剛好價錢雖貴 但比起同區新開的泰鑫這裏真的更值得一試 服務👨🏻‍🍳 門口接待的員工有禮 服務貼心 笑容燦爛 中午時分太陽挺猛 他為每組客人送上雨傘衛生🛁 沒發現污糟環境🏡裝修簡約 有泰國街頭風味 ...🛎️招牌泰式和牛濃湯河 $158🛎️泰式奶茶 +$18…查看更多

當日1230到 已經排咗一條長龍😅排咗(乾囇咗)大概半個鐘先入到去😂點解話進擊 以下睇下價錢同comment你就明🥹招牌泰式和牛濃湯河 ($158)拿拿拿 憑呢尾菜攞米芝連 呢個就真係有記憶點😆(幾乎枱枱都有嗌😎)又真係值得一試！一碗大概有4塊和牛、4粒切開一半嘅牛丸同3-4舊牛腩~啲和牛係真係幾好食 牛味好出😯咁好嘅牛煲出嚟嘅湯 湯底自然都好濃好惹味🥰佢仲有啲河粉的 但河粉份量相對地略少🫠我同同伴share食 好似要爭食咁😅唔建議share食但唔share性價比就低咗🤪招牌泰式蟹肉炒飯 ($158)本嚟上枱嘅時候覺得賣相一般般😂雖然係睇得出炒到粒粒分明但顏色極度「清淡」😹不過食落其實又蟹肉份量非常多喎！每一啖都會夾到好多蟹肉（有少少多過飯嘅感覺😹🫡)不過有啲失望係調味方面 竟然有啲好咸有啲冇咩味🥹我泰式凍奶茶($46) & 泰式粉紅青檸梳打 ($42)Errrr飲品真係冇咩特別🤣一杯奶茶去到一杯呢個價錢真係有啲啲肉赤🥲…查看更多

一直都知道灣仔有一間好出名嘅泰國菜，之前襯天氣開始轉熱，想趁「熱」感受吓夏天嘅氣息，weekend專程出咗去食呢間泰國菜！舖頭開12:00，12:30到嘅時候已經坐滿咗，要等下一輪先有位。但係職員好好，排緊隊嘅時候派咗杯冰水俾大家飲！入到去第一時間叫咗最出名嘅船麵！湯底香甜濃郁，和牛肉身超級嫩滑，仲有通菜、炸蒜同炸豬皮做配菜。雖然份量唔多，但係喺咁熱嘅天氣食一碗船麵，感覺剛剛好，仲有胃口可以食埋其他小食！闊河粉質地軟燸煙，火喉調味怡到好處，唔會太過油膩又非常惹味。睇賣相以為豬頸肉質會好乾，食第一口反而覺得唔錯。豬頸肉切成條狀並以炸蒜頭調味，入口啖啖肉，非常有咬口。呢個甜品好似係每枱嘅必食，食完濃味嘅主菜，食返一個椰子味嘅甜品，的確係解膩之選。飲品冇提供飲筒，可以大大啖飲，飲嘅時候覺得充滿泰國特色！…查看更多

經過冇人排隊先算，要排就不了🫸，定價太進取，味道中上啫🙏～・・・・・・・・・・・・・・・・・・・・🍚 招牌泰式蟹肉炒飯 HK$158・味道：蟹肉好多但冇乜蟹味，啲鹽落得唔均，一啖好鹹一啖正常～・口感：炸蒜同洋蔥都好細好少，所以食落一pat嘢咁，落多啲脆口嘅配料或者蔬菜，口感會好啲🙏。🍜 招牌泰式和牛濃湯河 HK$158・味道：和牛重牛香，4塊和牛，4粒牛丸，2-3舊牛腩，以米芝蓮獲獎食物嚟講，份量幾佛心😂牛筋丸牛肉味幾出，不錯。牛腩正常～牛湯底好重香茅同青檸味，都幾濃。係好食，但佢值$98啫，$158真係進取咗。・口感：和牛嫩滑嘅，牛丸都係水準之上食到筋粒。🍹泰式粉紅青檸梳打 HK$42・味道：erm聞落有陣咳藥水味，但飲落正常，係偏甜唔太酸嘅青檸梳打，整體OK。・口感：冇生果的所以冇口感可言XD不過梳打唔係好夠氣sad🥲🍨 泰式街頭椰子雪糕 HK$78・味道：粟米唔算甜，椰肉唔夠香，雪糕唔夠椰子味，花生正常，erm普通料～・口感：椰子雪糕係黏嘅，粟米同椰肉都夠爽，花生夠脆，OK desu～・・・・・・・・・・・・・・・・・・・・🤰性價比：中～🤰9衝度：可試～🤰結論：頂盡米芝蓮街頭小食級數囉，冇話真係好好食，九龍城好多泰菜都做到佢嘅水準，最重要價錢同環境真係唔值😥・・・・・・・・・・・・・・・・・・・・環境：偏向大排檔格局，只係有遮蔭嘅大排檔。坐得出門口啲已經feel唔到冷氣㗎喇，不過風扇都夠嘅，再熱啲就唔知頂唔頂得順了🥵…查看更多

週五下午5點45左右去排隊 隊伍已經排過街角後3M多 但還是勉強趕在第一批入座😅因為一位所以坐吧臺落單招牌wagyu粉&椰子雪糕-後上粉確實很值得一試 和牛質量高同埋湯底濃郁且不失泰國風味 非常之特別 唯一的不足就是粉絲漆埋一齊 並且份量只有圖片上哏多 大食嘅記得多嗌啲🌝雪糕不齁甜 大愛❤️同椰肉 粟米 花生一齊 感覺好健康hhhP.S.服務員姊姊會一直且及時的添水 讚👍🏿…查看更多

呢間長期排隊 雖然我個人唔太鍾意排隊 呢間價錢亦有點貴 但係呢間係排隊都會間唔時就想食嘅 今次晏就1點幾嚟到 都排左廿分鐘先可以入座次次黎我都係嗌招牌湯河 因為個湯底真係好濃郁 餸有和牛 炸豬皮 牛丸 牛腩 配幼身船麵和牛上菜嗰陣半熟 食嘅時候浸一浸湯岩岩好牛腩夠淋 好好食有次坐吧枱見到廚房係逐份逐份船麵拎上磅稱 份量嚟講偏細 女仔一個人食岩岩好 但男仔可能未必夠飽😂見到個餐牌又加左價了 上次黎係$148 今次已經係$158 連野飲$18 加埋一差唔多二百蚊一個人 有啲貴 但又真係幾好食 所以間唔時食下就好了😂…查看更多

#joyfood_灣仔 #joyfood_上環📍Samsen 泰麵 灣仔石水渠街68號地下📍Samsen 泰館上環蘇杭街23號地下━━━━━━━━━━━━━━━━━━━━━━━━━━━開業至今連續六年米芝蓮必比登推薦! 一開始以為頭銜而嚟 食完就覺得非常值得一試🫶🏻 雖然定價偏高而且收加一 不過覺得係物有所值嘅👍🏻嗰次平日11點45分到灣仔分店 都有人排隊😨 營業後十幾分鐘就坐滿曬 食完都keep住有人龍━━━━━━━━━━━━━━━━━━━━━━━━━━━🍜 招牌泰式和牛濃湯河 $148 +10% ▶︎ 配料都幾多 有4片和牛 3舊牛腩 4粒牛肉丸 同埋炸豬皮 西洋菜同蔥 麵底用咗幼身嘅河粉 ▶︎ 牛肉嘅牛味好重 本身係半生熟 不過浸落湯都唔會過熟 口感係有嚼口唔肥膩嗰種 鐘意😋▶︎ 牛腩同牛肉丸就正常發揮 牛腩都煮得軟淋入味👍🏻 牛肉丸係有筋嘅口感 幾彈牙 不過牛味唔太濃🫣▶︎ 河粉都幾驚艷 佢超級煙韌🤩 而且好掛汁 同我之前食開嗰啲好唔同!▶︎ 最後都要讚下湯底 濃味得嚟唔會過鹹過油 隱隱都感受到肉香🤤好味指數:●●●●◐ (幾乎滿分!! 唯一就係分量唔大可能食唔飽)━━━━━━━━━━━━━━━━━━━━━━━━━━━━到訪日期: 7月尾(午餐) 快樂指數😋: ⑨②/①⓪⓪ 性價比: 🌕🌕🌑🌑🌑環境: 🟦🟦🟦⬜️⬜️ 服務分: 🔆🔆🔆🔅🔅再訪意願: ❤️❤️❤️❤️❤️━━━━━━━━━━━━━━━━━━━━━━━━━━━━…查看更多

米芝蓮推介泰國餐廳Samsen🤩|人氣長龍和牛船麵蟹肉奄列🤤|超高水準還原泰國街頭味道🥳|Samsen 泰麵「記不記得，你將證件與機票連著一份渴望，放入這背囊」，筆者終於久違地出走呼吸一下世界各地新鮮嘅空氣，今次就係快閃曼谷四日三夜，旅途樂而忘返，亦順道想推介一間香港個人認為最好食嘅泰式餐廳比大家，Samsen於灣仔及上環都有分店，上環泰館就主打泰北料理及更多甜品選擇，而今次介紹嘅灣仔分店泰麵主打濃湯和牛船麵。-小食薑黃酥炸魷魚 3.9/5⭐️炸豬頸肉配烤蕃茄辣醬 4.2/5⭐️泰式蟹肉奄列 4.4/5⭐️我地揀咗三款小食，炸魷魚金黃香脆，配上酸辣醬汁作為前菜非常開胃。而炸豬頸肉係以切條形式上菜，同我地平時食開嘅泰式燒豬頸肉切肉唔同，依度切條豬頸肉原條入口啖啖肉，口感滿足，配埋蕃茄辣醬更加惹味。而蟹肉奄列上枱已經非常飽滿，切開更加見到蟹肉之多，配合埋奄切一齊食，啖啖蟹肉，非常滿足，十分之推薦。-主菜招牌泰式和牛濃湯河 4.3/5⭐️招牌泰式蟹肉炒飯 4.5/5⭐️和牛湯河係肉眼可見嘅濃湯深色，但濃而不膩，飲落帶有泰式船麵嘅甜香，十分惹味，而澳洲和牛亦係大方厚切嘅份量，好重和牛味，但稍稍扣分亦因為和牛同濃湯亦係濃味搶口嘅味道，令到兩者味道過於突出，但又未能夠完全融和兩者特色。而蟹肉炒飯雖然賣相同普通炒飯分別不大，但其實內有乾坤，碟碟即炒嘅炒飯做到粒粒分別不在話下，非常之夠鑊氣，而且啖啖鮮甜蟹肉令到炒飯提昇另一個層次，非常推薦。-甜品芒果糯米飯 4.1/5⭐️泰式街頭椰子雪糕 4/5⭐️芒果糯米飯係香港亦已經非常普遍，差不多間間泰式餐廳都有，但係依度完美還原咗係泰國芒果糯米飯嘅味道，糯米飯軟糯煙韌，芒果鮮甜，椰汁咸甜比例適中，加上粒粒脆米嘅畫龍點晴，亦係必食推介，少少可惜係定價稍高。椰子雪糕賣相吸晴，用椰殼盛載兩球椰子雪糕再加上椰子片栗米及花生增加口感，為依餐濃郁嘅泰國風味畫上完美句號。(稍稍一提，上環分店更加有班蘭同泰式奶茶味雪糕供應，而且仲有即叫即煎嘅香蕉煎餅，我都係大力推薦!)-總結:依間餐廳亦都算係我飯堂之一，經常想食泰國菜就會想幫襯，不過要留意多數都未必能訂到位置，要排隊齊人入座，而且擺枱擠迫，要想舒適慢慢傾計嘅朋友可能未必啱，但係食物水準非常一流，仲有其他炒闊河粉嘅味道亦係香港數一數二之選，或者等我留待下次寫上環分店再作介紹。====Samsen 泰麵 (灣仔)📍灣仔石水渠街68號地下====#Samsen#泰麵 #WanChaifood #灣仔美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#泰國菜#米芝蓮推介====有興趣睇更多好西推介，或者大家有好西Share，請大家Follow下我，比D支持✨：@healoop.foodie…查看更多

📍#Samsen #泰麵#MFJ灣仔 #MFJ泰國菜人均消費: HKD190無數次去 @samsenhk 都排晒長龍，今日經過竟然有位唔使排😳 睇睇餐牌都唔平，但當然要試試佢嘅招牌和牛濃湯河！🆗招牌泰式和牛濃湯河 $158一上枱試啖湯先，必須講個湯真心超濃，但你話係咪好香又唔算！ 個粉有少少似檬粉，食落較硬身，唔掛湯！ 裡面有生牛肉，牛腩，牛丸，炸豬皮同通菜！生牛肉有少少韌，唔香！牛腩入味，但咬落好散！牛丸無味，炸豬皮ok，通菜就超硬 😅 打著和牛牌頭，但食唔到特別之處🆗 泰式奶茶 $46幾好飲嘅，唔會好甜（冇的少甜）！ 飲落都好香朋友同我講過好多次唔值得排，試過的確認同！ $158泰底湯河黎講的確性價比比較低！ 同區大把泰菜都好食過佢，而且佢價位真係好高，$46杯奶茶真心O嘴😅#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog ##thaifood #thaicuisine #thainoodles #noodles #boatnoodles #相機食先 #灣仔美食 #泰國菜…查看更多

📍地址: 灣仔石水渠街68號地下✿😋味道😋：5/5✿👀賣相👀：4/5✿🏙️環境🏙️：4/5✿🤵🏻服務🤵🏻‍♂️：3/5✿💰價位💰：3/5米芝蓮推介餐廳，又係排隊排到傻，建議早啲去，6點基本上都有人排隊，但晚市18:30先開。↠⏰時段：18:00 ↞ ❀❀🥬🐖🌮❝泰北肉碎生菜包(豬)❞ $118☞ with spicy chopped pork & Thai herb salad with pork skin and spicy lime dressing我覺得呢個生菜包好酸，另外佢啲香料都幾重，每啖肉碎連埋啲菜食會好啲，但我個人來講唔係太鍾意。🔥🥬❝炒泰國通菜❞ $88☞with yellow beans, chill dipping sauce好有鑊氣，而且都好濃味，基本上都冇嘢挑剔，好惹味，同埋有少少辣辣地，不過就同普通泰國餐廳食嘅冇乜大分別。🍜❝招牌泰式和牛濃湯河❞ $148☞thin rice noodles, crispy pork rinds and Thai watercress雖然呢個必叫，但泰國船麵嚟講 ，都真係幾貴，不過個湯真係好夠濃，同埋好香好惹味，聽聞係用傳統方式熬製嘅湯底，用好多泰國香料製成，熬製成深啡色湯底，另外和牛片好嫩滑，加埋炸豬皮，牛丸，同埋偏幼身嘅船麵，所以成碗麵層次好豐富。🥥🍨❝泰式街頭椰子雪糕❞ $78☞toasted peanuts, young coconut meat and sweet cornChatuchak必食嘅街邊椰子雪糕，雖然呢度食真係好貴，但係都一定要叫，都係用椰殼裝住椰子雪糕，好濃郁嘅椰子雪糕加埋炒過嘅花生同埋一片片椰子肉，超級好食同埋好夾。…查看更多

呢間米芝蓮餐廳長期都好多人排隊食佢個船麵，今日放工就同朋友黎試下。佢晚市係6點開，我地6:00左右就到左，但門口已經有好多人排緊隊。開門第一輪啱啱去到我地就無位，之後等左半個鐘左右先有位。餐廳設計幾有懷舊東南亞feel，但餐廳都比較細，枱與枱之間好密，坐得唔係好舒服，加上見到出面排隊人籠，係有一種你想快啲食完就走嘅感覺。我地好有目標地叫左：招牌泰式和牛濃湯河 $148泰式炒闊河粉（雞） $128炒泰國通菜 $88泰式街頭椰子雪糕 $78招牌泰式和牛濃湯河🍜個湯底好正，上網睇個湯係跟足傳統方法製作，用左芫荽、玉桂、八角及香茅等大量泰國嘅香料，加上豬皮、豬骨同豬血熬咗成三個鐘，熬出來嘅味道特別濃香，配埋質感彈牙嘅幼身河粉，仲有選用左澳洲和牛，真係每一啖都食到香濃嘅牛肉味😍泰式炒闊河粉（雞）河粉好煙韌，炒得好有鑊氣，好有泰國嘅味道，雞肉都好嫩滑，少少辣辣地好惹味👍🏽炒泰國通菜超級有鑊氣，愈食愈辣，但好好味😋泰式街頭椰子雪糕🥥必吃甜品，雪糕好香椰子味再配上炒過嘅花生、粟米同椰肉，成個雪糕好有口感又好清新，食晒成個都無問題🤤…查看更多

中午時份路經人氣泰國餐廳「Samsen泰麵」，發現門外居然冇打蛇餅，小肥即急call哥哥落樓一同午膳。不設訂座兼人齊先可入座嘅小店已連續幾年登上車胎人推介榜，意味著米芝蓮評審員深覺其出品價廉物美，性價比高。地舖樓底勁高。中央有堂木梯延申至牆上嘅大型書架，天花則吊出多個盆栽，配上簡單嘅擺設，感覺猶如置身於一間鄉村屋舍內。隨身物及外套可存放於後方嘅掛鉤上。天氣夠凍時不用冷氣，不過唔知天熱時空調夠唔夠啦！用餐大堂面積有限，一眼睇哂，二人散座均以抗疫膠板隔開，滿座時難免會覺得迫。餐桌擺有自用餐具、口罩套、餐牌及兩款調味醬汁。細看四周，發現備用餐具及茶壺原來收咗喺梯架上，夠哂慳位。一頁午市餐牌中英對照，簡單易明。午市套餐均包有一杯飲品，當中更可選樽裝「Singha」泰啤。哥哥點咗客「泰式打拋和牛配油炸雞蛋」（$148）。炸豬頸肉配烤番辣醬（$88）：炸豬頸肉基本上都算爽口，個人只係略嫌外層偏硬，同咬落有啲嚡，菜式尚有進步空間。招牌泰式和牛濃湯河（$148）：一早知悉招牌泰國船麵絕不外賣，有位堂食當然要叫黎試啦！小肥少食泰國菜，其實都唔知何謂正宗船麵，只能憑感覺形容主觀嘅食後感想。透透地明嘅金邊粉柔滑煙韌有彈性，無奈深色嘅湯底同一時間又濃又甜又咸，重口味到細佬冇辦法淨飲。配料中最正係啲金黃鬆化得黎半脆半腍嘅炸豬皮條條！和牛就比想像中厚同瘦，如果餐牌冇註明的話真係會以為自己食緊本地牛肉囉！灣仔熱店「Samsen泰麵」面積雖少，勝在天涼嘅日子開揚通爽，流露出鄉村氣息。年輕嘅服務生態度良好，而且效率高。平心而論，食物質量只屬三線貨色，船麵單售$148黎講份量算偏少，幾分鐘食完最多可以話唔肚餓，即冇飽嘅感覺，請恕XO仔未能認同米芝蓮車胎人之推介。…查看更多

每次光顧「泰麵」，「招牌泰式和牛濃湯河」是我的必食之選。見到不少食評到有提及其湯頭濃厚有肉香、和牛香而不膩、肉丸肉味十足，這些我都不作詳述了，因為這些我都大大力點頭同意，每次叫這道菜，我都連湯吃光光。我很喜歡東南亞的湯粉，不論越南的pho還是泰國船麵，粉條的質感簡單是整個菜式的基石，又是它的靈魂。香港有很多泰國菜館，但能吃到泰國船麵真正「粉」的質感實在少之又少。我最愛泰式金邊粉的質感：幼滑、煙韌、爽口又掛湯。香港有不少泰國菜館，就算寫明是金邊粉，其粉條的質感都只是幼身的河粉，就算湯頭如何出眾，整碗粉已經失去靈魂，一入口已經味覺抽離。「泰麵」的「招牌泰式和牛濃湯河」用的金邊粉正是我在泰國嚐到的地道質感！讓整碗湯粉能稱得上是一碗「船麵」（雖然份量與正宗麵船有得大出入）。唯美中不足之處，是餐牌把這味菜式叫「河」，有機會讓初次光顧的食客出現「現實與想像的落差」。這點需要留意。光從餐牌看，泰麵一碗船麵的價錢不算親民。但如果知道這是一碗充泰國風味的船麵，我會心甘情願課金！小貼士：「泰麵」是灣仔泰國菜的搶手貨，座位不多，而且有不少食客都悠閑地進食（但氣氛很好啊！）每次我都排廿分鐘以上，有意光顧的各位要有排隊的覺悟。是次我的排隊時間只需五分鐘，因為我行了「早起的鳥兒有蟲吃」策略，十二點前乖乖排隊，各位可以試試😋…查看更多

呢間泰國菜已經連續4年得到米芝連推介，今日平日晏晝12:20左右到都排咗20分鐘先入到去，證明呢間舖頭人氣真係好高🥱午市套餐會包一杯嘢飲，同朋友都嗌咗青檸梳打，襯返啲油膩嘢就一流喇～第一個係招牌泰式和牛濃湯河 ($148)🐮個湯真係超濃牛肉味🤪生牛肉片好嫩口，牛味都好重🤤而且有幾粒牛丸都幾彈牙，河粉都比起出面嘅麵更有彈性，所以超推介食呢個👍🏻招牌泰式蟹肉炒飯 ($158)超足料，差唔多啖啖都食到蟹肉，唔係炒得好乾身個隻但都幾重蛋香幾惹味😋落啲青檸汁就可以平衡返個油膩感😛另外有泰式魚露跟埋可以按個人口味落，不過有少少辣🤭泰式虎蝦炒金邊粉 ($148)調味係偏甜，蝦有4隻都幾彈牙，但唔算太大隻，側邊有啲青蘋果絲畀你撈埋落去，食落唔算唔算好油膩，但個人覺得呢個係三個入面最普通嘅一個🤭總括而言呢間都係一間高質素嘅泰國菜，會明白點解佢可以得到米芝連推介🤙🏻明白咩係一分錢一分貨，偶爾食一次當獎勵自己都唔錯🤤…查看更多

2021年既最後一餐就俾咗Samsen🎉 人龍照常地多 價錢照常地不親民🤣坐得迫D當係泰國Authentic D既街頭地道感🛺 呢個價錢我Expect會坐得舒服啲🌚 味道方面水準布施道但係調味不必要地太鹹😅 比起泰國食到仲要更重口味‼️ 非常同意有人話Overpriced💰⭐️ 青木瓜沙律配鹹蛋 🥗老實講青木瓜沙律好難Go Wrong 💚酸酸辣辣嘅配搭好開胃 鹹蛋顯得有點多餘🍳 更有點蓋過青木瓜的清新⭐️ 招牌泰式和牛濃湯河 🐮湯底仍然好香香濃好Rich🍲 同泰國船河味道好貼近⛵️ 但係湯底不必要地太鹹 和牛咬落去算係嫩滑🥩份量亦不少 但係比起以前入口即溶令人驚艷的口感退步了💔⭐️ 招牌泰式蟹肉炒飯 🦀好有鑊氣又唔會太油🍚 但係蟹肉新鮮度不太夠🌊 同樣菜式比較喜歡Chachawan既煮法多D🥱⭐️ 班蘭椰子湯圓 🥥最喜歡既泰式甜品🇹🇭 湯圓皮夠煙軔🍮椰子椰糖既餡同椰奶有種甜鹹嘅奇妙配搭🍼唔會死甜的感覺…查看更多