越發海南雞專門店 (已結業)

招牌去骨海南雞飯($48)-雞肉好嫩滑，連雞翼都去埋骨，真是有被驚喜到！有3種醬料，連姜蓉，泰式醬，甜醬油同埋酸蘿蔔上。海南雞配埋油飯同醬料一齊食，正呀。贈送的老火椰子雞湯清清地得來又幾好味。泰國特色豬頸肉飯($48)好經典既泰國菜式，都幾好味。秘製雞翅炸得外酥內嫩，香茅味同雞翅好夾，非常惹味。凍檸茶不會太甜而且茶味突出，呢種味道太符合我口味啦，呢餐滿足哂我噶味蕾店面位置不多，但是老板娘同老板服務態度超nice。餐牌除咗有必食嘅海南雞外，仲有其他小食，飲品都可以試試！…查看更多

琴晚重回舊地‘X味’叫海南雞飯，味道差食完得個嬲字！好彩天有眼！今日俾我搵到間似樣既餐廳，食番碟好好好好味既海南雞飯，真係天同地既分別！1）去骨雞肉超級嫩滑老闆話呢度既海南雞一開始唔係用熟雞，係用生雞浸至3小時，比起其他餐廳花多了足足3倍的時間去製作，所以雞肉食起來更滑。2）價錢便宜抵食一碟雞飯$48咋，重送埋碗煲足3個鐘既椰子雞湯比你飲呀衰鬼！3）台式手打檸茶超好飲（跟餐+$5）茶底靚檸味岩岩好，好夾呀！同出面飲既茶記檸茶唔同， 一定要試！唔得呀，下次一定要再幫襯呢間野！支持用心製作既小店！…查看更多