小火焰韓式咖啡廳 (觀點中心) (已結業)

今日同朋友喺觀塘行行下街想食韓國嘢，於是就搵左呢間喺觀點中心嘅小火焰餐廳～好好彩1830去唔洗等位～7點基本上已經滿座一入到去餐廳都闊落，裝修都有韓國feel🇰🇷我哋叫左3款嘢食，值得一讚係上菜速度真係好快，等左大約15分鐘已經上齊晒，啲嘢食仲要熱辣辣😆！拉絲芝士BB豬肋骨伴泡菜炒飯 $108拉絲芝士同泡菜炒飯係完美配搭！每一啖既滿足又好邪惡😈 豬肋骨亦都好入味，一啲都唔柴😸 重點係份量好多，同朋友share就最啱炸雞combo $88 入面有雞軟骨、甜辣炸雞、同埋芝士薯條🍟甜辣炸雞好嫩滑，配合埋甜辣醬好開胃～雞軟骨同芝士薯條熱辣辣好好味😋 呢款真係好抵食，聚會必叫！炸紫菜卷 $48 首先個炸紫菜卷炸得好香又好酥脆，而入面包住左啲韓式粉絲，食落一啲都唔會覺得油膩，仲想一啖接一啖食😎呢個小食都己有驚喜！食完同朋友已經好飽，未試到佢嘅甜品🍮下次一於再試呢間平價又抵食嘅韓國小火焰餐廳😋😋…查看更多

觀點中心近行人天橋呢度原來有間餐廳，而且仲要幾受歡迎，價錢又親民。🍴 拉絲芝士BB豬肋骨伴泡菜炒飯 ($98) ⭐️⭐️⭐️⭐️成功做到拉絲效果，豬肋骨本身都用左燒烤醬整成，食落甜甜地好到位。雖然肉唔係話好多，但配埋芝士同埋啲泡菜炒飯，食完都會好飽肚。🍴 炸雞Combo ($78) ⭐️⭐️⭐️⭐️甜辣炸雞同埋雞軟骨，炸得啱啱好，雞肉唔會整到好乾，正啊！幼身嘅薯條配上好多好多嘅芝士粉，簡直係最佳配搭。賣相望落去已經非常之吸引，份量非常之合適兩個人share，真係啱啱好！.............................. 小火焰韓式咖啡廳 (觀點中心)地址📍: 觀塘觀塘道410號觀點中心1樓1號舖總評分: 8.2/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️💫…查看更多

而家周圍都咁多菌🦠出街食飯最驚就係污糟😣呢間餐廳每一張枱都會放咗一支消毒噴霧‼️飯前飯後都可以噴一噴🤤幾衛生✨不過強烈唔建議大家喺呢度切蛋糕🎂唔知係咪因為嗰段時間係轉場時間～我地比咗切餅費 但係零服務🧐連碟都冇比隻～比$50佢 淨係幫我地將個蛋糕放咗落隻碟度🤔-熔岩芝士炸雞麵包🧀 $148麵包睇落好脆 但係食落好淋身同埋煙韌🤣面頭有層焗到金黃色焦焦地嘅芝士😚下面就係海量嘅半融cheese 拉絲效果一流🤤不過芝士味就唔可以話好濃 偏奶香🍼似cream cheese多啲🧐啲炸雞好脆 炸粉好薄身✨估唔到肉質都幾嫩滑多汁😋將啲雞肉浸落啲芝士到一齊食真係好正😍食完啲雞仲可以食埋個農夫包同埋隔離啲墨西哥脆片👍🏻-韓式甜辣年糕炸雞🍗 $168 (全份）佢menu有好多野都有一隻🌶️ 但係完全冇辣味嘅🙈呢款有三隻 雖然係甜甜地 但係都真係幾辣下🧐呢度嘅年糕好得意係比較幼身嘅～不過我就鍾意正常嗰啲多啲🤣炸雞大約有八舊左右 每一舊都好大舊‼️但係因為佢有好大塊雞皮同埋雞骨 所以其實都唔太多肉😟呢款都炸得好脆 不過肉質就冇上面嗰款咁嫩滑😣值得一讚係呢度好貼心會提供手套 比人用黎食雞🧤-韓式蟹籽卷蛋🍳 $78呢個卷蛋味道相當豐富🥰個蛋係好似玉子燒咁甜甜地 上面仲有好多蟹籽、沙律醬同埋甜辣醬😝最特別係佢卷蛋入面加咗啲飯 所以食落口感好得意😎不過我就嫌佢太多醬好濃味～因為其實舊卷蛋好細舊 蓋過晒蛋嘅味🙈-牛肉水冷麵(蘿蔔味湯底)💧 $78全部嘢食都比較油膩 嗌番個水冷麵最好不過🤤個冷麵質感好爽口彈牙✨冷麵仲配左好多青瓜絲、蘿蔔絲同埋香梨🍐個湯底個味麵調得好好 唔會好鹹好濃味😝食落好清甜 好清新🥰佢啲牛肉係切好左一條條 牛味比我預期中濃好多‼️啲肉仲好滑 一啲都唔韌唔鞋🤩呢個都幾推介💓-拉絲芝士BB豬肋骨伴泡菜炒飯🐷$88除咗芝士之外🧀個豬肋骨仲加咗BBQsauce 所以食落甜甜地🍯個豬肋骨比較少肉 骨同地肉都好難切開 🧐但係肉質都幾淋 唔會太肥 😛不過同上面一樣 個芝士係偏奶味🍼因為嗰日都幾多人去食 所以個炒飯淨係淺嘗咗兩啖🙈但係都食到有幾多泡菜🤤個飯唔會炒得好油 酸酸辣辣咁都幾惹味‼️-泡菜肥牛炒粉絲🐮 $78個粉絲炒得好香 口感幾煙韌同好滑嘟嘟🤤除咗肥牛同泡菜之外 佢仲有蔬菜一齊炒😚呢個都淨係試左兩啖 覺得佢炒得幾油下🤫不過啲肥牛好滑💓但係就相對冇上面嗰款牛肉嘅牛味咁濃🙈-仲帶咗兩杯嘢飲✨-藍柑白桃梳打🍹 $34呢杯梳打個味好fresh✨桃味好濃🍑藍柑就似lemonade嘅味🍋又有白桃嘅甜味 又有酸酸地嘅檸檬味👍🏻可以解膩😛-紫薯沙冰 🍠 $46呢個沙冰真係好驚喜 勁香濃嘅紫薯味 又唔會話係死甜味💜成杯冰堆到實一實 勁滿成坐山咁🤤飲極都仲有🤣仲加左啲cream同埋四粒甜薯仔😋好豐富‼️不過要間唔中食下啲冰 如果唔係就會融晒🙈呢個好推介💓…查看更多

高人氣韓式咖啡餐廳💕-餐廳於2016年3月底進駐觀塘，已經吸引唔少港人，網上佢既評分都幾高咖！依間其實我都食過兩次了🤣價錢中等合理亦迎合到港人口味！而且上菜速度好快！-1️⃣韓式甜辣年糕炸雞(一份8件)$168⭐️⭐️⭐️⭐️之前食過一次之後一直在回味，所以再叫左！年糕好搞笑地係用好幼既年糕😂炸雞每件size都偏大，兩次都有兩隻比平時大小小既雞翼😂😂炸得好脆，粉也不會過厚，肉質保持嫩滑有肉汁🥰甜辣醬今次就有點偏酸，甜番啲就perfect ！/2️⃣炸雞combo $68⭐️⭐️⭐️依個都幾抵食，有三樣野: 雞軟骨、甜辣炸雞4件仔、芝士薯條。雞軟骨份量勁多，食唔晒完全😂炸得岩岩好同香脆，不過就小左啲調味，稍為有點淡。芝士薯條好食😋芝士醬濃味，唔夠喉！/3️⃣拉絲芝士BB豬肋骨伴泡菜炒飯(可轉白飯)$88⭐️⭐️⭐️⭐️芝士落得好多，真係有拉絲效果😍 飯係泡菜炒飯，泡菜多到食每淡都會有🤣所以飯會偏酸，豬肋骨都充滿芝士味，肉質腍得黎又爽🤣不錯👍🏻-環境：8/10服務：8/10好味指數：9/10回頭率：9/10…查看更多

好耐冇食過韓式野，就去咗近近地屋企附近呢間韓國餐廳食飯~平時都見好多人排隊，今日難得早放未有咁多人好好彩~一入門口就見到收銀枱有隻brown，好cutie~拉絲芝士BB豬肋骨伴泡菜炒飯~好邪惡嘅拉絲芝士炒飯，酸酸辣辣嘅泡菜附上粒粒分明嘅炒飯十分開胃，增加味蕾嘅刺激感，加上BB豬肋骨肥瘦適中，肉質焗得啱啱好，夠鮮嫩juicy~蜂蜜提子脆米炸雞（半份)~第一次見呢款炸雞嘅配搭，蜂蜜佈滿整個炸雞面，配上少許嘅提子，味道清甜而不膩，炸雞啱啱乍起，外皮夠香脆，內裏肉質口感鮮嫩而充滿肉汁，幾驚喜~韓式煎餃子~啱啱煎起嘅餃子能夠鎖住肉汁，餃子皮膠布，餡料豐富，包滿豬肉生菜，配合酸酸甜甜嘅芥茉醬和餃子汁更是開胃，個人認為餃子內加點韓式粉絲會更上一層樓~紫薯拿鐵~熱辣辣嘅拿鐵十分creamy，帶有濃濃紫薯香，甜度OK，冬日之選~…查看更多

餐廳就係apm隔離既中心，地理位置方便。而且餐牌選擇非常多，既有沙律，韓國小食，石頭鍋，冷麵，炸雞，基本上食到既韓國料理都有得叫。平日dinner時段等位比假日少人。90分鐘用餐。叫左芝味炸雞(半份$88)，拉絲芝士BB豬肋骨伴泡菜炒飯($88)，羽衣甘藍特色菜餅。芝味炸雞半份有4件，有雞翼及雞脾部位，即炸熱辣辣，咬開仲冒緊煙，而且外皮醮有滿滿既甜芝士醬，及芝士粉，唔係膩既芝士，good。肉唔乾唔‘鞋’口。豬肋骨有3大件，燒得適中，用芝士卷住豬肋骨就有另一種風味。泡菜飯唔辣，面頭仲有d紫菜，如果唔想太濟，就唔好拌太多芝士。但個人將所有配料一齊攪拌後，好好食。份量多。菜餅上有幾塊羽衣甘藍，粟米，泡菜，紅蘿蔔絲等，比較少見會加入羽衣甘藍，泡菜令菜餅既味道更突出。餅底雖然薄，但配料夠多。整體，靜靜地食dinner，唔錯既選擇，而且份量多，好豐富，食物種類又多。…查看更多

係觀塘返左咁耐工，一直都聽同事講好想試下小火焰既炸雞，但就係一直都未有試過一次，直到今日同事要調分店，為左滿足佢既心願就黎試返一次。小火焰韓式咖啡餐廳開係觀點中心一樓，就係apm向牛頭角方向行前小小，晚上大概7點多，餐廳已經爆滿，等左半個鐘終於可以開餐了。餐廳既佈置都比較簡單，播住一首一首既韓國pop music，都帶幾分韓國風味，特別既係menu整得非常仔細，望住精美既食物圖片點菜都會開心d。因為唔係太餓既關係只係點左2個主食同埋1份甜品。熔岩芝士炸雞麵包 $128首先黎既係好多人都特音意走黎打個靚卡既熔岩芝士炸雞麵包，重點緊係熔岩芝士吧，鬆軟既空心麵裝滿熱情既芝士醬，暖笠笠既芝士味到香濃，帶重重既牛油香，口感creamy，用黎點炸雞真係寧括唔同，炸雞本身香脆，外皮唔會太過厚，皮香肉滑，滿腔既雞油脂加上芝士既味道，神一般既享受。另外配上既芝士脆片，又是另一種既芝士香，味道偏重味一點，都唔錯。拉絲芝士bb豬肋骨伴泡菜炒飯 $88另一主菜就叫左份拉絲芝士bb豬肋骨，價錢相當抵食豬肋骨既份量都唔小，而且肉感豐富，唔會淨得d骨，味道彩用bbq風味，自然夠晒濃郁，配合牛奶味重一點既芝士，減淡一點太膩既感覺，伴隨既泡菜炒飯帶小小既辣味。密瓜沙冰 $46望住menu既飲品欄，不由自主都點左一杯沙冰，個人感覺挺不錯的密瓜沙冰，本來就特別鐘意密瓜既味道，奶白色既沙冰，味道有d似milk skake，甜甜既牛奶密瓜味道非常好味。雪山窩夫 $78雪山窩夫因為要特別製作所以要等一段仔時間，軟綿綿既窩夫上面係雪山造形既蛋白cream，蛋白cream既味道唔會太甜，對比平時食開既忌廉，蛋白自然無咁膩，略嫌唔多甜可以加一些糖漿伴食，但都唔建議加太多，因為糖漿都偏甜。…查看更多

韓風在香港大熱,其實可說韓劇應記一功。記得以前香港主流的韓國菜式就除了韓燒，石鍋飯，其他皆不為主流,，若說韓國菜或者尖沙咀的韓國街之能興起，絕對是香港人，尤其香港女性市場大愛韓風所衍生出的商機，好像在幾年前的「星星」帶來的韓式炸雞，部隊鍋，醬油蟹，炸醬麵等等都可說是由以上原因帶出來的結果呢。不過久不久來一轉韓國滋味遊也屬不錯的。來到的時候都是滿座既現象，不能訂位只好乖乖排隊嚕。呢度分室內同半開放式嘅座位，空間感都幾大一啲侷促感都冇。餐廳入面做有幾部電視機播放着韓國唔同人氣團體既MV同歌曲，韓風感非常濃烈。呢到主打fusion菜及特色甜品，結合韓式烹調技巧的同時，亦照顧到港人的口味，難怪開業只有一段時間，已吸引到不少於附近工作的上班族幫襯。睇睇Menu先，主食方面有韓式刀切麵、年糕拉麵、泡菜炒飯等，小食有炸雞、煎餅等等。有圖又有只圖文並茂非常吸引。而且顏色上運用得非常鮮艷導致增加食慾。如果唔想麻煩嘅話可以選擇套餐入面嘅嘢食都相當豐富。睇左一陣就發覺都提供多款以芝士為主的菜式，如溶岩芝士炸雞麵包、溶岩芝士韓醬牛肋麵包及芝士年糕西多士等，適合「芝士迷」。🔹溶岩芝士炸雞麵包 $108講到小火焰Cafe的招牌食品，一定要數這款溶岩芝士炸雞包，看餐牌時，男朋友已經對這道菜非常期待因為賣相邪惡，確實吸引。.超巨型的麵包上，類似坊間的農夫包，麵包內注滿熱溶芝士，旁邊的炸雞又是另一誘惑。食法是將熱辣辣的外脆內嫩炸雞浸進去，那就成為一件舖滿芝士的炸雞了，平時外面食有機會炸到變乾，但呢度冇呢個問題之餘仲會食到果皮係脆口入面都有肉汁。熱溶芝士味道輕身，而且不太濃稠，不然整體就會太膩吃不下去。開心既係呢個芝士一定拉到絲。btw呢個菜式其實有點像吃芝士火鍋，但呢度就結合了韓式和歐洲烹調手法和風味！側邊仲有一啲墨西哥脆片，沾左芝士醬仲更加好食。最後麵包亦可連同芝士一起吃。就算冇菜冇意粉呢道菜已經可以夠飽肚。🔹拉絲芝士BB豬肋骨伴泡菜炒飯 $78繼續都係芝士，這道配上微甜的BB豬肋骨，沒有之前炸雞的重份量，感覺較輕，隻芝士又做到拉到絲既效果，唔錯呀。豬肋骨入味，能做到骨肉分離，使口感及味道都得到滿足。食到食幾舊豬肋骨同埋份量多既芝士飯其實都算幾抵而且埋呢個飯嘅芝士都幾足料唔係得面頭嗰一浸，入面撈埋一齊後係每啖都有邪惡感既。伴著泡菜炒飯比白飯更滋味更香。又炸雞又芝士，沒空間再吃甜品，不過飲品就飲得落既，要說得上是一間韓式Cafe，飲品種類又怎可以少呢？小火焰Cafe供應的飲品多達20款，「紫薯Latte、Tiramisu咖啡、檸檬藍柑梳打、蜜瓜沙冰」等等受歡迎飲品。🔹蜜瓜沙冰 $46最喜歡食下冰涼甜點降溫，蜜瓜炮製沙冰一流！因為韓國蜜瓜味道勝在香甜，卻又不會死甜，果肉水份及果汁特多；試飲一啖己經覺得好好飲，蜜瓜的清新與甜蜜在口中四散開。不錯呢！整體食物質素不錯啊，幾道食物仍然令我感到滿意，坐得舒服又夠闊落。就等我有空再看多幾集「韓劇」，然後再來光顧時，未知會否有不同的滋味呢?…查看更多

依間野經常排長龍不過都係有原因嘅～就係分量足建議一班人食今次等咗15分鐘唔算耐～4個人叫咗4樣野share墨魚汁青口刀切麵味道還可以～有賣相不過冇咩特别溶岩芝士炸鷄麵包表面芝士滿滿～中間似濃嘅白汁唔太似芝士炸鷄新鮮即叫即炸配個汁味道好夾拉絲芝士BB豬肋骨伴泡菜炒飯韓式鐵板上～豬肋骨d韓式醬好夠味唔會鹹～炒飯都好多泡菜幾野味柚子蜜糖鷄翼炒年糕好好味d鷄翼入味又唔乾～不過唔覺有柚子蜜糖味～年糕顏色紅紅地～今次飯局價錢合理會再黎…查看更多

日期:平日時間: 晚上七時多 (不用等位)人數:五人餐廳入座後限時兩小時不設booking 門外取票等位五人以上得六人卡位 其實傾起計上黎唔係咁方便 二至四人揀呢到就好prefect 食物方面 一上枱覺得煙三文魚好淡色 但食落好濃味沙律汁好夠 味道亦好好至於豬手個量少左d 但佢既配菜好足夠有泡菜 醃蘿蔔 蘿蔔 粟米 好新鮮豬手其實好淋 但食過韓國既會覺得個豬皮要膠質d豬肋骨配泡菜炒飯豬肋骨有燒烤味 好正 又夠淋 芝士偏向忌廉味唯獨炒飯較乾較硬全晚最正係呢個拉麵但記住要趁熱食 唔係放落左 拉麵就會糊蕃茄夠濃 再加辣味真係無得輸雖然搵唔到芝士既蹤跡但仍然食唔停口呢個芝士包好出名 好多枱都有叫芝士拉絲個下好興奮 同樣好重忌廉味 炸雞好脆 麵包就算浸淋左少少都ok炸雞無乜特別 夠熱就點都好食有兩種醬 甜辣醬 好淡味沙律醬最後飲品 士多啤梨味最出 呢個好值得試…查看更多

前排公事同事介紹係One Pacific Centre隔離既大廈開咗間韓國餐廳~ 同事們試過話唔錯~ 咁就梗係要去試下啦~!! 聽聞午飯時間好爆~ 所以搵日預早閃人去攞位~ 好彩到步時未到高峰時間~ 入座後大慨10分鐘就開始要排隊啦~!餐廳環境好簡潔~ 牆上掛滿大電視不斷播放韓國MV &餐廳既食物~ 尤其各款既甜品圖片~ 真係非常吸引視線~! 我同同事3人每人點咗份午餐一齊share~! 不惜未有機會試甜品呢~!!傳統亞朱絲泡菜辣炒年糕 $68 - 年糕既份量好多~ 對於唔係太食得辣既我黎講味道偏辣~ 忍唔住要問職員攞杯凍水~ (因為我點咗熱柚子茶熱得滯等唔切佢凍呀!!) 但除咗辣之外整體係好味既~ 醬汁好夠味~ 真係有係韓國街邊食炒年糕既風味~韓醬燴牛肋伴韓式肉醬(with rice) $68 - 呢款我同事讚口不絕~ 佢話個韓式醬汁好好味~ 當然牛肋煮得好入味~ 至於另外一碗既韓式肉醬都唔錯~ 但都被牛肋肉既味搶去風頭呢~ 同埋唔太明白明明韓醬牛肋已經有一種醬汁~ 但又要加多碗醬汁? 怕大家唔夠醬汁撈飯?? XD拉絲芝士BB豬肋骨伴泡菜炒飯 $78 - 呢個真係超驚喜~ 單睇賣相就覺得整作認真呀~!!! 份量亦都好多~ 豬肋骨本身煮得好好味~ 加上大量芝士~ 重有個泡菜炒飯~ 一個人真係食唔晒的~!! 當然我地3人share食都真係大家到飽晒~!! 整體黎講餐廳食物食得出好有誠意~ 同同事們一齊享用過咗個愉快既lunch time~!!-以上奉送咖啡或茶 -免收加一服務費…查看更多