新南苑雞煲小菜點心

餐廳企理又光猛又夠大，坐得舒服食得舒適。店員有禮，會推介小菜，呢到夜晚都有點心食架！最鐘意黎呢啲中菜餐館食小菜係所有菜都係即叫即整，熱焫焫上菜，又有鍋氣，係屋企真係好難做到🤪蜜椒金沙小排骨 ($78)每條骨都肥瘦均勻，煎得剛好，肉質嫩腍，有啲肥膏先好食架，味道甜得黎有黑椒味，好香口有鍋氣！豆豉鯪魚油麥菜 ($68)呢度炒菜係生炒既，特別夠火候有鍋氣，炒出黎唔會好水，反而有啲芡汁更惹味，我欣賞呢到既豆豉鯪魚油麥菜係調味剛好，因為豆豉鯪魚本身都帶咸，唔需要再加太多調味料，否則會變得更咸，呢碟咸度剛好！台山黃鱔煲仔飯 ($98)見到menu有個👍🏼就知係招牌菜，而我本身都中意食鱔。煲仔上可以保持熱度，炒飯粒粒分明，炒得夠乾身，黃鱔切粒食落都有嚼勁，成煲飯好香口，而且份量好多，可以一家四口share都冇問題，的確係唔錯既！抹茶流沙煎堆 ($33)叫一叫個甜品，成餐飯就圓滿了，呢個抹茶流沙煎堆一咬開，入面既抹茶醬就咇哂出黎，超級超級流沙呀！抹茶味十足，油膩感唔重，每件都好大件添！呢間中餐館既小菜的確有水準，性價比高，好食又抵食，大推🙌🙌🙌.味道 ★ ★ ★ ★ ☆環境 ★ ★ ★ ★ ☆服務 ★ ★ ★ ★ ☆性價比★ ★ ★ ★ ☆.…查看更多

今晚同朋友經過附近，口痕想食下酸菜魚，search 完後就決定去呢間新南苑試下。開頭覺得價錢咁平，應該都係細細盤，所以另外叫埋佢地推薦嘅雞煲同其他點心。結果黎到樣樣都大件夾抵食！😍😍好彩最尾都食得曬！😎-🐟酸菜魚 ($138)🐟佢有唔同辣度可以選擇，今次我同朋友就揀咗微辣🌶，如果大家同我一樣唔係好食得辣，呢個辣度就岩岩好🫡。食落魚肉好滑身，一啖接一啖咁唔經唔覺就食曬！🥲🥲-🐔啫啫雞煲 ($88)🐔之前出面係食過唔少雞煲，為咗望落份量多啲，通常餐廳都會用原粒蒜頭同埋好多洋蔥。但係新南苑雞煲真係用雞做主角，一煲入面有差唔多二十件雞，好飽肚🤤🤤🤤！雖然蒜頭洋蔥份量比出面餐廳嘅少，但味道一啲都唔差，非常入味！😋😋-🍵抹茶流沙煎堆 ($28)🍵點心入面，我覺最有特色嘅就係抹茶流沙煎堆🤩。煎堆皮同流沙餡唔會太甜，好香抹茶味，同外層嘅芝麻易都好夾！🤓🤓-估唔到竹園都有咁正又抵食嘅餐廳，強烈推薦俾大家！！！…查看更多

雞煲，小菜，點心，一次過滿足幾個願望！睇餐牌仲有鐵板，酸菜魚同水煮魚等，選擇幾多元化，而且價錢平民化，至於食物質素，我覺得都幾好，性價比高。見到好多枱食客都叫雞煲，可惜我得兩個人食，所以今次無試招牌雞煲。見有得飲夜茶就叫左籠金箔蝦餃皇 $30同#櫻花蝦燒賣 $26，每籠三粒，金箔蝦餃好睇又好食，皮薄餡靚；燒賣幾大粒，係豬肉同蝦肉餡，面層櫻花蝦蒸熟左好似蝦米咁，少少脆口。之後叫左碟腐乳通菜炒牛肉 $68，份量好足料，牛肉大塊又好腍，搭腐乳味又Match喎，餸飯一流。脆米鹹檸檬海鮮炒飯 $68 呢個配搭好新穎，將鹹檸檬加上蝦仁，帶子粒，菜頭等炒飯，味道與口感好獨特。而炒飯本身亦炒得乾身，粒粒分明。最後甜品叫左抹茶流沙煎堆 $28，賣相幾呃Like，抹茶味煎堆加上流心抹茶漿，香濃得黎又唔會太甜，正！叫左凍飲計半價，凍奶茶 $10，維他奶紅豆冰 $12，第一次飲覺得幾特別，幾好飲。…查看更多