GUM "JENG!" X 御前上茶 (已結業)

睇戲前見時間尚早, 我提議不如係附近搵間Coffee Shop坐坐, 友人突然醒起屋企附近Fashion Walk有間新開食抹茶雪糕既小店, 甘我就跟住佢去啦!! 原來係御前上茶, 之前我也想試的抹茶店之一...我地入去太約係夜晚九點半度, 但竟然係全店都冇人, 可以任揀位置坐!! 係店内見到牆上掛住客人寫上及畫上對店既祝褔牌仔, 查詢下已經沒有得再給客人寫了!! 而另一邊牆則掛上好多名星到店的照片, 唔知點解有種怪怪的感覺, 可能感覺像香港老牌食店既做法, 哈哈~~其實Menu 入面既選擇已經不多. 重點係有橙點的仲要無得揀...抹茶聖代 $52: 友人叫了抹茶軟雪糕, 有五層的, 分別有煙煙韌韌既白玉糯米糍+脆卜卜既脆米+好滑既豆腐+甜甜既紅豆，最重要緊係有好濃抹茶味既軟雪糕啦!! 層次分明又豐富, 只不過雪糕一黎到已經溶溶地...衘前抹茶盛合 $84: 而我就叫左抹茶盛合, 其實同我朋友個杯抹茶聖代差不多既野, 只係多左抹茶啫喱, 小了脆米同豆腐, 同份量多小小, 軟雪糕同樣係溶溶地!! 而軟雪糕只是尚可但不夠滑, 紅豆就不夠起沙但都夠咬口, 白玉糯米糍夠煙韌, 而抹茶啫喱都夠濃同滑, 整體合格!!…查看更多

最近Fashion Walk 頻頻引入不同品牌進駐，GUM GUM GUM 就是其中一個品牌，在鬧市中可休閒的進店看看特色物品。咦？Yan Yan 我唔係寫緊食評既咩？點解會講起商店呢？其實GUM "JENG!" X 御前上茶 正在試業中，它是位於GUM GUM GUM 店內。我這個茶控又怎可放過呢？逛過GUM GUM GUM 後可到此歇息一番，回回氣再逛街。店員先給號碼輪候，剛好有客人離開，所以只需數分鐘即可安排就座。店內有以甜品相片作點綴，座位方面有BAR 檯形式的。另一邊的座位較寬闊，空間感也較多。牆壁上還有許願紙牌，微風吹過，紙牌輕輕的擺動著，有點像風鈴般但沒有發出聲響，是頗有特色的擺設。餐牌內共有不同款式的，眼花瞭亂，任何款也不想錯過。甜品由$32 - $88 ，價錢以甜品來。。。嗯，吃過才告訴大家。最低消費每人需要點一份甜品。點單後，職員隨即送上單據，需即時付錢，甜品才會送上，就像酒吧一樣。抹茶聖代等候時間不長，已為我們送上第一道甜品。共有五層的聖代- 抹茶雪糕- 丸子- 脆米- 自家製豆腐- 紅豆- 綠色啫哩綠茶雪糕味道不算太濃，而且不是creamy 的，反而有清新、解渴的感覺，夏天進食份外消暑，有冰新涼快既意境。紅豆很大粒，軟硬適中。豆腐很香豆味，而且很滑。抹茶聖代有不同口感，集脆、滑、爽於一身，每層各有特色，不過一起進食也很配合。焙茶鬆餅配焙茶霜淇淋店員多送我地多一份豆腐雪糕，這份也等了一段時間才送到，很細心的對我們，先謝謝！相片與現實相符，真的很滾動呀！！！鬆餅上有抹茶粉，為焙茶色添上色彩。旁則為焙茶及豆腐雪糕。另有紅豆和綠色啫哩。焙茶鬆餅切上來鬆脆，單吃有淡淡茶香，內裡也保留柔軟的質感。若覺單吃有點孤獨，可配合不同配料進食，DIY 一番，味道不同又可自娛一番。要讚既係霜淇淋-焙茶味道: 焙茶味道極濃，其甘香味道一吃已嚐到，比直接喝到的焙茶更重，還可保持其香味在口腔內，喜愛煎茶者必會愛上。- 豆腐味道: 和聖代的自製頭腐一樣，絕不像出外吃的那麼兒嬉。即使吃過焙茶味道後直接淡嚐，也可道出它的味道。它不像焙茶味那麼重，反而更清淡，但不會有不滿足的感覺。每人只需$65 即可味嚐這高質素的綠茶/焙茶/豆腐雪糕，YAN YAN 吃得十分滋味，回味無窮，絕對值得再到訪。…查看更多