上星期已經約定左舊同事今晚兩枝公來百利打邊爐，偏偏遇上打風，好彩天文台話深夜先考慮掛8號風，所以我地兩個先可以照原定計劃來新裝修完的百利再次品嚐呢度的靚肥牛。😋我地係舊公司經過工作到三更半夜，正好公司附近呢間百利開到零晨，所以我地久唔久OT完就會過來食個肥牛飲枝啤酒先返歸。早前係網上見到百利重新裝修完，又好耐冇見過呢個舊同事，所以約定左今晚。百利裝修完之後真係新淨左好多，門面已經換上富有色彩的招牌，餐枱餐具都係真的同以前唔同哂，而且二人枱大張左好多，張枱設計到其中一邊可以擺放到好多火鍋配料。不過有一樣野冇變，就係舊式火鍋店果種人情味，店員同食客有好多交流，店內氣氛非常熱鬧。😆係店外已經見到將會用來做手切肥牛的牛肉放係透明雪櫃。😍二人枱其中一邊可放好多火鍋配料。百利有兩層，今晚我地係樓下食，唔知二樓裝修成點。🙈店內刺身區好有日式風格。點餐前店員已經提供調味架俾我地自行調配自己口味的豉油。雖然重新裝修過，不過價錢同以前都差唔多，而且翻新後新開張仲有啤酒送，但係舊同事揸車來仲會送埋我返屋企，我冇理由自己飲咁冇義氣嘅。🤣火鍋湯底我地揀左海底椰子鮮雞鍋，鍋底有椰子肉、雪耳等清甜配料再加上半隻雞，滾起後我地立刻飲雞湯食雞肉。湯底超香濃，而且我地都好奇點解咁夠咸香味，係鍋入面搵到原來仲左有加豬骨外，仲有好多金華火腿。😙兩個人食其實食個海底椰子鮮雞鍋都飽左幾成啦。今晚主角手切本地肥牛同以前一樣超正，師傅將油脂分佈得好均勻的本地肥牛切成每片厚度都差唔多的肥牛片，只需灼10幾秒，入口軟腍但仍保持少少咬勁，牛肉味超濃，食幾多都唔會夠。😋招牌四寶丸感覺上好食過以前，尤其墨魚丸，好有鮮味而且仲可以食到墨魚粒，非常爽口彈牙。四寶丸全部手打，$68碟好抵食。👍🏻其他火鍋配料都唔錯，我地兩個大食仔最後連鍋底的豬骨都清光哂。😝…查看更多
"花鵰醉雞半隻" $98 ~ 雞肉鮮嫩，即使滾得太耐也能保持嫩滑口感。不過花鵰酒味稍微，若再濃些更好。"潮州魚皮餃" $32 ~ 每隻也晶瑩剔透，餡料飽滿豐盈，真係皮薄餡靚，爽口微彈 ！
