秋拾米線

又一間新蒲崗名店，大約6點半去到已經好多人1-2人堂食要搭枱，食完嘅出面排緊長龍，想食嘅朋友記住預早啲去~🌩️ 慢煮豬軟骨米線 $52 🤍 4/5 叫咗BB辣，辣度温和但夠惹味。第一次見到有通心米線可以揀，食落通心嘅感覺但唔係好突出，有啲似食緊幼身烏冬幾特別🤣配料嚟講都好足料，豬軟骨大大嚿肥瘦均勻，煮到好腍好出色🌟仲揀咗魚腐同蘿蔔，蘿蔔吸晒啲湯汁好入味👍🏻魚腐係比較厚實似魚丸嗰種，個人偏好嗰種好有空氣感似豆卜嘅，所以就見仁見智。🌩️ 香茅豬頸肉米線 $57 🤍 4/5 選擇左招牌豬骨湯同炸醬芝士丸，湯底十分之濃郁，豬頸肉滿滿焦香，亦都水準之上🥰 芝士丸有少少芥末，層次豐富。🌩️ 自家製手作蝦多士 $26 🤍5/5大推呢個蝦多士‼️ 得兩件但係好足料，麵包炸到金黃酥脆，入邊大蝦鮮甜彈牙🦐回味無窮😍🌩️ 八味豆腐 $28 🤍 4.5/5 香脆軟滑，比起平時其他茶樓食既更加香口，而且份量充足，推介之一🌟🌩️ 特色檸益(跟餐+$15) 🤍 3/5益力多加檸檬嘅配搭，不過不失。…查看更多

呢間餐廳主打豬骨湯底同秘製酸辣湯底嘅米線，仲有新派豆花撈米線，米線控又多一間選擇啦😍💗秋拾豆花撈米線+酸甜齋+滷水腩肉 ($54)呢度最有特色嘅就係豆花撈米線，將米線撈埋炸醬、酸菜、辣醬、醬油同花生，食起嚟幾惹味，有肉碎嘅微辣咸香🥜面頭再舖上一層嫩滑嘅豆花，令米線增添一份豆香，意想不到地幾夾⚪️另外加咗炆得軟腍入味嘅滷水腩肉同甜酸齋🐷💗慢煮豬軟骨米線+蟹柳+墨魚春卷+魚腐 ($80)招牌豬骨湯湯底鮮甜清淡，米線煮得軟硬適中，順滑吸湯，基本配料有豆卜、腐竹、芽菜、韭菜同翡翠苗🍜 慢煮豬軟骨肉質鬆化，軟骨充滿骨膠原🐷 額外加咗爽口彈牙嘅墨魚春卷、魚味濃郁而且索汁嘅自家製魚腐，仲有蟹柳🦀💗自家製手作蝦多士($24)蝦多士炸得金黃酥脆而且唔油膩，最驚喜係放咗原隻爽口嘅蝦肉，非常足料🦐💗椒麻爽魚皮($30)魚皮超級爽脆，加上青瓜、芫茜同木耳涼拌，越食越麻辣，非常上癮🌶️💗炭燒原塊豬頸肉($48)豬頸肉燒至表面焦脆，厚肉爽嫩，蘸上泰式魚露辣醬非常惹味。最重要係大大份夠晒抵食🐖…查看更多

✨新蒲崗人氣抵食米線。假日午餐排隊排2行🙃十分有秩序，店員好爽利。食過幾次都穩定發揮😎佢個辣可以辣得好過癮。唔止米線，仲有啲小食都唔錯，野飲都好多選擇，店員💡必點⭐️ 秋拾豆花撈米線 HKD40 特色米線，豆花本身豆味濃，建議唔食得辣嘅都可以揀bb辣，超級惹味🥰，加上本身都有花生肉碎，營養都夠⭐️ 慢煮豬軟骨米線 （豬骨湯）HKD50好少食到間米線舖轉軟骨咁腍。佢個豬軟骨超腍超入味，配菜勁豐富，食完唔口渴，應該好少味精。⭐️ 炭燒原塊豬頸肉 HKD48呢個真係惹味之選，必叫❗️最難得嘅係佢炭燒豬頸肉唔會整到邊位好燶，燒得啱啱好脆邊⭐️ 自家製手作蝦多士 (2舊）HKD24呢個又邪惡又好味，新鮮現炸，多士卜卜脆，麵包炸得金黃，香味洋溢。聞到後就算係飽都想食兩啖🥲🥲⭐️特色檸益 HKD15高質四片檸檬加檸水加益力多，全杯酸酸甜甜，好開胃，最岩食到半飽飲返啖～💁🏻‍♀️個人認為如點小食，扣底對女仔嚟講份量都多，可以分享一碗麵加點小食…查看更多

自己比較少去新蒲崗，但原來呢度都有好多嘢食㗎，今次黎到見到有一間米線店排晒長龍就知一定好食😋 自己本身都好鍾意食米線，因為可以配合自己嘅口味去揀材料🤭招牌手作蝦多士 🍤 佢有好多款巧手小食，其中一款比較出名嘅係佢嘅蝦多士，一份兩件，新鮮煎炸出嚟咬落卜卜脆🤗 慢煮豬軟骨米線 🐷 揀左日式風味嘅豬軟骨米線，麵線可以揀米線、紅薯粉、通心米線或者淮山麵，豬骨湯底仲可以揀自己喜歡嘅辣度添 🌶️ 材料方面可以隨自己喜愛添加，我就加咗魚腐同埋生菜，材料好豐富，食完覺得好滿足😇秋拾豆花撈米線 🍜呢度有款比較特色嘅米線，就係豆花撈米線，豆花令到口感比較滑，再配埋炸醬同花生，係另一種風味，都幾特別㗎🤗…查看更多

有朋友介紹新蒲崗有間米線店幾好味 作為米線迷既我 更係要過黎試下啦😁呢到最出名係「炭燒豬頸肉米線」差唔多檯檯都有一碗 我地更係要叫黎試下啦 豬頸肉係分開上的 豬頸肉的外皮甜甜地 有脆邊 Size大細適中 肉質少少煙靭 整體幾好味 湯底叫左酸辣湯底嘅小辣 辣度適中 湯頭好濃郁 酸辣平衡得幾好 米線份量略嫌偏少 男仔食可能要加底先夠飽 但係整體質素很好 專登揸車過黎都值得❤️另外我地仲叫左「慢煮豬軟骨米線」、「招牌魚腐米線」個人覺得豬軟骨發揮正常 呢個米線跟招牌豬軟骨湯底 豬軟骨湯底好鮮甜 好有驚喜 如果鍾意食清湯一定要試下❤️另外的「招牌魚腐米線」魚腐外皮煎過再擺落煮好的米線上 食個陣仲係脆口 質素唔錯 而且仲有5粒 可以過足口癮👍🏻小食方面 我地試左另一個招牌菜「招牌手作蝦多士」 蝦多士係新鮮炸起的 蝦係蝦膠 蝦有少少雪味 不過口感一流 脆卜卜 唔錯👍🏻另外的「椒鹽雞翼尖」賣相一流 炸得剛剛好 椒鹽味做得好好 食一隻 又食下米線 超級夾❤️個人覺得除左米線唔錯外 小食各方面都做得好好 除左試米線都可以試埋小食😁當日閒日夜晚大概7點幾左右 等左半個鐘到先有位 朋友話閒日下午係可以直入 大家可以留意返😊…查看更多

新蒲崗有不少的米線舖，而秋拾米線最近都頗受歡迎，今日就由隔離的鑽石山行過去食個午餐吧。週末下午大概兩點鐘，餐廳仍然坐滿客人，一般都需要搭檯才能入座，很受歡迎。我選了慢煮豬軟骨米線配小辣的酸辣湯底。酸辣湯的味道幾好，酸和辣的比例適中，不會太強烈又不搶喉，而裡面會有一些酸辣湯底的配料例如雲耳、芫荽、肉碎、花生等去增添湯底的風味。餐廳寫是秘製豬軟骨而吸引到我，可是單單只是外表讓人感覺比較像是豬扒，跟一般吃到的樣子不同 豬軟骨果然做得未夠淋，質地比較爽身，特別是軟骨的位置仍然爽脆沒有燉煮得很淋那樣，感覺有少許失望。餐廳面積不大，檯凳擺得密，所以空間也比較狹窄，大家亦要有心理準備需要搭檯。食物方面酸辣湯底的味道是做得不錯的，可惜豬軟骨有點失望，可以做得更淋、更入味。聽說這裡的燒豬頸肉很受歡迎，希望下次點酸辣湯配豬頸肉的表現會更出色:) …查看更多

有個weekend去咗啟德個新商場到行下hea下，但發現入面啲餐廳都幾貴下，所以最後都係去返新蒲崗嗰邊搵嘢食～ 呢間「秋拾米線」好似開咗唔係好耐，米線只有2款湯底：標榜無味精嘅「招牌豬骨湯底」同埋「秘製酸辣湯底」～另外仲有款比較少見嘅「通心米線」～•🥢 炭燒豬頸肉通心米線 $55 （通心米線 +$1）炭燒豬頸肉份量都幾多，而且每件都幾大塊，表面香脆但肉質都唔會太乾太嚡，幾爽口～ 配咗一個泰式酸辣醬，幾惹味👍🏼呢碗我揀咗酸辣bb辣，配料有炸醬、花生、木耳、芽菜等，辣味主要嚟自炸醬，幾惹味嘅，但缺點就係完全唔夠酸，睇落好似無落到酸菜🤔 通心米線睇落就係好粗嘅米線，但中間係通心，的確係會比較索湯~ 缺點就係明明揀咗爽麵，但最後上枱都係腍麵🥲 令到口感差啲～ （豬頸肉抵食！）•🥢 慢煮豬軟骨米線 $49 （通心米線 +$1）呢碗就揀咗豬骨湯bb辣，豬骨湯底就配咗腐皮、豆卜同翡翠苗等～湯底味道正常，但通心米線都係煮過龍咁，揀咗爽麵都係好腍😣豬軟骨有3至4大件，煮得好腍，啲軟骨位真係煮到啫喱狀咁，好腍好入味👍🏼 •🥢 八味豆腐 $24呢碟豆腐係抵食之選！😍 炸到粒粒金黃，外皮少少脆，但入面嘅豆腐超軟滑🤩 加少少椒鹽已經好好食！•🥢 上湯娃娃菜 $20上湯都係用返佢味嘅招牌豬骨湯，配娃娃菜都幾清甜，仲有落咗唔少薑絲一齊煮～•📸 熱檸檬蜂蜜柚子茶 +$6📸 凍特濃朱古力 +$8 (好普通，唔夠濃🫢)…查看更多

特意光顧，支持試業中的良心小店。用餐環境：-傍晚時段二人入座，環境比較擠逼-冷氣不足，店家需正視-檯面和筷子等餐具需更潔淨-掃QR code落單，流程清晰-服務態度良好，後生侍應禮貌待客點了慢煮豬軟骨米線和豆花撈紅薯粉，坦白說兩者味道皆有進步空間，個人認為尚未達到坊間其他米線小店的水準，總感覺缺少了米線的色、香和辣的精髓，期待店家再好好精進食物出品。另外點了凍檸檬茶，雖叫少冰，但送來的時候卻是看不了冰塊。…查看更多