1523 釗級廚房

朋友生日，訂左依間餐廳慶祝✨ 果日盪失路遲大到！餐廳無取消我地booking，個員工打左比我地，仲教我地點行，nice。店內環境都幾細，大約得五張枱左右，但都keep住有客人坐滿。因為難得既生日聚會，所以我地係間餐廳坐左三個鐘都有，但都無吹我地走！-至於食物味道方面，樣樣食物都唔錯！加$20可以每人有個套餐，包湯，蒜蓉包同野飲，都幾抵。依個湯我覺得幾正，鍾意食菇不能錯過！入面勁足料，每啖都食到一粒粒蘑菇，唔係普通忌廉湯再加小小菇咁，正！不過有朋友嫌太重菇味🤣依個意粉正，有好重黑松露、香草味，加埋菜、鮮蝦同蘑菇，夠多餸有層次感。意粉係乾身，唔會話有太多醬搞到好濕黏咁，食落一d都唔濟👍🏻另外朋友叫既都好足份量，每人叫一個餐絕對食得飽。賣相好，而且食物味道都超好。係一個難忘的生日🎂…查看更多

老豆生日，book左位食生日飯。成日都係元朗覓食，今次發掘好食小店認真好開心，😂我諗我隔一陣又會想食🤤豬手係第一推介，$168但份量好大。因為係用慢煮方法，所以豬手肉唔會柴，但皮又卜卜脆。唔同出面食豬手勁難切，一切就ok，極度手殘嘅我都搞得掂👍睇到隔離枱食呢個已經好吸引，牛好淋，牛味幾濃，而且個汁同意粉mix得好好😛，所以你個覺成件事係好夾，唔似有d餐廳係是但將醬淋上意粉到，個意粉同汁係分開嘅感覺。豬肋骨都好好食，老闆娘話醬係佢地秘制，好香蒜味。黑松露薯蓉都好有驚喜，黑松露味唔會太濃烈搶曬d味，薯蓉本身都好creamy好好食😝加20蚊就有餐湯、蒜蓉包同餐茶，餐湯好得，真係有粒粒磨菇係裡面。蒜包唔係薄薄一片個種，厚得黎唔難咬，又香口。😋最近加餐湯set送cream 酒，甜甜地帶拖肥味，岩曬女仔飲☺️…查看更多

今日去元朗逛街， 順便食完晚飯先回家， 經過一間用數字命名嘅餐廳，名叫「1523 釗級廚房」，個人覺得幾特別，所以就入去試吓。 唔知1523代表啲咩呢？ 雖然餐廳比較細， 但裝修別緻， 牆上掛上很多可愛嘅狗狗圖畫， 可知店主十分喜愛狗隻， 環境親切， 感覺舒服。我們點了《BBQ 醬豬肋排 $168》和《慢煮原隻德國咸豬手$168》， 加$20有餐湯、蒜蓉包和飲品。《是日餐湯》南瓜忌廉湯， 味道清甜，有濃郁南瓜香味， 加上忌廉，相當香滑，口感豐富。配上高質素嘅蒜蓉包， 外層香脆， 內裡鬆軟， 亦有香噴噴嘅牛油香味，不錯！《BBQ 醬豬肋排 $168》BBQ 醬豬肋排十分惹味， 廚師做咗特製嘅BBQ醬料，醃料十分入味， 醬汁放入大量蒜蓉， 香味十足。 肋排肉質嫩滑，肉厚而多汁。 還有黑松露嘅薯蓉和翠玉瓜作配菜， 份量十足。薯蓉口感香濃嫩滑， 加上黑松露。 還點了一份《慢煮原隻德國咸豬手$168》真係值得推介， 份量十足， 超大隻原隻豬手， 豬手外表焗得好脆口，咬落脆卜卜。切開脆卜卜嘅外層，內裏肉質呈粉紅色。 因為用咗慢煮方法，肉質幼嫩多汁而且腍滑， 又不會過鹹， 沾上蜜糖芥茉醬， 味道非常合拍，好好味。 原來嗰蜜糖芥茉醬係廚師特別調記， 所以味道獨特， 酸酸甜甜， 配上豬手一流。 配上熱辣， 脆卜卜嘅薯條， 份量不少， 十分滿足 。 餐飲， 我哋叫左《特製咖啡》和《焦糖咖啡 》， 特製咖啡味道香濃，最特別是該咖啡豆，因為它本身帶甜，所以飲嘅時候不需要落糖，令到入口嘅時候不會過甜和太過苦澀。嘩， 好抵呀！ 原來7:30pm 前落單， 各類意大利粉和意大利飯， 仲有8 折添！…查看更多

今日趁天氣清涼，想入下白泥郊遊睇日落。夜晚出返元朗巿區覓食，見有間餐廳個名幾特別 - 1523釗級廚房，地方細細，最多可以容納20人左右。見門外有人等位，質素應該有返咁上下，仲全日免加一，就即管試吓~粉麵飯套餐幾十蚊︰黑板亦有特別推介，可以單點，或者加$20就有成set餐湯+蒜茸包+餐飲(只限$18飲品)。餐湯係【蘑菇忌廉湯】，面頭有一抹忌廉令個湯香滑啲，成個湯都係蘑菇蓉夠足料，而且唔會過濃稠，唔怕飲完太飽肚。配嘅蒜茸包就面包皮薄而脆，入面鬆軟，夠晒蒜茸味。我哋無揀粉麵飯套餐，因為兩個都係食肉獸，無肉不歡，睇啱左牛扒同豬手~~【美國12oz黑安格斯Prime肉眼$298】 Prime肉眼係美國牛肉等級最高嘅一種，肉質與脂肪分佈均勻。100隻牛之中只有大概2隻可以符合Prime嘅標準，所以呢個價錢係合理嘅。叫咗五成熟，肉質粉嫩肉汁多，最正係啲脂肪油花分佈均勻，所以肉香油香混合埋一齊，味道豐富，但牛味唔算太濃! 仲有少部份位置做得熟咗啲啲，不過件肉眼扒本身夠高質，所以都唔會話好嚡好乾，依然美味。配上食紅肉嘅最佳拍擋紅酒汁，味道又再提升一個層次。伴菜仲有新鮮沙律菜，仲有胡麻醬添~薯蓉係黑松露薯蓉，好食，食晒~【慢煮原隻德國咸豬手$168】隻豬手好鬼大隻，比起我個拳頭大好多。豬手皮唔會話好厚皮好難咬，而係薄皮同極之脆。 皮下面有一層薄薄嘅肥膏，切開見到入面啲肉好粉嫩。皮+膏+肉一齊放入口，有齊三種味道口感 - 皮又香又脆；肥膏又滑又有油香；肉就味道十足同埋夠嫩滑又唔會乾爭爭，絕對係慢煮出嚟嘅效果。特別一提係所配嘅蜜糖芥茉醬，一食就知係餐廳自己調配，因為蜜糖味好夠濃，食落好似成隻豬手搽左層蜜糖咁，好正好正，一定要點汁嚟食!!我地將兩個主菜share嚟食，食晒肉眼扒先食豬手，但切開依然仲係熱。揭開塊脆皮見到肥膏反射燈光閃令令咁，但層肥膏又唔會過厚，係靚豬手嚟。百幾蚊就食到大隻靚豬手，大滿足~餐飲叫左【特濃朱古力】同【朱古力咖啡】。【特濃朱古力】味道果然比出面一般跟餐朱古力熱飲濃少少。【朱古力咖啡 +$18】朱古力味唔太出，但咖啡味好香濃，飲得出係即磨咖啡。可惜奶係凍嘅，如果有加熱會更好!除左食物質素，服務亦值得一讚，店裡面只有一位女侍應，傳菜執枱收銀一腳踢，但依然手腳俐落而且笑容親切有禮貌。意粉、意大利飯類，7:30前落單仲有8折!午餐嘅話，最平都係$48咋，肉眼扒都只不過係$78，轉餐只係加$10，絕對係街坊價錢，抵!!…查看更多