德國餐廳 (寶怡花園)

又嚟到happy Friday喇！老公話想去happy hour，但酒我真係麻麻哋⋯佢醒起之前同朋友食過呢間德國餐廳Das Bier，既可以飲啤酒又可以食埋dinner，真係一舉兩得！呢度嘅食物選擇唔算好多，主要都係傳統德國菜式，嚟得食德國菜，點可以唔食德國腸同飲啤酒呢，我哋就叫咗德國香腸拼盤、卡邦尼意粉同埋Hoegaarden Rosee。首先嚟嘅係杯Hoegaarden Rosee，既然嚟到，點都要試下嘅⋯估唔到原來咁好飲，呢杯Hoegaarden帶有花香，清甜得嚟帶小小酸，好fresh，好啱女仔飲！推介！到主菜，個卡邦尼意粉份量好足，好creamy好邪惡！芝士味夠晒濃郁，而且醬汁亦非常幼滑，絕對係水準之上！個德國香腸拼盤有四款香腸，當中我哋最鍾意嘅係辣肉腸同芝士腸呢2款。辣肉腸好juicy，而且辣辣哋幾惹味；而芝士腸放刀一砌，啲芝士爆晒出嚟⋯整睇餐廳食物質素好好，下次有機會試埋佢個鹹豬手！…Read More

同家人一起品嚐德國菜， 不禁就想起德國鹹豬手， 因為餐廳有咸蛋黃豬手推介， 同時亦係脆炸皮， 當然要試試， 脆皮比傳統更好味。 配上蛋黃醬口感更加新穎。 我哋4個大人， 份量岩岩好， 配上小小薯仔沙律， 好好食。 香腸拼盤相對就有少少差， 只是薯角唔夠脆， 但其他都ok , 粗身的腸， 內有肉汁爆出， 相比拼盤內的腸， 較為嘢未。 三文魚凱撒沙律， 菜分量相當多， 值得一試， 但三文漁只得兩份， 就差左少少墨西哥香蔥芝士薄餅， 都還ok , 皮脆， 不太過火， 內有少少芝士。 如果內裡分雞肉， 會更好。 …Read More

預早同父親大人食父親節飯，由於假日關係都怕人多，所以都會預早訂檯，而負責留位的侍應話早15分鐘到，所以我們都早15分鐘到。結果就真係一肚氣！咩services?成場得返兩張4人檯同一張3人檯，我地一行6個人，無可能坐到呢個位，原來餐廳將我地訂左的檯俾左walk-in!檯walk-in唔肯轉位！侍應強行將一張係門口的4人檯變左6人檯，其實咁做係好逼同埋阻住路口，佢地自己又危險我地又唔舒服都唔明點解訂左檯都可以俾左人！之後我地有人話算啦，照坐，個侍應話有檯就俾我地，仲俾左幾杯可樂我地飲，條氣係順返少少，點知到真係有檯的時候講要等佢地arrange因為有人訂左檯！即刻問佢家陣我無訂檯？真係嬲到爆！訂左同無訂係無分別囉！到佢地老闆出黎先俾我地坐過去！其實都已經一肚氣！介紹下食物食德國菜不得不點豬手，隻豬手都好脆，酸椰菜夠多，我最鍾意！餐廳會切左一件件先上檯，呢樣可以讚下！薯仔沙律的蛋黃醬都甜甜地！係可以的！德國香腸係另一必點，份量剛好6個人，唔太咸，長果條係會爆芝士的！但唯一不足係個芥茉醬好似溝左水，好稀！燒春雞好老，呢個菜可以唔點，真係唔好食肉丸松露意大利飯的松露味都算足，唔會太滯，整體黎講呢個算唔錯！呢個沙律又係一個miss order,其實suppose沙律係第一個上，點知遲遲都唔黎，點知原來出左俾第2檯....可以有幾混亂？順帶一提，初初以為啤酒but one get one free,原來假日係無，但menu係無寫假日無！…Read More