月爐．端燒

🌝又到同瑪姬皇后見面的時候，今次就揀左間位於旺角白布街的日本居酒屋🏮，食串燒同小食，慢慢促膝長談。📌黑布街行入啲內街就係白布街，成條白布街都有好幾間唔同種類的餐廳，《月爐 · 端燒》係一間日本餐廳，門面裝潢設計幾高級。📌除了掛上代表居酒屋標誌的燈籠外，門口上面還掛上大大個月亮模樣的「月」字招牌logo，半個月亮🌙出哂黎。門口擺放左大大個二人餐牌📋，刺身、小食、串燒、烏冬同甜品，做得門口生招牌都幾吸引，一於點二人餐再加點小食。冰點夏日二人前，$468先付兩點盛首先附上兩款前菜，包括明太子薯仔沙律同埋涼拌菠菜。薯仔沙律🥔入邊除薯仔蓉之外，仲撈咗粒粒洋蔥🧅，增加口感，再撈上少少明太子醬汁，調味做得唔錯！涼拌菠菜撈上日式芝麻醬汁，酸酸地幾開胃。時令日本真蠔嘩，超大一隻珍寶蠔🦪，真係有手掌✋咁大。生蠔加入了醬汁，生蠔大大隻，有鹹味的醬汁調味，一啲醒味都無！食落新鮮有蠔味！高質口感一流！四色刺身拼盤刺身四點有每款兩件的三文魚、吞拿魚、油同一杯魷魚，刺身望落已經好有油光，厚切魚身肥美無渣，食刺身點豉油加wasabi真係好滋味！魷魚杯有柚子汁，清新口感又爽口，确實唔錯！廚師精選燒物拼盤燒物拼盤🍢有雞肉棒、牛肉串、燒蝦、燒雞心、燒雞肉丸、燒雞翼、燒粟米同燒翠玉瓜。一碟燒物拼盤剛剛燒好呈上熱辣辣，有熊妹最愛的雞肉棒，點埋個月見蛋黃汁好滋味！翠玉瓜好厚一舊，面頭仲鋪了木魚絲添口感同味道！燒物調味及火喉好到位！坐著bar枱位可以望住串燒師傅整過烹調過程，好似看烹任表演又可以同廚師👨🏻‍🍳交流一下，這就是日本獨特的飲食文化🇯🇵。泡菜鴨肉冷稻庭一人一碗冷烏冬🍜，放入了兩片煙鴨胸同泡菜配料，令湯汁帶少許甜辣味。冷稻庭烏冬有驚喜喎！口感係極級彈牙！看來過冷河🧊的做法很有一套！甜品最後，一碟四件的日式甜品，係日本黃豆蕨餅同迷你哈密瓜大福！全粒蕨餅鋪滿黃豆粉，口感軟糯又唔會過甜；哈密瓜大福入口煙韌，內裡的哈密瓜餡料頗重哈密瓜味！成個外型都好似一個哈密瓜咁🍈，日本的甜品都做得好細緻👍🏻。味醂魚乾，$58最後，意猶未盡，點多了一份小食再繼續促膝詳談🗣️。塗滿味醂去燒烤的魚乾🐠燒到好乾身，收乾味醂醬汁，夾起一條一條再點少許沙律蛋黃醬，真係好惹味的一份小食。📌樓下整整齊齊的bar枱位，可以望到廚師用心燒物的製作；樓上雅座亦別有洞天，《月爐 · 端燒》融合了摩登又傳統的居酒屋設計，真係好適合放工後過來把酒談歡🍺，消除一天辛勤疲勞的好地方。…查看更多

咁大個人其實真係好少去香港既居酒屋🤣🤣 一直都想見識下 。 咁岩同朋友出去挽行過見到依間位於旺角白布街既居酒屋， 個名都好有feel🫢叫「月爐端燒」，就試下。 環境方面好有日本feel 😎 下層是吧台位置， 上層設有塌塌米。 我地緊係坐下層吧台體驗下日式居酒屋既感覺又睇到師傅點整美食🙂‍↕️我地簡左「冰點夏日二人前」（$468） ， 食物包括有前菜、生蠔、刺身拼盤或池魚到條、燒物拼盤或馬友一夜乾、泡菜鴨肉冷稻庭及甜品。 仲有簡左一客「火炙壽司五味」（$78） 。🥗先付兩点盛：即係前菜， 係明太子薯仔沙律配牛蒡。 沙律好fresh 。牛蒡口感幾特別🦪 時令日本真蠔： 真心有手板咁大隻😮海水味幾重 肥美都冇腥味！ 🍣 四色刺身拼盤： 所謂四色，即是三文魚、油甘魚、魷魚同埋吞拿魚。 肉感鮮美。 🍢 廚師精選燒物拼盤： 由師傅精心挑選既燒物 ， 是日包括：雞全翼、大蝦、芝士免治雞肉串、 雞肉串、雞心喉、白粟米、白菌蘑菇等等。 最值得推薦必食既一定係芝士免治雞肉串， 配搭上生雞蛋食，口感一流， 免治雞肉串內裡包含雞軟骨， 食落口感幾好🤤🥘泡菜鴨肉冷稻庭： 泡菜比想像中冇咁辣， 反正酸酸地幾開野🤤🤤 鴨肉冷稻座size合理。 鴨肉嫩滑🤤🍡 甜品： 是日甜品係密瓜和果子同蕨餅。 蜜瓜味和果子絕對係讚😍😍 好香😍🍣 火炙壽司五味： 包括火灸三文魚壽司、鰻魚壽司、佐伊木　、吞拿魚壽司同埋蝦壽司。 好好食😎…查看更多

最近去左一間喺旺角嘅居酒屋~裝潢設計都好有日本居酒屋味道🏮地下係吧枱, 而樓上就係榻榻米~ 👦🏻二話不說就話要坐吧枱睇叔叔煮野食🤟🏻我地叫左”冰點夏日二人前”同埋壽司🍣先付兩点盛前菜有漬物同明太子薯仔沙律🥗 好開胃~ 沙律差d俾👦🏻搶住食晒時令日本真蠔🦪生蠔好大隻~真係大人隻手掌咁大!!🙌🏻肥美之餘仲好鮮甜好juicy~ 池魚🐟2人餐可以揀四色刺身拼盤或者池魚一條~我地揀左池魚🐟擺盤好靚, 池魚刺身都好新鮮精選燒物拼盤🍢燒物拼盤有8款唔同嘅燒物~喺面前一路睇住佢燒特別有風味🍢🔥一燒完就上枱~熱辣辣好香♨️ 燒物火侯同味道都拿捏得好好 👦🏻最鍾意芝士雞肉串同大蝦🍤泡菜鴨肉冷稻庭好啱夏天嘅冷烏冬配埋Kimchi同鴨肉~好醒胃🤤 鴨肉好香, 烏冬滑得黎口感煙韌 另外仲叫左火灸壽司五味🍣最後食埋個朱古力蛋糕做甜品~好滿足💛…查看更多