鮨瀛海 (已結業)

想嘆OMAKASE又趕時間返屋企？好簡單買外賣返去嘆就搞掂😎呢到同平時外賣壽司店有D唔同，佢主打日本直送新鮮食材，所以多好多平時少食開嘅壽司可以叫，今次就揀左飛機直送12貫($208)除左散叫壽司之外，個櫃亦放左預先PACK好左嘅壽司SET、刺身、沙律、仲有生蠔可以揀壽司即點即製，等左陣就可以拎包裝袋用保溫袋之外，仲有放冰袋喺入面保溫，咁就唔使驚拎到返去容易變壞，夠細心🥰飛機直送12貫：聽師傅講今次安排左目仁奈、赤身、劍魚腩、仁座鯛、真鯛、鮫鰈魚、炭烤鰹魚、魴鮄魚、左口魚邊、青鯛、赤羽太、酢鯖魚，以$208呢個價錢就可以一次過食到咁多特別口味嘅壽司，相當超值🤩見到壽司D刺身仍然充滿光澤，非常新鮮👍🏻目仁奈、炭烤鰹魚、酢鯖魚魚味濃郁😋赤身食落有口感，劍魚腩肥美😍仁座鯛第一次食，幾特別😄真鯛、青鯛、魴鮄魚鮮甜😉左口魚邊入口即溶🤤赤羽太肉質細嫩目仁奈赤身劍魚腩仁座鯛真鯛鮫鰈魚炭烤鰹魚魴鮄魚左口魚邊酢鯖魚食完咁多款壽司勁滿足，質素高之餘價錢都親民，外賣黎講幾有驚喜🤩👍🏻補MENU

尖沙咀鬧市裏面竟然開間壽司外賣專門店，呢間鮨瀛海相當高質，全部都係飛機直送，令人有返喺日本食壽司嘅感覺。第一次幫襯，少少哋試吓先。飛機直送係屬於廚師發板，我偷睇到另一客人買嘅確係有啲分別。真鯛即係香港人所講嘅赤鱲，肉質比較結實，彈性十足，入口釋放出油脂，味道甘甜。赤伊佐目就係香港講嘅雞魚，肉質柔軟中帶點爽脆，魚油適中，作為刺身比熟食嘅味道更佳。劍魚腩嘅味道並不陌生，佢嘅肉質柔軟亦充滿油脂，但鮮甜而不油膩。魴鮄近年喺香港比較優質嘅壽司店都會見到，肉質鮮甜爽口，我對爽口嘅刺身特別情有獨鍾。深海池魚肉質鮮嫩肥美，脂肪厚充滿魚油香，入口甘香細膩。剝皮魚係香港人稱呼為沙鯭，脂肪含量相對較少，而蘊含豐富嘅蛋白質同其他營養元素，健康又美味。白玉貝肉質厚實爽口，就好似食緊爽口嘅蟶子一樣，同時亦帶有鮮味。左口魚邊一向都係我嘅至愛，滑滑嘅口感加上炙燒嘅炭燒香味，再配以少量蔥花，味道怡人。另外仲揀選咗店員推介嘅軟綿綿手卷，入面有黑松露玉子、左口魚邊同埋穴子，三款材料都係非常軟滑，連埋飄香柔軟嘅珍珠米，真係好有軟綿綿嘅感覺。呢間鮨瀛海嘅出品整體感覺都好好，用料新鮮，服務亦好好，所以絕對值呢個價錢，下次經過我都

今日早收工趕返屋企收貨，經過這間日式壽司店，順便買份外賣返屋企食。餐廳光猛而且乾淨企理，裝修有和式風格。店外有個冷櫃，有生蠔及小食沙律等。壽司全部即叫即做，而壽司飯全部都用了日本珍珠米飯，所以較有黏性。點要12件壽司，有些就是每日都有，有些則是比較少見的時令刺身。壽司飯細細件，正好一啖一件，刺身完全覆蓋著飯。12件中火炙了的左口魚邊是最重油脂甘香，魚油豐富；而伊佐目都是火炙過，味产較甘香；石鯛則最鮮甜；鰹魚則魚肉味較重；赤蝦爽口鮮甜；平政魚比較腍滑。