尚膳養顏滋補鍋

自從疫情後 感覺好似十年無試過出街打邊爐咁今晚終於約左朋友出黎烚下烚下喇 ~揀呢間 絕對係比佢"養顏"兩字吸引左 XD所以湯底 我地都揀左 尚膳養顏美人鍋 $188(可以雙拼 但我地主力都係想試呢個)等員工上個鍋比我地時, 就出左去醬料區~選擇不少呢~ 辣椒, 香蔥, 莞茜, 蒜蓉, 乾蒜, 芝麻醬, 沙嗲醬, 麻辣醬另外仲有3款涼菜:: 蕎頭, 手拍青瓜, 鹵水花生好快 員工就將湯底捧上 ! 一見到已經覺得好興奮>v<" 因為好足料 !大大隻烏雞+紅棗+杞子+龍眼肉+其他有益藥材, 重點係有超多桃膠 (最後竟然食唔晒... 浪費左><)落邊爐料前, 先飲一碗~ 一飲就覺得係熬左好長時間因為d食材味出晒黎 ~ 好濃味呢度係採用手機自助落單, 我覺得幾好因為唔怕漏, 又可以不時睇返自己叫過d咩食重點係有埋圖片 !另外 都欣賞佢唔少食物都有"半份"可選, 人少就岩喇 ~手切牛肉(細) $188大愛呢個呢 ~ 牛味出, 肉質軟腍大部分肉都肥瘦均勻, 不過食到尾個幾片就偏多肥肉(雖然係咁, 我地都食得晒, 因為真係幾好味, 推介)四色手工丸拼盤 $88四款丸分別係:: 黑松露蝦丸, 黃金墨魚丸, 芝心牛肉丸, 梅菜豬肉丸每款丸有2粒~ 估唔到最無期待既梅菜豬肉丸竟然幾好食, 兩者好夾另外芝心牛肉丸 既芝士 有流心效果~ 而且唔算膩黑松露蝦丸同黃金墨魚丸 就比想像中清淡 ~ 不過口感不錯整體黎講 呢碟丸都值得試 : )蟹棒響鈴 $58覺得特別 ~ 所以叫左 >v<"響鈴好薄脆呀 !! 淥佢1-2秒就岩岩好 ~中間包住蟹棒幾特別, 同埋都幾夾~ 冰菜 $48好爽口, 又快熟 ~ 幾新鮮為我地減輕返罪惡感 ~~(而且唔係度度都有得叫冰菜呢)台式蛋餃(半份) $36半份係4隻 ~ 對於我地兩個人黎講已經好夠喇人生第一次食蛋餃 ! 用蛋黎做餃子皮, 幾得意 !蛋味真係幾出, 不過食落味道就唔算特別 ~雞蛋 $6/隻hehe每次打邊爐我都一定要打隻雞蛋落去做蛋花咁食>v< 覺得好食花生湯圓/芝麻湯圓 $48本來其實係要單款咁叫架, 不過店家話佢地賣淨最後2粒花生湯圓問我地可唔可以mix埋芝麻湯圓, 對我地黎講仲好, 可以試晒2款味~總結覺得芝麻味完勝花生味~~除左邊爐料外, 呢度仲有D拌油小食揀~ 我地試左份 墨魚脆脆 $68炸到好香脆 !! 呢碟一定要襯熱食 ~~ 好香口 !!最後 估唔到原來有 果盤+朱古力送架 ~ 而且幾精美 : )有楊桃, 長青提子同橙 : ) 全部都好清甜 唔會酸朋友幾乎自己飲晒一JAR 杞子圓肉菊花露 $68我試左一啖, 確係幾清甜解膩不過我更愛飲呢度既茶, 夠熱夠甘香 : )茶芥 $20/位整體黎講 食物質素不錯, 湯底足料濃味員工都好主動幫忙環境方面 比一般火鍋店闊落, 同隔離枱有一定距離, 同時有少少古色古香既感覺整體不錯 : )…查看更多

打邊爐一向鍾意食麻辣湯嘅我，今次搞下新意思⋯食養生鍋，又別有一番風味！個湯底滋補可當湯飲，飯後罪惡感又比平時打邊爐低！店內有多款湯底選擇，我哋選擇左尚膳養顏美人鍋拼 滋潤魚雲靜心鍋～個湯底一上枱己聞到濃濃的藥膳香氣，未食已經是鼻子的盛宴～哇！個湯底好足料，尚膳養顏美人鍋內有杞子、龍眼乾、淮山、竹絲雞、桃膠⋯⋯等，是滿滿的湯料！味道清甜，尤如老火湯，桃膠又養顏美容，真係打邊爐前要飲多碗！而滋潤魚雲靜心鍋除了有竹絲雞，更加上了魚頭及當歸，味道更出！對於重口味，很適合喜歡濃濃藥膳湯的人士，飲完之後好暖胃～而且湯底可無限加湯，不是加水，不怕令湯底變淡～享用完個湯底，就開始打邊爐！食材方面也很不錯！海鮮拼盤賣相美觀，幾豐富，有魚、蝦、蟶子⋯⋯等5-6款海鮮～蝦身幾大隻，長過我的手指，新鮮鮮甜～脆肉鯇好爽脆，經美人鍋湯底烚後帶點藥膳香又爽甜～附設方形篩，烚海鮮、粉麵好方便～手切牛肉（細），雖說是細份，但份量也不算少，2-3人剛好～輕烚一會便可，不是雪藏得硬硬的那種，入口牛肉肉質很嫩，牛味濃，必食！蟹籽墨魚丸口感彈牙～見到有蟹棒響鈴，出於好奇點來試下！響鈴中真的包著蟹棒～輕烚一下，外皮吸取了湯底，微脆再配上蟹棒的甜，口感很好，值得一試～湯底滋補，味道好，好滿足！最後仲有果盆送，圓滿的一餐～…查看更多

一早聽聞「尚膳養顏滋補鍋」的湯底非常出名，今晚路經旺角，當然要順道拜訪！餐廳環境寬敞，古色古香，私穩度算高！火鍋調味料選擇多，當中還有芫茜控至愛的芫茜呢！湯底方面，我們揀了鎮店湯底尚膳養顏美人鍋（$188）。湯中除了有原隻雞，還有吃極都有的「平民燕窩」桃膠，非常滋補！侍應還教我們先喝湯，以免火鍋食材影響了其鮮味！手切金錢腱（$168）塊塊都厚切，啖啖肉香！西班牙黑毛豬（$168）豬肉種類相對較少，但勝在質素高！四色餃子拼盤（$82）每款兩粒，當中鮮蝦雲吞最好味，粒粒飽滿！四色手工丸拼盤（$88）每款兩粒，啱晒選擇困難症的我！手打墨魚滑（$88）名符其實，很滑！蟹棒響鈴（$58）中間捲了蟹柳，浸一浸，脆中帶軟！鹽酥雞粒（$48）除了火鍋，還有小吃呢！最後，侍應更送上水果盤，招呼周到！埋單每人$418，不算很抵但至少值回票價！…查看更多