行到街的盡頭轉角處，看到這家越南食店。因為老婆愛吃蝦想入去試。我是有保留的，腦海立即浮現在越南的每一天，就像曼谷一樣，海鮮類的因為食材好，那裡吃都很美味，香港的大部份也是雪藏或者人工養殖，根本沒什好吃，但想到這裡也沒有什麼獨立的餐廳時，唯抱不坊一試態度入內。先來的是龍眼冰和越式滴漏咖啡龍眼冰喝到蜜糖的味道，有一種滋潤的感覺越式咖啡最出名就是用滴漏的方法，慢慢將咖啡的味道溶入在熱水中，然後滴到下層和煉奶調和一起。喝著這個冰咖啡，便想起一個人坐在越南的露天茶座上的休閒越式蝦柚子沙律作為開胃前菜合格有餘，蝦咬下時更是有點意外。。。竟然嘗到鮮味？
老實說，這類蝦沙律的蝦多數都只像那些三元件蝦壽司般若鞋鞋地又口感咬緊件膠咁囉。但這店的蝦味道很不錯。之後的菜我會好好寫下鮮的定義。而這道越式沙律沒有額外加什麼調味，所以大家可根據喜好加上吃檬粉時都必加的酸甜醬調味。再來是越式咖哩豬軟骨湯河第一口當然要先試湯。這個始終是湯不是「汁」，不會太濃，咖哩味由香矛襯托出來。由味蕾刺激到腦際。河粉很滑，配菜的蘿蔔又林又入味。重要的事必須再說。那個白／紅蘿蔔很入味。比主角豬軟骨更出色。越式金不換炒蜆金不換即九層塔，使用這個作為主要香料來突出蜆肉的味道，刻意減低豆豉的份量。不用重口味來掩蓋，這是肯定自己食材優質的打法。通常做小炒的都不會這樣搵自己苯，這點大家明白的。所以又一次意外。蜆肉在香料下鮮味顯露無遺，豆豉變了襯托而非主打。沒有沙這點必須提。很多地方的炒蜆也會有少少沙。越式秘製牛油雞翼點這個的企圖很明顯，說了秘製就想知有幾巴閉，普通既話就必定在食評說這句已免其他人中伏。再者牛油雞翼，味道心裡有數。咪又係重重的牛油味肥林林咁囉。但咬下才知錯了。所謂秘製，沒有什麼真的很突出很特別。難度在如何取得各方面的平衡。表面炸得鬆脆但不厚。不像很多地方的炸到成層天婦羅皮咁。肉質嫩滑，牛油味淡淡的不重。再加上鋪上面的蒜蓉。我想，所謂秘製的真意就是這樣，不是奇怪叫人深刻的配塔，而是這種平衡感。冬陰公畢竟只有兩人所以叫了細碗，辣味較出，那個魚肉和蝦都很新鮮。在刺激的湯下令味蕾的感應開至最高點。香露大頭蝦。香矛和魚露調配的汁，這個汁和上邊的菜一樣。調味偏淡，就是不想搶了蝦本身的味道。盡忠做一個配襯的角色。坦白說，自己在乜乜超市買的雪藏越南虎蝦，又或者在店吃的大蝦，都是沒什麼味，所以我才懷念越南的日子。也不想在香港吃什麼海鮮了。但竟然在這個不起眼的店內吃到這個名為鮮的衝擊，不禁想起緣份就是這麼回事，不身歷的人只會以為凡事都是可求的。但其實更多是不同決定間的必然巧合，更重要是不要為自己設限和偏見。香炸大頭蝦一刀切下去，和香露不同是，竟然有些蝦膏流出來。蝦有蝦膏好似好正常，但又不是吃中菜或煲仔菜，點估到你開邊蝦都會有蝦膏？而吃下那個薯仔做的炸表皮露出真身後，膏的量完全超出我想像。所謂鮮，就是味蕾傳到腦際的「感覺」而非純味道，不是魚有魚味雞有雞味那種層次。是生物天生的一種自然判定，判定面前的食材是剛失去生命不久，還是已過了一段時間的死物的判斷。而在現代更有另一種判定任務，那是食材是天然在野外自由自在的生活或者圈養在一處小地方被困一生。這點上正常的舌頭不會欺騙你。在越南其實都是煲仔菜或湯河式原隻上，不需多加調味便已很出色。在這裡，想不到用炸的方式也能保有這種鮮味。最後再喝多一杯青檸疏打，完滿。如果你一直不太喜歡重口味，想嘗鮮的話，這裡不會失望。…查看更多
，今晚，與幾個朋友前來捧場。因為成個美孚區，得佢一間打正旗號賣越南菜，所以，變相獨市生意。加上夠特色、有質素、定價合理，平時經過都見唔少撻拖著便服嘅街坊幫襯，好似今晚閒日嘅星期一晚，坐吓坐吓都坐九乘滿，逢五六日就更少不免要排吓隊等位 
。一室湖水綠襯白，配淺啡梳化椅，加上幅荷塘油畫，裝飾簡約骨子，不過由於小店經營，鋪位細細，全場爆滿時確實有點點逼，支持小店時就要有所體諒 。菜式方面，跟之前嚟變化不大，一啲主打嘅菜式，均以食物相片形式作為餐牌介紹，所以個菜式喺乜，份外清楚。此外，仲有一個主餐牌，分別列出湯粉、撈濛、炒粉 / 飯、蔬菜、小食及飲品……等多個類別。如果想經濟啲，晚市套餐就應該最上算啦，一客粉麵飯，加個小食及餐飲，都喺$63-$78。亦有二人晚市套餐，優惠價$172，究竟包啲乜？睇相就知啦！可惜，只限星期一至五（公眾假除外）6:00pm後供應。因為想朋友試多啲特色嘢，所以，主攻小食類，一切粉麵飯嘅，暫且留番下次，其實，之前所試過嘅炸蝦餅撈檬、越式酸辣海鮮湯河均甚有水準。 
小越南秘製牛油雞翼 $51 
一客有5隻，隻隻雞翼都喺大呎碼，唔會奀挑鬼命無肉食。雞翼炸得金黃，表面蒜粒十足，但牛油香依然突出，外層入口甘脆，內裡雞肉非常嫩滑，整體食到牛油及蒜香，叫人萬分滋味 ，同行友人原來喺雞翼迷，佢對此讚不絕口，所以，臨尾為佢再追加另一招牌雞翼。 越式蝦柚子沙律 $71 個柚子沙律好豐富，有好多青木瓜絲同柚子肉，加埋少量甘筍絲、炸椰子碎，再自行淋上魚露，輕怡、酸香、醒胃 
。尤其啲柚子肉，飽滿多汁，而熟蝦亦都頗鮮甜。 迷你越式拼盤 $54 人少少點個迷你越式拼盤，就可以一次過試到3樣嘢：炸蝦餅、酸辣無骨鳳爪、越南扎肉。炸蝦餅水準依然，雖則蝦味未算超農，但彈牙唔油；鳳爪酸爽微辣，口感冰涼；扎肉雖貴為越南知名食物，但跟蝦餅、鳳爪相對就變得普通啲，其實扎肉質感柔軟而爽彈，味道都唔錯。 牛油蒜蓉焗帶子 $81 繼秘製牛油雞翼，又一牛油、蒜蓉嘅組合，焗得帶點焦香嘅原隻連殼帶子，勁重牛油及蒜蓉香，仲稍嫌牛油有啲重手咗，所以食起嚟有啲啲油膩感，減番啲牛油就更好嘞。而帶子肉質細嫩，晌牛油及蒜蓉下，隱約嗒出佢嘅鮮味。 小越南香炸大頭蝦 $72 因為其中一個朋友唔食得蝦，所以，香炸大頭蝦我哋只叫一客共享。餐牌註明喺3頭大，即喺一磅有3隻嘅大細，所以大頭蝦非常碩大，做法相對簡單，蘸滿蒜粒酥炸。雖然喺咁，蒜粒又無太冚過蝦鮮味，蝦肉入口好鮮爽，果真香脆彈牙，令人回味 
。而裝滿蝦膏嘅蝦頭，膽固醇萬歲嘅人士就更不容錯過啦，值得推介。 馬拉盞炒菜心 $43 太多肉，總要有點菜，簡簡單單一道馬拉盞炒菜心就足夠嘞，菜心嫩綠有菜味，馬拉盞夠風味，轉眼一碟炒菜心就被大家清晒。 小越南焦糖薑粒雞翼 $51 上文講過其中一位朋友喺雞翼迷，而自己又試過依款黑糖薑粒雞翼，覺得甚有特色，當然要推介俾朋友啦。同樣一客有5隻，賣相焦焦黑黑，絕對喺唔好睇，但就喺好好食嘅雞翼。味道上甜甜哋，又辣辣哋，帶有濃香嘅薑味，外皮帶點脆，雞肉依樣做到嫩滑，好味有特色 ，不容錯過嘅小食之一。唔知有無發現，佢哋好多小食嘅伴碟都喺酸蘿蔔絲，原來自家醃製，酸得嚟開胃唔揦喉 。凡點粉麵飯或主菜，飲品都有優惠，加$9配熱飲、加$11配凍飲、加$15配特飲 ，差不多半價咁滯，當然要點番幾杯特飲嚟試試啦。 椰汁冰 $22（單價）/ $15（優惠價） 大大杯嘅椰汁冰，朋友話幾重椰汁味，清甜好飲。等我下次都試吓先！ 青檸梳打 $22（單價）/ $15（優惠價）入口清爽涼快，青檸嘅酸香，寧舍醒神。 越式滴漏咖啡 $28（單價）/ $15（優惠價） 我就始終喜歡佢嘅滴漏咖啡，睇住佢逐滴逐滴咁漏落去，好有一種精華感覺，以傳統做法配煉奶，故此味道有點甜，但咖啡香而帶點點苦，不過無澀無酸，入口有種醇厚感 。睇到餐牌右下角嘅一句：「~珍惜食水，本餐廳將不主動提供清水~」，個人幾支持依個舉動，因為有啲人真喺唔會掂杯水，只多用嚟洗吓餐具，試想吓，一日有幾多人嚟幫襯，可能就浪費咗十幾公升水喇。最後，我哋幾個人實在太長氣，由7:30pm坐到人哋閂鋪，溫馨提示，小越南收9:30pm架，認真唔好意思阻人收工添 ！…查看更多
食越南菜點少得湯河？點了牛腩片湯河和越式豬頸肉湯河 牛腩片不會有厚厚脂肪，肉質彈牙，有很咬口！湯味有牛味，最值得贊是河粉滑到不得了，這碗湯河真夠正宗！整體來說，無論環境、衛生、食物質素都是不錯的，很值得推薦給大家！其實我還有很多菜式都想一嘗，可惜肚子撐不下了，唯有下次再來過！ …查看更多
