麥記美食

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。鍋貼餐包10隻鍋貼，酸辣湯同飲品，$68。鍋貼果然係米芝連推介小食，煎得底脆而上面皮薄又滑，入面肉餡唔錯，加有少少蔥花。枱面上有黑醋自己加。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。紅油抄手餐包紅油抄手同3隻鍋貼加飲品，$53。紅油抄手有十隻小雲吞，皮非常滑溜，肉就細細舊。除左一般既辣椒油，仲有肉碎同酸菜加蔥花，味道少少麻辣。3隻鍋貼小籠包 $32小籠包一籠四粒，皮薄而湯汁夠多，肉都好鮮，出色！鍋貼6隻 $30再加多碟單點鍋貼。墨魚 $14墨魚有幾件，超爽口。燒賣 $10燒賣一客5粒，肉質彈牙。小食可揀甜醬，辣醬或者豉油，我揀左辣醬，都頗辣。凍豆漿凍豆漿係支裝，味道微甜，夠凍，可解渴。Coke ZeroCoke Zero都夠凍。配有獨立包裝飲管。總括而言，鍋貼質素果然高，而其他食品都唔錯，包括小籠包同小雲吞。店舖簡單，座位大概有16個左右。都有好多外賣單。樓面哥哥好友善。…查看更多

鍋貼生煎包都脆口乾身，但冇肉汁味道亦一般，真係米芝蓮lv嗎🧐？・・・・・・・・・・・・・・・・・・・・🥟 鴛鴦餐 HK$52＞5隻生煎鍋貼、5隻生煎包、酸辣湯、熱飲・味道：鍋貼同生煎包都係煎到好脆好香口，但內裡肉餡普通～酸辣湯好淡🥲・口感：脆口乾身但唔刮口，兩款招牌都皮薄👍🍜 雞扒擔擔麵 HK$59・味道：湯底唔算好油但花生味都偏淡，雞扒正常發揮。・口感：雞扒算嫩，不過冇乜肉碎，湯底偏清～🥟 小籠包 HK$30・味道：有啲有汁有啲冇，肉餡味道正常，冇特別。・口感：皮夠薄。・・・・・・・・・・・・・・・・・・・・🤰性價比：中～🤰9衝度：可試～🤰結論：errrr⋯⋯就一般，經過可以一戰，但唔使專登去囉。・・・・・・・・・・・・・・・・・・・・…查看更多

其實一路都想搵機會嚟食，但之前得外賣店，實在唔太方便。直至之前偶然睇到報道話開咗少量位置堂食，即刻千方百計搵機會嚟嘗試下。本身都擔心lunch time 高峰時間去會冇位，但都決定博一博。1點前去到，完全唔使等位就可以坐底。當時都仲有幾個人喺門口等緊外賣嘅。午餐有套餐供應，都幾抵食。最後我哋食咗鴛鴦餐，雲吞雞麵餐同額外點咗一籠小籠包。鴛鴦餐有酸辣湯，生煎包同鍋貼，仲包一杯熱飲。酸辣湯最好上枱，幾好味，唔算好辣，細細碗，都幾開胃。生煎包同鍋貼都熱辣辣，好好食。份量都唔少，一個人食可能會食唔曬。雲吞雞麵正正常常～好大碗下，性價比高。最後出場嘅小籠包，超級好食！皮簿多汁，又夠晒熱～ 超級出色，一定要再嚟食小籠包～…查看更多

食完全日雞之後係繼續食由和富行上去堡壘街上到去堡壘街就係想食呢間麥記美食細細地一間手工上海包點已經係連續幾年必比登餐廳有好多必比登餐廳拎左一兩年就收檔呢間麥記直到今年都仲係名單之內另外北角仲有間叫小老板都係麥記太子女兩夫婦開既門口就貼晒餐牌出黎真係平民價黎但係度買野同食野就無乜規矩佢就無指定人龍排隊亦都無收銀位呢樣野總之就排左條唔知有無用既隊老闆忙完就會同你落單比完錢又唔會有單或者號碼只靠人面識認有d人叫呢樣野做人情味但我自己就唔太鍾意呢種模式而座位亦都只有舖頭出面搭出黎檯仔衛生環境就好差當日座位亦都比班工人姐姐霸L晒所以只可以拎開係一二邊食不過老闆記性都幾好既見佢都記得晒邊個買左D乜野食物都唔會等太耐前後都唔洗十分鐘小籠包就應該係等最耐既如果堂食佢仲會跟埋個蒸籠出黎廿六蚊四個比豆漿大王仲平賣相亦都靚仔好多不過佢地唔多湯汁食落都只係一般仲叫左生煎包同鍋貼兩樣都係十蚊三件即叫即整手工野呢個價真係認真無得輸試過係元朗國買都要兩倍價錢先食到熱辣辣夠足料鍋貼同生煎包皮雖然有d厚但幾好咬口有肉汁比小籠包好食本身仲想試埋個擔擔麵但真係食唔落雖然地方污污糟糟但咁既價位同質素真係日日黎食都可以不過地方就唔算好方便堡壘街呢頭都幾黃連食齋既都有中菜西餐乜都齊今晚又會再番黎食飯…查看更多

🥢 麥記美食 @北角位於北角嘅小店情懷，相信係唔少附近學生上班族會幫襯嘅小店😚魚蛋燒賣牛柏葉 精華係個辣汁 非常好食～古制上海點心亦都唔講得少！擔擔面係超濃郁嘅花生味 🥜好食過唔少高級餐廳🤣🤣小籠包鍋貼都係好出色～可惜我去嘅時候冇生煎包同蔥油餅（（要下晝先有得賣～））🌟担担麵 $20/碗🌟魚蛋 $8/5粒🌟燒賣 $8/5粒🌟牛柏葉 $12/串🌟生根 $8/串🌟生煎鍋貼 $10/3隻🌟小籠包 $24/4隻🌟期間限定 蟹粉小籠包 $19/1📌 地址:北角堡壘街21-23號美嘉洋樓地下營業時間: 星期一 休息星期二至六 11:00 - 22:00星期日 11:00 - 20:00…查看更多

小籠包 $24/4隻紅油抄手 $23擔擔麵 $18鍋貼 $10/3隻生煎包 $10/3隻👍 性價比超高！！！今時今日係邊度搵到廿雞可以食飽你嘅地方？仲要係#良心小店 👍 紅油抄手必叫！重口味，夠麻夠辣！鳳尾雲吞，饀唔多但抄手梗係要多皮可以掛汁先係王道啦👍 擔擔麵都好好食，係正宗撈麵 style，無乜湯，好香花生醬味，目測唔辣但食落都啖啖麻辣味，幾過癮！👌 小籠包皮薄，肉饀清甜，但唔知係咪因為外賣，近半個鐘後先食，所以已經無哂湯，下次堂食再評👌 鍋貼皮都算薄，隔左半個鐘皮都仲超超超脆，但同樣無湯👌 生煎包係正宗包皮，唔係好似祥興記嗰啲薄薄成隻鍋貼咁，我就麻麻食成個包呢隻，因為太飽肚啦 🙈 但個底一樣keep 到脆卜卜👎 店舖似專做外賣，對出只放左兩張摺枱，近排嘅天氣真係唔敢堂食…查看更多

喺香港未食過咁脆底同足料嘅鍋貼&生煎包。睇完網上片段介紹，特登搭叮叮入去北角，夜晚八點去食。我叫咗生煎包、鍋貼、小雲吞同埋小籠包。鍋貼同生煎包唔使等小雲吞同小籠包要等五至10分鐘。夜晚八點，出面有得坐，雖然係街邊，但其實好乾淨好舒服。生煎包同鍋貼個底超級脆，從來冇食過咁脆㗎生煎包同鍋貼。而個餡係多汁同鮮味嘅， $10，3個真係好抵。小籠包同小餛吞都ok，但就無生煎包同鍋貼咁驚為天人。臨走嘅時候再叫多咗一份鍋貼同生煎包外賣。一路食，一路都不停有人買外賣，所以食材非常新鮮！…查看更多

嗱嗱嗱，澄清番先，呢間麥記美食唔係連鎖金拱門🥰終於食到呢一間連續三年攞咗米芝蓮推介小食嘅麥記啦！仲要係同路人添啊喂💛·舖頭細細，主力做外賣嘅小食、麵食、餃子、小籠包。初次嚟到梗係要試吓佢嘅小籠包啦，等緊嘅同時我哋口痕買多咗串魚蛋～·估唔到魚蛋先有驚喜！整體來講都幾彈牙，重點係佢嘅辣汁配埋甜豉油，用嚟點魚蛋簡直一流呀～我覺得正過食過陳記魚蛋嗰個辣汁添🤤·等咗10分鐘小籠包終於出爐，佢個小籠包size細細地，不過勝在皮真心薄同埋豬肉餡料都幾紮實（仲有啲豬油膏好邪惡😈）—唯一敗筆嘅就係冇乜湯汁，如果expect一咬就浪花四錢嘅朋友可能會失望🤔·整體來講，我覺得性價比都算係咁上下，見到好多街坊會特登過去買酸辣湯、餃子嚟食，睇嚟係街坊親民嘅小店💛-小籠包｜$24魚蛋｜$9-麥記美食北角堡壘街21號1號地舖-…查看更多

呢間黃店真係一間好平但好好食既舖頭。前排黎呢間舖頭食時因為兩個人都食左lunch，所以就隨意叫左兩個小食，但真好高質！生煎鍋貼🥟外皮又脆又薄，入面既豬肉非常juicy，最抵讚係我地叫果陣個鍋貼仲係熱，證明野食雖平但唔馬虎！小籠包就唔似鍋貼，無得整定，要即叫即蒸，所以等左約10分鐘。同樣地，雖然平但好味😋！豬肉餡似係師傅自己做，豬肉餡唔太實👍🏻，而且好多湯汁，真好高質，難怪呢間小食店蟬聯三屆米芝蓮街頭小食推介！除左呢兩款外，生煎包睇落都幾好食咁😋，$10/4隻，又平又抵！我覺得最難得係依個時候係香港🇭🇰，仲有一D好味😋價錢又親民既舖頭，抵到我估情侶嚟食都唔過$100，真心抵！大家記得呢個時勢要去支持下D良心食肆呀！…查看更多

孩提時代，家住灣仔，記得當年父親總愛帶我和兄姊到灣仔道一間豆品店吃早點，店裡美味的窩貼和牛肉包，至今仍令我回味不矣。或者人年紀大了，特別愛回憶兒時美食，不過現在那豆品店當然早已清拆，而家父亦仙遊已久。早已聽聞北角堡壘街有間地道的小食店，叫「麥記美食」，其售賣的蔥油餅、生煎包、窩貼和小籠包等，遠近馳名，這天閒着在家，忽然懷念起這些上海小吃，決定搭 $2 叮叮，去一嘗這隱世食店的出品。要找這店位置，說難不難，但說易又好像不太容易，不過只要你去到北角道，沿行人天橋下的北景街小斜路往上走，第一個街口轉右便到了。其實這店的環境頗為簡陋，店內甚為狹窄，門外不遠處的行人路旁，放了數張摺檯，以供堂食客人之用。幸好這兒人流不多，亦沒有車輛經過，所以即使身處馬路旁邊，仍沒有塵土飛揚之感。我這懶精，既然難得出動，當然要一次過試曬這兒的名物。其實窩貼往往給我一種「小時候」的味道，記得細個的時候，家母間中會買些街頭美食回來讓我和姊妹幾人品嘗，而我總覺得那些放在啡色紙袋內的窩貼小食特別美味。至於這裡的生煎窩貼 ($10)，一碟五隻，看來甚為輕巧，先挾起其中一隻，慢慢咬開一小口，內裡肉餡其實不多，不過肉汁倒算豐富，而且外皮亦唔算厚，軟硬度剛好，不過我尤愛窩貼的底部，煎得金黃香脆，甚為美味，女店主還教我加點醋一起食，可減低窩貼的油膩感呢。跟著上的生煎包 ($10)，同樣一碟五隻，外形頗為的骰可愛，彷如乒乓球般大小，差點可一啖把整個包吞進肚裡。味道方面，當然這裡的做法不似市面一般新派食肆的生煎包，以皮薄、餡大和湯多見稱，不過這兒的生煎包，以其迷你外形的比例來說，肉餡的份量已不算少，雖然內裡肉汁唔算很多，而且包的外皮亦比較厚身，但底部煎得金黃香酥，一口咬下去，融合內裡微微的肉汁和餡料，味道和口感也很不錯。至於這裡小籠包 ($18)，一客六隻，同樣以嬌小形象現身，女店東把籠子端出來時，籠內熱氣還直往上冒，不過我把小籠包放入口時，溫度又出奇地適中。當然這些街頭小吃，絕不能預期會有「鼎泰豐」出品的質素，甚麼外形精緻、皮薄汁鮮等當然欠奉，始終是一分錢一分貨嘛。不過這兒的小籠包，雖然摺子打得唔算十分漂亮，而且湯汁亦較少，但內裡肉餡口感紮實，外皮吃起來也有彈性，加上這裡並非那些大集團店子，吃來頗有家庭風味，而女店主服務又親切有禮，很值得支持。差點就緣慳一面的蔥油餅 ($3)，原來只在每天下午三時後供應，而且限量發售，絕對是手快有，手慢無。其實住處附近都有一間店子有蔥油餅賣，可惜每次總碰不著其出爐時間，而放工後買回家的，往往都是那些凍冰冰兼只得鹹味的貨色，令人失望。至於這兒的蔥油餅，外皮入口微酥，煎得甚為香脆，蔥的香味雖然唔算十分突出，但那酥脆的口感，簡單的味道，卻讓人一口接一口地吃光。聽聞這店在新蒲崗也有分店，相信對甚少過港島的人來說，也是個喜訊，總希望這些家庭式小店，在高地價、原材料不斷上漲下，仍能生存下去。…查看更多