湘聚小廚

今日又到西環食飯、想一想🤔呢間餐廳好似食了很多年、問店員原來今年已經第十個年頭，食得辣嘅我哋一班老友、經常聚腳嘅地方、小菜館形式專係做街坊生意、份量又足料惹味、見到有好多港大 學學生經常去幫襯、中午有時需要排隊等位好火爆、最欣賞係有辣有唔辣、隨你鍾意、可以迎合唔同人嘅口味、和店員傾傾開偈，她介紹：原來由湖南師傅炒地道湘菜口味價廉物美😁😁仲介紹下次再去食試下新菜式，又要再約多啲朋試晒所有新菜式🥰🥰…Read More

濕luplup天氣當然要食辣嘢啦，於是上咗Openrice揾咗間未試過既湘菜館試吓新嘢。去到鋪頭見到坐滿晒人心諗咁多人食應該呢間嘢都幾掂!! 等咗一陣, 終於有位坐, 好與奮咁開始點菜囉~ 經過店員介紹後， 2個人，我地點咗以下嘢食。爆 炒 小 河 蝦 HKD 88好難得可以係香港食到小河蝦，平時都要返大陸先有得食，而且價錢仲要咁合理，真係好值得推介! 味道方面呢...小河蝦雖然細細隻，但勝在肉質飽滿鮮甜，再配以蔥、蒜及辣椒仔爆香，而且蝦殻比較軟，所以一啖幾隻都真係十分之過癮。如此惹味加埋咁有鑊氣當然要配以白飯或啤酒一齊食啦!雜糧包 HKD 58呢個雜糧包係其他湘菜館都有試過，但勝在佢個配菜味道夠濃，再加上個包唔濕，夠煙靱有嚼勁，蒸得唔錯! (小提示:個配菜係尖椒絲、辣椒絲、梅菜粒炒埋一齊，都係有啲辣架)小炒香乾 (唔記得咗價錢，好似70-80蚊到 ><")小炒香乾係用咗回鍋肉片炒豆腐乾配青椒，啲回鍋肉雖然係肥豬肉但唔油膩，個豆腐乾好有咬口，再配以爽口青椒，好有口感!酸辣土豆絲 HKD 68土豆絲可算係我食湘菜必叫小菜之一，呢道我就覺得不過不失，冇之前個幾咪惹味且有驚喜，因為相對比較清但勝在爽口，係食完一輪重口味小菜後，清下個口，呢道菜都幾岩!燉湯 - 響螺燉雞(唔記得咗價錢，好似48蚊到 ><")話說呢個湯係我入到鋪頭見到個板上面既事日燉湯，嘩...響螺燉雞都係40幾蚊當然要試吓啦~ 由於口渴得制, 唔小心飲晒先醍起未影相..嘻嘻味道方面以40幾蚊黎講算幾好，足料同都幾清甜。想飲湯滋潤吓，呢個都唔錯!…Read More

住係上環附近已食到悶，所以呢就行去西環睇下有乜嘢食，見到呢間好似好特別咁，所以就走左入去試吓～好想食d辣嘅嘢，但係又有小小喉嚨痛，所以呢間餐廳就好好啦，可以將啲菜式選擇辣度，點菜嘅時候你可以選擇"唔辣/小辣/中辣/大辣"，會特別就返你嘅口味～ 喺我哋望緊個餐牌嘅時候，因為兩個人但係又想食好多款式，唔知點選擇，老闆娘服務好好，好好人咁同我地介紹左啲餐廳好味又熱門嘅菜式～兩個人叫咗以下三個熱門菜式：1) 小炒香乾：類似回鍋肉炒豆腐乾，但d肉一點都不油膩，反而好彈牙有嚼勁好有咬口，好想知道點樣煑法可以將肥嘅三層肉變咗咁彈牙，好特別嘅口感，第一次食到係咁嘅質感；再加埋d豆乾，令人食唔停，好好味！！2) 鐵板孜然牛肉：送到埋黎未食已聞到好香哦！！加上係用鐵板上菜，令到d食物可以keep住個溫度，同埋會加倍美味，好香～ 牛肉份量好多，兩個人食極都仲有～ 好想知佢係用乜野香料，好香好特別，形容唔到個香料，令人食慾大增～3) 湘聚炒飯王：果然係炒飯王，因為冇諗過送倒過來啲飯係一粒粒好明顯，就算佢啲飯炒完有少少調味油，都唔會令到d飯黐埋一舊，依然係一粒粒好分明，所以問吓老闆娘係用咗邊隻米，佢話用咗最頂級嘅泰國金鳳米，唔怪得知一粒粒得咁分明啦～ 因為泰國金鳳米係米王之皇，所以呢碟餸叫炒飯王果然係名不虛傳的！！總括來說，食物惹味好香好特別嘅小炒，味道很正宗有水準，材料都很新鮮，非常適合鍾意食香口或食辣嘅朋友，價錢合理～ 就算怕辣都可以叫佢煑唔辣的～…Read More

「湘聚小廚」取其諧音，讓一班朋友一起相聚吃湘菜，即湖南菜。它位於西寶城附近，交通非常方便。這間餐廳裝修整齊，擺設別緻，既中式古典又文雅新潮。雖然店舖地方不多，約可容納50餘人，店內設有男女獨立洗手間，更提供免費wifi，讓客人使用。 剛巧光顧時段食客不多，容易最得座位。小廚的師傅雖然是本地人，過往多年來都烹煮湘菜，師傅的廚藝了得，老闆特意聘請他，並送他到國內著名湖南菜舘深造實習。目的只有一個，要師傅的烹飪造詣更上一層樓，讓客人品賞到可口惹味又有特色的正宗湖南菜。店內的伙計服務有禮，非常貼心，關注細節。 小廚中午提供午市優惠套餐——$48木桶飯，免收加一。我在小廚用餐時是新張期間午市套餐，一律九折。正！希望小廚會繼續推出優惠套餐，令附近的食客受惠。我和朋友嘗試了一些精美例牌菜式。招牌菜絕色雙魚(剁椒魚頭)$138：酸辣和麻辣魚頭，夠爽夠滑，但略嫌有些辣。難道我食不慣那種辣？芥末青瓜$38：清新可口，建議價格可稍減一些原味山藥$48：較淡口，如果加些鹽可能能比較美味鐵板孜然牛肉$98：非常惹味，但配菜比牛肉多     茄子炒長豆角$68：不錯香辣肘子王$218：非常惹味，菜式巨大，要多人分享才會點此餸菜，否則吃不完小炒香乾$68：對我來說，太辣了清蒸黃花魚$78：不錯小炒子雞$95：惹味可口，份量適中木耳腐竹$38：挺清新的菜式乾鍋花菜$68：不錯上湯菜心$66 ：可接受，但份量較小…Read More