BTS美食站

今日去九龍城打卡📸，中午醫肚仔，首選當然是泰國菜啦😊，必點甜品芒果🥭糯米飯，職員推薦了船麵，我和朋友各點了一款。我點了無骨海南雞船粉（金邊粉）$62，無骨啖啖肉啱曬我😅，配埋清甜嘅椰青$25🥥（跟餐半價），連椰青肉都食清🤣朋友點了牛丸牛肉船粉（河粉）$60，味道偏濃，微辣，份量算多，牛丸胡椒味偏重，牛肉幾滑，跟餐椰汁冰半價$17，香濃椰汁味，飲品不錯。另外點了一款小食和一款甜品 - 泰式原味烤酥餅（2塊）$48和小曼谷原隻芒果糯米飯$88，充滿泰式風味，而且價格合理。…查看更多

九龍城附近都有好多泰國餐廳，今日同朋友相約放工去九龍城食泰菜，南角度成條街都差唔多係泰國餐廳，見到其中一間餐廳門口放住隻好大型嘅吹氣公仔，幾得意，於是就入去試試。呢間泰國餐廳以泰國地鐵站(BTS)為主題，餐牌設計亦以地鐵路線圖為靈感，一入到餐廳牆上仲掛住一幅泰國BTS路線圖，即刻勾起我之前經常去泰國都搭鐵嘅回憶🇹🇭◎ 泰式生蝦刺身 $128生蝦好新鮮，肥美爽口，配埋個秘製酸辣醬，好味😋◎ 豬肉碎生菜包🥬 $118呢度嘅生菜包，除咗肉碎好大份，生菜都有好多片同好大塊，肉碎炒得酸酸辣辣，仲有啲香茅味，幾惹味。◎ 鐵板豬頸肉啫椰菜苗（馬拉盞）🌶️ $118大推呢個鐵板，用咗馬拉盞炒同埋用鐵板上，超級有鑊氣，豬頸肉好入味，越食越辣🤤◎ 小曼谷炒河粉 $118佢嘅味道有啲似港式星洲炒米，河粉超多好大份，入面有蝦🍤、青紅椒、蛋碎等等。◎ 小曼谷原隻芒果糯米飯🥭$88糯米飯係暖笠笠，好煙韌唔會硬。配上泰國嘅芒果同椰漿，正呀😋◎ 椰青 $49椰青水好清甜，而且入面啲椰青肉好嫩滑！整體嚟講，呢間泰國餐廳嘅嘢食都幾大份，食完好滿足，好似去咗一轉bkk😛…查看更多

同隊友去咗九龍城做泰式按摩後，肚仔餓，又想食泰國嘢，喺條街亂咁行，最後就去咗呢間試下 😁其實BTS美食站同"小曼谷泰國美食"係同一老闆嚟。地點都好方便，喺宋皇臺港鐵站B2或B3出口嘅對面就會搵到 😀門口出面有隻好得意嘅吹氣公仔，係個橙色衫廚師女喺度不停揮手叫人埋嚟食 😂 餐廳叫BTS美食站，係以泰國曼谷捷運主題，店內收銀位嘅牆上貼咗一幅大大張嘅BTS路線圖 🚇🚈裝潢帶點工業風，同關於車站嘅裝飾 ⚙️🍚 小曼谷海南雞飯 $108雞肉幾嫰滑，脂肪不多，又煮得不油膩👍惟份量較少附湯味道不錯，唔會係淡茂茂 😆🍡 泰式沙嗲串燒拼盤 $118 / 共6串分別係：牛、豬、雞、雞腎、雞全翼 及 泰式臘腸呢個拼盤好似唔叫唔得 😁有時叫串燒，唔會想只係食一款嘛。為食嘅我就叫咗呢個拼盤😂正呀！串燒大大支，即意思d肉係大大舊/大大塊 👍其中我最鍾意係豬 及 泰式臘腸！😍豬肉佢係切成偏向一塊塊咁嘅 (唔知咁啱我呢碟係咁定點)，因為一塊塊，食起嚟好爽口 🤩 肉係彈牙架！呢個真係要讚👏另外泰式臘腸，平時我極少食臘腸，因為好多時餐廳整到好乾，但BTS呢度佢燒得好香好juicy，蜜味夠 🤤🥭 小曼谷原隻芒果糯米飯 $88話明原隻芒果，冇講大話，真係俾成個你 😆個糯米飯仲大過海南雞飯個🍚 😂所以係2至3人嘅份量嚟，要同人share食啊！喺呢個季節嚟講，個芒果都算甜👍椰奶都香，糯米飯夠煙韌咬口 😙🥤 珍多冰 $42正！我講緊正係因為佢整3色啫喱做得好好！紅色係一粒粒，好爽口黃色係芒果乾肉，淋得嚟有咬口綠色係一條條嘅，好滑漏一杯嘢飲，三種口感 🤩椰汁甜度剛好，又大杯！😍餐廳服務都不錯，店員個個都有禮貌又主動招呼👍…查看更多

一直都知道九龍城出名食泰菜，但喺宋皇臺站未開通前，九龍城對我黎講一直都喺一個好遠既地方😂最近終於有機會路過可以試吓買外賣返去食<泰式炸芝士蝦丸> $118蝦丸好大粒🦐!!!蝦肉彈牙有咬口，芝士則帶有鹹甜，配上泰式甜酸醬一啖食落肚好滿足。<泰式鮮蝦炒金邊粉> $108金邊粉係我其中一個食泰菜必點既菜式🔥味道正宗，蝦好鬼大隻🤣配料有些炸過既葱蒜同埋花生粒，再擠些青檸汁撈勻，就喺泰菜獨有甜酸味道。<小曼谷原隻芒果糯米飯> $88最後當然要嗌返個甜品先為之完美嘅一餐😆芒果香甜，熟度啱啱好✨而糯米軟糯，煙韌中帶微微甜，唔會話一大舊好難咬。總括黎講以呢個價錢食到呢個質素同味道既泰菜，覺得幾滿意。…查看更多

今天和先生行街行到九龍城，見不少泰國餐廳門前都供奉佛像，也見到不少泰國人進行浴佛祈福。原來今天是泰國曆新年（宋干節）的開始，也就是著名的潑水節（4月13-15日）。宋干的意思是轉變，潑水是代表替人沖走霉氣，帶有祝福的寓意。雖然因為疫情，居港泰國人並無大型慶祝活動，但是我和先生還是決定留在九龍城提早食晚飯，算是參與一下。既然BTS美食站門前的充氣公仔不斷向我們招手，那就入去吧。這一餐很豐富，食材（尤其海鮮）新鮮，價錢也合理，味道方面似乎是遷就港人減少竦度，但也好好味。泰皇咖哩炒蝦配薄餅，送冬瓜湯和熱龍眼水（$118）這個套餐性價比高。首先3隻虎蝦大隻厚肉，連蝦頭也被我啜乾淨，証明好新鮮，咖哩汁香濃惹味帶少少甜。薄餅酥脆鬆化，撕開可見一層層。薄餅一早便來到，聞到好香，忍唔住撕食了半塊，可惜等到咖哩蝦來到時，薄餅已凍了，有點美中不足。附送的冬瓜湯是用雞骨煲的，夠清甜，有好重的胡椒味。龍眼水清甜。冬陰功雞絲湯河粉（$48）這個湯河粉有兩大驚喜。首先河粉是我最喜歡的寬闊大片河粉，滑得來有口感又唔油。好彩沒有加2蚊轉金邊粉或粉絲，不然就錯過了。其次是雞絲是海南雞拆出來的，更香更有雞味。至於冬陰功湯底就不過不失，可以再酸辣些。泰式鹽燒烏頭（$132）我同先生講，慶祝新年不如叫條魚？人們通常食泰式明爐烏頭，可是我偏愛鹽燒。鹽燒做法和潮式一樣，連皮燒，食時揭開魚皮，露出白嫩魚肉，肉質結實又少骨。好好食。小曼谷原隻芒果糯米飯（$72）芒果清甜但略細；椰漿夠甜可再鹹少少；糯米飯份量多，夠腍，但我會喜歡有多些嚼勁的。…查看更多