日本料理「和亭」

呢度閒日都要7點前嚟, 如果唔係冇位, 好彩果日遲咗少少都仲有枱~食物呢度唔算吸引, 唯一係任坐任吹都冇人趕, 仲可以叫佢無限添飲(只限茶水)~ 諗咗好耐都唔知食乜, 一來食物選擇唔多, 二來又唔吸引, 最終求其叫個烏冬, 加d小食同壽司算數, 橫掂都係志在吹水~  天婦羅烏冬  有2只蝦、1角青椒、1角紅椒、1舊茄子、1只蛋、1片蕃薯、1只冬菇、炸麵, 好似係咁上下, 都好多款式, 而且又夠脆, 不過始終都係油~  烏冬份量啱啱好, 看似好細碗, 但加埋D天婦羅, 絕對食到飽肚  炸雞有6舊, 脆都幾脆, 但冇汁點, 硬係差d嘢咁, 因為個雞本身冇乜味~  天婦羅淨係要咗蕃薯同南瓜, 兩個都好甜好脆, 但都係油, 但佢冇蘿蔔茸汁就好d, 好似冇咁濟~  壽司叫左1碗拼盤同散咗幾樣, 都唔算差, 但d飯真係超細舊, 如果淨係食壽司, 都唔知要叫幾多先夠飽?…查看更多