喫茶ちょうぼ

营业中

休息中

☕️日式洋食屋 #喫茶ちょうぼ 係尖沙咀開咗新店呀，繼上次去過銅鑼灣店，今次就睇吓新店有咩特色啦！一棵粉紅櫻花樹配上整家店日式復古風格裝潢，感覺好似踏進和風時代呢！👧🏻Caca今次食乜嘢？▫️明太子蛋包意粉 $96 - 蛋包飯就食得多，蛋包意粉都係第一次，蘑菇意粉上鋪上飽滿雞蛋，切開綿滑蛋漿流出，明太子剛好為雞蛋調味！▫️日式炸雞翼 $75 - 炸香嘅雞翼沾滿甜甜嘅日式醬，非常惹味。▫️牛肉芝士漢堡 $105 - 厚厚嘅漢堡扒配上半溶化嘅芝士，仲有蕃茄同爽脆生菜，感覺又juicy又fresh!▫️季節性水果忌廉三文治 $75 - 香甜草莓與奇異果同忌廉構成蛋糕一般餡料，而包住嘅係三文治，感覺清清甜甜。▫️泡沫咖啡（熱）$58 ▫️焙茶牛乳（凍）$45

Happy Friday 加上學校早放 又可以同湯圓出遠啲食下野啦🥰 不過天氣太熱🥵 真係唔願起街行 發現K11開左新餐廳 狀甚 #打卡able gogogo!!餐廳走日式昭和風 陳設燈光營造出懷舊風味 淺木色調既枱椅闊落舒適 去到時直入 離開時已經有人龍了😮❤️明太子蛋包意粉🍝 $96明太子意粉食得多 蛋包飯亦有食過 但蛋包意粉就真係第一次！明太子帶微辛 蛋香滑 熟度剛好 但個人覺得意粉水影響左醬汁濃厚度 不算喜歡❤️季節性水果忌廉三文治🥪 $75夏天恩物🥰 可以做飯後甜品 但天氣熱還是即上即食啦🤪 冰涼🧊 清新 奇偉果同士多啤梨🍓酸甜開胃 對切既三文治 口感視感都良好 忌廉香滑 甜度適中 三文治又剛好解膩 ❤️特上焙茶 $36杯子靚靚 焙茶味極香 店員會自動加熱水續壺❤️紫薯牛乳 $38賣相美好😊 俾湯圓飲 叫左少甜少冰 更飲得出紫薯香 但又唔會搶左奶香👍服務唔錯 坐得舒服 情侶閨蜜食野傾計💬也很合宜🥳

K11近排開咗間新嘅日式咖啡館，呢間舖頭本身喺香港其他地方有分店，今個weekday就約埋朋友走過去試一試佢嘅水準係點,一是落去發現其實水準的確係值得推介嘅水平。.咁而家等我簡單介紹吓餐廳嘅各方面啦，環境既然係得K11藝術館入面當然係”骨子”啦。係比到嗰種日式休閒嘅感覺我哋既。.服務水平亦都相當高，基本上全程有啲咩要求都會即刻有侍應過到嚟，整體用餐體驗 “啡we” good！.嘢食係點我而家逐樣點評俾大家睇睇參考吓～.🍝明太子蛋包意粉 水準好高，感受到佢用咗好高質既忌廉，個汁超一流啊！而且一張蛋切開，入邊完美既半熟蛋就流晒出晒，流落啲意粉到係你估唔到嘅咁夾！好推薦大家去試既一道菜。.🍔牛肉芝士漢堡超惹味！軟熟的面包加上厚實的牛肉餅、芝士、蕃茄、青菜層層疊加，睇到都垂涎欲滴。整個很有高級感！.🍆櫻花蝦燒茄子有啲似大阪燒既茄子版，甜甜的好易入口。.🥪季節性水果忌廉三文治這款季節性水果忌廉三文治以士多啤梨和奇異果為主要材料，外層鬆軟的麵包夾著濃郁的忌廉和甜蜜的水果，口感豐富而且非常美味。麵包的質感也很棒，柔軟但不會太軟，使得整個三明治的口感更加 balanced。.🍵焙茶牛乳及🍵抹茶麻糬冰沙

今次帶左閨蜜去K11既新餐廳打卡。蟹肉忌廉可樂餅可樂餅炸到外脆內軟，裡面係香滑又creamy既蟹肉忌廉，醬汁竟然係蕃茄醬，咁就可以中和返忌廉既甜膩感。明太子蛋包意粉平時一般都係食蛋包飯，第一次食蛋包意粉，又幾特別，蛋煎到剛剛好半熟，切開有蛋汁流出，配明太子汁，口感更幼滑。牛肉芝士漢堡牛肉唔會太乾，食落亦有口感，芝士處於半溶狀態，漢堡鬆軟，隨碟仲附上沙律菜同薯條。季節性水果忌廉三文治呢個係日本人氣既水果三文治，不只打卡一流，味道仲好正，將唔同既季節性生果夾起三文治裡面，今次就係士多啤梨同埋奇異果，配埋唔太甜既忌廉醬，好有夏天既感覺。青森蘋果梳打巨峰提子梳打