稻成 (新城市廣場一期)

营业中

休息中

21/4/2021 星期三，我哋三人行，好耐冇嚟沙田了，大家都想食酸菜魚，嚟到新城市廣場，見到這間「稻成」以酸菜魚做推介，咁就一於試吓喇。侍應們好nice，介紹我哋叫二人套餐，而酸菜魚仲可以走辣，啱我😊套餐揀咗：小籠包，夠肉汁。蒜泥白肉卷，用白肉包住青瓜，夠晒爽口！酸菜魚（走辣），大大鍋，好多魚肉，酸菜魚湯撈飯，好正。火腿奶油津白，好味。豆沙鍋餅，不太甜，好食。另外，見到餐牌有 北京片皮鴨，由於好耐冇食，今日就叫一隻北京片皮鴨，滿足一下啦！皮脆肉嫩，好食呀！仲有，孜然手抓排骨，又好吸引喎，一碟有3條，剛好一人一條，忍唔住，加埋這一款啦😋最後，食過豆沙鍋餅之後，又心思思想食埋 高力豆沙，因為這兩款甜品，係甜品孖寶，不可缺少。餐廳環境舒適，侍應們好友善，招呼周到，今日好好享受了一頓美味午餐，大滿足！

年初四嚟食個午餐，出門口就經商場app排隊，時間岩岩好，直接入座，安排左梳化位置俾我地，環境舒服，可以坐得慢慢食，另有種BB 椅，方便小朋友。先嚟餐前小食我地兩個大人叫左以下食物，樣樣都係水準之作，特別係抄手，真係好好味。辣度適中小籠包皮薄多汁孜然手抓排骨，有俾埋手套，食既時候就唔會整污糟手啦澳洲和牛炒飯，醬油係屬於甜甜地，炒得乾身，口感不錯。整體用餐感覺良好，可能樓底唔算太高，隔離台傾計傾到興高采烈，好嘈吵。