堅離地冰室

近年西環真係開咗好多網紅打卡餐廳，老實講作為住附近嘅街坊，真係唔多識欣賞。不過呢間就好唔同，名就堅尼地，實則不知幾貼地。之前食過下Lunch，覺得幾好食，餐廳又闊落，裝修工業風得來，仲幾classic添，水泥牆上面掛住黑膠唱片／舊式海報／書架暨酒櫃咁，我自己好鍾意。重點係服務態度係真心唔錯，令我不其然有啲懷疑我係咪身處係香港呢個時空。呢日收工之後同屋企人諗住咗食埋晚餐先返屋企。想搵個地方舒舒服坐低食個安樂茶飯，不其然諗起呢度啦。我哋未够7點就入坐，仲未坐滿，仲有卡位可以坐。有成17個set可以揀，連餐湯及飲品，真花多眼亂。不過最後揀咗下面呢啲。美國西冷牛扒配黑松露野菌燒（薯菜）餐湯轉酥皮湯+$28屋企人揀嘅。塊牛扒好誇張，大到離譜，下面請睇對比圖。要求7成熟，但係完全唔會韌，牛味好濃。我切咗一塊來食，越咬越有牛味。薯菜都爆炸豐富，有薯蓉／甘筍／西蘭花／翠玉瓜，無油無鹽，純粹水煮，好清新爽脆。威靈頓牛柳 （薯菜）餐湯轉酥皮湯+$28牛柳相對比上面唔算大件，但係切得超厚，我係揀咗medium rare 3成熟，牛柳肉質比較軟嫩，牛味相對無西冷咁濃，加埋個酥皮好夾，都係松露野菌汁，好好食，配上薯菜（同上）我係完全食唔晒啲配菜。食到差唔多尾聲，我哋分別揀咗凍／熱去檸水，咁就perfect match啦。總結就係，絕對滿足我安樂茶飯呢個要求有突。食物性價比高，服務真心好，當晚兩個侍應（1男1女）都服務週到，特別係個女仔。食物出品相當有誠意，晚飯1百蚊多啲食到呢個質素，真心讚。睇到網紅店長期排長龍，呢啲真正有heart嘅餐廳反而無咩街外人知，有時都有啲心酸。如果有日俾遊客發現，連我哋都要排隊食，我覺得無所謂，仲開心添。…查看更多

可能多遊客又多外國人住的關係，堅尼地城其實都有不少高價餐廳。反而這間叫自己做堅離地的冰室，卻價錢貼地親民，而且走高級西餐廳路線，食物質素很高呢。餐廳內部裝修簡潔，牆上掛了黑膠碟、舊海報等裝飾。不過門面比較低調，不留神就會忽略了。晚市由5點半開始，選擇非常多，連鐵板餐都有，同時有多款小食、甜品。我和先生都點了牛，跟餐湯和餐飲。法式鵝肝煎牛柳配黑松露野菌燒汁（$133）威靈頓牛柳（$128）兩款牛柳都處理得好好，軟腍有肉汁，也有牛味，好吃。百多元有鵝肝，又有酥皮手工菜，味道又好。真是抵食。煎牛柳跟意粉，意粉彈牙偏硬身，淋上野菌燒汁剛剛好。威靈頓牛柳跟薯蓉，有忌廉狀也有薯仔顆粒，口感甚佳。跟餐是羅宋湯，酸甜適中，無添加茄膏，口感更加正宗。加$28可轉酥皮，都抵的，因為更大碗，還有更多蔬菜。…查看更多

尋晚我同朋友到了堅尼地冰室品嘗了兩個美味的晚餐。同大家分享下先，我選擇了酥皮羅宋湯和凍檸茶作為餐湯及餐後飲品。羅宋湯濃郁香醇,配上酥脆的麵包皮,十分香和順口。而清新的凍檸茶則完美地中和了整頓大餐的厚重感。我點了脆皮德國鹹豬手配半芥末燒汁。豬手外皮酥脆多汁,裡層肥而不膩,配上濃郁的芥末醬汁相當適配。 我朋友點了威靈頓牛柳作為主菜。牛柳烤制恰到好處,保留住肉質的嫩滑和鮮甜。配上濃郁的醬汁,十分美味。這是一頓非常美味的晚餐,既有傳統的德國鹹肉和英式牛柳,又有俄羅斯風情的羅宋湯,十分豐富多元。…查看更多