夢咖啡館

新分店推出的新menu～Cafe雖然地方不大，裝修卻很有心思，環境幾舒服。京都焙茶鮮奶 ($36 regular; $39 grande)經過烘焙的茶葉特別甘香，未飲已經聞到陣陣茶香，一飲 "哇，真係超濃郁！"溝揾鮮奶份外香滑，真是好好飲！不過記住襯熱飲喔，凍咗焙茶味會冇咁香~珍寶龍蝦仔牛角包 ($98)外型好吸引又大份，牛角包外層呈金黃色，口感尚算鬆軟，夾着滿滿的餡料及生菜。有點可惜的是餡料落得太多千島醬，蓋過了龍蝦仔的鮮味，加上龍蝦仔切得偏細粒，所以沒什麼嚼口。如果醬汁味道淡一點，龍蝦仔保留返大舊一點就好喇~伴碟的粗薯條又脆又不油，好有薯味，食得出是用真材實料薯仔製成，並非食緊麵粉; 灑上鹽及香料，真是超好食！Fish n Chips ($88)好有水準的炸魚薯條。外型雖然不是英國typical食開一大舊的那種，但味道口感絕對有得揮。外皮炸得非常鬆脆，一點都不油膩，魚肉好嫩滑結實，不會一咬就散，味道亦醃得適中，好好食。而粗薯條當然是冇得彈啦~澳式和牛漢堡 ($112)130g厚切juicy和牛，肉質厚實有嚼勁，配上煙肉蔬菜及流心太陽蛋，多料到一啖都咬唔哂。加埋半溶芝士及茄汁，好惹味！太極窩夫 ($88)窩夫是我喜歡的liege waffle質地，外層較Q，內裏鬆軟厚實，比較有嚼勁，跟外層脆口的brussel waffle不同。配料方面有香蕉士多啤梨粒、杏仁片、忌廉、士多啤梨朱古力醬及兩球雪糕 (+$10 多一球)，非常豐富。唯一美中不足的是whipping cream不是手打，而是即食的那種，所以會好易溶及缺乏了幼滑的口感。…查看更多

睇野真係唔可以睇表面，去到西九龍中心，諗住試吓隱世拉麵，好衰唔衰叫夫人幫手開個openrice睇地址，佢睇到排響隱世拉麵下既dream cafe，佢就突然話想轉食cafe。一入到去，環境都唔錯，見到個帶位妹妹，就知呢間野唔係食service。好啦，睇中個手工漢堡個名改得好霸氣，就試一試佢。嗌左十聲之後，忙住打機既兩個waitress妹妹終於過黎落單，落完單佢又走返去拎返部電話打機。等左十幾分鐘個包終於到喇，餓到hihi既我，一手就拎條薯條食啦，嘩，乾左d喎，不過味道還可以啦，似紫菜shakeshake薯條囉，之後切個包黎食，唯一可以讚個汁，其他都係中下水平，包身鬆又冇彈性，生菜底同麥記完全一樣味，最大獲係個牛，細舊得黎又鬆散，散到係搵把刀一切即粉碎，似碎牛漢堡多d。呢個包，竟然收我$88蚊，我去西貢食個超好味漢堡都係五十蚊咋，紅磡時新好味過佢十倍都係廿幾咋，佢咁既用料，咁都好意思收88蚊，好野！食完個包，夫人嗌左個太極窩夫。完全冇期望下，食呢個窩夫，覺得合格啦，雖然窩夫硬左少少，但算脆口，香蕉都幾結實唔會林，雪糕好有拉力，味道唔錯。滿意！埋單盛惠百九幾蚊，唉，真心覺得唔抵食又完全唔值囉！…查看更多

今個周末蘿拔妹都要返工, 咁就唯有係公司附近搵啲好野食啦, 咁啱蘿拔仔見到有間夢咖啡好似評價都唔錯就決定去食囉~ 其實先前食隱家既時候都有經過過, 但係見地方細細又人多都無諗住幫襯, 今日黎到先啱啱開鋪, 唔洗等就有位當然要試試!雖然鋪仔細細但光線充足, 擺設整齊, 感覺當算不錯唷, 但就是有股不明的味道, 蘿拔兔坐落就覺得好難聞, 好似係啲香水梳化擺耐左咁。不過食食下野習慣左同埋比食物既香氣吸引就漸漸不察覺呢!今天蘿拔兔的餐點是…..!明太子煙肉意大利粉意外的醬汁方面沒有很稀, 反倒是比較稠, 剛好cover了每一條意大利粉, 木魚片跟紫菜超大量的, 一點也不吝啬! 明太子份量也算充足, 每一口都是魚香跟明太子啪喇啪喇的口感, 味道十分不錯唷!手工和牛漢堡YUMMY! 漢堡用的是不是和牛蘿拔仔不得而知, 不過由芝士跟茄汁包裏, 味道豐富, 咬感踏實, 漢堡的味道是無可置疑的, 而且, 漢堡包焗得很香脆喔, 另旁邊的薯條是SHAKESHAKE薯條的味道, 但薯條當然比麥記的好吃多了, 不單脆而且不是空心的~抹茶拿鐵拿鐵綠茶味挺足的, 而拉花也相當對稱, 只是如果能有可愛點的圖案就更棒了綿花糖朱古力朱古力味還不錯, 綿花糖吸了朱古力後些微發漲, 帶點溶溶的感覺, 附著朱古力吃當然是甜上加甜, 但一點都不惹人嫌!太極窩夫其實就是雙拼窩半啦, 一半是香蕉朱古力, 一半是士多啤利, 不得不提是窩夫本身相當的香脆, 而且容易切開, 除了生果外, 表面還加上綿花糖跟杏仁片, 爽脆中又帶點軟綿綿, 而且攞碟也挺美的, 相信是女生都會大愛吧! 可惜蘿拔妹要趕回去工作…只能狼吞虎嚥的吃完它…沒時間欣賞了…查看更多

星期五晚上約了一位喜愛西餐的舊同事聚舊， 以為位置不起眼的小店不用訂枱， 怎料已經滿坐， 大概是大家看到食評不俗而來試試。不過幸好只是等了一會就有位。我倆都屬細食之人， 所以只點了必吃的卡邦尼意粉和太極窩夫。由於醬汁太濃稠，侍應叮囑必須在兩分鐘內吃這個卡邦尼意粉， 否則麵條會黏在一起。每條意粉都掛滿醬汁， 味道十分濃厚。雖然意粉份量不多， 但也感滿足。太極窩夫是現點現造， 所以須等候20分鐘。價錢有點貴 ($88)， 但我們是衝著這個才來的， 所以無論如何也要試一次。果然沒讓我們失望， 賣相很美， 看著它感覺很夢幻， 才明白這裡為何叫夢咖啡館。朋友愛朱古力， 我則愛士多啤梨， 大家不用爭。吃這個一定要趁熱， 因為第一、兩塊是最好吃的，外脆內軟。雪糕溶得很快， 沒多久就變成糖漿了。邊吃邊向友人介紹 Opensnap, 即時把相片上載時被侍應發現， 她問我有沒有寫她這個服務超級好的侍應? 她的服務... 還不錯喇， 都算主動細心。 我想，我還會再來的。…查看更多

最近才知道西九7樓有間cafe，口碑唔錯，呢晚終於有時間，帶同我的另一半，嚟食餐好嘅！玫瑰凍檸檬茶玫瑰香味，加入檸檬茶裡，調和起來，真係幾好飲。卡邦尼意粉滿滿的芝士醬汁，滲透入意粉中，伴以火腿，草菇，蘑菇及香草，口感極佳，令人回味無窮！瑞士雞翼很入味，鹹甜度適中。熱綠茶咖啡就是喜愛這拉花，喝下去，很香滑，帶有綠茶味，口感獨特!太極窩夫店員落力推介：窩夫混合了士多啤梨及朱古力（雪糕+甜漿）兩種味，再加上香蕉塊及鮮士多啤梨片，單看賣相，縱橫層次分明，細細粒棉花糖配以忌廉點綴，窩夫本身熱辣香脆，可切開成8小塊，雪糕甜滑，水果新鮮，每一部分，每一啖，都超好味！…查看更多