❤️🤎🧡忍唔住 偷食咗啖🍗屋企人話唔想煮飯，咁外賣返去食啦😗依間米線專門店有種被小食耽誤嘅感覺😂本身諗住嗌碗米線食嘅，點知俾佢啲小食吸引住🤤pack入袋之前，先偷食返啖🥰咁先try到最好味㗎嘛！店員話可能要等好耐，俾我哋坐住等🤭真係好warm！(其實都係10-15分鐘😳效率超高！)❤️麻辣爽脆豬耳❤️ $26前菜一於食啲開胃嘅！麻辣豬耳非常開胃，口感軟糯，🐷又有爽脆嘅感覺，豬耳非常入味，🌶️用嚟打開味蕾就最好不過！💚家鄉辣椒炒五花肉米線💚 $59依碗份量都幾足，青椒🫑下仲有唔少肉肉添！五花肉油香肉味重，入口惹味真係不得了！🐽米線底部會有醬油，一定一定要撈勻食，口感同味道都超豐富，越食越香！❤️牛魔王麻辣湯米線❤️ 麻辣大辣 $59呢個米線啖啖肉，入邊有肥牛，牛丸、牛𦟌，🍜配料方面有腐皮、雲耳、芽菜！配料豐富，牛肉味香濃🐮雖然揀咗麻辣大辣🌶️但係佢嘅辣度唔會好刺激，好開胃！🧡大澳爆汁雞翼🧡 $28熱辣辣 燙口又燙手，即使係咁都阻止唔到我偷食嘅節奏！🐥嗌落去真係爆汁！肉汁鮮嫩多汁！好彩有偷食😛🤎椒鹽脆辣雞球🤎 $22即叫即炸，拎返屋企食都保持到脆口！🐣椒鹽味道好惹味，少少嘅辣度加調味令雞肉鮮味更突岀！💛香噴噴奶黃金沙脆雞翼💛 $32一樣都係即叫即炸，依個就係佢哋嘅招牌金沙雞翼！金沙醬滿布雞翼，令人食慾大增🐥咬落去會有好香濃嘅鹹蛋黃香，有啲後悔冇嗌多份！🥺🧡香噴噴奶黃金沙咪走雞🧡 $26金沙系列又點止一款，依個雞肉都係都係金沙系列！🐤奶黃香金沙香充斥住每件雞肉，啖啖肉又過癮，仲好鮮嫩添！💜香噴噴奶黃金沙豬柳肉💜 $28太鍾意佢哋嘅金沙乜乜，一於嗌晒佢！依個都係啖啖肉！🐽每一件豬柳肉都充滿金沙香味，鹹鹹香香真係令人愛不釋手！🐷🤍懷舊蔥油餅配藤椒野菌雞粒🤍 $36藤椒野菌雞粒真係超級惹味，辣度足夠又香，🌶️未食已經流晒口水！🫓配上蔥油餅真係好夾！💙一齊黎一串💙 $22招牌手打魚腐串一共有3款口味，想咩都試吓可以嗌依個🤭每款一粒，每口味都try到！口味有冬陰功🌶️、櫻花蝦🦐、甜粟米🌽，冬陰功最令我有驚喜，味道好醒胃又唔膩！🌶️💚惹味流心芥末恐龍蛋💚 $32未食過恐龍蛋，好似好得意咁！大大粒仲係流心添🦖店員千叮萬囑一定要趁熱食，所以返到屋企第一時間食！🤪外層魚肉厚實有口感🐟，內餡為流心芥末，底部仲有啲米條脆脆，一齊食口感更豐富！🍢🧡芒果乳酸梳打🧡 $26落完單先醒起未嗌飲品，經理大推依杯芒果乳酸梳打，既然係咁梗係要試吓啦！🥭芒果乳酸味道，酸酸甜甜，🍹最鍾意就係入邊嘅爆爆珠，每啖都有驚喜！💛鮮檸檬特飲💛 $24想清新啲可以嗌依杯，🍸鮮檸檬酸酸甜甜，食咗咁多邪惡嘢，🍋飲返杯解解膩就最好不過啦！估唔到米線專門店除咗有米線，仲有咁多特色小食🤤仲要款款都咁高質！特別係奶黃金沙系列呀😛見佢仲有其他米線配搭，同埋小食😳下次嚟堂食先！順便體驗多次佢哋咁高質咁貼心嘅服務🤭(講真佢哋服務態度真係超級好，真係會feel到佢哋由心而發去serve每位食客，仲好有效率添！)BTW記得save post，方便向店員查詢有關米線同小食啦❣📍愛上米線📍北角書局街1-25號美輪大廈地下12, 12A及14號舖…Read More
