樂園素食

回想第一次嚟依間舖仲係前身素一既時候，當時已經覺得好抵食，環境靚坐得好舒服！今次再返嚟依間店雖然裝潢一樣，但名就轉咗啦，不過同樣好食，啲人都好nice！必食sushi，偽三文魚sushi食落真係幾似！偽火腿炒飯，味道都可以。第一次食偽咖哩魚蛋，我覺得幾彈牙，外表睇落去都似嫁！必推蕃薯天婦羅！唔甜好味，食多兩舊都唔怕肥，狂掃推介~必推南瓜天婦羅！依款都好好食！腸粉度度都有得食，不過自己混下漿食一兩舊都唔錯！必推！小小泡芙，我都唔記得食咗幾多舊..以為係馬拉糕，問啲姨姨話係類近既，點知味道似係黑糖蒸糕... 完全唔好味，下次一定唔拎。 …查看更多

岩岩有朋友約我食飯，不過佢食素既，正頭痛去邊到食好（大家都知素菜平時都比較貴），我又大食，好在咁岩係網上見到，係銅鑼灣 Tower535 開左間素食自助餐 樂園素食，任食價錢又大眾化，咁就即時Book 定位去試下。樂園素食在 Tower 535 地庫，地方好大，裝修好新式，就好似係酒店入面食自助餐一樣，好岩年青人幫親。老闆見我地第一次去，仲特別介紹一番，招待得好好，好有家既感覺，我平時少食開素菜，都被他感染到開始愛上素食。衛生方面又係滿分，攞食食除左要帶口罩外，仲要帶膠手套，超級衛生。過百種菜式，咕噜肉、鮑魚都係招牌名菜。飲品有豆漿，多種熱飲，即磨咖啡(真係同大酒店有得比) ，另外還有多種甜品，仲要樣樣都咁好味，真係難得。我超鐘意食佢地既壽司，老闆見我係咁食壽司，又過來話我知，原來整壽司既係以前有名既日本料理師傅，超級推介。另外Pizza 都係我另一最愛。另一推介就係佢地既串燒，晚上供應。好少有自助餐有咁多款式，我唸要起碼三次才能試晒全部野食。很難得的一間滿分餐廳。…查看更多

聖誕個個都想食自助餐，但又有冇諗過其實素食BUFFET都可以好豐富😉今次同朋友搞下新意思，食素過下節日。平日午餐時段每位$78，可以食75分鐘。呢到環境都幾寬敞，而且裝修簡約得黎幾清新唔錯，先繞場一周睇下有咩食先😃主要類別有沙律、前菜、炸物、壽司、飯麵類、齋菜、熟食、冷盤、湯類、糖水甜品、飲品等等，非常豐富🤩沙律吧🥗，沙律菜有三款，連埋多款配料同醬汁可以選擇開胃前菜：陳醋雲耳、中華沙律、胡麻手拍青瓜🥒日本枝豆、一口蕃薯、醃菜香草焗法包🍕、素餃子🥟壽司區🍣，有幾款壽司之外仲有卷物炸物區有什菜天婦羅🍤豆沙芝麻球、芋茸地瓜丸🧆南瓜餅🎃、一口蘿蔔🥕可愛豬仔造型嘅蒸饅頭🐷素肉絲炆茄子🍆、欖菜四季豆茶樹菇蔬菜類🥦鹵水豆腐、南乳豆卜蓮藕椰汁南瓜芋頭🎃、葡汁西蘭花🥦甜酸齋、雙菇炆蘿蔔🥕薑醋蛋🥚蒸蕃薯🍠、粟米🌽冷豆腐、冷烏冬勁多野食可以拎🤩飲品區除左有豆漿、茶包🍵之外，今日仲有洛神花檸檬水、羅漢果甘草水，夠健康養生🥰呢到連咖啡機☕都有，冇諗過飲品都會有咁多選擇👍🏻視察完咁豐富，一於開餐😜燒粟米壽司食落又幾特別😃香草焗法包幾滋味下😋一口蘿蔔細細粒方便食，佢加左少少調味粉更加香口啱晒我食🤤番薯條甜甜地唔油膩，酸齋菇類都唔錯清蒸粟米同蕃薯，食到本身食材嘅清甜，番薯夠晒淋唔會未夠熟硬晒😋飯麵類都唔錯，黑松露炒飯味道夠香，飯粒軟硬適中，至於素肉絲炒麵同炒河夠乾身，唔會炒到痴埋一堆再食多轉壽司，後尾先發現原來仲有壽司鼓油同WASABI可以拎，真係好似食緊壽司一樣😜食下D炸物香口野，春卷、手抓餅、生煎包、天婦羅、煎餃子，夠惹味🤤赤小豆粉葛湯，清甜滋潤，湯渣D粟米都幾甜😁雪耳桃膠糖水超足料，桃膠大大粒絕不手軟，口感幾Q彈，好養顏🥰海帶綠豆沙糖水味道啱啱好唔會過甜，如果可以再沙D口感會更加正基本上由頭食到尾，款式實在太多，未食勻晒全部野食，都已經食到好飽好滿足，價錢經濟實惠，認真抵食，絕對值得再ENCORE🤤店鋪非常注重衞生，每位食位都必須戴齊口罩手套先可以出去再拎野食😉而且職員REFILL食物效率都幾高，唔驚冇野食，仲要好主動收碟，親切有禮，值得一讚👍🏻…查看更多