極尚大瀛喜日本料理

🙋🏻‍♂️餓底探員去咗元朗調查呢間日式放題，餐廳有多款刺身，壽司，燒物，炸物等供應，自助區更有冷盤，熱葷，甜品同飲品，全部可以無限量追加，時限內all you can eat，記住食得晒先好嗌，唔好浪費食物呀😉🍽️晚市放題 $288🍣壽司刺身🙋🏻‍♂️表示有多款壽司刺身供應，各款都好新鮮，餓底最愛藍鰭拖羅壽司，面頭仲有拖羅蓉，入口脂香肥美，雙重口感，另外醬燒蟹棒壽司都好正，食落鮮甜啖啖肉，面頭仲有香甜嘅mayo🔥燒物🙋🏻‍♂️表示有西京燒比目魚，醬燒開邊蝦，燒紐西蘭香草羊鞍等，最驚喜係川燒珍寶鮮蠔燒，個蠔大隻，面頭鋪滿蔥蒜同辣椒絲，口感嫩滑，食落好惹味，必食👍🏻🍤炸物🙋🏻‍♂️表示有多款天婦羅供應，好似虎蝦，皇帝蟹棒，南瓜等，炸到金黃香脆，非常香口，另外個北海道牛乳鮮奶卷超正，鬆脆外皮包住流心狀牛乳，食落香軟，充滿奶香🍡串燒🙋🏻‍♂️表示串燒有牛油燒翠肉瓜，鹽燒牛舌等，翠肉瓜厚切，口感爽脆，有濃郁牛油味，牛舌香軟有咬口，味道鮮香🕊️一品料理🙋🏻‍♂️表示有金牌紅燒乳鴿皇，黃金蝦球，吉品鮑汁扣花膠，鐵板鵝肝多士等，乳鴿外脆內軟，肉嫩多汁，蝦球彈牙，有濃厚鹹蛋香，花膠口感軟滑，滿滿嘅膠質，配上味道鮮甜嘅鮑汁，鵝肝多士燒到焦香，鵝肝味道香濃，入口即化，必食🍲煮物🙋🏻‍♂️表示有香草牛油煮鮮蜆，魚肚金湯翅等，蜆肉大隻，味道清甜，金湯翅口感濃稠，配上爽口魚肚，味道鮮香⚠️自助區有多款冷盤，熱葷同飲品供應，雪糕/雪條都係任食，呢度連Mövenpick雪糕都有，正呀😍📈吃貨指數😋好味度 9/10🔙返啅度 9/10…查看更多

新年假期，當然要安排精彩節目；在元朗YOHO睇完賀歲片，隨即更上一層樓，訂枱到「極尚大瀛喜」食日式放題，愛其質素高之餘，價格超抵食。細細欣賞一下裝修擺設，蘊藏著精心的布置及心思。通常吃放題，都是忙著點菜、忙著大吃大喝，完全沒有細味一下其他的 😂😂一邊點菜，閒著時先自取一些熱葷、小食等，醒胃醒胃。選了一些喜愛的涼菜，有海蜇、泡菜、中華沙律、小雲耳及白灼蝦🦐。雖然都是預制食物，但深得我心。今晚的飯腳相當偏食，是位不折不扣的日式料理的擁躉，先來了一大盤刺身，開心一下。有三文魚、油甘魚、牡丹蝦，新鮮肥美，好味抵食。貝類亦是不可缺少項目，點了鮑魚、榮螺。連泰式的生蝦刺身也有供應，鮮甜惹味，兼而有之。接著是自選的壽司拼盤，三文魚壽司、油甘魚壽司和吞拿魚壽司。迷你手卷亦是目標之一，點了海膽手卷及三文魚籽手卷，飯少饀多，大滿足！非刺身類的壽司：火炙牛肉壽司、明太子壽司亦具特色。甜品也是放題或自助餐的必選食品，隨便拿了一點，已經十分豐富。有焦糖布甸、芝士蛋糕、漢堡包糖、Häagen-Dazs 雪糕（任取不限數量）開心大滿足的一晚！…查看更多

今晚5點幾屋企人突然心血來潮想食放題，照打電話去問一問啦，侍應話可以walk in 但要有人取消先得。今日仲要係公眾假期，平時呢間野都一定full Booking，每次經過都勁多人排隊不過決定試一試walk in，真係等唔到就食其他嘢啦唯有！去到拎飛後等左大約45分鐘，7點10分終於叫到我地，入面原來環境好大好多位。嘢飲方便有好大個雪櫃任拎飲品，有道地綠茶、烏龍茶、汽水、支裝綠茶等等，亦都有暖櫃放暖嘅麥精，檸檬茶等等。沙律菜、中華沙律、螺肉、生果等等都是在沙律吧自助拎的，其他熟食都是由手機自助落單。嘢食方面比我想像中少嘢食，但食物質素是OK的，刺身夠新鮮、熱食夠熱，值得一讚的是燒比目魚和蟹粥，repeat咗10次魚同3次蟹粥牛柳粒、天婦羅OK，羊鞍一般，唯一扣分的地方是店員態度有待改善，其實都知道夠鐘需要離座，但都唔使成支烏龍茶掉咗我呀:(我即刻話咦支嘢⋯⋯但店員竟然答我你自己出去拎過支囉⋯⋯其實我係覺得好浪費啫，成支掉咗埋單計每人$300元左右，我覺得間唔中食下都唔錯嘅…查看更多

作為元朗人的我，終於呢度有一間高質放題店-----極尚大瀛喜。話需佢開左一段時間，久久都未去幫襯的原因大概係怕人頭湧湧，要排好耐隊。不過最後見到佢有做特價時段優惠---9點入座$230包埋加一就食到啦同埋呢個鐘數人不多，慢慢食慢慢歎先來一大盤刺身甜蝦：一點雜色都無，好粉嫩色的肉身，好清甜北海道帶子：好肥美，一大塊，好膠質好黏虎蝦：希望有埋個泰式甜辣汁就更加好了`三文魚：大大塊，厚度十足，大滿足其實起刺身盤前，我就已經走左出去拎飲品之餘又拎左餐前小食呢幾種小食不用自己落單點左可以自己篩選D肉出黎，減走D醬，保證每一口都啖啖肉一流的芝士雞翼，裡面D骨起曬，包裹著濃濃的芝士好邪惡~~~煎脆的表面，甜甜地，但一咬開就有咸咸地既芝士流出黎兩者結合好完美，無張ENCORE大赤蝦：比起甜蝦，蝦肉較大較肥美，一樣的新鮮好黏的膠質感烤得岩岩好的牛舌，黑椒不會落得太多，所以食得出牛味好JUICY，一點都不乾芝士沙律醬咁煮隻燒蝦，不會乾身，同埋個醬超濃，好好食鰻魚一點都不軟身，唔係爛曬咁，燒鰻魚汁好甜，一入口好綿同樣都會提供大量的壽司款，最初以為好大份，飯多，材料少點知送上來是好MINI，真係叫多D都不怕食唔曬饅魚玉子燒左表面的一層，同時玉子甜甜地，一點都不膩左邊的海膽都好新鮮，一點都不苦，有少少Creamy，包住個壽司咁吞左入口雞軟骨脆卜卜，不油膩整體黎講真係好高質，價錢合理，最緊要係做福左班元朗人避開人流真係好舒服咁坐起度慢慢食同埋服務好好，又無漏單，食完又好快有人清理…查看更多

附近商場開業的放題，之前晚市見不少人排隊，還說預約都要有排等，不如轉戰午市時段，抵D唔洗等門口分兩列隊伍，一邊是已預約等待安排入座，一邊是Walk-in等待空缺入座，安排不錯，不用所有人堆在門口等，爬了人頭都不自知坐下後，所有人的動作一致 - 打開“點心簿”，埋頭苦幹寫寫寫。食得日式放題，刺身壽司逃不掉。食物送到，刺身放在一盆冰上，附加“冒煙效果”，不論多與少，亦會如此安排，有心思。服務生感覺親切，執拾勤快，還有“骨盤”安排，亦主動換碟，比其他地方的放題，做多了少少，感覺不錯。如以午市來說，食物種類算是多，食得飽飽滯滯，飲品及甜點都是自助的，還有奶茶咖啡自助機解熱茶水壺，像在吃自助餐般。個人覺得，唯一的美中不足是 - 沒有酸薑，若然下次有機會見到“改進”，就100分了~~~…查看更多