大本瀛日式放題

出旺角食放題，兆萬最多選擇，呢間餐廳service 係我食過數一數二咁好。晚市2小時任飲任食$298，有13張點餐紙，上菜速度好快， 唔會漏單。前菜：裙邊、皮蛋、豆腐上先，麻辣皮蛋好味。壽司一次過上：火炙左口魚邊、鰻魚、花之戀。太肚餓點左好多款， 員工仲提我手卷要趁快食， 唔係紫菜會變軟。軟殻蟹手卷真係好好味👍🏻飯唔會太多， 軟殻蟹又脆又多用， 配牛油果同蟹籽，紫菜可以咬得開。重點戲非刺身莫屬， 超大盤配乾冰，傳統香港放題風格～ 刺身都好新鮮：三文魚、油甘魚、赤蝦、甜蝦、帶子、希靈魚、北寄貝、馬刀貝。南亞風味： 辣酒煮花螺好惹味，份量只有四粒剛剛好。冬陰功湯加左好多椰奶、炒蜆串燒： 比目魚有骨要小心、菠蘿燒得剛剛好、牛舌&腩肉 好夠味炸物：土匪雞翼、雞軟骨、天婦羅（蝦&茄子）一品料理：壽喜燒好大鍋， 有牛肉，粉絲，娃娃菜，冬菇，鳴門卷，一定要share先食得曬。火鍋已經食唔落， 食材有菜同海鮮，幾健康。隔離慶祝生日， 員工都一齊送蛋糕為壽星慶生， 現場會插播生日歌， 仲有衝天蠟燭好特別。甜品有兩個櫃，另外仲有張甜品紙，冰糖雪耳同奶凍都好好味。 飲品好多選擇，仲有幾款熱飲可以order, 試左雪梨茶，唔甜。…Read More

很久沒去過兆萬中心，由於有劣食之塔之名，朋友也很怕前來。但有一家日式放題，我對他們的服務印象深刻，一直都想再來，最後便和太太兩個人來重溫多年前的回憶😊✏️位置（9/10）：兆萬不用說地點當然方便，四通八達✏️環境（8/10）：裝修沒太大改變，夠開揚座位亦夠寛闊✏️服務（10/10）：比以往更好，超主動收落單紙、執碟，甚至主動遞上雪條給客人選擇，想像不了放題有這種服務✏️食物（8/10）：食物選擇相當多，品質味道以放題來說很不錯🌟2小時晚市放題套餐(6:15-20:45時段) - $298/位明碼實價，不同時段價格都清楚寫在目錄上，我們是黃金時間入場，價格亦不算貴😆🍴刺身選擇不少，有三文魚、油甘魚、赤蝦、甜蝦、珍寶帶子、鮑片、希靈魚、北寄貝、馬刀貝、紋甲魷魚、泰式生蝦及日本角螺，夠新鮮賣相亦好，最推介的是爽口的日本角螺及馬刀貝，當然赤蝦及珍寶帶子也很美味😍🍴手握壽司/火炙壽司/特式卷物/手卷/軍艦同樣有很多款，但飯太多不可能全部都試。個人最喜歡有黑松露珍寶帶子壽司、花之戀、蟹膏珍寶赤蝦壽司、香辣汁燒和牛壽司及胡椒岩鹽左口魚邊壽司，壽司不算大件，味道算可以😉🍴和風料理太太點了韓式人參雞湯，暖暖肚味道不錯，而焗日式一口甜薯及火山溫泉蛋更是出色，值得一試😃🍴一品料理芝士黃金焗帆立貝及秘製香蒜焗廣島蠔兩款味道都不差，我們也追加了一客呢😂🍴爐端燒/鐵板燒西京燒比目魚、沙爹雞串、燒菠蘿、金菇肥牛燒及日式餃子等等，選擇有不少，味道當然也不差😄🍴炸物最推的有芝麻雞翼、七味魷魚鬚、流心芝士年糕及榴蓮炸彈，其中榴蓮炸彈味道真的很濃烈，切開時隔離枱也一直在看😆🍴天婦羅有炸蝦、蟹棒、茄子、秋葵及南瓜，炸得夠香脆，隔油亦做得不錯😊🍴南亞風味沒想到有東南亞小食，如泰式冬蔭功、鳳尾蝦春卷、泰式手打魚餅及飛天通菜等，很有風味，可以食到不同口味的小炒☺️🍴火鍋提供豬骨、地獄及壽喜燒三種湯底，亦可自選蔬菜、肉類、海鮮及烏冬/麵，保證您能吃飽😁🍴甜品食到差不多，侍應主動提供甜品紙，我們點了木糠布甸及南北杏冰糖木瓜燉雪耳，感覺不錯，最開心是侍應主動拿雪條、雪糕及雪米糍到我們面前，選擇十分多，相當滿足😋🍴飲品多款香港、台灣及韓國品牌飲品任飲，誠意十足😌🏠大本瀛日式放題 (旺角) 📬地址：旺角西洋菜街1號兆萬中心10樓…Read More

今天同屋企人食放題，經朋友介紹訂咗呢間大本瀛日式放題 我們一家五口訂咗夜晚七點鐘食放題，六點九上到去職員就話可以入咗先七點先開始計時（可能因為平日唔忙嘅關係😂）首先一入坐已經覺得很窩心 有位職員見爸爸媽媽滿頭白髮就主動詢問係咪攞咗長者卡，在次詢問後發現原來有分大人和長者收費 大人係$288+1 長者係$218+1 😁之後轉頭就俾咗兩杯熱茶爸爸媽媽 淨係尼下就已經覺得服務滿分！💯之後到刺身 刺身未有漏單情況尤其珍寶帶子（本人最愛😍） 一共落咗四轉，每次都嚟齊嚟足粒粒都好飽滿唔見會碎濕濕。三文魚 油甘魚 都算係厚切好新鮮，吞拿魚都有（就覺得不過不失😂）熟食總類勁多除咗一般放題有嘅串燒、一品料理、炸物、天婦羅 佢仲有埋泰國菜和火鍋。泰式生菜包同埋飛天通菜十分有水準，好夠鑊氣！同埋一定要試吓佢個羊架（極力推薦👍🏻👍🏻👍🏻）羊架一啲都唔好韌熟度啱啱好，同埋每次職員都會提我哋羊架要食咗先凍咗會臊😁之後仲有甜品和多款雪糕雪條任食（不過已經冇乜戰鬥力🤣🤣🤣🤣）總括而言呢間放題服非常好👍🏻熟食種類多 刺身亦不錯 呢個價錢絕對物超所值！！！ 一定會再幫襯 希望保持水準！💪🏻💪🏻…Read More

除夕夜食放題🥳， 今次揀大本瀛日式放題，位於旺角西洋菜街1號兆萬中心10樓。 其實我們一行四人都好耐冇食放題😆， 好多時都水準參差， 但今次真是一個大驚喜🤩。 大約八點到達， 場內坐滿客人， 我們一坐低就快快落單， 點知上菜速度超快😯， 完全沒有漏單的現象👏🏻， 最重要是店員服務很好👍🏻， 整晚不停為我們換碟， 是我食放題咁多年未見過的現象🤝🏻。 食物方面刺身、壽司🍣、熟食和炸物全部都幾好食， 刺身夠新鮮， 壽司飯唔會散， 熟食方面😋我推介羊架🍖、 牛仔骨、壽喜燒(牛肉入口軟腍) 、蝦串燒🦐和焗蠔🦪， 天婦羅🍤亦做得不錯， 最後甜品時間每人可以點兩款甜品另外再有雪糕， 甜品我推介椰汁紫米露， 有出面甜品店的水準， 雪糕🍦有movenpick， 大家記得留肚食甜品。 整個用餐體驗很好👍🏻， 希望餐廳keep住呢個水準，下次一定會再來😊。 🏷️溫馨提示～ 整個用餐體驗均屬個人分享意見， 只作參考😊。 …Read More

大力推薦[大本瀛日式放題]👍🏻👍🏻👍🏻lunch，抵食！time 12:00-16:00任食任飲3小時，內裡有刺身，壽司，火鍋，泰國，燒物，小食，熟食，炸物，甜品等。❤️最重要係吾嘈雜，一班朋友食飽飽又可以聊心既好選擇，而且職員都好有禮貌👌🏻滿意丫負責人話佢起旺角無轉過手做左4年左右👀算係老字號放題店🤔信心同做得好既保證本人比較喜歡幾款食物1️⃣飛天通菜2️⃣刺身👈🏻當然吾少得3️⃣鹽燒珍寶大蝦4️⃣黑松露珍寶帶子壽司5️⃣天婦羅多春魚味道 : 7.6/10價錢 : 6.7/10環境 : 8.2/10回頭度 : 7.8/10♥️人均消費 : $200以下⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️大本瀛日式放題旺角西洋菜街1號兆萬中心10樓…Read More

太耐無同閨蜜K去行街食飯了⋯ 所以就相約係旺角先食放題後Shopping⋯ 旺角食放題相信大家同我一樣諗起兆萬商場。係雲雲的選擇中，我們就揀左係網上較有人氣的大本瀛！餐廳的野食主要分為刺身、壽司、前菜小食、和風拉麵烏冬、爐端燒、鐵板燒、炸物、泰式風味小食及火鍋都應有盡有。食放題當然先點最回本的刺身啦！雖然無我最愛的呑拿魚，但都有不少的選擇。當中我鍾意有頭甜蝦(比想像中大隻)、日本角螺(爽口彈牙)及泰式生蝦(加埋香蒜辣椒碎 勁香)。好少放題的壽司愈更我Encore，不過呢個黑松露珍寶蝦壽司，我食完第一Round的2件後，係第二Round再加多兩件！壽司上的蝦刺身比淨刺身大隻及肥美好多，加上上面個點黑松露，令整體更香！軟殻蟹手卷盡對有驚喜，而且同市面上的連鎖壽司店有得Fight！職員有温馨提示手卷要先食，因為紫菜會淋。手卷內的軟殻蟹都幾厚肉，加埋沙律醬、蟹子及堅脆紫菜，整體的口感都好豐富。海老天婦羅雖然唔肥美，不過炸粉唔會太厚，而且食落唔粉，食落都唔差。唔知有無人同我一樣，知道豬頸肉唔健康但都超愛吃～呵呵 餐廳的香茅燒豬頸肉都燒得幾香，而且唔會太乾身，加埋泰式酸辣醬就非常惹味。朋友話好耐無食羊，所以叫左一塊鐵板燒紐西蘭羊架。好多放題店整的羊架都好乾身，但呢到燒得香口之餘，仲要厚身又Juicy！味道唔會太羶，值得一試。係唔知幾時開始，食完放題就會想食雪糕。呢到有幾款雀巢杯裝可以選擇，仲有我的Best Pick雪米糍！玻璃肚的我表示，我食完放題個肚仔無事，所以食材係新鮮的，大家可以安心進食(笑)==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬…Read More

旺角兆萬出名多放題， 之前都食過其他，但就未食過大本瀛，就嚟試下。入座後，店員話有好多飲品可以自己拎。 飲品包括檸檬茶、蘋果汁、提子汁、茶類、 汽水等等應有盡有。放題紙有好多張，主要係日式及泰式食物:) 首先當然要叫下啲刺身嚟食下先三文魚厚切夠肥美北寄貝、馬刀貝及赤貝都新鮮爽口八爪魚刺身超新鮮甜蝦刺身夠甜，帶子唔算厚切但係都好新鮮鮮甜日本角螺細細粒，爽口幾得意。泰式生蝦值得一讚係預先已經配有醬汁，辣辣地，充滿泰式風味壽司方面又幾驚喜，整得幾靚幾精緻。叫左海膽花之戀、和牛卷、黑松露三文魚拖羅蓉卷、龍蝦沙律吞拿魚卷都唔錯 火炙三文魚腩壽司好味手卷方面可以揀軟殼蟹手卷軟殼蟹炸得香脆，仲配有蟹子及少量沙律醬，入面仲有生菜 ，完全感受到餐廳認真製作 紫菜仲要係脆嘅另外當然要試下啲熟食，叫咗啲串燒嚟食，串燒嚟到擺盤非常靚完全唔似普通放題咁，就咁呈上食物。 串燒熱辣辣，新鮮整起，食物有質素燒雞翼及羊架都高水準。 翠玉瓜、冬菇、甜薯、菠蘿等都燒得唔錯炸物方面叫咗天婦羅蝦，都係新鮮整起，熱辣辣炸得好脆，好食蒜蓉牛油雞翼諗住叫一隻試下，點知好香牛油味，整得真係好食呀炸蠔炸得好金黃，配沙律醬好食，炸蝦餅就有點硬。花枝丸都唔錯，但食落似魚蛋泰式料理方面叫咗炒通菜，真係同泰式鋪食嘅差唔多，認真唔錯冬蔭公湯都ok， 有大蝦、蕃茄等配料。串燒仲追加咗燒大蝦同鯖魚， 兩樣都燒得好香，蝦夠大隻，誠意十足 前菜仲叫咗八爪魚、中華沙律 及螺肉，都好食呀海鮮方面仲有燒蠔及燒帶子，全部食材都新鮮整起，熱辣辣， 加埋面上的芝士及煙肉好夾。熟食料理仲叫咗清酒煮蜆， 蜆夠多酒味唔算好濃，但係味道都唔錯。豆腐我覺得好好食 外面個皮脆脆哋，入面又夠滑最後當然要食返啲甜品，心太軟細細粒，新鮮焗起，入面真係有流心，朱古力味香濃另外仲有紅豆卷及紅豆福餅，兩個都好食，軟淋淋唔硬 ，餡料夠多 呢間放題落單快，員工見你寫好會自動收你嘅落單紙，非常有效率而且見你食完會立即收碟，服務一流。 最難得係日本料理、刺身、泰式料理質素都好平均，唔錯…Read More

本人好鐘意食日本菜，經常經過旺角兆萬中心呢橦大廈形形式式美食都有，門口又有人系度派單張。美食種類有好多刺身，火炙壽司，和風料理理，前菜小食，泰國風味，一品料理，炸物，爐端燒，壽司，火鍋等。刺身三文魚，北寄貝，泰式生蝦，帶子，角螺等全部都好新鮮又冇雪藏味。蟹粥粥好綿又鮮甜，粟米粒又爽甜。蒜蓉焗蠔好香口，燒蝦又大大隻又爽口彈牙。海膽花之戀海膽唔會有腥味又新鮮，壽司飯又軟熟。燒菠蘿好多汁又清甜炸物炸到金黃金香噴噴，香芋紫心丸又香口。又有飲品櫃任飲。最後俾張甜品紙自己選擇。3.6牛乳奶凍濃厚奶味又不會太甜。木糠布甸又好好味。…Read More

今晚同好姊妹黎到旺角這間好多人推薦話好的日式放題！環境都幾大空間，有一間間房間，如果人多，可以獨立訂一間房刺身好多選擇，如：三文魚、章紅魚、貝類等，最喜愛是珍寶帶子，好大片又鮮甜又滑！仲有泰式生蝦，連泰式醬汁，好野味又新鮮！壽司類有3張紙，火炙、手卷，細細粒，可以試多幾粒唔會好飽！我最愛鰻魚及火炙香蔥左口魚邊壽司！汁濃郁又好味！這裡的串燒及燒物好出色！唔乾又好香！燒菠蘿：好汁香甜！好嫩又開胃解渴🍍🍍🍍🍍燒冬菇及羊架好正呀！羊架又大塊又腍又厚肉！燒得好香又味道濃郁鹽燒珍寶大蝦：愛海鮮的必點！好爽口又鮮甜又大隻！口感一流這個天婦羅有6樣食材選擇，熱辣辣又唔會好厚皮！甜薯同茄子都好好味！炸物的，我超級推薦紫芯香芋丸及貓山皇榴槤炸彈，超超超級正呀！熱騰騰上枱，唔會好大粒，外脆內軟，香芋好香好甜；榴槤味濃郁又香滑，真的齒頰留香！回味無窮泰式料理好多種，冬蔭公唔會好辣，料又足又香！招牌九層塔炒蜆：炒得好香，微微辣！蜆肉好肥美！好好野味！飛天通菜：健康又野味！翠綠新鮮通菜:):):)日式花蟹粥：好綿的粥！蟹好多、好鮮甜！好豐富好多選擇的日韓泰美食！環境安靜又舒服！服務好、無漏單！…Read More

食開放題都知唔多有午市放題，有都多數係連鎖式既放題店，質素每況越下 😫以前做學生個陣成日幫襯食到無晒信心，都唔係幾敢再食午市.....  不過今日晏就同左個fd食呢間「大本瀛」，經過兆萬1點都未夠就有位姐姐係到派宣傳單張，見到188蚊任飲任食三個鐘，就上去一試！不得不提既係入到去全部都係卡位，氣氛都好好🤭都不禁讚嘆一下，對於鐘意坐卡位既人真係一大福音;好多放題店都好逼，啲野食黎到都無位放。一去到就開始order野食，落單紙由a至k，前盤去到甜品咩都有，連火鍋都有！不過驚食唔晒就無叫，認真包羅萬有。落左order唔洗5分鐘已經上緊前菜同刺身，效率真係夠晒高，叫同黎既數量都無多無少！ 刺身厚度啱啱好唔會食到好膩，味道都夠新鮮，帶子,珍寶赤蝦同三文魚真係非常推薦👍🏻👍🏻壽司大細非常合理，叫多幾舊都唔怕！雖然食到咁上下就發現漏左手卷無黎到，不過都有壽司補翻數。 黑松露系列壽司一定要試下，松露份量好夠，加埋刺身食真係好正！😵好快就黎埋其他野食。雖然速度快，但全部野食都係岀煙咁熱，唔會凍冰冰！非常推薦香蒜煙肉焗北海道帆立貝同和風芝士焗廣島蠔！牛油香，蒜蓉夠多，啱晒我口味！帶子同蠔都焗得啱啱好，唔會太熟，而且一啖一隻好正！見到有日式花蟹粥就叫黎試一試，好貼心咁加左胡椒粉，有好多粟米令到個粥口感好豐富，味就更鮮。雖然睇佢細細碗，裏面真係有半隻蟹係度！士多啤梨骨同安格斯牛柳粒好夠味，但分量真係好多，同朋友好落力先食得晒😂士多啤梨骨味道好特別，熱食仲有少少脆。牛柳粒京蔥同牛味都好濃！串燒方面，冬菇串燒燒得好多汁！羊架燒得夠淋，而且唔肥，都一樣好juicy!最後仲叫埋炸物，所有炸物個炸皮都唔會好厚，一口炸豆腐外脆內軟，而且裏面豆腐又滑又熱辣辣好正！串燒蝦都好新鮮好大隻。榴蓮炸彈一咬落去好有空氣感，啲榴蓮蓉就係裹面流岀黎！最後既最後就當然係甜品，一人可以揀一款，我地就揀左牛奶奶凍同迷你心太軟。奶凍滑，奶味重，又唔太甜！心太軟雖然細細個，但朱古力味好濃，軟心效果都做得到，但就有少少太甜。整體黎講，質素幾好而且環境感覺唔錯，午市都無令我失望，又可以慢慢食！佢地仲有$10生蠔，仲有泰式主題既料理，不過我就無叫，因為有好多野食都未叫得晒。雖然係放題，又有咁多款野食，但⼀啲都唔求其，下次有機會會再食！…Read More

今日同朋友去百老匯睇完戲想食放題 ，但因為已經七點半，好多地方排曬隊， 而且分時段，要八點半交枱， 喺whatsapp group問完一大輪之後， 某人兄就推介左呢間，話係入臺計兩個鐘嘅放題而且都幾多嘢食， 本身一件見地點係兆萬， 有啲卻步， 因為都市傳說，兆萬系劣食嘅溫床， 但由於以冇咩選擇， 而且見到open rice 評價甚高 ，於是決定闖一闖。去到等咗大約十至十五分鐘就有位， 而且見餐單選擇都幾多， 清楚易見，mark左由A至K.順序由刺身，壽司， 熟食，泰菜到火鍋， mark咗A至K,清晰易睇。 刺身我哋叫咗帶子，三文魚，泰式生蝦， 北寄貝，日本角螺，鮑片。 帶子厚度ok, 上菜碟的冰冇融化， 最後再encore帶子，三文魚同泰式生蝦。壽司方面都ok， 壽司飯唔會好實或者散開一舊舊。 而且有我最愛嘅左口魚裙邊及芥末八爪魚熟食方面除咗一般串燒，炸紫薯餅， 芝士年糕， 仲有啲湯如人蔘雞， 一品牛肉鍋。 牛肉shabu shabu幾好食，但係太大鍋特別係呢度有埋泰菜食，我叫咗飛天通菜， 炸蝦餅，冬陰功湯，辣椒膏炒青口，都幾好味。 有自助飲品櫃，雪糕係雀巢雪糕，但最重要係呢度全部都係卡位設計， 見人地三個人都係比4人卡位，唔需要同人搭枱。 整性性價比高，可以再黎。…Read More

兆萬真係有好多放題質素呢。。。真係有d參次🙈今次呢間放題係日泰主題的就試試佢d泰國野得唔得🤨一去到咩都唔諗 order個刺身拼盤先！魚生尚算厚切 無雪味 我覺得可以 泰式生蝦 好味呀 泰式辣汁味道不差👍🏻特別一提 份量同我落order嘅一樣 無亂甘俾 以而上菜快 不錯不錯 👍🏻👍🏻😝壽司方面 每件細細舊 唔會飽住個肚佢嘅黑松露系列呢 黑松露醬味道不弱 🤤喜歡喔‼️花之戀的三文魚也好肥美 不停encore!仲有海膽一口卷 一啖啪落口 紫菜夠脆 海膽中規中矩吧當然要order下泰式美食有好多選擇 我最喜歡嘅有金不換炒蜆 同蝦餅🤤不得不提嘅係呢到嘅燒物羊架大大件 燒得啱啱好大蝦燒得好惹味☺️焗蠔同帶子都係我嘅encore 之選上面有芝士 煙肉 洋蔥碎 好味道仲有榴槤炸彈😍一咬開 榴槤蓉就流岀來 勁正👍🏻👍🏻整體來說 呢到服務不錯 岀野快 order無亂 而且食物質素不錯 性價比較高💓…Read More

大本瀛今天去咗旺角接上大人放工，佢話今日工作好辛苦，想食放題發洩下。呢個難題唯有諗下計仔滿足下佢啦。係旺角區，千萬放題集中營，必定首選兆萬，行到門口，上大人即時比十幾個Oppa圍，佢心情開心返曬啦⋯⋯哈哈，眾多單張之中，上大人隨心攞咗一張非常特別嘅單張，大本瀛，今次就試下佢啦。未開始介紹食物前，我想先講下食後感先。係香港，租太貴，平價放題要生存多數使用＂快＂方式運作。快，收單快，出餸慢，商家策略。不過，大本瀛運作一㨾係用＂快＂方式，但加上了＂準＂字，呢樣好難得。何為＂準＂呢？準，即是出餸準，冇漏單之餘，全部，記住係全部餸都係＂熱＂㗎。雖然餸熱係好多人心中是基本要求，但細佬我激戰過好多好多放題或者任食，好多餐廳為咗快，整定好多餸放係廚房度，一收單就即時攞出去，啲餸係廚房已經涷曬，點會好味呢？大本灜能做到又快，又準，真係好難得，要比個叻佢。講返食物先：頭盤，刺身(A項)，只要盡量揀選喜歡食嘅刺身，餐廳會擺放得靚靚咁送去你面前。挪威三文魚，厚切，味鮮，必食之選。有頭甜蝦，大隻，蝦味重，也是必食之選。珍寶赤蝦及珍寶帶子，size巨，蝦味甜，帶子肉爽，也是必食之一。鮑片，重鮑魚味，有咀嚼感，都是必食喔。爐端燒(H項)，是餐廳另一種首選食物。如：燒有機菠蘿，熱辣辣，入囗爆汁，又甜又多汁。鐵板燒紐西蘭羊架，幾大舊，熱辣辣，香草散係面、又香又嘢味。鐵板牛舌及岩鹽燒牛舌，一整片，熱辣辣，味夠肉爽，好好味。汁燒翠肉瓜，冬天菇串及甜薯，一串串，不干身，食落有汁，燒到剛剛好，師傅掌握時間不錯。甜薯超甜，肉鬆軟。一品料理(G項)，一種令我估唔到嘅單。點解？原來茄汁干煎大蝦即是串燒鹽燒大蝦，哈哈，你叫我點估到呢？茄汁干煎大蝦，用鹽燒蝦面，蝦好大隻，蝦味濃，超正！炸物天婦羅(I項)，日本吉烈蠔，蠔味重，熱辣辣，剛炸起，中間蠔肉濕濕地，蠔汁溜出，好鮮好正。食到呢度，個肚已經好漲，好飽了。其實仲有火鍋，卷物，小食，甜品沒有點到，要留返下次再食Lu.....總推介指數：8.5/10…Read More

因為今個學期終於完結，為左慰勞辛苦左咁耐既自己，就book左晏就放題同另一半開心下我地大概十二點半到，可能因為閒日所以好快就有得入座～放題選擇有好多，自己揀完之後交比職員就好快有得食，野飲都係自己任拎既:)首先要介紹既當然係放題必食 － 刺身！今次叫左三文魚，甜蝦，帶子同埋鮑片，全部都好新鮮全部都唔係細細塊，份量十足，冇海水味，令人喜出望外另外都叫左壽司，分別係火炙三文魚，鰻魚，蟹棒，芝士蝦～個人黎講覺得火炙三文魚可以再燒得耐少少，其他壽司都不過不失除左魚生外都叫左炸物，炸蝦，炸蠔，炸蟹棒，炸蕃薯等等～所有野都係即叫即炸，一上到枱既時候仲係熱辣辣！炸蠔火喉控制得宜，唔會話炸到乾晒，食個陣甚至仲有汁流出黎最中意都係炸蕃薯，蕃薯本身已經甜，再加上脆身既表面，真係令人食完一粒又一粒我地仲試左好多款唔同既小食，全部都好食，細細份可以試多幾款最後埋單二百幾蚊位，價錢雖然唔係特別平，但食到有質素既食物值回票價下次會再黎！…Read More

香港人愛任食文化，自助餐、放題深受歡迎。媽媽是舊一輩的香港人，不知放題為何物，於是決定帶媽媽去體驗一下放題。提起放題，自然會想起大喜屋，但大喜屋人多，坐位較擠逼，帶著母親大人還是選擇了坐得較舒適的大本瀛。大本瀛位於兆萬的十樓，是一間日泰fusion的放題。今天是平日中午，一點半來到，客人不多，不用等位。裝飾以樸實為主，座位寬敞舒適，中間以草簾分隔，私隱度高。大本瀛的選擇很多，十張的餐牌，任君選擇。刺身是放題的重點。大本瀛刺身的種類亦較多，除了有三文魚、八爪魚、甜蝦，帶子，鮑片，還有我最愛的北寄貝和蠑螺，忍不住要encore，另外日泰放題，泰式生蝦當然不能少。刺身十分鮮甜，沒有雪味，最愛北寄貝，蠑螺爽口彈牙，泰式生蝦配上泰色辣醬，別有一番風味。壽司。壽司方面，點了象拔蚌，皇帝蟹棒，龍蝦沙律加洲卷，香蒽和牛和黑松露帶子。壽司size很小，所以可以放心點和試多幾款。象拔蚌爽口。皇帝蟹棒加了沙律醬和燒過，十分香口。龍蝦沙律加洲卷，是在加洲卷上加了龍蝦沙律醬，味道可以。香蒽和牛，和牛五成熟，不會過韌。人參雞湯。雞湯真的有人參，但參味不重，雞味卻非常香濃，母親很喜歡，也encore了一碗。小食。川椒皮蛋，不會太辣，加上香蔥和乾蒜，十分香口。蟹籽沙律，粗切青瓜加上蟹籽沙律醬，清新解膩。八爪魚，爽口大隻。羊架。必點，羊架羶味適中，十分嫩滑，脂肪分佈平均，濃濃的香草味，燒得剛好，充滿肉汁。金菇肥牛串，肥牛燒過較為煙韌。燒翠玉瓜，又腍又多汁。鹽燒海蝦，海蝦肉質爽口。燒有機菠蘿，又甜又多汁，放題必點，最後當甜品最合適。炸物。點了海老天婦羅，吉列帶子，榴槤炸彈，榴槤愛好者大愛，咬一口，榴槤馬上溢出，香濃好味。泰式風情。鳳尾蝦春卷，春卷粿著鳳尾蝦一起炸至金黃色，香脆可口。自家製手打蝦餅，啖啖蝦餅，手打得十分彈牙。香茅豬頸肉，不肥膩，配合酸甜醬更開胃。:)肉碎生菜包，泰國菜必吃，覺得加辣會更惹味好吃。:)辣椒膏炒青口，青口肥美，味道亦是甜酸為主。豉椒炒花硯，豉椒惹味。:)香蒜煙肉焗北海道帆立貝，香蒜煙肉亦是味道香燶，帆立貝焗至乾身。和風芝士焗廣島蠔，廣島蠔肥美不腥，芝士加上沙律醬甜甜的。壽喜燒。表面上看十分多油，但味道可以，肥牛煮得剛好不會韌。飲品甜品大本瀛日泰放題，價錢合理，一次可以吃到兩個國國家的菜，選擇更多，我和母親都吃得捧腹離開，甜品除了雪榚外，店員會在叫埋單後奉上甜品的餐紙，但我們太飽了，留待下次。Menu…Read More