漁匠屋

嚟到屯門梗係要幫襯下小店啦，因為本身住港島所以好難會入到嚟，呢間鋪一直都想試吓所以咁啱入到嚟就一定要幫襯！舖頭方面佢係屬於小店類，麻雀雖小，五臟俱全。佢分別有bar枱同餐枱，因為唔想吊腳所以就揀咗坐餐枱。一埋位侍應會主動遞上熱茶俾你，服務態度幾好。我就揀咗壱の重丼，分別有豐洲鮮魚2種（4切），吞拿魚腩(2切），海膽，葱吞拿魚腩蓉，牡丹蝦仲有三文魚籽，佢哋嘅飯係加咗醋落去，一嚟到個畫面好誇張，豐富！佢地既Wasabi都好新鮮係新鮮磨出嚟，無嗰種攻鼻嘅感覺，反而食到山葵嘅味道！豐洲鮮魚幾肥味口感不錯，無腥既味道！好食！吞拿魚腩無筋，但係我覺得未去到魚腩嘅部份，但係都好食！ 海膽有鮮味但係太少唔夠喉，牡丹蝦都好新鮮有甜味，三文魚子都一樣好食爽口！另外就叫咗個北海三味丼，帶子好鮮甜好大粒，蟹膏蟹肉就有少少失色，比較喊，三文魚籽一樣好食！ 但係呢個性價比就低咗少少，未係好對得住個價錢！方面我就叫咗個螢光魷魚沖漬！真係好好食！唔會死鹹！出邊有好多都淨係得個鹹字！呢個味道就啱啱好，螢光魷魚好肥！有爆漿嘅感覺！推介！牛舌方面就真係今晚嘅敗筆，因為燒物最影響就係食材本身有冇過火，今次呢個牛舌就燒得比較差，過左火，有啲硬同柴！希望可以改善一下！整體都會再嚟幫襯，食材好新鮮，態度都幾好。唔錯…查看更多

中午烈日當空下由屯門市中心行左差唔多20分鐘到呢間小店，但一d都無阻我覓食嘅決心。小店只有十幾個位，見review 話成日都要排隊所以一早打電話去book，我地當日book好早嘅timeslot所以尚未full house。我地order 左弍の重丼同壱の重丼。除左昆布湯之外仲好特別有餐前煙燻芝士，味道都唔錯！好耐冇食魚生嘅我見盛滿魚生嘅弍の重丼端上果一刻有刹那的感動！澧洲鮮魚好新鮮味道較清。赤身呈鮮紅色，厚實而鮮甜。司傅話今日嘅海老比較細所以配多左隻甜蝦比我💛Yeah可以試多款刺身執到啦！海膽不過不失，最鍾意個蔥吞拿魚腩蓉，魚腩脂肪比例較多，超香超正！丼飯已預先加入甜醋，黏同軟度適中，丼飯整體十分高質！壱の重丼有兩款澧洲鮮魚、吞拿魚腩、牡丹蝦、海膽、蔥吞拿魚腩蓉同三文魚籽，想試多幾款刺身嘅朋友可以試吓！再加左份炸蟹肉忌廉餅，雖然蟹肉味唔重但勝在creamy 得嚟又唔係好滯，口痕之選！Menu-…查看更多

💛漁匠屋·因為我哋其實都唔係好知屯門有咩好食 所以我地喺某社交平台見到好多人推介呢間就去咗啦😌😌·壱の重丼$225佢呢一個其實比我想像中細碗 我覺得男仔一碗其實未必夠飽🙊🙊不過因為嗰日我哋食野之前去咗happy hour 已經食咗啲嘢 所以我哋就咁嗌多咗啲小食😎我覺得佢啲刺身唔錯嘅 但係佢個飯真係有啲黏 而且調味重手左 所以有啲啲鹹 口感一般🤔不過佢隻蝦超甜 而且都彈牙既🦐個吞拿魚腩都唔錯既 油脂好好 可惜係佢有一舊有啲筋 之後佢個油金魚同海膽都唔錯既 如果個飯處理得好啲一定仲正🤤🤤·芝麻雞翼$48 l 炸日本雞皮餃子$58佢個芝麻雞翼都炸得幾香口嘅 而且都幾大隻🐤至於佢個雞皮餃子就真係超級邪惡 佢出邊嗰個餃子皮全個都係用雞皮做嘅 所以真係超肥仔🤭🤭不過雖然佢係原塊雞皮 但係唔會話太油膩 都幾特別 大家有興趣可以試吓😈··📍屯門井財街21號協邦大廈地舖…查看更多

係IG story見都有人出呢間餐廳嘅story，睇落幾吸引，而我咁啱第二日去屯門附近，就約埋兩個朋友去試一試佢。聽人話呢間餐廳都少有名氣，有人排隊。我就約朋友6點開餐，直接入去坐唔使等:)今餐我哋點咗兩個小食3碗丼飯，先講小食：味道正常(唔好以為呢句廢，因為我曾經去過一間試業中嘅日式餐廳啲螢光魷魚真係唔正常，成場叫咗螢光魷魚都係食咗一兩條)，不過價錢就有啲貴，實價唔記得幾錢，冇記錯嘅話都起碼over $50先得5條，平均一條仲貴過大部份中環有水準嘅居酒屋。呢道雞皮餃子係驚喜之作！雞皮夠脆，內餡亦不俗，咬一口會有啲雞皮嘅油份出嚟。但食時要小心，因為真係好熱🥵魚籽正常，帶子燒過有焦香，蟹肉鮮甜呢碗丼我哋叫咗兩份，我同朋友未食海膽前都覺得唔錯，但一食海膽就出事，完全係below standard，有泥阻腥味，十分慶幸自己冇叫到三國海膽丼😂《小總結》我問返IG朋友佢當日食嘅海膽o唔okay，原來都係唔得😂 可能因為事隔一日都係同一批貨，海膽質素偏低。問我會唔會再試呢度嘅海膽，我會答唔會。不過呢度其他嘢食都係唔錯嘅，但價錢就貴咗少少🤏🏻…查看更多

今日友人揸車載我同 P san 入咗屯門井財街搵食。 好耐無食日本嘢, 又無得去旅行, 唯有喺香港望梅止渴啦, 就搵到喱間漁匠屋。大門係簡潔嘅木條子趟門, 感覺置身於日本啲小店, 好撲實。 我哋一行四人喺門口一邊睇門口嘅餐牌諗食乜, 一邊等咗大概 10 分鐘就已經可以入内, 喺等緊位嘅途中, 店員拎咗四份餐牌俾我哋, 等我哋唔使圍埋一齊睇得咁辛苦, 入坐之前已幫我哋落咗單。 因疫情關係, 店員當然有用體溫計幫我哋逐個量體溫啦! 一入到店内, 真係仿似身處日本家庭經營小店, 有很 warm 嘅感覺。入坐嘅時候, 店員為我哋介紹進食次序, 我哋都未知咩事, 原來一坐低, 有一小塊芝士同一碗湯端上, 店員叮囑我哋要先食芝士, 再飲湯。 芝士入口有濃香芝士味, 同時亦有著淡淡煙熏味, 單係喱塊小小嘅芝士已經想 encore, 食完塊芝士, 開始飲湯, 這湯不是一般日本食店供應的麵鼓湯, 很清甜, 很鮮味, 只係湯同芝士已經令我哋一行四人有驚喜!我喺進店前點嘅係壱 の 重丼, P san 點嘅係北海三味丼。雖然份量唔大, 店員有同我哋講今日嘅兩款魚生刺身係乜, 但我唔記得咗, 入面仲有海膽、三文魚腩、 牡丹蝦、 吞拿魚腩蓉、 三文魚籽, 好豐富。 兩款魚生刺身鮮味, 海膽很甜而且不會腍 pat pat, 好似喺日本食咁新鮮, 三文魚腩肥美, 整個丼即使看起來份量唔大, 但食完其實都好飽。P san 嘅北海三味丼亦都好豐富, 有帶子、 松葉蟹肉同三文魚籽。 帶子鮮甜肥美, 仲要有四隻同埋好大隻吓, 而松葉蟹肉都好鮮味, 喱個飯雖然餸唔多款, 但食完都已經好滿足, 可惜幅相喺 P san 手機, 唔係原圖我 post 唔到上嚟。我哋去食嗰日, 咁啱仲有第二碗半價, 咁好嘅質素, 咁嘅價錢真係抵食。食完咁好味嘅晚餐, 我哋一行四人又去咗附近食甜品, 食埋甜品咁先圓滿嫁麻。…查看更多

喺家姐口中得知 屯門紅橋有間高質魚生丼不過佢開嘅時間比較少 就揀個週末嘅夜晚去試一試佢大概7點左右去到 兩個人仲可以即刻入不過就得返吧枱 但食魚生嚟講 坐望住師傅整野食嘅吧枱都係一種享受全舖連吧枱都只有17個位 所以唔想等位嘅就早啲到或者book定位喇丼有10個選擇 除咗餐牌嗰9個之外仲有個售完即止嘅燒穴子丼嗌完野食就上湯同前菜煙燻芝士同昆布湯 店員提醒先食芝士再飲湯芝士味唔係話好濃 就好似啲芝士粒零食咁昆布湯比坊間嘅麵豉湯有誠意好多好清但味道好好淨係前菜都已經感受到店主嘅用心同誠意✨壱の重丼總共有7款魚生兩款築地嘅鮮魚都好新鮮 海膽非常鮮甜牡丹蝦同三文魚籽亦都喺水準上唯獨吞拿魚腩個油脂未夠香不過整體嚟講都好正 成碗野基本上唔點鼓油直接原汁原味都好ok✨北海道三味帆立貝非常之嘅大粒 亦都好新鮮輕輕灸燒過令成件事更加昇華不過蟹肉就普通咗啲 鮮甜度不足飯用赤醋調咗味 唔駛要再額外落豉油個味調得非常合適 不過個米就做唔到珍珠米嗰種煙韌感✨白桃乳酸梳打雖然唔係啲咩好特色嘅野飲不過一樣好有質素 味道夠亦都飲到果肉最後埋單連加一$464質素對得住個價錢 絕對會回頭亦都推薦俾大家😉…查看更多

假日又到紅橋附近走走，見到漁匠屋第二客半價優惠，二話不說就進去。 對上一次來是2017年6月，剛開業不久（食評請按此），慕名而來的人很多。 一年過後，人龍已去，不用等很久便可入座。 這次坐在吧枱，可欣賞師傅準備丼的功架。 餐牌依舊，價錢也是相若。 煙燻芝士＋昆布湯 先來前菜加湯。 煙燻芝士依舊香濃，再喝一口昆布湯，味道更多濃郁。 壱の重丼 $198 第二客半價，最抵食法當然選2款同價的。 壱の重丼依舊澎湃，魚生更比第一次吃時更鮮味、更驚艷。 牡丹蝦超鮮甜，肉質滑溜。海膽、三文魚子、呑拿魚腩也很高質素。 吞拿魚腩油脂分佈平均，充滿油香而嫩滑。 壽司飯也夠軟綿，配上甘甜醋香，為海鮮丼畫龍點睛。 經過一年寒暑，漁匠屋不但價錢不變，質素還有所提升，真是令人驚喜。加上第二客半價，真是超抵食！ P.S.: 第二客半價優惠延長至3月15，想去就要快喇！…查看更多

現在好多地方都有新鮮海鮮刺身，而且價錢亦都合理...質素亦都唔差...今次放假星期日去到屯門搵食😄😄😄呢間夜晚18:00開始營業...但未夠18:00已經有好多人在外等候😱😱😱😱同埋呢度丼既款式唔多....得6款...同埋有其他小食選擇......壱の重丼包2款築地直送刺身，再加拖羅、海膽、蔥吞拿魚腩、牡丹蝦和三文魚子籽。拖羅肉質鮮嫩海膽、蔥吞拿魚腩及三文魚籽新鮮....牡丹蝦肉質一流、鮮甜。其他刺身亦新鮮美味....所以最後是次用餐都滿意 …查看更多