喜記蟹將軍 (已結業)

喜記位於鵝頸橋直入謝斐道口地庫，交通非常方便。 是日沒有行動不便之長者，即使下樓梯沒有問題。 這是第一次來光顧，用膳地方不太逼狹，大家坐得十分舒適。 招呼亦不如之前食評般差，而當晚服務相當之好﹗ 杏汁燉豬肺湯真材實料，充滿杏仁香，好喝﹗ 豉油頭抽雞賣相稍深，有別於燒味店的貨色…然而吃下去，相當入味，雞胸亦很滑；「雞」不可貌相啊﹗值得一試。 士多啤梨骨、金牌牛肋骨、豆豉鯪魚油麥菜及馬拉盞芥蘭煲都好味道，碟頭份量多一點便更好！ 是晚的清蒸沙巴龍躉，是我覺得最好的一道菜﹗火路控制得剛剛好；無得頂﹗連頭都好食啊！ 整體而言，食物質數高，價錢貴少少，是晚家人都相當滿意。作為高級食肆，洗手間設計可以完善些，洗手盆搬回洗手間內，食客感覺衛生一點啊。…查看更多

有人說：「第一位吃蟹的人是勇敢的！」小弟對此話極之同意。蟹的樣子窮兇極惡，張牙舞爪絕不好惹，但一試其肉之後，便會愛上了，個人來說，我喜歡蟹的鮮味多於龍蝦，清甜鮮美，這晚與一眾好友來到蟹的專門店，差不多道道菜都有蟹，對吃蟹絕不嫌多的我，真是喜有此蟹！蒜蓉粉絲蒸蟶子皇，看體積真的很巨大，用蒜蓉蒸是我最喜歡的食法，放了粉絲，吸索了蟶子皇的鮮甜汁液，蟶子夠爽甜，蒜蓉很惹味。黑松露菠菜汁蟹鉗，整隻巨大蟹鉗已除殼，肥大肉厚，看見已垂涎，浸在墨綠色的菠菜汁中，又加進了黑松露，香氣四溢，菜汁令蟹鉗濕潤，吃得更健康。黃金蟹蓋，以蟹肉和洋蔥填滿蟹蓋，用葡汁淋面焗香，以小匙舀吃，啖啖淡咖喱香，又是另一種風味。蟹肉燕窩羹，甜美的蟹肉混和了燕窩，滋味養顏，入口不糊，湯味甜美，要慢慢品嚐，不捨得吃。招牌將軍令，以新鮮蟹肉，加上雞肉、蝦膠，釀在蟹鉗上，大大件炸熟後，配以蒜蓉，辣椒，豆豉等料頭，惹味兼鮮味，要用刀叉來品嚐。喜記正宗避風塘炒蟹，以大量蒜蓉，辣椒和豉椒炒成的避風塘料，非常惹味，用來炒肉蟹，極正！肉蟹肥美多肉，加上惹味配料，令蟹肉味道提昇。椒鹽雙拼：椒鹽九肚魚，椒鹽鮮魷，上粉上得幼薄，入口酥化，椒鹽惹味，好有水準。蠔皇扣鮮鮑，新鮮鮑魚以蠔油扣得入味，煙韌彈牙，鮑味算不錯。士多啤梨骨，新鮮的肉排，味道與雪藏貨大不同，而且肉質有彈性，加以士多啤梨醬，又香又甜，味道很夾。蟹粉燴時蔬，炒好的菠菜，鋪天蓋地淋滿蟹粉，吃得滋味。蟹油招牌炒麵，炒得乾身，鹹香好味，簡單得來帶點矜貴。愛吃蟹的我會再來！…查看更多

年中先嚟過銅鑼灣嘅喜記蟹將軍，估唔到事隔數個月再次造訪，都喺多得朋友搞局，掹車邊再嚟試菜。「雙逢」唔單止想講話嚟咗兩次，更喺再回味「黑松露波菜汁蟹鉗」及「招牌將軍令」兩道蟹鉗菜式，能跟朋友開懷暢飲，相逢不恨晚啊 ！上次嚟未有花太多時間參觀，除大堂以外，原來仲有好幾個廂房，一室紅金黑對襯，但就無咁重中國味道，相反大堂就富中國色彩多啲，雀籠吊燈，棗紅繡花椅，佈局雅致。就連枱上嘅碗碟都精緻過人，印有花蟹嘅碗碟，叫人一望就知此處喺嚐蟹之地啦！由於食蟹少不免要勞動雙手，所以，晌走廊位加設一段「洗手」間，真喺方便好多，唔使下下出入洗手間。由於一早已擬定好菜式，所以，大家不用費神慢慢睇餐牌，而10多道菜式中有唔少喺店家嘅推薦，所以，大家都極之期待。 川鹵牛展 $68 :) :) 先嚟一道冷盤，讓大家邊食邊等，川鹵牛展雖然唔及上次食到嘅藍梅山藥、當歸冰鎮鵝翼咁特別，但絕無花巧，賣嘅喺紮實嘅味道，片片牛展切得厚薄如一，軟腍而有點冰涼爽口，鹵水香夾雜花椒川香，微辣不嗆，過過口癮真唔錯 :) 。 蒜蓉粉絲蒸蟶子皇 $48/隻 :) :) 第二道嘅蟶子皇，隻隻都超過半呎長，鋪滿蒜蓉、粉絲、蔥花，熱辣辣嘅蟶子皇入口爽彈鮮甜，肉質肥美，盡吸蒜香滋味，少少蔥花帶點清新，最後，粉絲自然都唔可以錯過啦。 黑松露波菜汁蟹鉗 $68/位 :) :) :) 對比上次食改進咗喎，雖然今次唔喺一整片黑松露刨出嚟放面咁矜貴，而喺細碎跟波菜汁打成一片，但整體效果更好。汁底有濃郁波菜味，又帶點兒黑松露香，雖然叫汁，查實可以當湯飲。至於蟹鉗比上次做得更好，味道鮮甜，肉質挺身，啖啖肉真好味 。 黃金蟹蓋 $88 :) :) :) 一個個蟹蓋焗得金黃帶半點焦燶，香氣彌漫，真喺「撒路溪錢」引死人。咪睇個蟹蓋唔喺好大，其實好足料，滔一羹入口，大概有蟹肉、蘑菇、洋蔥……等等，綿柔得嚟有咬口，底下更有唔少蟹膏，味道豐腴，鹹香細膩，實在回味 。 蟹肉燕窩羹 $108/位 :) :) :) 蟹肉燕窩羹可不便宜，但真材實料，都值得一試，以肉碎、蟹肉、蛋白及高湯做成嘅湯羹本身已鮮味十足，濃淡恰到好處，再加上養顏燕窩，自不然更合女生享用，小弟依啲粗人，要少啲燕窩又何妨！ 招牌將軍令 $68/位 :) :) :) 卒之輪到將軍令上場，同樣以位上，不愧為招牌，水準不變，蟹鉗質感鮮甜爽彈，蝦膠打得好應記一功，鋪得滿滿嘅炸金蒜，香脆帶幾分辣勁，惹味非常，難得繼續以親民價會大眾 。 椒鹽雙拼 $98 :) 上次嚟店長已介紹過，蟹、瀨尿蝦及椒鹽雙拼都喺鎮店三寶，雙拼分別喺九肚魚同鮮魷，脆漿拉得夠薄，前者嫩滑，後者軟腍，椒鹽味唔算好重，反而蒜香多咗啲，最好用嚟佐酒應該無乜人異議啩。 喜記正宗炒辣蟹 $360 :) :) 之前幾道蟹菜故然可以食得斯文啲，不過，唔郁手郁腳食番個避風塘炒蟹又好似若有所失。單望對巨鉗已覺得好有睇頭，被大量金蒜籠罩，霸氣十足，蟹肉緊緻挺實，鮮甜惹味，金蒜嘅甘香無冚過晒蟹鮮，只喺拆蟹確喺麻煩啲。 蠔皇扣鮮鮑 $68 / 位 :) :) 原隻鮮飽扣得軟腍，但以刀叉切開時仍有啜刀感，入口煙韌有嚼勁，配以濃濃嘅蠔皇汁，掛滿晌鮮飽身上，真喺要細意味嚐。 士多啤梨骨 $88 :) 有別一般好似生炒骨或咕嚕肉切細粒去做，而喺以大條大條嘅肉排做，亦無蘸粉漿炸，但肉排質感鬆化；個士多啤梨茨亦調得不俗，酸香甜蜜，無嗆喉感。 蟹粉燴時蔬 $168 :) :) 連時蔬嘅菜式亦加入「蟹」嘅元素，會唔會太大貪呢？清灼莧菜，再加上大量蟹粉，絕對比起上一次嘅濃湯雲耳鮮茄田園蔬菜嚟得有點豪氣。莧菜清嫩，夾雜蟹粉，無疑添多幾重濃鮮蟹味。 蟹油炒麵 $72 :) 以自家製嘅蟹油蒜蓉王嚟炒麵，加入銀芽、韮黃，雖然簡簡單單，但麵條炒得夠乾身，惹味辣香有個性。不過，個人都喺鍾意上次另一個單尾「鮮蟹肉蠔仔泡飯」多啲！ 招牌奶皇流沙包 $24 / 3隻 :) :) 甜品中以奶皇流沙包喺店家自信嘅招牌，上次食過，真喺做得綿溜富奶香，包身又鬆軟，不過，今次再食雖然流沙包熱辣辣，搣開個包熱氣騰騰，但奶皇餡無上次流得咁澎湃，幸好仍然綿密清香。依餐既品嚐到店家嘅招牌菜，又有數款海鮮菜式，最緊要都仲喺味道無走樣，依然喺水準作。…查看更多

其實一向對海鮮都情有獨鍾, 特別是魚和蟹, 對於吐魚骨絕對難不對我, Easy job! 但……反而拆蟹殼對我來說是高難度挑戰, 很慚愧, 要拆殼我會選擇不吃, 因次次都手損、口損, 幸好牙齒沒有被弄破! 今次有朋友約去吃蟹, 真的令我郤步, 但她雀躍地跟我說包有驚喜。驚喜!? 最愛就是驚喜, 去吧! 最多吃不飽便去宵夜。店名的招牌以紅色燈製成, 旁邊再加上一隻滿有朝氣的燈光蟹, 高高放在門口正中央, 既有代表性亦搶眼, 我站在對面的馬路亦被它火熱的燈光吸引着, 加上一看便知這裏是專門吃蟹。門外除了有數張餐牌外, 還放有與明星合照的相片, 以作宣傳之用。走進店內便看到一邊有數個養着生生猛猛的海鮮水缸, 另一邊則有一張大型鮮紅色的簽名板, 相當有氣勢。沿着梯級走下去時, 聽到冷氣風吹動頭頂的長條水晶吊燈輕輕互碰的柔和清脆聲, 先給了我一種舒適的感覺。走進一間兩張大枱的房間, 以一簾山水景的木屏風相隔着, 內裏同樣以紅色為主調, 傢俱和擺設都滿有中國色彩, 最吸引是部份餐具都印上一隻線條精細的蟹圖案, 具代表性之餘, 亦很有獨特的風格。等齊好友來到之前最好叫定一杯飲料止止渴, 選了鮮搾橙汁($38), 清新的酸橙味含有粒粒果肉, 先為我打開胃仔邀接以下的美味佳餚, 正!還有來一碟小吃川鹵牛展($68)過過口癮, 片片薄薄的牛展看見肉位夾雜着不少牛筋, 肉質腍嫩, 筋位稍稍煙韌, 味道不算鹹兼帶微辣, 不錯!先講講一系列的蟹菜式, 第一款是鎮店之寶招牌將軍令($68/位)。嘩! 估不到那麼巨大, 差不多我一個拳頭, 脹卜卜肥嘟嘟, 只是加入少許蝦膠令蟹肉黏成一起, 其餘全是蟹肉。外層炸至金黃的蟹鉗, 舖滿炸香的蒜粒和辣椒籽, 越食越辣, 極之惹味! 口感富彈性, 啖啖均是鮮味的蟹肉, 滋味無窮, 以此價錢與要預訂的鳳城蟹鉗, 美味得多, 肉厚得多, 超值!剛剛用左手揸了一隻蟹鉗, 又怎少得右手呢? 故再來一隻黑松露菠菜汁蟹鉗($68/位)。一隻已拆殼的蟹鉗半浸在黑松露菠菜汁中, 看着肥美的蟹鉗, 真的急不及待咬它一口。最欣賞是菠菜汁竟沒有被味道香濃的黑松露蓋過, 仍能吃出啖啖的清新菠菜味, 兩者能取得平衡, 味道弄得剛好。蟹鉗肉豐厚柔嫩, 啖啖肉, 以此烹調方式更能突顯蟹肉的鮮味, 吃時蘸上菠菜汁, 鮮味中帶有清新感, 想不到兩者配搭會如此美味, 推介之選!吃完蟹鉗當然不少我同樣喜愛的蟹蓋出場, 一個金黃蟹蓋($88)同樣令我愛不惜手。眨眼看蟹蓋並不算大, 但吃下去便知份量相當合適。脹卜卜的蟹蓋外層焗至金黃帶點焦燶, 賣相吸引之餘, 用料亦相當豐富, 內裏釀入以葡汁烹調過的蟹肉、蟹膏、雞肉、蘑菇粒和洋蔥粒, 整體口感豐富, 味道鹹鹹香香, 啖啖都教人回味無窮, 正!接着來一碗蟹肉燕窩羹($108/位)滋補一下, 簡直是女士的恩物。考慮到將燕窩與蟹肉羹分開上, 在客人面前才將晶瑩剔透燕窩放入羹上, 令這道菜式更顯矜貴, 身價大大提升! 稀杰程度中庸, 不會像平時所吃的湯羹般杰patpat, 內裏啖啖蟹肉, 味道清淡帶鮮。始終不能抹殺愛拆蟹殼朋友的權利, 故點了一碟喜記正宗避風塘炒蟹($360), 看它巨大的蟹鉗及蟹蓋就知份量不輕, 原來足足一斤二兩。除了蟹鉗外, 整隻蟹都被炸至金黃而香脆的蒜碎及辣椒籽遮蓋着, 還有翠綠的蔥段, 上枱時傳來陣陣蒜香和辣味, 風味十足!最後一道蟹菜式就蟹粉時蔬($168), 墨綠色的覓菜完完全全被金黃的蟹粉覆蓋, 清新而幼嫩的覓菜拌上鹹香的蟹粉, 配搭一流, 不過吃得太多真的令人感到飽滯。其餘海鮮類是時候出場, 很多時看朋友吃海鮮的相片例牌有大大隻的蒸聖子, 每次只看相都令我垂涎三尺, 今次終於有機會品嚐這款蒜蓉粉絲蒸聖子皇($48/隻)。又長又大的的聖子皇上舖了已吸收鮮味的爽口粉絲, 再加上微微的蒜香, 更滋味! 輕輕將聖子皇從殼中拉出, 肥美而肉厚的聖子啖啖爽而鮮甜, 真的令我回味無窮!另一道蠔皇扣鮮鮑($68/位), 只是賣相就已很有睇頭。隻隻鮮鮑大小相若, 肉厚而腍嫩, 所扣的蠔油芡緊緊黏着鮑魚外層, 吃時既有蠔油香, 亦不會搶去鮑魚的鮮味, 連旁邊的伴菜亦很入味!吃完多款的海鮮, 便到小菜出場。上一道大受女士歡迎的士多啤梨骨($88)。伴碟有鮮紅甜美的士多啤梨及一個直立擺放的金黃炸大洋蔥圏, 擺設精緻用心, 令人更歡喜! 件件肉骨大小相若, 肉質腍嫩, 士多啤梨醬汁剛好扣着每件肉排外層, 份量不多不少, 酸酸味味, 相當入味, 挺不錯!接着來一碟香口的菜式, 以炸鮮魷及炸九肚魚合成的椒鹽雙拼($98)。本人對魷魚的興趣不大, 故只試了九肚魚, 其外層炸至淺黃, 炸皮薄而稍脆, 魚肉幼嫩, 可惜鮮味和椒鹽味均欠奉, 略為普通。晚餐粉麵飯當然不能少, 今次選了蟹油炒麵($72)。麵條炒至條條分明, 並沒有黏成一堆, 質感彈牙, 頗有嚼勁, 拌上炸至香脆的蒜碎, 非常惹味, 但可惜油光滿佈, 個人認為較為油膩。壓軸出場當然是甜點, 先是一籠上枱的招牌奶皇流沙包($24/3), 個個流沙包圓碌碌、白雪雪, 大小適中, 作為飯後甜點剛好。每次吃流沙包最期待就是把它撕開一刻, 期待內裏的奶皇湧出來, 可惜……輕輕把其分成一半, 只有微微奶皇流沙饀慢慢流出, 並沒有澎湃的感覺, 但幸兒包質鬆軟, 內饀亦不會太甜滯。最後當然要來一碗糖水滋潤一下, 楊枝甘露($30)是夏日最佳之選。淡黃色的楊枝甘露用料十足, 內有香甜的芒果粒、微酸而多汁的柚子肉、晶瑩的西米, 滿滿糖水料, 令人吃得很滿足, 為這頓豐富的晚餐作滿美的總結, 吃到肚仔脹卜卜, 又怎會需要再去宵夜呢!------------------------------吃蟹能吃得如此滋味、如此安心、如此有儀態, 真是第一次, 最重要是我沒有任何地方損傷, 而且能品嚐啖啖鮮味十足的蟹肉, 加上獨特創新的烹調, 這頓晚餐真的令我非常滿意。臨走時慣性回望食店一眼, 望着喜記奪目耀眼的招牌, 不禁說句 “喜上加喜, 喜記送上驚喜”。…查看更多

「友人L」：「一起到『喜記蟹將軍』吃飯。」我說：「一個月前才到過，不去了！」「友人L」：「就是看了您的食評，發現您還沒嘗試新菜式，所以.......。」對了，記起 「友人L」 跟「喜記蟹將軍」蠻熟稔，在一番美意下，不容推辭，於是作客席上。先來一道冷盤。牛蹍切得細薄，但嚼感不俗；調味以滷味為重、川味較輕，對我來說多點川香和刺激會更佳！又端來一道冷盤，原來是老闆新研發的菜式，還讓我們猜猜是什麼！面層色澤金黃欲滴，不難想到是蟹粉，但下層的既不是茄子，又不是豆腐，真令我們摸不著頭腦！還是先吃為快，後再作定論。蟹粉柔軟、香氣洋溢，而下層的食材，口感輕柔滑溜，入口幾乎即時溶化，聯想不到任何食材，真的被考起了！原來老闆也來「Fusion」一番，將法國菜常用的慕絲應用在蟹粉身上，意念頗為大膽。可是蟹粉與慕絲合拼起來，又倍覺自然， 沒有影響蟹粉的原味，還可將蟹粉的膩意降低。蒜蓉粉絲蒸蟶子皇的效果，遠比上一次出色。首先，熱度充足，其次蒜香鼎盛，蟶子沒有過火，達到惹味鮮甜的標準。期待的新菜式來了，一眾朋友的焦點也落在肥美的蟹鉗上。黑松露菠菜汁與蟹鉗的配搭集結中、西方的烹調特色，光是賣相已是奪目創新。墨綠的菠菜汁帶著濃濃的黑松露香氣，雖然如此，但味道鮮清。手執蟹鉗一咬，肉厚而鮮甜，菠菜汁與蟹鉗各自流露出其美味，互不抵觸。唯一擔心的是在菠菜湯和大蟹鉗的雙重催谷下，我們的手臂會否變得比 Popeye 更要強壯？！用上奄仔蟹的蟹蓋，體型較為細小，但豐滿的內涵才是最關鍵。蟹蓋內全被蟹肉及蟹膏充塞，用匙羮一口一口細嚐，滿口盡是甘香與滋味，再呷一口酒精，濃香之味徐徐而上。這個份量相當恰好，再多的話，就會顯得太膩了！愛湯的我，當看到面前滿滿燕窩的碗子，呆了一下子！女侍應先把蟹肉羮分成小碗，然後再將碗子裡的燕窩逐一放進蟹肉羮內，每碗平分燕窩的份量可不少了！平日沒吃燕窩習慣的我，相信這份量是我幾年嚐到的總和！蟹肉燕窩羹完成了。湯底味道濃郁，佈滿細嫩的蟹肉，以足料來炮製的蟹肉燕窩羹，味道非常美妙！喜記正宗避風塘炒蟹是「喜記蟹將軍」的招牌，當然是席上不可缺少的一道菜。要做到惹味、香濃而不油，就是「喜記蟹將軍」的獨有風格！招牌將軍令是一道真材實料和花手工的一道菜式。首先將鮮蟹拆肉，然後將少量蝦膠混合，再經油炸定型後，與大量炸蒜、辣椒、豆豉等同炒，製作出無骨避風塘炒蟹的新感受。由於食材幾乎採用了純蟹肉，所以入口軟腍，只帶小量蝦膠發出的微微彈性，而啖啖蟹肉中又帶著避風塘的惹味！這雙拼應改名為「雙殺」才對！事實上椒鹽九肚魚和鮮魷均是四歲至七十歲的男女，也會愛瘋的兩款炸物。「喜記蟹將軍」將兩款「雙殺」做得不油、乾爽，生熟度恰好，又怎會讓人吃得不痛快？！我喜歡這道蠔皇扣鮮鮑，味道不會過於濃烈，但又能讓食材發揮其鮮味。鮑魚彈牙富咬口，蠔皇沒有掩蓋鮑魚之鮮，味道不俗。而菜心入口爽脆細嫩，淡淡滲出菜香，是難得一遇的好質素。士多啤梨骨賣相吸引，排骨亦鬆軟酥香，略嫌士多啤梨汁未能反映士多啤梨的酸香甜蜜而已！莧菜是夏季的時令蔬菜，通常用以清炒或放湯，還是首次配以蟹粉同吃，水份較多，但感覺還好！蟹油炒麵乾爽而不油，也許拌得未夠均勻，蟹油香氣未算明顯！甜品時間由招牌奶皇流沙包打頭陣，「脹卜卜」的雪白包子，入口軟綿富彈性，非常不錯！而餡料的奶皇亦呈流沙狀，若奶皇味調得再濃郁一些便更完美了！再來清新涼快的楊枝甘露，身心也特別暢快！多謝「友人L」的推薦，才能品嚐得到多款耳目一新、新穎又富創意的蟹菜式，在云云的菜式中，除了喜記正宗避風塘炒蟹，其他蟹菜式也不會弄髒雙手，又能品嚐到啖啖蟹精華，若然就此錯過了，實在太可惜了！…查看更多