黃枝記 (已結業)

去AIA嘉年華前想來個經濟實惠的晚飯，中環這地區大多昂貴消費，地道的大排檔到這時間已收舖，openrice下便來了這家麵店，貪其有麵又有小菜選擇。中環雲吞麵店林立：羅富記、沾仔記、麥奀記……一碗就能代表香港本土風味的好功架。這裡的鮮蝦雲吞尚算彈牙，沒有乒乓球般大顆，湯底與麵質也只是一般，但一碗四顆比其他店的定價要貴，性價比低。豬手🐖炆得ok有咬口，膠質尚可，但南乳味比深水埗以豬手麵馳名的新香園堅記欠奉。不過🍝幼麵麵質爽口，加上撈麵汁有加分。在麵家吃麵反而小菜有驚喜，這個咕嚕肉🐖炸皮不厚不膩，最重要是咕嚕汁除了檸檬汁🍋外，還下了蕎頭和喼汁。喜歡吃酸的就不能錯過，非常開胃。總括覺得這裡有點做旅客生意的感覺，味道尚可，不過在中環舖租昂貴的地段價錢算是ok了。…查看更多

老字號。先保持優質水準，再大膽創新，中環附近有好多老字號嘅食店，黃枝記仔其中一間啦佢嘅地理位置都幾好呀響蘭桂坊同地鐵站中間，以前很蘭桂坊附近做嘢嘅時候都會經常落去食晚飯，剛好要早兩日一個朋友喎可以一齊食個晚飯，佢就係附近返工所以就嚟咗黃枝記等朋友前叫左杯柑桔話梅蜜, 酸酸甜甜而且唔會太漏。飲完好解渴。泥黃枝記有幾樣野都好好出名，鮮蝦雲吞麵蝦子撈麵，水餃麵等等我哋今次就叫咗鮮蝦雲吞麵雲吞外皮很滑溜，蝦肉與少量豬肉結合，比例均衡，爽口彈牙，湯底清甜，麵質爽彈無鹼水味，分量剛好。晚市關係，我叫左一d 比較士多啤梨咕嚕肉 ，鮮鮮紅紅，顏色滿分。咕嚕肉炸粉不多，不會成口粉。用豬頸肉，有咬口，而且保障做出來的咕嚕肉能肥瘦適中。每一件嘅大細都好均勻，脆口惹味。醬汁也很出色。推薦推薦。最後我仲叫咗一個擔擔醬炒飯，用擔擔醬來炒飯，佢哋黃枝記自己調配嘅，有少少嘅辣味，鑊氣十足，而且用了都好多每一啖都會睇到佢嘅凡係分明唔會黐埋一齊，望落去好金黃，係一個好開胃嘅炒飯，但略嫌一樣野要改善嘅就係佢哋呢個炒飯用嘅係生菜絲，生菜絲炒落去好吸油，變咗好似好油！餐牌信中多咗好多用韓國泡菜，柚子等等做嘅菜式，可見黃枝記除咗要保持知名產品水準之外，亦都為大眾帶來創新嘅菜式保持新鮮感！下次我一定要試過泡菜炒飯。kimchi !姐姐叔叔等的服務態度一流，而且坐得好舒服，舖大所以易找位！上菜速度都好快。價格會理。水準依舊良好出色。黃枝記，可會成為各大美少年少女去玩前醫肚嘅新地標呀。哈哈。 …查看更多

一直以黎，「黃枝記」俾我既感覺都只係以「賣麵」為主既老字號。直到今次幫襯之前，我都唔知道原來係有其他野食既！是晚一行人諗住黎個last minute既「快閃」飯聚，心諗呢度咁「偏(僻)」應該冇死啦，點知去到先發現裏面已經差唔多八成full！好彩黎得早咋，如果唔係要等位就大大鑊！餐廳位於中環士丹利街，由港鐵站「蘭桂坊」個出口行去對面娛樂行再行差唔多一分鐘就到。我相信有食過燒鵝、蒲過「老蘭」又或者去過馬會博殺既都唔需要我多講喺邊度啦！進入餐廳既時候要經過一條旋轉樓梯直通basement，沿途牆身掛滿黑白既舊照片，簡單介紹餐廳既歷史。短短幾秒既路程，令到我地彷彿好似walkthrough晒黃枝記由廣東至澳門，再到香港差唔多六十多個年頭既簡史！鮮蝦雲吞麵 ($38): 黎得呢度又點可以唔試下呢味起家既招牌菜呢？叫得「細蓉」個size當然唔會太大，不過居然有四粒大大隻既雲吞！每隻雲吞裏面更加有兩隻蝦，撈埋剛剛好唔太肥、又唔太瘦既豬肉一啖咬落去真係好爽口，正！麵身方面算唔錯啦，都幾爽口，但可能因為係全蛋麵既關係，同一般麵舖用鴨蛋整既麵有少少唔同，相對冇咁香，但亦都因為咁相對較為健康！炸鯪魚球 (細) ($58): 鯪魚球炸到外脆內軟，絕對無撈味精同埋坊間成日食到令到個口漿住晒既粉，超正！值得一提既係蜆蚧，鹹鹹地之餘又隱約feel到佢果陣海鮮味，喺食鯪魚球之前點一點再一啖咬落去個感覺真係超正！士多啤梨咕嚕肉 ($88): 咕嚕肉炸到外脆內軟，炸粉既厚度剛好，食到外面脆脆地之餘又能夠鎖住肉汁，唔會「硬晒軚」咁。同一般用菠蘿整既醬汁唔同，士多啤梨相對黎講較酸，但入口時卻出奇地感受唔到酸既感覺，我諗應該係廚師喺調味到落左工夫，抵讚！至於D配料好似青椒同洋葱就一般般啦，不過索埋個汁之後酸酸甜甜咁非常之開胃。馳名肉絲炒麵 ($85): 炒麵炸到脆卜卜，非常chunky口感極佳！特別值得一提係佢個茨汁，當炒麵索左D汁之後腍腍地既口感非常特別。菜心方面亦都食得出落足心機去整，應該係先用鹼水淥過，然後先同麵一齊去炒，所以能夠keep住青綠既賣相之餘亦都非常之腍，非常之易入口。肉絲切得非常之幼，絕對無「鞋口」既感覺。建議最佳食法係先放一小拙麵落個碗到，再夾一條菜加一推肉絲同埋少少茨汁撈埋一齊，口感極佳！柱候牛腩拼豬手 (雙拼) ($98): 牛腩炆得非常之腍同入味，令到牛既每一部份都充份索滿晒柱候汁，抵讚！至於豬手方面，個人覺得好似D骨稍為多左少少，而味道方面就偏向柱候多過南乳風味，唔通係因為索晒碟底既柱候汁？Anyway，整體感覺都叫做OK既！總括黎講，呢度絕對係「more than just noodles」，非常適合三五知己既last minute聚會。就算係平時閒日夜晚，只要唔太晏去都非常大機會可以walk-in有位。不過，可能因為當晚坐喺地牢既最角落位既關係，電話網絡既接收稍為差左少少（我地試晒四個台加埋都係得五格！），所以要留意有機會miss左D電話同whatsapp呀！…查看更多