鮮‧港式串燒吧

今日突然之間想食串燒，就約咗朋友一齊去公司附近食😚 鋪頭唔係好大，但係都好多人收工黎聚下. 燒大蜆 $55就係好大隻😍 而且好有鮮味 唔洗特別點source已經好夠味😚.熊本一口牛 $38 / 鬆化黑豚串 / 厚切牛脷串 $58一口牛係類似骰仔牛既size，肉類款都燒得岩岩好，唔會話好un😍 好有牛味，而且都好厚身 啖啖肉咁😚.墨汁墨魚腸 $15有啲似台灣嘅腸仔😚 口感好豐厚同juicy😍 有驚喜幾特別 入面真係咬到粒粒墨魚.煙肉芝士大蘑菇 $38超鐘意食蘑菇所以就嗌佐😍 而且大烤菇出名juicy😚 果然好正而且舖佐滿滿煙肉同芝士，令口感更加豐富😆.雙重芝士薄餅 $48我哋原本以為係Pizza咁，點知係手抓餅😂 但依然係好cheese 都烤得幾好食.蒜辣焗金菇 $25 / 茄子 $15每次食串燒都必嗌，果然無得輸😆 不過茄子有啲遜色，因為原來唔係原條上有啲失望.總結，串燒種類都有好多，而且每人都會凖備醬料盤俾大家，有個醬類似泰式生蝦都幾特別😚 不過份量同飲品種類就略嫌有啲少🤔…查看更多

黎到駱駝漆大廈，行完街就入左呢間港式串燒食物選擇多，海鮮，肉類，炸物，小食，蔬菜，甜品小編既選擇困難癥又發作，為有交比友人去落單叫野食首先食左黑豚辣肉腸辣味非常足夠。再黎呢個非常彈牙，好味！！！但小編吾知點解覺得有粟米味係入面呢個不得不說係非常非常好味，又多肉汁又淋，一點都吾乾身值得推薦！！！呢個蒜蓉夠多又香,正！！呢個小編最愛，又厚肉外皮燒得又夠脆！！！呢款燒到脆卜卜，D油燒哂！D芝士多到流哂出黎非常邪惡！！！呢個味道偏淡，蒜味夠！！呢個味道剛剛好，不會太淡！！呢杯水果茶，水果多到爆！！…查看更多

又去搵觀塘返工既朋友食飯，佢介紹呢間係駱駝漆入面既串燒店，之前係觀塘返工咁耐真係唔知原來呢邊有串燒店。好少見一間串燒店咁乾淨，無乜油煙之如餐廳仲好齊整。都幾多嘢食揀，串燒、海鮮等等都有，不過我地今日目的係食串燒，就無叫啲海鮮食。羊架($48件)，好鮮嫩，羊肉味好重，又唔「銀」雞腎($25串)同熊本一口牛($38串)豬頸肉($38份)，切得好薄，好香好好食雞軟骨($15)墨汁墨魚腸($15)，墨汁味好濃，好香翠肉瓜($15)同四季豆($15)秋葵($30)燒大蜆($55份)，都幾肥美幾甜燒白鱔($58)墨魚丸($15)野食整體嚟講都唔錯，又好味同多選擇，而且搵到一間咁乾淨既串燒舖真係唔容易！…查看更多

今日好難得去左接男朋友放工接完就去觀塘搵食！突然興起想食串燒就黎試下哩間平日晚上黎到都好多人好彩有預先留位淋左少少雨似杯熱飲當堂舒服哂男朋友飲咸柑桔其實我好憎飲咸柑桔 細個一喉嚨痛就比呀爸呀媽迫我飲不過男朋友話幾正墨魚腸 好特別呀正 真材實料一咬入去墨魚香就滲哂出黎推介！識食一定食燒茄子 正 充滿蒜香中間係一口牛 好正 夠多肉汁 唔會太乾右面係厚切牛舌我好鍾意食既冷烏冬烏冬幾彈牙 粗幼度適～冷烏冬汁亦唔會太咸燒貴妃蚌有d un燒即開生蠔夠新鮮！燒白鱔好特別既整法～外脆內香推介男朋友好鍾意食薯條哩度既薯條係偏幼同脆身炸得好香口哩個明太子飯團就 有d太多飯食哂咁多野 好飽～總結哩間串燒的確出色 選擇多仲有好多串燒都好想試！…查看更多

上星期放工同個中同去咗呢間串燒店食野，嗰日星期四大約7點半，我地2個人唔使等位就入到去。店員仲安排咗我地坐入半開放既房仔，等我地可以盡情講是非😂😂打開menu都幾多野食，海鮮肉菜都得燒。如果唔想淨係食串燒咁熱氣，呢到都有d小食可以揀。墨汁墨魚腸（$15），上菜嗰下我同朋友都呆咗，咁細條用咁大隻碟😂😂 不過我想講！好好味！味道有少少似台灣香腸，不過多咗少少墨汁香味。十分推介！食到最後已經好飽都Encore咗一條。燒貴妃蚌（$68），個汁幾香，隻貴妃蚌都新鮮，算係幾抵食。燒大蜆（$55），黎到熱辣辣，配個點咩都無敵嘅生蝦汁🤷🏻‍♀️🤷🏻‍♀️。燒即開生蠔（$45），本人唔食蠔🙈 引述朋友意見，幾新鮮唔腥，都可以一試。燒油甘魚鮫（$88），比我想象之中大份，抵食之選～煙肉芝士大蘑菇（$38），菇有菇味，菇水是精髓，超甜！蒜辣焗金菇（$25），一秒回到中學BBQ嘅感覺，加咗少少辣椒更加開胃。最後埋單600幾蚊，不過我地2個都叫咗幾多海鮮，而且飽到d野食上到個鼻到。…查看更多

這晚來到鮮。港式串燒吧食串燒。同著個同樣喜歡吃魚既朋友一齊食很歡喜! 我地叫左兩串白鱔串, 很鮮甜嫩滑! 還有油甘魚鮫, 油甘香味重, 啖啖肉, 軟滑可口! 基本上食物既質素都高, 蔬菜燒得香口時又不失水份! 食物已有很新鮮的味道, 本身亦很入味, 醬料同粗鹽用作提昇食物, 為味蕾帶來快樂! 在此要推介的不只有油甘魚鮫和白鱔串, 還有很juicy 既翠玉瓜, 冬菇, 虎皮尖椒。唔少得既係充滿咬口而不平凡既燒粟米, 還有彈牙鮮甜墨汁墨魚腸和墨魚丸! 最後要高度推介麻吉燒! 正到爆! 大家不妨一試, 不會失望既串燒店!…查看更多

之前食過好多串燒店 都係街邊舖頭仔多 第一次去咁專門既串燒店。 一去到坐低 見差唔多每一台都叫煙肉蠔串同牛舌 諗都冇諗 理得佢係咪招牌菜 點左先啦! 睇返點餐紙 選擇非常多 好彩我冇選擇困難症 跟住再點埋燒白鱔 墨汁墨魚腸同埋我最愛既燒雞全翼 拿呢款經典串燒必食 真係要試過先分到真章。 食完幾樣串燒 睇落唔會飽 實情都幾飽幾滿足 可能因為食物質素高啦 我翻點左個牛舌同白鱔 如果要我比個排名 第一名我一定揀煙肉廣島蠔串 蠔非常新鮮 而且味道同煙肉好夾 第2就係牛舌 師傅燒得好講究 個面有小小焦 咬落幼滑好香 齒頰留香 其餘排名不分先後 燒鱔新鮮香脆 不過雞翼就略為乾左小小 成間串燒吧我既評價係高既 除左食物質素係高之外 地方坐落都好闊落 可能因為開係工廠大廈既關係啦 講真 反工已經攰 夜晚食個飯都想舒舒服服 如果逼到好似旺角咁 跟本享受唔到食物!…查看更多

串燒癮真係話黎就黎，想坐得舒服又可以坐耐D真係唔多串燒舖做到，但觀塘工廈就有呢個咁好既地方可以同朋友一邊食串燒一邊傾計好彩有Book 位, 因為現場都差不多坐滿同埋基本上入黎既客人都有Book，咁就唔使擔心黎到無位坐芥末凍花螺 ＄48一杯有12隻，用冰粒鎮住花螺，老實講花螺基本上無咩味，多數都係用一D比較濃味煮法增加味道。今次餐廳就用了芥末豉油，芥末味好重好辣，食落肉質爽口彈牙，不過如果份量可以加多D會好好多厚切牛舌串 ＄58／蘑菇雞肉飯糰 $28小妹對牛舌真係有情意結，好鬼鍾意食，見到都會叫。呢到牛舌真係好厚切，無呃人而且燒到入面好軟身，一D都無硬同乾既質感，呢款小妹十分推介飯糰都有串燒？小妹因為好奇所以叫咗，原來係成個飯糰燒，飯好煙韌同時亦相對乾，好似食緊飯焦咁而且餡料亦相對少，小妹對呢款就麻麻喇墨汁墨魚腸 ＄15／陳皮魚旦 ＄15小妹一向都喜歡食香腸類，特別係台灣出品，因為肉汁多而且味道濃。呢到既墨魚腸正正係小妹鍾意既台式風味，基本上唔使調味都已經好好味。手掌心般大條不過都幾粗，食落夠Juicy陳皮魚旦而家好多地方都有，小妹之前未食過所以今次就試下喇！可能唔係好慣魚皮加咗陳皮味，所以小妹覺得唔太喜歡，不過呢到既魚旦陳皮味係濃既雙重芝士薄餅 ＄48見到個名以為係意式pizza, 點知原來係酥皮薄餅，都好既無咁膩。即叫即做熱辣辣一客4件，中間芝士爆哂出黎，都幾特別蒜香雞全翼 ＄2525蚊2隻價錢唔係貴，不過味道就欠奉無咩味，如果調味重番D會好好多，普通雞全翼小妹沒有好多意見總括，小妹對於呢間串燒店覺得唔錯，因為環境舒服而且唔會有一陣油煙味。不過呢到唔係好濃味既串燒店，喜歡重口味可能會覺得味道較淡…查看更多

辛辛苦苦的又在變態的客人虐待下存活過來😭，又累又餓，不想再想太多了☠️，就去附近工廠大廈🏭找個地方好好慰藉一下自己😌，畢竟觀塘區工廠區內要覓食絕不困難😏。隨便地進了最近的廠廈內🏭，再隨意選一個樓層5️⃣，有時候去探險一下也不是壞事😎，可能會有新發現嘛😉。看到了這家串燒吧🔥，想也不想就拖著老公🍋進去了。晚飯時間🌛，早就有幾枱的食客在了😲。店內環境寬敞舒適😊，還蠻適合我們這班都市中的螻蟻🐜來放鬆一下。除了串燒外🍢，小店更提供各種海鮮🦀、刺身🐠及生蠔🐚等。不過今晚人妻🐷真的沒甚麼胃口，還是點一些串燒小食算了😔。雞軟骨🐣：脆脆的口感，加上點點鹹香的肉味，入口油而不膩🤤，對於沒甚麼胃口的人妻🐷來說是蠻醒胃的☺️。雞腎🐔：雞腎爽口有嚼勁😋，加了香濃的調味粉燒製，變得非常惹味👍🏻。墨汁墨魚腸🦑：曾有人說過它是最好吃的『黑暗料理』🖤。豬肉🐷加上墨魚汁🦑，混合出獨特的海鮮口感😍。沾上了點點的茄醬🥫，又是另一番風味💖。香辣蘑菇🌶：白蘑菇🍄加入了蒜蓉及辣椒🌶煮成，香辣度十足💯，加上新鮮清甜的蘑菇，佐酒一定會很不錯🤤。炸牛乳蟹肉薯餅🍼：炸至酥脆的表層💛，一切開🔪馬上先到香濃幼滑的牛乳緩緩流出🍼，入口異常香滑，不過要小心不要燙到嘴喔🤭~熊本一口牛🐮：肉質嫩滑，入口即溶😋，一口一粒的，非常方便過癮👍🏻。煙肉芝士大蘑菇🍄：大蘑菇內放滿了煙肉🥓，再注入滿滿的芝士焗製🧀，蘑菇的鮮甜，加上鹹鹹香香的煙肉🥓和濃郁的芝士🧀，滋味十足🤩。法國燒春雞（半隻）🐣：早已被切好的燒春雞🔪，吃起來不會弄髒手手的🤲🏻，十分方便，雞件皮脆肉嫩，香氣四溢，就連雞胸肉也不覺得靭😍。總結：這次的探險可算是大成功👍🏻，難得又有觀塘的廠廈內🏭找到了這顆滄海遺珠💘，下次可以再來試試他們的海鮮🤤。…查看更多

因喜愛吃串燒，便到這裡一試吧😉這裡的環境簡單，感覺十分「住家式」。像一家人經營的餐廳般，他們每一位也十分有善！「港式」給我的感覺是大份🤔而這裡的串燒真的是大大件！我們特別喜愛燒白鱔串$58/串這個價錢有這個份量，而且燒得很可口！十分滿意😋墨汁墨魚腸$15/串，很美味真的十分厚切的牛脷😋$58/串我很愛吃牛脷喔～😍雞泡魚干$48😋燒即開生蠔$45/隻不錯！但也是較喜愛生食😜不油膩有蒜蓉的燒茄子$15…查看更多

經常都講，觀塘工廈的餐廳越開越多，而且已經不再局限於Cafe、私房菜、西餐等等，而是酒吧式餐廳、高級日本料理及串燒店各類新穎的，近年亦多了一批尋找工廈美食的港人把每間食店起底，可見工廈特色餐廳自然有一定既市場。今天下班後跟朋友逛完APM...再逛駱駝漆大廈...時間晚了就非常肚餓...揀左間「鮮·港式串燒吧」坐低醫醫肚...門口白雪雪入去行前多幾步先到餐廳內部...入口既左面有部標機...食完或者等緊串燒個陣可以玩下餐廳不太大，串燒店來說燈光偏白同光猛，座位尚算空間足夠!!環境亦頗舒適!!座位一半是沙發卡位食串燒來說～坐得很不錯了餐牌係用一張紙有兩面可以看....選擇都幾豐富串燒、炸物、小食、熟食、各式各樣的海鮮、蠔都有不同menu揀完之後店員送上三款醬油日式甜豉油、粗海鹽同埋好似泰式醬！其實我覺得唔點都已經名味道食得出食物既原汁原味墨汁墨魚腸 $15 係我地既第一樣食物...台灣超受歡迎既小食，但係香港已經越來越普遍，質素都好重要墨魚腸全條黑蚊蚊，外表雖然唔吸引，但味道絕對好食，肉厚而不乾燥，腸肉間夾雜住唔少既墨魚粒好有口感，甜甜地既味道，感覺幾新穎。牛件骨 $38一份有三件，骨既比例不會過多，而且選用既品質相當好平日吃牛仔骨通常肉都比較韌，呢到食既完全唔同，而且牛肉味濃。燒白鱔串 $58期待已久既燒白鱔，因為很小可以食到既海鮮串燒，所以個人抱好大期望，連魚皮燒既鱔肉非常厚，微微燒焦既魚皮燒得鬆脆香口，連同魚肉一啖咬開食得出厚實既肉質，滲出口鮮甜既魚油，好食既魚肉從來不須要多餘既調味，白鱔串格外鮮甜我會比十個讚。encore、encore、encore！！！一試難忘燒貴妃蚌(2隻) $68另外既主角之一貴妃蚌絕對係性價比非常高既甲殼類海產，價錢比元貝比好多，但蚌肉非常鮮甜，而且非常多加入蒜蓉，牛油，香葱燒熟後，港式做法讓味道更提升一層，簡單既配搭，更加能保持貴妃蚌既原汁原味。厚切牛脷串 $58牛舌果然比一般既厚，三大件一串，望到都流晒口水，咬起黎肉有彈性，唔會太過咸，但因為太大件，個人較喜歡切開再吃，如果一件食我就覺得不好吃了沾小小蒜蓉醬，味道更加惹味。煙肉芝士大蘑菇 $38燒過大蘑菇都知道，要燒得淋身，需要相當長既時間，呢到做得非常好，大蘑菇淋身有水感而菇又無燒焦，上面加上邪惡既芝士同煙肉，不太複雜，但又是絕對襯既配搭！真的好好食。蒜蓉焗金菇 $25不過不失，加入蒜蓉，牛油一齊焗起既金菇，簡單常見既燒烤菜，但挺好吃的。而且帶點點辣味喔雙重芝士薄餅 $48除左串燒，燒物之外，仲有好幾有新意既菜式，就好似呢個薄餅，用酥皮夾住芝士，一切開芝士由酥皮之間流岀黎，口感鬆軟，食起黎又唔濟。細細件，一至兩口便可吃完！不錯鯛魚燒(薄脆曲奇) $35甜品梗係唔小得，雖然好似沒有太多人叫呢款...但真的非常驚喜...外面脆卜卜既脆餅，內面凍冰冰曲奇雪糕，一凍一熱嘅既溫感...好正！食完咁多咸食，食呢個夠晒透心涼亦係我會推介一試嘅！吃了那麼多...兩人總共三百多元接近四百・不算平民價錢但也沒有昂貴得很...中價位吃到高質嘅食物亦沒有失望！・每樣食物都食到廚師既誠意...由於餐廳是開放式嘅廚房，製作過程看到廚師的認真！所以對食物非常放心又期待！・店員服務也十分有禮！總括是值得試值得食...「鮮」味十足！…查看更多

晚上開源道一帶嘅工廠大廈，真係越夜越精彩，釣蝦🦐場、室內賽車🏎️場、band🎸房⋯等等，數之不盡，當然樓上食肆🍽就更加多，因為樓上舖租金比較平，相對控制成本比較容易，加上網絡世界發達，好嘢自然會有人傳開去，今晚就去左朋友推薦嘅呢間串燒吧來到都差不多九點鐘，客人都唔少，環境氣氛唔錯，大部分似熟客多，我地坐左一個靠牆卡位先點幾款串燒，菠蘿🍍、墨魚🦑香腸和店員推介的白鱔，大概落單5分鐘左右已經燒好，舒舒服服嘆住冷氣，有人燒好比你，確係幾爽串燒之中，菠蘿係我至愛，燒完嘅菠蘿，特別甜，又多汁，兼佢呢度嘅菠蘿切得特別厚，咬落去，啲汁流哂出來，自自然然就要昂高個頭，場面都幾搞笑墨汁墨魚腸⭐️⭐️⭐️⭐️⭐️記得上次係一間台灣燒肉店食過，已經非常鍾意，估唔到呢間樓上舖都有得食，信我，絕對好味燒白鱔串⭐️⭐️⭐️⭐️大大塊白鱔肉，切開用竹子穿起，厚薄均勻，受火時更易掌握，入口香而嫰滑，沾上一點海鹽更能提升層次感厚切牛舌⭐️⭐️⭐️⭐️⭐️啖啖肉，食到啫啫聲，夠厚，食落好滿足燒大蜆⭐️⭐️⭐️⭐️⭐️絶對新鮮，燒完仲有海水味，完全唔需要任何調味，我只需要做一樣野，就係同朋友鬥快搶食鹽燒雞中翼⭐️⭐️⭐️⭐️又係燒雞翼，我當然鍾意食，如果同我去埋骨就更好可以加D檸檬汁，特別醒神，茄子🍆，又點可以錯過呢煙肉芝士大蘑菇⭐️⭐️⭐️⭐️⭐️咪睇小呢隻大蘑菇，非常Juice，配上芝士煙肉，燒完之後熱辣辣，要用刀叉切開，正，絕對估唔到好味得咁緊要最後梗係要食啲飽肚野，蒜蓉包加冷烏冬，我真係覺得自己order得好好，尤其是個冷麵，食落口涼浸浸，滑嘟嘟，加左啲淡淡地嘅醬油作調味，蔥花同Wasabi，就按個人喜好添加埋單人均消費200元左右，環境舒適，氣氛好，果然好介紹…查看更多

星期日老婆又去左逛駱駝漆大廈, 老婆同外父外母飲完早茶後逛觀塘逛到Lunch都冇食。我三點左右去到駱駝漆大廈接老婆去睇戲, 大家都未食Lunch但又唔係好肚餓, 所以約左直接係五樓嘅鮮·港式串燒吧等, 嘆返個Late串燒Lunch。😋鮮·港式串燒吧之前同朋友兩公婆夜晚食過一次, 價錢唔算好平, 不過食物好有水準, 我地今次係下午非繁忙時間到, 客人比夜晚少好多, 玩飛鏢都唔駛排隊。😆雖然唔算好肚餓, 不過我地兩個點下點下都點左八款串燒, 可能客人唔多, 串燒好快就燒好送到我地面前。😍黑豚辣肉腸同墨汁墨魚腸我地上次都有食, 辣肉腸香辣之餘肉汁好豐富, 非常惹味。墨汁墨魚腸賣相同味道都好特別, 墨魚味濃有墨魚粒係入面, 爽口彈牙。👍老婆唔食牛, 所以我點左一客厚切牛脷獨享外, 亦點左客黑豚串俾佢食。牛脷好大件, 外層燒得好香, 富有彈性, 一個人食份量剛好。😋 黑豚串我食左一件, 真係好鬆軟。燒白鱔串係今日黎Encore嘅主要原因之一, 老婆上次食過之後, 一試難忘, 外層燒得好香脆, 白鱔好厚肉, 魚肉鮮甜富有魚油甘香。👍雞全翼唔會太咸, 蒜味都幾重, 外層香脆之餘雞肉仍然鮮嫩多汁, 真係燒得唔錯。煙肉芝士大蘑菇餡料好飽滿, 煙肉好多, 芝士味濃, 配上大蘑菇, 味道層次豐富。燒托托蜆我地第一次食, 托托蜆唔太隻, 不過好鮮甜, 加上香蔥, 蟹籽同蒜粒調味, 一口一隻超滿足。😋品嚐完串燒後老婆意猶未盡, 再繼續逛, 最後逛到戲都冇去睇。🙈Menu…查看更多

相信「駱駝漆大廈」對於一眾港人尼講絕對唔會陌生 有野買又有野食 一棟樓滿足哂兩個願望今晚豬小姐同朋友pooh pooh尼開餐 工廈裏嘅港式串燒吧？有幾港式先？環境闊落 風格簡單 至少比到人乾淨舒服嘅感覺食物選擇方面主要有2張menu 另外會有刺生及生蠔推介 就連海鮮盤都有？！ 不過海鮮盤索價偏貴 都係專心點下串燒算了燒白鱔串肉身夠厚 係啖啖肉嘅口感 可惜細骨比較多呢燒得乾身 但幸好有微量魚油溢出即時進行搶救相信加鰻魚汁一齊燒的話 美味程度會飆升墨汁墨魚腸係台灣特產 香港好少地方食得到唔好睇佢黑媽媽肉酸兼核突 顏值完全係負分 其實佢好有內涵架 墨汁肉腸包住彈牙嘅墨魚顆粒 表皮又燒得香脆 而家可以盡情回味一番啦燒茄子嘅perfect partner一定係蒜蓉無誤！茄子燒得夠軟身唔乾 加入惹味蒜蓉 絕配！但偏油係真嘅牛脷串真係同個名一樣好厚切 咬落肉質腍身卻帶有少許嚼勁 味道唔羶但肉味欠奉我認為沾一沾燒汁/海鮮汁頗為適合豬頸肉份量十足！係性價比高嘅一整碟！口感彈牙帶爽 燒至微脆口！可惜豬頸肉燒前無加醃料調味 嚼嚼下會發現味道漸失 要靠海鮮汁補飛澱粉質怪出沒注意！ 燒飯糰我地兩款都叫哂 Yeah！其實兩款飯糰都燒至燒焦 有飯焦嘅香脆！明太子加蛋黃醬夠開胃 蘑菇雞肉味道更濃更重 但餡料真係少左啲呀 如果可以爆餡就好了壓軸日本南瓜雪糕送到 雪糕用真南瓜外殼去盛載 kawaii呢！整個南瓜及雪糕似係急凍左一段長時間去保持冰冷 雪糕食到最後都唔會溶！入口先係淡淡嘅雲呢拿味 南瓜味在後勁湧出 雪糕質感幼滑重冰感 味道幾特別亦唔會太甜 似係充實誠意人手製作嘅雪糕工廈經常會發現新大陸比機會豬小姐去覓食！Where is the next？…查看更多

觀塘的駱駝漆中心呢幾年開左好多餐廳，見到有專串燒既餐廳比較少見，仲可以坐係到食！帶左肥仔去食～Menu有幾多choices, 仲唔算好貴。串燒即叫即燒，熱辣辣送上，燒得岩岩好。基本有三種調味料比客人點(豉油、鹽、泰式辣醬)粒粒墨魚丸$15墨魚丸內真係食到有粒粒墨魚，外脆內軟，推介墨汁墨魚腸$15這個一定要試！墨魚腸燒得十分脆，而且墨魚味重。成條黑色真係第一次見xd厚切牛脷串$38話明厚切，真係厚切！牛脷燒到可以用個爽字黎形容，牛肉味亦都重，推介芝士丸$15拉到絲架! 其實同打邊爐果d一樣。豬頸肉$38唔係一串串，但係燒到幾脆身唔硬。三文魚腩刺身$68唔係淨係得串燒，刺身都可以order！話明魚腩，當然係好肥美的，見到已經流哂口水雞軟骨$15咸左少少。鹽燒雞中翼$22兩隻鵝肝多士$68成舊鵝肝放落係件多士上面，一齊咬既時候真係好滿足。水果茶$48勁大杯, d生果好大粒。叫串燒應該一大班人食會開心d！見到仲有一兩個飯可以揀，如果多d就perfect!! Overall都燒得幾唔錯!見到係即燒,又唔駛係條街都排隊等。…查看更多