大街餐廳由Coca-Cola®呈獻

近排去咗迪士尼樂園玩 諗住試吓樂園入面好出名嘅大街餐廳 大家如果想嚟 記住一入樂園 就要攞定籌 唔知佢係咪真係咁好食呢😚👅地中海海鮮意粉配龍蝦汁 $218 （跟餐配前菜野菌忌廉湯）意粉嘅份量好多🤩佢有兩隻大蝦 青口同埋魷魚 大蝦都算爽彈 魷魚都唔會太靭😛不過佢嘅意粉有少少淋 口感唔係太好 龍蝦汁嘅味道都唔係好突出 同埋海鮮份量比較少 但係調味都幾好嘅 野菌忌廉湯都算creamy 仲要有米奇嘅樣喺上面 唔錯😋👅大街精選拼盤 $182 拼盤有薯條 雞翼 炸薯絲蝦 同埋炸洋蔥圈配泰式辣汁😝全部嘢食都熱辣辣 同埋炸得幾香脆 調味就正正常常🥰不過樂園嚟講算唔錯 👅𝐷𝑢𝑓𝑓𝑦’𝑠 樂悠悠 $98呢個係最推介俾大家食‼️佢唔單止有Duffy嘅樣 入面仲有三球雪糕 分別係朱古力 士多啤梨 同埋焦糖燉蛋雪糕 雪糕嘅味道都好好🤤仲有啲涼粉 椰果同曲奇嘅配料 夾埋一齊食好正🤩👅焦糖雪糕浮冰 $55 焦糖味幾突出 不過就有啲偏甜🙈總括嚟講 呢間餐廳喺樂園嚟講算唔錯😋仲可以對住城堡食飯 同埋職員嘅服務好好 好樂意幫我哋影相📸️用餐體驗算唔錯🥰大家不妨一試 不過呢度嘅冷氣超級凍🥶所以嚟呢度食嘅話記得着返件褸啦😝😋 好味：7.76/10🤑 價錢：7.23/10🤗 服務：8.32/10😝 環境：8.01/10😚 衞生：7.32/10🤩 整體：8.00/10…查看更多

身為迪士尼忠實擁躉，喺等緊再開嘅時候已經好掛住園入面嘅嘢食每次入去一係食火箭餐廳一係就係食呢間: 美國小鎮大街餐廳而且9成係叫以下呢兩樣地中海海鮮意粉配龍蝦汁海鮮有魚，青口，蝦同魷魚鐘意叫呢個嘅原因係覺得龍蝦汁同意粉真係好夾意粉軟硬適中，掛到汁海鮮入面最鐘意隻蝦每次都煮得啱啱好，夠彈牙不過疫情之後再去煮法好似唔同咗少咗好多龍蝦汁咁呢和牛芝士漢堡包配薯條漢堡會問客人幾成熟，每次黎到都會係我叫嘅5成熟好juicy，一切係粉紅色喺間又多肉汁唔係hea底勁薄硬屈屈嗰啲平時我會加埋煎太陽蛋不過疫情之後無咗customised加料希望之後樂園開番會有番自選加配菜疫情之後因為半數入座，等位要多好多時間不過登記咗電話號碼，有位會叫你15分鐘內入座餐廳嘢食偏貴，不過入樂園呢個價錢真係差唔多以上兩個主食算係性價比高啲(極力推薦焦糖雪糕浮冰):)…查看更多

去迪迪尼玩之餘，想舒舒服服坐低食餐飯，大街餐廳係其中一個選擇。·食物選擇唔算好多，不過種類就多元化，價錢大多都過百，入得樂園食飯都要預左呢啲價。·小鎮特色三文治配薯條 $152三文治是用上bagel ，有別於一般用方包，可惜個bagel都幾硬下，用刀切開都要用啲力，呢下要扣分。不過三文治餡料都幾足，而且薯條炸得都幾好食，都值番呢個價既。評分： 3.5/5·蛋包飯配蘋果汁 $112有小朋友同行的話，兒童餐幾乎係必叫。芒果布甸及西瓜造型，以至餐具都是米奇，幾色彩繽紛，都幾吸引小朋友進食，而且蛋包飯內既炒飯淡淡的，岩晒比小朋友食。不過唔知由廚房出菜到上檯邊一part趕時間，西瓜飛到去蛋包飯個邊，搞到蛋包飯有西瓜味，西瓜有蛋味！評分：3.5/5·地中海海鮮意粉配龍蝦汁 $198三樣食物中呢碟比較差，海鮮好似完全無調味咁，好淡，而且一啲都唔新鮮，食落就知係雪藏貨。蕃茄蓉搶晒味，完全唔覺有龍蝦汁，唯一可取係意粉幾彈牙，呢個價錢就唔多值啦！評分：3/5…查看更多

今日一家大b入Disneyland玩, 個park本身唔大所以lunch去返大街嗰間Corner Cafe都唔算太遠. 我地大概11點45分左右去到已經排左好長隊, 但等左30分鐘就有枱👍🏻.•野菌忌廉湯 (HKD65) 配松露油奶泡首先係細細杯忌廉蘑菇湯面面頭係Mickey造型嘅松露油foam, 好香松露同蘑菇味, 啖啖蘑菇加上濃忌廉, 令我地對一陣嘅食物好有期望.•日式吉列豬扒 (HKD198)吉列豬扒定食, 豆腐味噌湯, 飯, 炒蛋. 豬扒好厚切, 現炸得夠乾身起碼食嗰陣仲係熱的, 炒蛋顏色好似灰灰暗暗的, 可能燈光嘅關係？味噌湯清清地.•豬筋骨 (HKD269)好大件rib, 切到七件啖啖肉, 但竟然無味的, 可能照顧埋小朋友所以唔落seasoning? 但口感還可以, 微脆嘅表面, 豬肉都好易咬到.•燒春雞 (HKD218) 配美式燒烤汁首先吸引嘅係Mickey茄汁💕, 切開雞件點燒烤汁好惹味, 雞肉算係嫩滑, 皮燒到脆卜卜. 附送薯條🍟竟然有剩, 因為全部薯條都係炸過龍, 有好幾條仲燶到深啡色, 咬落硬到唔想食, 連最鐘意食煎炸食物嘅小朋友也不吼. •地中海海鮮意粉配龍蝦汁 (HKD198)海鮮有三文魚, 蝦, 青口, 魷魚好豐富, 賣相平平無奇嘅意粉, 竟然係成餐最好食的, 意粉充滿住龍蝦高湯味道, 口感OK彈牙, 蘆筍新鮮…查看更多

唔經唔覺，原來香港迪士尼樂園晌2005年9月12日開幕至今，已經將近10歲 。小弟唔喺迪士尼粉絲，同老婆入嚟玩，純粹輕鬆吓，我哋都好耐無入嚟，今次都只不過喺第二次啫。園內分開好多主題區，而每區都設有食肆或小食車，咁多間餐廳中，以晌「美國大街小鎮」主題區嘅大街餐廳口碑最好，正所謂有口皆碑 ，所以，食晏地點就揀依處，今次作為生日飯，點都要坐低慢慢嘆番餐，好好享受吓，亦希望同佢食好少少咁啦。雖然時值「迪士尼飛天巡遊」時間，仲諗住啲人去晒睇巡遊而無乜人排隊添，查實好多人都同我一樣咁諗，睇巡遊其次，搵餐晏緊要，所以，嚟到都已經有十多人排緊隊。不過，又唔算等得耐，都只不過等咗10分鐘，算幾快 。排隊期間做乜好，一就喺睇定有咩好食，侍應會遞個精簡版嘅餐牌俾你消磨時間；其次，咪就喺企定定睇巡遊囉，因為啲「花車」好大架，好高身，離遠都一樣望到。室內環境以美國小鎮嘅餐廳為藍本，地方頗大，樸實簡約，無浮誇嘅堆砌，帶有少少美式鄉村風格。另一邊玻璃屋，儼如一個小溫室，四同都喺大型玻璃窗，光線十足，感覺更開揚舒服，可惜未能安排坐晌依邊。雖然晌排隊期間都睇過個餐牌，但嗰個喺精簡版，餐廳內有個詳細啲、多少少嘢嘅。除有個亞洲特色推介（$188 +10%）之外，選擇分門別類為飲品、沙律、餐湯、小食及三文治、主菜、意大利粉、甜品，選擇唔叫得好多，但基本嘅都有齊。另外，如果想食套餐，有一款「大街餐廳可口可樂聖誕套餐」，其實就算唔喺聖誕，都會有不時換款，跟可口可樂創作嘅套餐，包前菜、主菜及甜品，賣$298 + 10%，但唔包餐飲，故覺得定價都偏貴，其實，晌迪士尼乜消費都高啦 :( 。 麵包籃隨即送上嘅麵包籃有兩款麵包，一款燕麥，質感粗身啲，但不失軟熟；另一款麥包則較香軟，搽點牛油，讓微暖嘅麵包將牛油慢慢化掉，簡簡單單。 茉莉綠茶 $40 今日戶外天氣都幾凍，點杯熱茶暖吓身，而且，可以沖幾轉「襟」飲啲。茶包採用帝瑪（Dilmah）品牌，小弟對茶唔太研究，印象中佢喺嚟自斯里蘭卡，事後網上查查，原來真喺甚具名氣，堅持以100%純錫蘭茶葉製作，絕無雜質。話時話，我哋都沖咗幾轉嚟飲都仲夠味，而且，唔會頭一杯濃，跟住就淡晒，茶味又的確幾香，幾醇和 :) ；此外，每杯飲品都伯附上一小件米奇黑芝麻曲奇，而店員亦都好主動，不時問問使唔使加熱水。 地中海素菜千層麵 $158 又千層麵，又全素，啱晒我老婆，但初頭睇餐牌時，真喺以為佢喺傳統所見嘅意式千層麵咁，一層麵皮，一層餡料，食落先知錯晒，但確喺好有特色 。「麵皮」只得底面兩塊，原來喺煎蛋皮，而唔喺千層麵皮，中間則一層層夾有好多蔬果，包括意大利青瓜、茄子、甜燈籠椒、菠菜、洋蔥，以酸香鮮活嘅蕃茄醬襯托，認真好味，喺一道既開胃，又飽到肚嘅菜式 。就連賣相都做得頗精緻，淋上忌廉，加樖小香草，好睇唔一定要太花巧！ 地中海海鮮意粉配龍蝦汁 $178 另一道主菜，睇中「老鼠」嘅推介菜式「地中海海鮮意粉」，賣相方面就肯定比千層麵擺得更靚，更有睇頭，如果稍加留意，會發覺啲海鮮唔喺亂咁堆砌，鮮蝦及露筍穿插於魷魚中間。除魷魚有3圈之外，其他海鮮都有兩件，所以，跟老婆可以一人一件樣樣試勻。青口及魚柳幾好味，當中嘅魚柳其實有兩款：三文同龍脷，不過口感唔錯嘅魷魚及蝦就鮮味欠缺咗啲，還好嘅喺麵條夠咬口，龍蝦汁底亦都出色。兩個人入嚟食，兩碟主菜，加杯熱茶都已經四舊幾水，如果想入嚟迤吓，享受吓個用餐環境，不妨考慮佢個「大街聖誕下午茶」，供應時間3:00-5:30pm，二人用都只需$298 +10%。打著迪士尼嘅招牌，服務自然無怠慢，上菜快，店員都殷殷勤勤；只喺作為樂園內嘅食肆，定價都明白會偏貴，而且菜式選擇唔太多，平時晌出面食嘢就食鋪租，晌度食嘢就食品牌 。…查看更多