堅信號上海生煎皇 (新都城中心二期)

下午溜出街吃下午茶，疫情下餐廳的生意很不錯，座位基本上都坐滿了。下午茶餐大約$30多，奉送一杯飲品。⭐️堅信號生煎包（4個）$28試一試這裡的招牌菜生煎包，生煎包熱騰騰，店員提醒要小心燙。我小心翼翼咬開，裏面的湯汁也隨即四濺，先吸湯汁，包子皮不算最薄，幸好底部煎得香脆，內餡肉料也很足。⭐️迷你蟲草花雲吞雞$18湯也足料，有雲吞、雞腿和蟲草花，天氣寒冷最適合補身。⭐️四川擔擔麵$32擔擔麵份量很足，麵條很多，湯頭不錯，很濃稠，沒有辣味，有淡淡的花生香氣。幼麵條吸滿湯汁入口很爽，不錯。⭐️桂圓紅棗水$6滋補飲品紅棗水，適合喜歡甜飲的朋友。…查看更多

原來新都城廣場多咗好多新食店，例如今日同女友食既堅信號上海生煎包。- 生煎包我哋當然要試吓招牌菜生煎包，表面脹卜卜，灑上芝麻更吸引。味道方面生煎包嗰皮好脆，湯汁非常澎湃，半肥瘦肉餡非常鮮濃。- 蒜泥白肉蒜味唔會太搶，不過略嫌白肉切得太厚。- 外婆紅燒肉菜飯紅燒肉不得了😍，每件都係厚切，燜得非常入味，而且肥而不膩，送飯一流，三扒兩撥已經食曬所有菜飯，值得一提既係飯粒非常煙韌。- 四川擔擔麵花生味非常突出，麻辣醬汁伴隨豬肉碎和蔥花，香濃惹味。自己偏向幼身麵條，堅信號採用既麵條口感似油麵。之前大部份新都城既餐廳價格都偏貴，住將軍澳既我都好少去新都城廣場食飯，不過堅信號既出現將會令我去新都城廣場既意欲增加。…查看更多

啱啱開張嘅時候成日見到門口排晒長龍，所以搵日午市嚟試，唸住如果好食就帶屋企人夜晚嚟食。一入到去已經覺得好迫，行過中間走廊要小心手袋會撞到坐係度嘅食客，多數都係四人抬隔開兩個兩個，同隔離好close。不過都要讚一讚服務幾好，有袋仔派嚟裝口罩，餐具係一次性但筷子好實正，上生煎包嘅時候仲會提醒小心熱會爆汁。回到正題，我係平日午市嚟食叫左個午市套餐：四川擔擔麵+生煎包2個+熱茉香綠茶一杯，如果要轉其他嘢飲就要加$2-$3。生煎包好快就上，雖然個面好似唔係幾光滑，賣相差左少少，但的確好熱同埋有好多湯汁係入面，其實去到見到差不多台台都會叫生煎包，就知道佢係必食招牌，唔會差得去邊。相比起招牌生煎包，擔擔麵就差少少啦，對我嚟講，個擔擔麵就淡左d，又唔辣，又冇乜花生醬味，同埋份量都唔係太多，如果係兩個人share嘅應該都有d尷尬，但都有唔少肉碎係面，總括而言算過得去啦，但如果你打算去食嘅話，我就唔建議你試擔擔麵啦…查看更多

堅信號係將軍澳開左分店，一直都好多人排隊，所以無食到。今日見無咩人就去食啦！今日有剛新出的酸菜魚，好想食，不過朋友唔食魚，所以無點。下次同其他人食先點啦！點了招牌菜生煎包，真係爆汁呀！好多汁，而且夠熱！建議先咬開個皮，試下個湯會唔會太熱先。另外點了四川擔擔麵。原本以為同一般上海店差唔多味，但這間的麵底好食，而且有好香濃既花生醬味，肉碎亦不少，不會好辣，一個人食剛剛好。朋友吃的酸辣麵比較辣，跟其他上海店味道水準差不多，都係酸酸辣辣，幾開胃。肉碎真的好多呀！好味！同一麵底不同味道。餐廳還有好多其他野食，外婆紅燒肉睇落都好吸引哦！最後埋單$105，兩個人食，不會太飽。如果大食既建議多點一兩個小食，或者食多個生煎包。…查看更多

Happy Friday..近近地同男友食個晚餐前排新都城開左間新野，堅信號生煎皇，間舖日日都好多人圍住，今次早少少黎試下不過呢個舖位有點細，大概有九至十台，但唔洗等好耐就入到。唔知係咪多人叫外賣，鋪仔細細但裏面樓面有五六個忙忙忙，但忙得黎佢地又好好禮貌招乎我地每個位玻璃位下都有食物樣每人都有個紙袋放口罩，可能疫情關係，堂食都係用即棄餐具堅信號生煎包生煎包睇落乾身，第一粒諗住篤開散熱，點知爆曬d湯汁流到成碟都係包底煎到好香脆，金黃色，包皮唔厚，咬落除咗湯汁爆曬出嚟，仲好香胡椒味，豬肉餡好好味，雖然係煎包，但食落唔油膩甜酸菠蘿咕嚕肉（全素）咕嚕肉外貌好似麥樂雞，脹卜卜咬落口感好似肉，”肉質”比較淋身，醬汁杰身，甜甜酸酸，好惹味，早知叫埋飯，送飯一流呢個素食味道高質..口感都有驚喜..超滿意四川擔擔麵圖文完全相符..超多肉碎蓋面，花生香味濃郁雖然餐牌有粒辣椒，但都係微微辣，麵底似係拉麵，同湯底十分match雖然湯睇落好Heavy，岩口味飲左好多..飲到以為食緊日式拉麵要飲晒湯底野食唔貴，埋單都係百零蚊終於知道點解間舖頭晚晚咁多人圍住等位/買外賣，真係可以again ..Btw真係好想講.. 呢條路舖位冇人幫襯絕對唔係位置問題, 明明就地鐵站一出行兩步就到, 人流又多, 就例如對面某飲品店/隔離前身某餐廳,明明處於人流高峯位但又冇乜人幫襯, 開左咁耐又會唔執先好野, 而家呢間既人流先係正常ma, 仲要限聚令下都有人排..開多啲呢d CP值高既食肆咪好囉..俾我哋TKO街坊多個好選擇…查看更多