羅勒印度餐廳 (七姊妹道)

印度料理擅用香料堆疊出來不同層次，每每總讓味蕾充滿驚喜，今次就來到位於北角的羅勒印度餐廳。餐廳面積不大，不過環境乾淨衛生，配上紅啡白主色調的流麗裝潢，瀰漫著濃厚的民族風。餐廳主打印度北部地方菜，曾於2012-2018年連續6年獲得米芝蓮推介。這裡由廚師到侍應都是南亞裔，不過餐牌亦有中文附註，點菜時也不怕會看不懂。樽裝水收費 $10一支。印度是世界上最懂得運用香料的國度，五味紛陳，令每道菜式洋溢著異國風情。炸⾹料胡椒餅 Fry Masala Papadum $28輕薄的脆片上撒滿了洋蔥、番茄、青瓜、辣粉等配料，夾雜酸辣脆的多重層次，清爽醒胃。咖喱角 Samosa $48Samosa是印度的家常小食，厚實外層用麵糰搓成脹卜卜的三角形，炸得香脆而不油膩。裏面包裹著飽滿的全素食內餡，主要以咖喱青豆薯蓉製成，香氣四溢。香草薯餅 Mix Vegetable Aaloo Tikki $48薯餅同樣是在北印度常見的小吃，主要是以馬鈴薯、豌豆與各種咖哩香料製作成小圓餅的形狀，再經過油炸固定成形。口感比平時的西式或日式薯餅更實在飽肚，綿密之中仍然保有明顯的顆粒感。天多羅燒雞 Chicken Tikka $128天多羅Tandoori指的就是用名為 Tandoor 的泥窯炭爐熏烤，利用對流產生高達攝氏數百度的熱力，以高溫鎖住香料和肉汁，上桌時仍是蒸氣騰騰，陣陣香味隨之撲鼻而來。雞肉烤成搶眼奪目的鮮明橙紅色，香料味道濃烈，辣度不輕，卻仍能突顯辣味上的豐富層次感，不是一味平板的死辣。牛油雞 Butter Chicken $104品嚐印度菜又怎能缺少烤餅，絕對是吃咖哩的搭配首選，撕下一片烤餅，蘸上咖喱汁，豪邁地一手放進口內。由於咖喱已跟牛油調和，質地濃稠順滑，平衡了辛香料的刺激，不像一般想像的印度咖哩味道較嗆口。雞肉煮得入味嫩滑，微辣中帶香甜奶香，辣度溫和，即使是吃不了辣的也會覺得容易入口。烤麥餅 Roti $20Roti就是沒發酵的烤餅，再直接以tandoor烤爐烤製而成，餅皮厚度較薄，口感較為紮實，帶著天然純粹的麥香。千層餅麵包飽 Plain Parantha $26雖然與Roti一樣不經發酵，但最容易令人分辨的是它的層層疊疊摺皺表面，層次更加分明，富有酥軟嚼勁。蒜蓉烤餅 Garlic Naan $32Naan 的麵糰會先經過數小時發酵，才放入印度烤爐tandoor烤焗，表面佈滿具有彈性張力的泡泡，富有蓬鬆空氣感，吃起來綿密煙韌，加入蒜香尤其惹味。…查看更多

相信很多香港人都喜歡食印度菜😋， 我亦不例外， 但想搵到一間正宗又好味嘅唔係咁容易😊， 今次介紹羅勒印度餐廳，位於北角七姊妹道7號昌輝閣地舖。 餐廳裏裏外外都充滿印度風情， 印度店員服務親切有禮👍🏻， 因為當日是中午時間，所以我點了兩個午餐🍽️，瑪沙拉雞肉配白飯$70、瑪沙拉羊肉烤餅$80、咖哩角$10、芒果乳酪$22、瑪沙拉茶$20。 📌是日餐湯🥣～ 酸酸地，味道幾開胃。📌咖哩角🥠 ～ 跟餐點了一隻試下，咖哩角香酥外皮，印度香料內餡，再沾上醬汁😚，香口惹味。 📌瑪沙拉羊肉配烤餅🥘🫓 ～ 瑪沙拉醬汁非常濃郁， 香辣甜的層次都做得很好， 羊肉入味又軟腍， 烤餅Naan口感柔軟又有嚼勁😋，真是美味到不行。 📌瑪沙拉雞肉配白飯🥘🍚 ～ 瑪莎拉絕對是印度菜的靈魂， 醬汁以多種印度香料而成的， 味道層次非常豐富再加上雞肉嫩滑🤤，很美味。 📌瑪沙拉茶☕ ～ 是香料茶，混合各種香料的茶飲，喜歡印度風味香濃獨特。 📌芒果乳酪🍹 ～ 印度飲品裏面除了拉茶，第二喜歡就是Mango Lassi，芒果的甜味和乳酪融合在一起，酸酸甜甜，好正呀！  整體而言羅勒印度是一間非常正宗的印度菜餐廳👍🏻， 價錢親民， 推介給喜歡吃印度菜的朋友。 🏷️溫馨提示～ 整個用餐體驗均屬個人分享意見， 只作參考😊。 …查看更多

小女子都想試下呢間米芝蓮印度菜好耐喔我地嗌左個2人套餐，烤雞串烤牛肉都表現合格，咖哩角好好味喔，餡料超多超香馬沙拉蠔咬落鮮甜多汁，咖哩牛肉瑪拉雞肉同埋咖哩雜菜份量份量偏小，咖哩汁好味，唔會太傖，配埋烤餅，就係天造地設嘅一對嗌左個Dhai Puri做甜品，乳酪味道酸酸地，中和返主菜嘅濃烈味道價錢合理，而且侍應都有禮貌…查看更多

落雨天又凍凍地，就決定黎呢到試下米芝連推介既印度咖哩😬。係門口望入去都係得兩三枱人，而且好多位，所以唔洗等就入得。環境：食物：1.咖喱角冇記錯38$有3隻，隻隻都好足料，入面會有薯仔，食落堅有咖哩料，唔係得個講字，微辣，可以點返隔離既醬。綠色係薄荷醬、紅色好似係甜酸？2.咖喱雞一碟入面都有幾多雞肉架，食落唔會太辣，但感覺就普通左D。3.薄餅就咁食係冇咩味，沾左咖哩食會好好多，但個人認為個底食落有小小苦苦地╮(￣▽￣"")╭仲嗌左個白飯不過冇咩好影啦😂唯一特別既係唔似我地平時食既飯咁會痴住，佢係一粒粒咁分開，有種炒飯既感覺。服務：尚可，入座既時候要舉手先比餐牌。整體黎講，冇預期中咁好食，都係普通，比較鍾意食之前寫過既另一間鋪頭。但咖哩角可以一試。…查看更多

男友知道我愛吃印度咖哩，因此周年慶祝第一餐就訂了這裡吃，我看看openrice才知道是米芝蓮餐廳呢！(也就是米芝蓮美食之旅第一站哈哈)晚上七時到達還沒有坐滿，本身被安排坐在店中間的桌子，好像欠了些privacy，所以跟印度籍店員說我們是有訂位的，他就很樂意地叫我們坐靠牆的卡位～首先必點的是Samosa(咖哩角)，因為我有做功課，看過食評大家也讚這個好吃，而事實上我們真的看見差不多每組客人也有點呢！味道真的不錯，外皮厚實，質地近似fortune cookie，裡面還有滿滿的各種豆子，我喜歡～還附上兩款印度醬料，有我最愛的薄荷醬，還有另一款是暗紅色甜甜的，味道似是無花果醬～香草咖哩羊肉：咖哩味道好，不吃辣的男友也能接受，羊肉共有六塊，兩人吃剛好，而咖哩汁更足夠沾兩盤薄餅呢！芝士烤餅：看起來中間的確夾了一層白色的芝士，但吃下去卻沒什麼芝士味…洋蔥烤餅：有驚喜！裡面全是洋蔥粒，喜愛洋蔥的朋友一定很開心，而且伴著咖哩吃味道更配！唯一稍嫌餅皮有點油膩，我用紙巾吸掉油份就沒問題了～香料胡椒餅：餅烤得香脆好吃，上面鋪著三色椒粒，灑上辣椒粉，好惹味！Salted Lassi：之前在印度餐廳喝過之後就很喜歡，就像帶點鹹味的yogurt一樣～總結，全部菜式都不錯吃，還看見有印度籍客人光顧～而且價格相宜，CP值相當高，如果我住在附近一定常來吃呢！…查看更多

雖然「羅勒」貴為米芝蓮推介餐廳，但因為個人本身唔喺好信啲乜乜指南、乜乜雜誌推介，所以，今晚同親友嚟到食飯，都喺聽啲相熟嘅食友介紹，價位唔高，又夠正宗 。餐廳位處北角地鐵出口則，非常方便。甫進入餐廳，印度風情唔算好強，但換嚟卻喺有股氣派、華麗嘅裝修，全場都喺布梳化椅，讓人坐得舒服。而最有印度嘅象徵，當然喺一眾印度藉嘅員工啦！佢哋無免費清水供應，所以，要飲就要開枱上支維他蒸餾水，盛惠$10。翻開餐牌，第一樣嘢見到就喺店家獲米芝蓮連續兩屆嘅推介餐廳封號，有無機會更上一層樓，就要拭目以待。餐牌內嘅菜式，以類別劃分包括有小食、印度丈炭燒鐵板、雞類、羊類、牛類、海鮮類、咖喱素食、印式烤餅、飯類、印式甜品。而飲品則印晌另一頁餐牌上，有唔少餐酒選擇，啤酒、汽水、果汁、奶昔都有供應，當然印度飲品自不然唔少得。睇勻餐牌，二人套餐就最划算（$278 + 10%），連埋加一都喺三百多啲啲就有前菜、主菜、印度烤餅、印度飯，餐飲更包埋泰象啤或印度乳酪特飲 。前菜喺一碟過一拼送上嘅咖哩角及香燒雞。 咖哩角 三角錐體嘅咖喱角喺常見嘅印度小食，通常都喺包住薯仔、蔬菜、青豆之類，唔似我哋港式咁包吓肉。咖哩角炸得香脆唔油膩，咖喱嘅香味嚟得含蓄，惹味少少，可以沾一點薄荷乳酪醬，味道更清爽。 香燒雞 即喺天多尼烤雞，印度菜常見嘅燒烤菜式，取雞脾位，以多種香料、乳酪醃製，夠晒入味之餘，肉質又嫩，加上火候控制好，外層帶點焦香；並已經一開二，方便二人分享，記得有朋友打趣咁講，天多尼烤雞就好似我哋斬料咁家常嘅菜式。 瑪莎拉羊 記得有位食友講過，瑪沙拉喺混合多種具芳香性嘅香辛料所做，喺印度料理嘅萬能香料，用咗瑪沙拉煮出嚟嘅羊肉，會變得香而不羶，加上少少辛辣，刺激惹味；而啲羊肉煮得好夠腍，果真羶味唔重（其實，小弟喺食得羶嘅），至於個汁底稀杰度啱啱好，香味有層次，無論撈飯，抑或搵烤餅蘸，同樣咁正 。 什菜咖喱 咖喱內主要都喺啲椰菜花、什菜之類，個咖喱無瑪莎拉咁香，但同樣幾濃郁，而辛辣度不惶多讓，以烤餅伴住嚟食就最好不過。 蒜蓉烤餅 一客烤餅有4大件，淨食會帶點蒜香，蘸咖喱唔使多講就梗喺一流；仲有記得趁熱食，否則，一攤涼就會變韌，無咁脆口。 印度炒飯 啲印度米最大特色就喺幼身修長，飯質黏黏綿綿，個炒飯又做得乾身，加入咗少少香料煮，但點都喺撈埋咖喱食最正斗！瑪莎拉羊及什菜咖喱嘅汁底確實好味，撈埋個印度炒飯都仲有剩，一於追加多一客烤餅點盡佢。烤餅嘅味道有好多選擇，如千層餅麵包、乾果椰子烤餅……，我哋就想試試個黑松露烤餅，因為見佢唔貴，只賣$28。 黑松露烤餅 $28 烤餅之上見到點點黑松露醬，下嘅份量唔多，但仍散發出點點幽香。先淨食，烤餅依然入口外脆內韌，而松露味屬隱約含蓄，不過，之後沾上咖喱就明顯會冚咗，所以，如果點依款烤餅，小弟覺得一啖烤餅，就一啖羊肉或什菜，唔好直接沾上咖喱。 芒果拉昔 當然講嘅唔喺美式雪糕加落牛奶度嘅奶昔啦，印度嘅芒果拉昔（Mango Lassi）喺頗出名嘅特飲，單單只用鮮芒果肉跟乳酪打成，芒果味香濃，滲出乳酪嘅酸香，味道討好，甜與酸都夠平衡。不過，加咗冰，飲到尾段會走樣。羅勒做嘅咖喱真喺確有一手，如果唔喺都唔會連碟底嘅汁都撈埋，再者，難得貴為米芝蓮推介嘅餐廳，定價都仍然好親民，就算主餐牌散點菜式，亦都唔貴！…查看更多

於北角晩飯, 試咗印度菜-羅勒印度餐廳, 位置相當易找, 就係北角地鐵站七姊妹道出口. 餐廳外觀及装煌非常有印度色彩, 原來此乃米芝蓮餐廳 咖哩角一份3隻, 炸得香脆可口不油腻, 但皮略為厚及有少少“粉”嘅口感, 内裡為小粒狀的咖喱豆及薯仔蓉, 配以跟上的綠色乳酪薄荷汁(放心, 薄荷味只是淡淡的), 好味左上: 印度炒飯 中下:咖哩雞 右上:蒜蓉naan印度炒飯: 當然用印度米造啦! 白白黄黄、長長幼幼身的, 狀似切碎了的米粉, 飯炒得夠乾身, 看似不油贰, 但食落則有點油感, 較為淡口, 能配以咖哩汁則更好味.咖哩雞: 雞脾肉件滑不“嚡”口, 咖哩汁内椰汁味較濃而不太辣 (因本人一向不喜只是死命辣的咖哩), 適合配以飯或薄餅來食呢!蒜蓉naan: 上枱時熱烘烘的, 不會太薄身, 薄餅上可看到少少油光, 香口, 惜蒜味淡了些, 薄餅就當然要配咖哩汁食啦.…查看更多

這夜又來到了北角晚餐，為的就是一份經已一拖再拖、早在二月中時已買落的團購餐。踏誰這家吃印度菜的羅勒餐廳，沒有很印度風的裝潢，沒有印度音樂，給人的感覺就是一家有印度菜吃的西餐廳沒差。由於是團購餐，所以不用煩惱吃甚麼，要做的只需要乖乖等吃便是了。是日餐湯十道菜的團購餐，打頭陣的有番茄湯。看上去雖然沒有丁點像羅宋湯航的番茄或蔬菜，但喝起來除了有香濃番茄味外，竟然能感受到絲絲牛肉的香氣。或許只是味道相似，但的確的不錯吃的餐湯。咖哩角及皇室雞串擺碟算具水準的前菜小食，不說是團購餐還以為是主餐牌的貨色呢。經香料醃製後烤熟的皇室雞串，味道辣中帶甜，雖然雞串有點過韌，但蘸了點薄荷醬後感覺也算清新。至於包裹了土豆蓉的咖喱角，微微的辣味挺香口，令人回味！辣椒香蒜烤生蠔平時吃烤生蠔，十之八九都是蒜蓉或芝士，而這客烤生蠔加了辣椒後風味無比，辛辣味及蒜香的平衡恰到好處，即使感覺不像是印度菜，但其味道也是值得推介的！青口咖喱鋪滿咖喱汁的青口，辛辣之中仍然吃得到青口的鮮味，惟咖喱汁的比例略鎌偏多，辣度未必人人接受。這個套餐雖有三道主菜，分別是咖喱薯仔椰菜花、烤雞咖喱及印度牛肉咖喱。三種主菜，三種咖喱，出來的卻變成了美妙的咖喱三步曲。咖喱薯仔椰菜花三道主菜以這道咖喱椰菜花較味淡，建議先吃。吃起來咖喱帶甜，配合蔬菜同吃非常合襯。烤雞咖喱接著可吃咖喱味較香濃的烤雞。辛辣程度適中的咖喱雞，細味時感覺多了一層香料味，較平常吃到的咖喱雞感覺滋味。印度牛肉咖喱最後才嚐最辣的牛肉咖喱。這份咖喱較烤雞多了一分辛辣，少了一分咖喱香，但牛肉肉味香濃，最重要是牛肉夠嫩，三步曲之中最喜歡！黑松露烤餅一邊吃主菜，我們一邊也吃著這個黑松露烤餅。請恕我孤陋寡聞，加了黑松露的印度烤餅不單單是第一次吃，聽還是第一次。烤餅質感夠軟熟，光是吃烤餅感嚐到淡淡的黑松露味，倒是不錯吃。不過當我們嘗試蘸些咖喱來吃，黑松露的香氣立時被掩蓋。想吃黑松露烤餅還是咖喱烤餅，便任君選擇了。凍蘋果餡餅這道甜品就是在一片圓拱形的微溫脆片上放些蘋果料及雪糕，一凍一熱，一口一粒，實在不夠吃！印度馬沙拉茶選了像較有特色的馬沙拉茶，其實就是印度版的奶茶吧。大致跟港式奶茶相似，少了一點奶滑，多了一份香料，個人來說不太喜歡。之後回看團購餐單，發現原來除了烤餅，還有印度脆餅及白飯，看來是要主動問職員才有的呢，可惜！總的來說，這家餐廳的菜式味道也挺不錯，而看著主餐牌的價錢也算適中，大概人均消費$100左右，值得找天再來試吃。(雖然北角真的有點遠)…查看更多