一汁一菜 (創紀之城五期(apm)) (已結業)

一汁一菜 湯+一品料理+日本米飯🍱 ($69)湯揀咗北海道產甜粟雞肉豆乳濃湯🍲，粟米湯味道非常濃郁，但完全唔會似味精feel個隻粟米濃湯🌽 湯亦都好足料，有大大粒雞肉粒、紅蘿蔔同埋西蘭花🥦 飲落口感好豐富，而且外賣返到屋企飲都仲係暖笠笠🔥一品料理揀咗蕃茄菠菜芝士雞卷，蕃茄味好出，反而芝士味同菠菜味唔算好突出，食落酸酸甜甜，用黎配飯食都幾開胃🍅雞卷口感都幾嫩滑結實，配埋蕃茄醬食，唔知點解有少少似食緊魚嘅感覺🤣 而日本飯嘅軟硬度啱啱好，而且飯量睇落唔多，但其實同平時一碗白飯真係差唔多量🍚和風蕃茄雞肉咖喱飯🍛（$59)餐廳有兩款咖喱可以選擇，一款係濃香牛肉野菌咖喱飯，另一款係和風蕃茄雞肉咖喱飯，見後者寫住期間限定就叫黎試試❣️ 味道其實似好溫和嘅咖喱加咗蕃茄醬味，味道係好輕微好輕微嘅辣🌶 而且係帶啲酸甜酸甜，又估佢哋唔到兩者係幾match✅ 雞肉食落都係滑嫩滑嫩，唔會好韌，整體黎講餐廳烹調嘅火喉溫度都調製得唔錯🍳另外可以加20蚊追加一品料理，試咗油揚豆腐黑豚薑汁燒🌟 見佢有個人氣icon，估唔到真係有驚喜，啲油揚豆腐吸哂燒汁，食落口好濃郁嘅燒汁味，加埋都係好入味嘅黑豚肉，配飯食一流😋…查看更多

店舖只做外賣，鋪面簡單，整潔，光猛。望入去處理食物嘅位置都乾淨企理，幾衛生。就咁望Menu外賣黎講少貴，但食完都明白佢價值。外賣盒厚身圓筒形紙杯，配潔白外賣紙袋，感覺都好日系。食物選擇唔多，飯既款式兩個，店舖主打既濃湯就有7款。✨味道75分，環境80分，服務80分，價錢中上。.🔷湯+咖喱飯餐 ($89)🔸櫻花蝦雞肉丸濃湯($49)⭐️唔係講笑，個湯濃到望落似係一個有汁既餸。十分足料，除左有一堆櫻花蝦係後尾加，湯有面有啲雜菜，兩粒雞肉丸，湯好稠身。飲落好香，好thick，飲完都飽左一半喇。.🔸濃香牛肉野菌咖喱飯($59)微辣，牛肉咬落稔身，一啲都唔韌，薯仔，紅蘿蔔，野菌都稔哂好入味。咖喱汁好濃稠，足料，有啲肉碎。.🔸和風蕃茄雞肉咖喱飯($59)少許微辣，微酸，冇牛肉咖喱咁濃味，雞肉好大嚿，估唔到肉質都幾嫩，咖喱汁相對稀身少許。.🔸野菜沙律杯(+$10)沙律有唔同層次，唔同嘅蔬菜，紫椰菜，青瓜，紅蘿蔔，羅馬生菜，奇異果，配酸酸哋，幾開胃嘅日式沙律汁。…查看更多