犇道 Chef Ben- Cafe & Steak Bar (弦海) (已結業)

同小朋友係附近公園玩完，行過見到呢間餐廳，望下餐牌同環境都吾錯，入去試下啦😀入到去餐廳環境係吾差，裝修好新正，牆上仲有架單車做裝飾，影相打卡一流，餐廳老闆俾人感覺係文青類型，睇裝修同設計都充滿著文青味道，里面感覺舒服衛生😊落單可以叫職員落或者掃code落單，職員服務好，耐心講解今日推介，職員亦即叫即到，有求👍🏻我地兩個大人帶住一位小朋友，兩個大人分別叫左一set和風全日早餐同香橙黑啤番茄醬燴荷蘭乳牛膝配藜麥飯，小朋友叫左兒童餐。黎到先知有兒童餐可選擇，咁真係幾岩親子黎食，加上附近有個遊樂場，小朋友知道有兒童餐食好開心好期待，兒童餐食物有日式煎蛋捲，蘑菇釀雞翼，薯仔沙律，迷你櫻花蝦飯糰，雪糕另上，蘋果汁，好豐富，餐盤設計可以吸啜住張檯，不易推翻，好適合小朋友😊和風全日早餐有牛角包，日式煎蛋捲，日式年糕串，章魚小丸子，日本漢堡扒，麻醬菠菜，薯蓉沙律，炒雜野菌同沙律菜，亦係好豐富，大大份好滿足，一定夠飽，每樣食物都好好食，食物質素吾差，仲好高質，蔬菜同肉類都整得吾錯，真係好耐無食過咁好味既All day breakfast😋香橙黑啤番茄醬燴荷蘭乳牛膝都係用正黎形容，食得出濃濃的蕃茄味同帶點橙的酸味，酸味黎講都恰到好處，不過多，好特別，之前未試過呢種味道，但吾錯呀😋 呢個餐仲有支棒棒係用黎不牛膝嘅骨髓食，idea幾好，真係要試試！位置距離龍逸邨同龍門居相當近，附近有巴士或輕鐵到達。下次再黎附近玩，會再幫襯😊…查看更多

今日同個屯門朋友食late lunch🍽，佢話佢屋企附近有間好正嘅cafe，咁就梗係要去試吓啦。我哋叫咗和風全日早餐🍡🥗🥐、日本唐揚炸雞蛋包飯🐓🍳🍚🍛、炸薯條配松露醬🍟同兩杯凍朱古力咖啡☕️。1️⃣ 和風全日早餐裡面有日本漢堡扒、日本煎蛋卷、東京湯章魚丸、日本年糕串、麻醬菠菜、薯蓉沙律、炒雜野菌、沙律菜同牛角酥。真係好豐富嘅早餐！特別鍾意漢堡扒，多汁肉嫩。日本年糕串都好食，煙靭可口，我最愛嘅質感。2️⃣ 日本唐揚炸雞蛋包飯哩個我同朋友都覺得非常好食。黑咖哩汁好香好濃郁，惹味開胃，餸飯食好正。炸雞都炸得好香口酥脆，略嫌炸粉有少少厚。3️⃣ 炸薯條配黑松露醬薯條份量好多，多到我哋食唔晒。黑松露醬好香濃，每一條薯條點上一大擗嘅醬，真係人生一大享受！4️⃣ 凍朱古力咖啡相對地有少少失望，無乜咖啡香味，朱古力味亦比較淡，味道啱啱合格。特別要讚賞女職員嘅服務，友善親切，殷勤周到，100分👏🏽。…查看更多

2022.5.17九龍人第一次乘車去屯門龍門居，到弦海的犇道💛店內環境舒服，投影機螢幕播放著輕鬆的外國音樂🎹🎤在落地玻璃看著屯門河單車道🚴附近人來人往，不過是平日，餐廳不多人，可以靜靜地進食。••••••••••••••••••••| 是日廚師發辦牛扒配薯菜 $168 |🥩今天的牛扒是牛腹外盤邊肉，要求三成熟，肉味濃有肉汁，不用點醬。配菜很多杏鮑菇，夠入味。薯條大條夠脆，最好加點鹽和黑椒。| 套餐加配 - 芝士忌廉焗菠菜 $28|🧀🥬整碟偏咸，芝士夠香。| 和風全日早餐 $128 |日本漢堡扒、日本煎蛋卷、關東湯章魚丸、日本年糕串、麻醬菠菜、薯蓉沙律、炒野菌、沙律菜、牛角酥🍡個人比較喜歡年糕串很煙韌，🥬麻醬菠菜味道很配🥐牛角酥香脆。反而不太習慣有湯的章魚丸，章魚丸較粉，其他正常發揮。| 加配-是日濃湯&麵包 +$18 |🌽忌廉粟米湯很濃郁，小片麵包有蒜蓉香。| 跟餐-凍柚子茶+$3 |🥤分量正常，不會好似凍檸茶的分量般多。| 跟餐-凍檸茶+$3 |🥤照片看不出來，分量十分驚人，應該是用啤酒杯？等於一般餐廳的兩杯分量。••••••••••••••••••••店員很友善，地方又乾淨。第一次來覺得很驚喜，碟碟都很有分量，CP值高❤️今次無緣試到M4+澳洲特級穀飼西冷扒，希望下次來會有新菜色。…查看更多

趁復活節假期拎多幾日大假，無得去旅行周圍搵野食。今日去到屯門弦海樓下犇道試一試，入座有窗口位，對住河邊食飯加埋舖頭新開無幾耐，感覺都幾chill。今日兩公婆叫左：和風全日早餐 $128好足料，每樣少少，加埋都食到好飽是日廚師發辦牛扒 $168牛扒7成熟 入面仲粉嫩 好有牛味 薯條勁脆凍檸茶超級大杯 仲可以無限添飲 不過我地飲左一杯已經夠皮另外仲叫左個玄米桂花茶，好有花香味😂最後甜品仲叫左心太軟，朱古力味香濃，可惜唔太流心下次去開屯門可以encore!…查看更多

04.04.2022 星期一犇道 (弦海)今日放假，終於可以試位於弦海的犇道。之前想試很多次，不是沒開門，就是時機不對。今早一直等，終於等到十一時後在外賣平台叫午餐，而且滿一百五十元有八五折。餐牌上有早晨套餐、全日早餐、午餐套餐、小食，飲品等，食品及飲品選擇不少。和風全日早餐包括日本漢堡扒 、日本煎蛋卷 、日式士佐炸豆腐 、日本年糕串、麻醬菠菜 、薯蓉沙律 、炒雜野菌 、沙律菜 和牛角酥很少見有日式全日早餐，很有新鮮感，整個餐很豐富，吃得很飽；起初有點猶豫，因為價錢都不平宜。$148，幸好今日平台有八五折，跟堂食差不多價錢。漢堡扒很厚，煎蛋卷無甚特別，炸豆腐淋了有點可惜，年糕串不難吃，只是不彈牙，過於軟身，其他配菜還可，牛角酥很大個，牛油味比較重，外賣來說不錯。整個和風餐不錯不失，只是較有特式，但外賣來說不是特別好吃，可能堂食會好些。Latte $21咖啡味重，偏苦。日本吉列豬扒蛋包飯（黑咖喱汁）這個無論賣相和味道都令人很滿意，一打開外賣盒蓋，已傳來陣陣香氣，食起來味道很濃，加上滿滿咖喱及蛋香，實在很美味。凍柚子茶沒有太多冰，不會太甜，不錯。對和風全日早餐期望過高，難免有一點失望；反而日本吉列豬扒蛋包飯配黑咖喱汁出乎意料的好吃。疫情過後想到餐廳試試，可能會更佳。…查看更多

隨著新樓建成，龍門居附近除咗有小食，仲多咗好多隱世餐廳。犇道由龍門居一間小店，搖身一變，變成對住河邊嘅和式西餐廳。餐牌都隨之然變咗好多，冇咗以前鍾意食嘅慢煮丼飯，多咗西式元素，例如包、All day breakfast。近來努力學習緊擁抱轉變，抱住一試嘅心態，分別點咗和風全日早餐、法式洋蔥醬烤牛扒意大利包配薯條同忌廉黑松露雜菌意粉。我同朋友們都第一次食和風嘅All day，對呢個都大讚！價錢係貴少少，但係好豐富。除咗較常見嘅牛角酥、沙律菜、炒雜野菌、薯蓉沙律之外，仲有日本漢堡扒、煎蛋卷、日式土佐炸豆腐、日本年糕串、麻醬菠菜。每樣配件都好好味，有心思咁整。牛角酥係自家製，唔油膩，好鬆化。煎蛋卷好有蛋香，中間夾雜蔥香，整體口感似玉子燒。漢堡扒好大件，一切4 share食。日本年糕串鹹鹹地嘅醬油配埋甜甜地嘅年糕，鹹甜鹹甜好惹味。冇諗過係All day 見到日式土佐炸豆腐，好特別。朋友覺得法式洋蔥醬烤牛扒意大利包有驚喜。轉左形之後一大主打係牛排。烤牛扒包唔會馬虎，煮到五至七成熟。洋蔥醬同牛扒好夾。點三文治或者包係薯條任食，我地encore左一次。除咗薯條任食，一般冷熱飲品都係任添架。但係完全做唔到呢一個服務，因為飲品係以500 ml Hoegaarden啤酒杯上。忌廉黑松露雜菌意粉正常發揮。一撈忌廉汁，就有一陣陣黑松露香氣散發出來。每條意粉都掛上忌廉汁。溫馨提示要加是日餐湯！$18 有埋是日餐湯同埋餐包。今日好好彩，是日餐湯係海鮮湯，入邊有好多粒彈牙龍蝦肉。犇道改變咗好多，從規模、菜色、環境都黎一個大翻身。適逢疫情冇咗堂食晚市。無論係主動嘅改變定被動嘅適應，好欣賞佢哋嘅勇氣。…查看更多