吉豚屋吉列豬扒專門店 (已結業)

今日放假難得晏少少起身，食完早餐通常都係會skip 個午餐，做完私人野去新都城行吓，順便搵個下午茶 hea，無意中發現呢間「吉豚屋」嘅下午茶非常非常抵食，入去試試睇下質數如何🤔平日下午茶1400-1800，周六日就14:45-1715，價錢由$38-$50包飲品，唔只汽水咖啡咁簡單，仲有幾款特飲選擇，冷熱都得，另外仲可以用$5追加一件炸蝦，呢個價錢真係冇嘢講😍😍😍🔻吉列豬扒定食豬扒大大件，面包糠面非常鬆脆，豬扒肉亦非常嫩，炸蝦都一流，味噌湯味道亦唔錯，裡面仲有豬肉片，加埋杯炭燒咖啡全 set都係 $45，真係冇嘢講😃🔻鐵鍋唐揚炸雞咖喱烏冬咖喱烏冬個湯底好香濃，裡面仲配有薯仔、洋蔥、紅蘿蔔及豬肉片，雞件炸得香脆肉嫩，呢個 set仲平啲只係$40，好過自己煮🤣呢度嘅下午茶真係抵食到不得了，而且份量唔少，食完佢真係晚飯都可以食啲水果就算😅…查看更多

當一個人搵野食既時候 自自然就吾捨得食d獨貴既野 係將軍澳咁多個商場行來行去 吾想吃food court 又想吃日本菜既時候 就比我見到 原來將軍澳都有開吉豚屋 係旺角就吃得多 呢邊真係未試過 於是決定進去一試我叫的是吉列豬扒定食 一坐低既時候侍應先比左杯水我 叫左餐後等左一會d野食好快就到了 由於個盤比較大既關係 個侍應好細心咁幫我執好d位 先講個湯 佢個湯並吾係一般日式定食既面豉湯 而係有豚肉同各式蘿白煮成既湯 吾濃吾淡 好香豬肉味 飲一啖湯 扒啖飯 真係人生一大享受第二就係豬扒啦 佢有放椰菜絲係底去令塊吉列豬扒冇咁油 但我每次都會配埋佢既麻醬吃埋 而豬扒佢係新鮮岩岩好整出來 脆得黎有口感 點埋豬扒醬吃係一流 佢既飯係用日本珍珠米整 吃落粒粒米飯香 絕對係我杯茶 吃過日本米既大家相信會明白我講咩60蚊左右 有咁既享受 絕對超值 …查看更多

吉列豬扒其實食過好多次，去吉豚屋卻是第一次，看食評，好評不少，於是親自去試試。去到店大約6點50分， 一支公不用等位，叫了吉列豬扒定食。豬扒炸得夠脆，份量夠多，但偏硬，不夠鬆化，味蹭湯材料豐富，有紅蘿蔔，白蘿蔔，豚肉，洋葱等等配料，值得一讚，但是太油，味道還可以接受。最抵讚是 豬扒醬不會太咸，帶點酸香， 比起勝博殿還要好。 以100 元都不用的價錢來看， 已經算不錯了。 當然對豬扒要求高的朋友就未必接受到了。總括而言，不論價錢還是味蹭湯還是值得一試。…查看更多

日式吉列豬扒喺香港屬高級料理，炸得金黃鬆脆豬扒長期不乏捧場客，但真正做得出色嘅名店屈指可數，雖然人均消費動輒三，四百蚊，依然係人龍不斷。今日到新都城買嘢，肚仔餓閒逛搵嘢食，下午茶時間普遍餐廳都大把位，瞄到有間舖食吉列豬扒，所費無幾已經有份定食，就去試吓。TEA TIME嚟幫襯即時變咗VIP,侍應多過客，店內裝修似模似樣，都係以木傢俬為主調，㕑房設計成半開放式，整齊乾淨，雖然客人不多，但員工仍然各司其職，專業精神可嘉。既然有心試吓佢哋實力，點咗吉列豬扒定食同咖哩吉列豬扒飯。吉列豬扒定食-$45定食包野菜豚肉湯同白飯，上枱時心中暗喜，造型同餐牌一樣，秉承日式料理嚴謹嘅作風。豬扒炸得乾爽脆身，但我最擔心咁厚身豬扒，會唔會外脆內生？一啖咬落去，麵包糠鬆脆，外脆內軟，豬扒熟透而腍身，食落無渣，餐廳豬扒汁亦都同名店無分別，甜酸鹹兼備，令豬扒食落無咁熱氣兼開胃，成個餐計埋飲品加一都係$53!真係開心大發現。迷你吉列咖喱豬扒飯-$35日式咖喱有別於星馬泰及印度咖喱做法,唔會有椰汁花奶,入口偏香辛辣，少甜味。今次個咖喱飯除了豬扒同樣出色，飯粒同樣煙韌之外，咖喱汁香辛味攻鼻，香味四溢，濃郁咖喱汁混和軟熟米飯，比諸IZUMI亦毫不遜色。但如果可以加點菜蔬，例如甘筍或粟米，增加口感同蔬果清甜味，效果更好！但如此黏糯米飯配杰身咖喱，已經係高於平均水平。食完兩份高質吉列豬扒，見咁抵食，意猶未盡，再點多份三文治,同補飛叫吉列店另一項指標-吉列蝦，試多次佢哋嘅實力。吉列豬扒三文治-$35組合好簡單，就係炸豬扒，生菜絲，再用麵包夾住嚟食。我再加啲豬扒汁，好食過澳門豬扒包多多聲。吉列蝦-$8一上枱造型精美，蝦身完全地被麵包糠均勻包裹，色澤金黃，輕嚼一下，同樣乾身鬆脆，蝦肉新鮮彈牙，如果蒙眼測試，我點都唔信以區區$8可以食到呢隻蝦。如果唔係飽到上喉嚨，我肯定再添食。今次僅僅以平均$50一個餐嘅價錢，可以食到有如名店出品，心理上已經賺晒，如果店舖可以增加一啲甜品選擇，肯定更加完美！一睇OPENRICE,先知原來吉豚屋已經有7間分店，但以呢個質素同價錢，性價比甚高，希望其他分店一樣有咁高質素，以後食吉列豬扒唔使咁肉赤啦。…查看更多