丼吉日式吉列豬排專門店 (新城市廣場一期)

我很少選擇吉列食物, 一來怕膩滯, 二來如果食店烹調不佳, 整餐都會很受罪。這次光顧, 主要見這店食評不俗, 而且很久沒吃日本菜, 一於挑戰。餐廳座位寬敞舒適, 每枱設有消毒殺菌用品, 方便食客使用。午市定食選擇不少, 首次光顧, 一於試其吉列豬扒定食。午市定食 $158 + 10%1) 芝麻2) 麵豉湯3) 酸菜4) 白飯5) 吉列豬扒6) 西瓜杯點餐後, 店員奉上一碗芝麻和磨棒並細心講解, 先把芝麻略微磨碎, 不用磨至全碎, 然後加入豬扒汁待用。在磨碎芝麻期間, 已覺芝麻香氣樸鼻, 加入稠密的豬扒汁, 酸甜香口。麵豉湯材料不多, 有極少量海帶, 豆腐和硯。味道淡淡, 不會過濃。酸菜酸爽開胃, 有助減膩。白飯黏性高, 沾上芝麻豬扒汁同吃, 是另一番滋味。吉列豬扒切成５件, 外層炸得極脆, 不油膩, 肉質軟綿適中, 雖不juicy, 但也不柴。吉列豬扒除可沾芝麻豬扒汁外, 亦可沾鹽, 檸檬汁, 黃芥末 (味道過烈不推介), 食法多樣。椰菜絲沒調味夠清爽, 配芝麻豬扒汁同吃, 又是另一種食法。準備結賬時, 店員告知尚有生果杯, 頗為驚喜。西瓜大件清甜, 如是一口size會更好。整體來說, 店員友善親切, 吉列豬扒外脆內軟, 配搭清爽解膩的椰菜和醬汁, 吃畢不感膩滯。價格雖然不便宜, 但會再光顧。…查看更多

幾年前，友人話呢間吉列豬扒餐廳既食物水準好高，令佢非常回味，但一直未有同佢試。由於今年無得去旅行，加上上年係日本食過一間非常美味既吉列豬扒飯，所以決定去試下呢間連鎖餐廳，睇下係咪真係好似D食評講既咁好味。LUNCH時間人流唔多，被安排坐卡位。座位寬敞，地方整潔，加上日系裝潢，令人身心舒暢:)。點左一個LUNCH SET，吉列豬扒定食 $148職員首先比個研磨缽我磨芝麻，邊磨邊聞到芝麻香，令我對呢個吉列豬扒更期待!!套餐仲包一碗麵豉湯、漬物同飯後生果，當中飯同椰菜絲都可以任添，所以一定食得飽。湯中有一隻蜆，但其實作用不大，唔會因為佢而有海鮮味，所以個人覺得味道同一般麵豉湯分別不大。至於我期待已久既吉列豬，賣相吸引，大塊又厚身，但個人覺得味道實在一般。豬扒好瘦，肉味偏淡，肉質較實，完全唔鬆化，亦無乜肉汁，唯一優點係炸得夠乾身，唔會好油膩，炸衣唔會太厚亦夠脆。椰菜絲刨得好幼細，無乜草青味，配柚子汁或紫菜汁都非常開胃解膩，我同友人都refill左幾次。友人點左炸大蝦丼定食 $188三隻大蝦連蝦頭垂直放係丼飯上，非常吸睛!! 大蝦既size比想象中大隻，蝦頭亦炸到好脆，蝦頭比蝦身更有蝦味!! 炸粉同吉列豬扒一樣唔會好厚、夠乾身、脆口，蝦肉爽口彈牙，但略嫌蝦味偏淡，如沾上他他醬，會喧賓奪主，蓋過蝦味。整體用餐體驗，環境同職員服務都唔錯，職員有禮貎，而且好留意客人，主動幫客人添加椰菜絲/飯、主動收盤等。至於食物方面，可能我本身對佢期望過高，所以會拎佢同日本餐廳比較，結果有點失望，唯一吸引我既就只有呢度既白飯，彈牙、飽滿、有飯香。…查看更多

這間餐廳相信大家也不會陌生，想到吃吉列豬扒時，也會立即想起這間餐廳。每款主菜也會配有前菜以及湯。前菜是一碟酸瓜，也挺開胃。嗰個麵豉湯裏面，有蜆肉，豆腐材料都好多 ， 味道唔太鹹。他會給你一碗芝麻，你可以自己磨成芝麻粉，再加上豬扒的醬汁點來吃。首先叫了一個豚肉生姜定食。豚肉薑燒裏面啲豬肉夠淋同埋又有味，用好多嘅洋蔥炒加埋醬汁汁配搭很好 ， 也有椰菜絲伴碟 。🙂另一個叫了吉列豬扒定食，吉列豬扒炸得非常脆，而且份量也不少。配上了豬扒的醬汁再加飯來吃，非常非常好味😍但是價錢也不便宜。每枱旁邊放着醬汁，可以使用門口有很多食物的樣本，讓人一看便了解那一款想吃。有興趣吃炸豬扒的朋友可以來試一下。…查看更多