CoCo壹番屋 (皇室堡)

日式咖哩辣得黎甜，吸引到好多唔食咖哩或者唔食辣既人食，特別係女仔CoCo都係好popular既一間日本咖哩飯專門店，店入面除左堂食妳都可以買方便咖哩包返屋企食，加自己中意既食材店入面日本裝修有少少傾向拉麵店多過居酒屋既feel，坐得舒服既餐牌基本上就係咖哩飯，配唔同既野，真係好唔想食飯都有烏冬既，當然要試既就梗係日式咖哩既兩個好朋友 蛋同芝士配左個餐，餐湯係香草洋蔥湯，清湯種類，意外地清新好味飲落去都幾舒服，清啲配咖哩飯幾合適吉列豬扒咖哩蛋包飯，賣相不錯，先試下蛋包咖哩飯，蛋半生仍有蛋汁，配埋咖哩飯都幾好味，咖哩唔會死咸而夠香濃唯一係啲飯有少少太硬令口感唔夠滑，但都已經算幾好味吉列豬扒炸得夠脆，粉較多，但味道整體都算唔錯，配埋咖哩汁係爽嘅炒雞蛋咖哩飯加芝士，賣相都係差唔多，芝士隱藏左係咖哩入面，食既時候都有拉絲既效果炒雞蛋就同奄列差唔多，叫返奄列其實已經ok芝士加埋咖哩同蛋同飯，味道升級左，好正，芝士真係日式咖哩既好朋友，成個感覺有層次左食晒成個飯都唔會覺得食極一個味，推薦！最後驚喜係凍檸水，冰同檸檬係杯度，再俾支凍礦泉水你，好有外國飲野既style，係格調、服務、細節同心意加晒分整體食物中上，咖哩唔錯，服務同細節相當好如果加啲咖哩變既菜式，就會吸引我成日食#疫情下單人位間到好似一蘭咁#零售個位其實幾吸引…查看更多

日本品牌連鎖加盟店主打咖哩飯，個人覺得佢地嘅咖哩汁其實同用 S&B 嘅咖哩磚煮無乜大分別，不過作為咖哩控的我都喜歡久唔久幫櫬吓。～ 忌廉鷄肉奄列咖哩飯（5辛）套餐先嚟雜菜湯，同預期中一樣。。。罐頭味道濃厚，唔飲無損失。咖哩飯鷄肉嫩滑無雪藏味，鷄蛋奄列火喉控制得非常好，蛋味濃，蛋汁、忌廉汁加上5辛咖哩汁撈飯非常開胃。～ 吉列豬扒咖哩飯加菠菜（1辛）1辛嘅咖哩汁有豐富嘅咖哩香料味而無辣味，適合果D唔食得辣嘅朋友。要挑剔的話塊吉列豬扒薄身咗D ，另外加菠菜要加$15，以份量來㗕真係進取咗小小。。。～ 吉列豬扒奄列咖哩飯（3辛）鷄蛋奄列火喉真控制得非常好，蛋味濃，同咖哩汁一齊撈飯真係無得輸，呢個亦都係嚟呢到嘅主要原因。…查看更多

最近百德新街戲院重開，梗係要同老公去試下間新戲院，睇戲前去左皇室堡覓食。老公鍾意食咖喱，但又唔食得太辣， CoCo 嘅咖哩飯就啱晒佢。套餐: 任選兩款 + $18 / 任選三款 + $23 / 任選四款 +$28吉列豬扒奄列咖哩飯 $75 + $18 (套餐)是日餐湯，味道一般。吉列豬扒炸得唔錯，金黃色，好吸引。炸漿唔厚，咬落香口酥脆。豬扒保留到肉汁，唔會太乾。奄列嫩滑，有蛋汁，但飯嘅份量比較少。綠茶雪糕。紅酒燴牛肉奄列飯 $74 + $18餐 (套餐)是日餐湯，味道一般。紅酒汁味道唔錯，甜甜地。牛肉份量唔算太多，但肉質嫩滑。再加埋嫩滑嘅奄列一齊食，口感一流，同樣飯嘅份量比較少。綠茶雪糕。…查看更多