秘 (偉晴街)

好失望，性價比唔高，味道差。之前和朋友荃灣和佐敦店都食過，一年前味道不錯。一年後再次回訪，心思思想再食，但係呢次好伏！大約夜晚七點去到店，入面一個客人都沒有。侍應很冷淡，就說隨便坐。坐低後叫咗兩個餐一個係芝士吉列豚肉定食，一個吉列牛定食。似乎因為生意不佳，吉列豚肉味道很奇怪，肥肉和瘦肉各一半，難以入口。吉列牛很鹹。而且個湯，胡椒味也很重。男朋友評論吉列豚肉俾大家樂貴一倍，但難食好多。…查看更多

一句講晒：一次起兩次止👀如果試晒唔同嘅吉列餐 冇特別鍾意就未能吸引回頭事源我好鍾意食吉列豬扒不過香港啲日式吉列豬扒越嚟越貴😖於是就嚟左呢間吉列牛餐廳係網上寫十一點半開門個日因為早到 就係附近閒逛下先點知十一點半返到去已經開左門😮兩個人叫左吉列牛同豚肉燒定食+$20嘅定食有飯同溏心蛋侍應好細心👍🏻 問豚肉餐洗唔洗唔用牛油用花生油吉列牛食落對得住價錢 自己燒亦幾好玩 似足日本豚肉燒就較多肥膏 而且記住伴菜掂過生肉唔好食！！！…查看更多

幾個月前同朋友食過一次LUNCH之後終於帶到老公黎試.. 仲同埋兩個朋友一齊食DINNER. 我地六點就去食, 估唔到己經接近坐滿, 我地坐低之後剩返一張四人枱. 今次我地四個人叫左三個主食, 加兩個小食.同午市一樣, 晚市主食都可以加錢追加晚市定食. 晚市追加定食都有兩款, 研究過都係個湯既分別, 所以我地揀左平果個算. 板燒安格斯牛 + 追加定食份量勁足, 至少有十幾片牛肉熱辣辣石板直接自己燒, 鐘意幾多成熟都可以自己控制. 我鐘意比較生既口感, 所以我燒到3-4成就己經夠, 完全係入口溶化既感覺… 配埋佢個秘製醬汁一齊食真係不得了. 燒吉列牛 + 追加定食吉列牛相對香口多少少, 基本上個口感都同安格斯牛差不多.不過呢個我覺得要熟少少先好食.. 秘。燒牛肉野菜鍋初初望佢鍋仔細細，估唔到一樣都係份量十足。　牛肉好冧, 就咁用筷子都撕得開仲有勁多配料, 冬菇, 娃娃菜, 芋絲, 蘿白, 獅子狗, 全部都好入味. 總結：我地四個人最後埋單係五百幾蚊, 每人都係一百頭. 同埋餐廳都好好, 我地食完仲坐左係度吹水吹左勁耐都唔會趕我地走. …查看更多

見到公司附近有間燒肉 就諗住同同事去try下自己燒可以自己調節生熟程度😋我係食吉列牛覺得都幾好味 有驚喜肥瘦均勻 而且有埋吉列 外圍都幾脆份量都好夠 包埋汽水而我同事就係食黑松露吉列牛我都試左一件就覺得冇乜特別 冇乜黑松露味 但係就要貴40蚊我會prefer食吉列牛比較好不過有樣野唔好既就係佢個鐵板都幾彈油彈到d手機同袋都好油甘同埋冇紙圍裙俾客人 搞到彈到周圍都係依d都係可以改善既地方而雞翼就炸得幾脆卜卜幾有口感又唔會話好油甘 幾好食…查看更多

1440分先行到過黎佢哋1500落場不過佢哋好好人 仲比我哋入去黎過快食地方環境舒服 裝修又靚野食好正吉列牛 吉列豬 仲有野飲比想像中更好食最重要係 黃店食都食得舒服過人…查看更多

行過幾次都無位，今日剛巧在附近辦事，所以試下走轉過黎，2時半過黎碰運氣睇下有冇位啦，果然有位即入（因為多好評，所以去試下）如果就咁食燒肉，有啲普通，另唔想比黑松露 掩蓋咗牛扒嘅味道，所以選擇咗普通嘅吉列牛扒。薄薄一片片切開左嘅吉列牛扒，正常做法是每邊煎佢數秒，便可進食，生熟程度剛好。但......放入口時仍感覺肉質是有少許冰凍，可能是解凍未夠就拎去炸嘅關係（如果這諗法唔啱忽插， 純個人感覺），所以如果我要食沒有冰凍口感嘅牛扒，是要2邊煎到熟晒先可。致於秘製醬汁方面，是甜的，可能我本人不喜吃甜。整體 食物略見普通，但店員服務態度不錯。…查看更多

好多好評👍🏻想試😋本身想食晚餐，但驚排長龍所以都係Lunch去啦😆12:30pm到店，店入面已經有一半人，見外面都有2-3組人等緊因要齊人先入得，入到去坐低唔夠15分鐘已經坐滿人喇！我地叫左2個set、2個小食😙望落去d肉都好靚，厚薄適中既，有黑松露味，可能黑松露蓋過左d牛味所以牛味無乜😌但整體好食既又敢既價錢👍🏻我覺得比起黑松露果隻佢薄左小小，同埋佢要點醬汁會好食d熱辣辣，沙律醬太多可以小番啲沙律醬就好啦無特別正正常常，只係想食下菜叫下😅😅如果食吉列牛既CP值高而家敢熱既天氣唔洗排隊就更加好啦！想一試可考慮食Lunch😊…查看更多

早前朋友介紹來過一次，上次是吃黑松露吉列牛，覺得黑松露味很濃，今次想試沒有黑松露，原味吉列牛是什麼味道。個人覺得原味的牛味比較濃～朋友叫了鰻魚飯，還有豚肉飯，全部都非常好吃。豚肉一點也不乾，鰻魚也是超大塊的。另一個朋友叫了安格斯牛，安格斯牛稍為沒有那麼濃味，可以沾上它的汁。不過鰻魚飯如果午餐時會有特價便宜很多喔！話說我們晚上8:45，是平日，但門口也是超多人，最後等了半小時多，但還是覺得很值得！感覺也是會再來！…查看更多

夜晚去到尖沙咀/佐敦搵食，見係黃店就試一試。仍係疫情下，量體溫、清潔雙手都做得好足。當日去到無得訂位，喺門口排隊拎飛差唔多到你就已經要order定！叫了一個吉列牛+set 同一個Angus beef set仲加咗小食wasabi八爪魚🐙因為排隊落咗order.. 入到去坐低好快已經上嘢食，3分鐘都應該無首先係吉列牛，睇落如果同日本食開係細嚿小小，不過都非常好吃 加咗set 個溫泉蛋都有一粒(二半)再上就係Angus beef set ， 肉質都好好味啊 兩樣都唔會失望小食八爪魚就唔記得影相！但都令人滿意。不過跟餐嘅櫻花味湯就麻麻地啦，櫻花味道好出，唔係好識欣賞， 亦都冇飲晒。下次都有機會想試埋個鰻魚餐整體我覺得比銅鑼灣另一間食吉列牛嘅好味好多！不過如果想同朋友一路食嘢一路慢慢傾偈呢度就唔係一個好選擇啦，因為好多人排隊食完基本上就會離開…查看更多

在Instagram看到這家店的推薦那麼吸引，一直都很想過來，終於等到happy Friday，一下班立馬過來排隊。看到裡面座位不是很多，以為要等很久，卻幸運地很快就有兩人的座位。因為我們食量不大，只點了一份吉烈牛定食和一份鰻魚飯。牛肉炸過之後切開，所以邊緣香脆，在石板上每天大概烤十秒就可。口感非常鮮嫩，不會有渣，也非常肥美。配搭的秘之飯素提升米飯的鮮味，不配肉也好吃。飯定食的櫻花湯味道怪怪的，好像在喝淡鹽水，沒什麼味道。鰻魚飯也非常有驚喜，一般吃的鰻魚通常是軟嫩的，但這裡的鰻魚是非常有彈性的，配合醬汁和飯素，超級美味。看到旁邊吃味噌牛肉也非常吸引，下次一定要來吃。可是店面空氣不太流通，沒有烤肉店的抽油煙機，所以味道很重，趕快吃完就離開了。…查看更多

近排簡餐廳都要好小心，要支持與香港人同路小店，大大力懲罰！之前已經聽過呢間餐廳，但一直都無機會去。自今年6月之後，都無咩點出街搵好西。直至有朋友仔整左餐廳list,先決心要每日懲罰黃店！上網睇，餐廳好多人排隊，簡左星期六中午黎，擔心要等，仲訂左位。中午黎到，門外就無人龍，但入面基本都滿座。2個人黎食，叫左最多人推薦既吉列牛同鰻魚飯，配飯素。吉列牛定食（$128）配溫泉蛋加飯素（不包飲品），牛肉係美國牛，以呢個價錢黎講，牛肉品質相當唔錯，都有少少雪花，雖然唔算入口即溶，但唔會好銀，都好淋，絕對對得起個價錢有餘。比起吉列牛忌廉烏冬個間好味好好好多！加上仲要平啲，超高cp值。鰻魚飯午市$58加$20配飯素、溫泉蛋加飲品，加埋都係$78，鰻魚仲要好長，真係超超超值！！！鰻魚飯味道都十分正常，無其他食評人講列咁喊（好似係，可能我比較重口味）2人一共食左$206，唔洗加一，以呢個價錢加上食品品質，無得彈，絕對會再次幫襯，極力推介…查看更多

今日本身諗住係佐敦食壽司，但實在太多人，所以決定放棄食其他野。係佐敦就第一時間諗起秘呢間餐廳，因為自己都好喜愛食吉列牛。今次就叫左個板燒吉列牛$108，而午市定食就加$20會有一個秘之飯素，楓糖流心蛋同一罐汽水。我個人就覺得都幾抵食。亦都加左個手羽先，$48有4隻。吉列牛外層都幾脆而內裡既牛幾有口感亦有牛味，本人就唔喜歡太熟，怕太熟會失去嫩滑口感。個飯個人都幾喜歡，因為將佢攪勻會有少少甜味，加埋個吉列牛口感非常滿足。手羽先外脆內嫩，外皮唔係炸得好厚，唔會有好多粉既感覺。…查看更多

今日跟同事走到佐敦偉晴街食lunch，餐廳地方唔算大，我哋十二點幾到仲有枱👍🏻同事極力推介哩到嘅吉列牛，咁我就同隔離同事叫咗一個吉列牛定食同一個蒲燒原條鰻魚飯定食share🍴😋吉列牛係用安格斯牛，外面加上麵包糠將外皮炸脆鎖住肉汁，客人可以先用牛脂肪塗喺石板上，然後將生嘅吉列牛放喺燒熱嘅石板上面慢慢煮熟，牛外面嘅吉列煮熟之後依然卜卜脆，外脆內嫩，好味👍🏻😋鰻魚原條上👍🏻，調味恰到好處，燒得香口惹味👍🏻😋我哋加$20配定食，兩份定食都分量充足，有一隻糖心蛋同紫菜飯，套餐仲有飲品👍🏻偉晴街真係多驚喜，又揾多一間好食嘅餐廳👍🏻…查看更多

在圓方商場工作，附近實在沒有很好的午餐選擇。這次除了同事來到佐敦的這間秘的日本餐廳試試。他們說這裏的午餐味道十分不錯，而且價錢實惠，所以便來試試。我們大約12:30後進入餐廳，很好有六個位置，不需要排隊便能用膳。我們一行六人，二人一組，各點了一個蒲燒鰻魚飯及吉列牛share。首先上菜的是這個$58的蒲燒鰻魚飯。鰻魚的size 十分大，同事們都說如果平日在超市，只是單買鰻魚也說接近80至$100。要注意所有的菜式價錢也只是單點，加$20便可以配上飲品（汽水），半熟玉子及飯素。個人覺得鰻魚飯的賣相十分好，味道卻只是一般，純粹是價錢上取勝。接下來的是吉列牛餐，這裏有鐵板附上的，還有一舊牛的脂肪當是油。從照片也看得出，吉列牛的份量相當不俗。我們二人分着來吃，每人也可吃到四至五片的吉列牛。我建議輕輕把牛肉兩面烤熟便能吃了。店家好像沒有強調是熟成的牛㐸，但放入口時仍是十分軟腍及有肉味的，牛肉也沒有筋，十分好吃。下次會再來吃的但不會加20要套餐了，因對汽水及玉子無大興趣呢。…查看更多

第一次食秘係荃灣分店，果陣仲戰戰兢兢晚上6點即刻去食，因為都唔少人排隊。睇OpenRice知道原來佢有分店係佐敦就馬上去試下。店舖唔算太大，入坐率大概八成，而我地當日有訂位所以都唔使等。雖然menu都有唔少選擇，但都係鍾意食佢皇牌既燒吉列牛。我地亦叫左饅魚饅同野菜鍋（無影相）。吉列牛依舊好食，但本人最滿意係秘既飯素飯，佢應該係加左秘制醬汁，係出面食唔到既味道。 饅魚飯同野菜鍋都幾出色饅魚夠大條，野菜鍋落左清酒去煮都幾香。…查看更多